ដោយ៖ ញឹម សុខន | ថ្ងៃចន្ទ ទី3 សីហា 2015, 05:35 PM
http://vodhotnews.com
លោក ឈូក បណ្ឌិត អតីតអភិបាលក្រុងបាវិត កាលមិនទាន់គេចខ្លួន
លោកនាយករដ្ឋមន្ត្រី ហ៊ុន សែន នៅថ្ងៃចន្ទនេះ បានរំឭកពីវិធានការរបស់ក្រសួងមហាផ្ទៃ ដែលបានចេញបញ្ជាឲ្យតាមចាប់ខ្លួនខ្មាន់កាំភ្លើង ឈូក បណ្ឌិត ដោយលោកបញ្ជាក់ថា បទព្រហ្មទណ្ឌជាកំហុសរបស់កម្លាំងសមត្ថកិច្ច បើពួកគេមិនតាមចាប់ខ្លួនជនដៃដល់មកផ្តន្ទាទោស។
លោក ហ៊ុន សែន បានថ្លែងបែបនេះ ក្នុងពិធីសម្ពោធស្ពាន នៅក្រុងតាខ្មៅ ខេត្តកណ្តាល ព្រឹកថ្ងៃទី៣ ខែសីហានេះ។ ប៉ុន្តែករណីលោក ឈូក បណ្ឌិត ដែលតុលាការបានកាត់កោសទោសរួចហើយ លោក ហ៊ុន សែន គ្រាន់តែរំឭកពីចំណាត់ការរបស់ក្រសួងមហាផ្ទៃ ដែលស្នើឲ្យនគរបាលអន្តរជាតិជួយចាប់អតីតអភិបាលក្រុងរូបនេះមកអនុវត្តទោសប៉ុណ្ណោះ។
ទោះជាយ៉ាង លោកនាយករដ្ឋមន្ត្រី ហ៊ុន សែន បញ្ជាឲ្យកម្លាំងសមត្ថកិច្ច តាមចាប់ខ្លួនមនុស្សមួយចំនួនទៀត ដែលលោកថា បានប្រើហិង្សា វាយទៅលើកម្លាំងអាជ្ញាធរ បង្កឲ្យរងរបួសក្នុងព្រឹត្តិការណ៍ផ្ទុះហិង្សាមួយ ជិតទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤ទៅវិញទេ។
កាលពីថ្ងៃទី២៨ ខែកក្កដា ឆ្នាំ២០១៥ អគ្គស្នងការនគរបាលជាតិ បានស្នើឲ្យប្រទេសចំនួន១៩០លើពិភពលោក សហការជាមួយកម្ពុជា តាមចាប់ខ្លួនទណ្ឌិត ឈូក បណ្ឌិត មកផ្តន្ទាទោសតាមសាលដីកាតុលាការកម្ពុជា។
អតីតអភិបាលក្រុងបាវិត លោក ឈូក បណ្ឌិត ត្រូវតុលាការរកឃើញថាជាខ្មាន់កាំភ្លើងបាញ់កម្មករ៣នាក់ឲ្យរងរបួស កាលពីថ្ងៃទី២០ ខែកុម្ភៈ ឆ្នាំ២០១២ នៅរោងចក្រកៅវ៉េ ខេត្តស្វាយរៀង។
លុះដល់ឆ្នាំ២០១៣ សាលាដំបូងខេត្តនេះ បានចេញដីការឲ្យតាមចាប់ខ្លួន ឈូក បណ្ឌិត មកផ្តទ្ទាទោស១៨ខែ ចោទពីបទបង្ករបួសស្នាមដោយអចេតនា។ ប៉ុន្តែសង្គមស៊ីវិលដែលធ្វើការលើកកម្ពស់សិទ្ធិកម្មករ មានជំនឿតិចតួចថា ទណ្ឌិតរូបនោះ នឹងត្រូវសមត្ថកិច្ចនាំខ្លួនមកទទួលទោសដោយអះអាងថា ខ្មាន់កាំភ្លើងរូបនោះ មានអ្នកមានអំណាចដ៏មានឥទ្ធិពលជាអ្នកការពារ។
ជាការកត់សម្គាល់ រាល់ការគំរាម ឬបញ្ជាឲ្យផ្ទាល់មាត់ពីនាយករដ្ឋមន្ត្រី ឲ្យចាត់វិធានការទៅលើជនសង្ស័យណាមួយ គឺសមត្ថកិច្ចតែងតែអនុវត្តដោយមានប្រសិទ្ធភាព៕
សូមសរសេរមកលោក ញឹម សុខន តាមរយៈ sokhorn@vodhotnews.com
ចាប់អាចម៌ អាអាចម៌ ។
He hides in his girl friend home , he make love with her every night. Lol