ដោយ៖ ឆុង ស៊ីណាន | ថ្ងៃសៅរ៍ ទី1 សីហា 2015
http://vodhotnews.com
អាជ្ញាធរខេត្តកំពត គ្រោងជួប អាជ្ញាធរវៀតណាម នៅសប្តាហ៍ក្រោយនេះដើម្បីពិភាក្សាពីខ្សែបន្ទាត់ព្រំដែន ខណៈអាជ្ញាខ្មែរ រកឃើញថា អាប្រទេសជិតខាងជាប់ព្រំដែនមួយនេះ បានធ្វើផ្លូលលំមួយខ្សែរំលោភចូលដីកម្ពុជា ។
នៅចុងខែកក្កដាឆ្នាំ២០១៥នេះ កម្លាំងការពារព្រំដែនកម្ពុជា បានស្នើឲ្យអាជ្ញាធរវៀតណាម ផ្អាកធ្វើផ្លូវលំមួយខ្សែបណ្តោយ៣០០ម៉ែត្រ ទទឹង៥ ជាបណ្តោះអាសន្ន រង់ចាំដំណោះស្រាយពីថ្នាក់លើ ដោយកម្ពុជារកឃើញថា ការធ្វើផ្លូវនោះ វៀតណាមបានរំលោភចូលទឹកដីកម្ពុជា ប្រមាណជា២០ម៉ែត្រ ត្រង់បង្គោលលេខ ៣១២ និង លេខ ៣១៣ ស្ថិតនៅក្នុងភូមិថ្កូវ ឃុំឬស្សីស្រុកខាងលិច ស្រុកកំពង់ត្រាច ខេត្តកំពត់។
តាមការសែតរស្មីកម្ពុជា ចុះផ្សាយនៅថ្ងៃសៅរ៍នេះ ឲ្យដឹងថា អាជ្ញាធរខេត្តកំពត និងដឹកនាំក្រុមការងារខេត្ត ទៅចូលរួមប្រជុំជាមួយភាគីវៀតណាម នៅខេត្តគៀងយ៉ាង ប្រទេសវៀតណាមដើម្បីដោះស្រាយបញ្ហានេះ ។
កន្លងទៅកម្ពុជា បានផ្ញើកំណត់ការទូត តវ៉ា ទៅរដ្ឋាភិបាលវៀតណាម ឲ្យបញ្ឈប់ធ្វើផ្លូវ រំលោភខ្សែបន្ទាត់ព្រំដែន ចូលទឹកដីកម្ពុជា ដូចជានៅខេត្តស្វាយរៀង តវ៉ាឲ្យវៀតណាម លប់ស្រះនៅខេត្តរតនគីរី នឹងស្នើឲ្យវៀតណាម ផ្អាកធ្វើប៉ូស្តិ៍យោធានៅខេត្តកណ្តាលជាដើម ។
ប៉ុន្តែមកដល់ពេលនេះ តំបន់មួយចំនួន នៅតាមខ្សែបន្ទាត់ព្រំដែន នៅតែអះអាងមកថា វៀតណាមនៅតែធ្វើសកម្មភាព បំពានលើកិច្ចព្រមព្រៀង ។
ការបោះបង្គោលព្រំដែន ជាមួយវៀតណាម ត្រូវគណបក្សប្រឆាំងចោទថា រដ្ឋាភិបាលបានប្រើផែនទីក្លែងក្លាយ ជាឱកាសឲ្យប្រទេសជិតខាងមួយនេះ ចេះតែបន្តលួចរំកិលខ្សែបន្ទាត់ព្រំដែន ។ ប៉ុន្តែកាចោទប្រកាន់នេះ ត្រូវរាជរដ្ឋាភិបាលច្រានចោល និងបានស្នើសុំផែនទីខ្នាត១លើ១០០០០០០ពីអង្គការសហប្រជាជាតិមកផ្ទៀងផ្ទាត់ ដើម្បីជម្រះមន្ទិលនៃការចោទប្រកាន់ ៕
សូមសរសេរមកកាន់លោក ឆុង ស៊ីណាន តាមរយៈ Chhong.sinan@yahoo.com
ប្រមុខរដ្ឋាភិបាលមិនទៅបែរឲ្យពួកខែត្រទៅឆ្គួតទេឫអី???រឿងយួនរំលោភបូរណភាពដែនដីណា???
យូរៗទៅបែរជាថ្នាក់ខែត្រទៅដោះស្រាយទៅវិញ? ហើយនៅនិយាយជាមួយពួកវាទៀតបានការអីទៀត
វាទុកប្រទេសខ្មែរដូចសំរ៉ាមទៅហើយនឹង ។ និយាយកាលប្រជុំចេះតែបែរមកធ្វើចុះ កំហុសនេះតើអ្នក
ណាជាអ្នកទទួលខុសត្រួវឬក៏ប្រជាជន? តើប្រជាជនបន្ទោសរដ្ឋាភិបាលខុសដែលឬទេបងៗដែលតែង
តែមកខំមិនការពាររដ្ឋាភិបាលនោះ?
កាលណាប្រជាជន២នាក់ឈ្លោះគ្នាដោះស្រាយមិនចេញគឺត្រូវរកអាជ្ញាធម័អោយជួយ….សំរាប់ប្រទេសពីរកាលណាមិនព្រមរៀងខ្លួនចឹងគឺត្រូវរកតុលាការអន្តរជាតិ