ដោយ៖ ញឹម សុខន | ថ្ងៃសុក្រ ទី2 តុលា 2015, 05:29 PM
http://vodhotnews.com
ស្តាប់សំឡេង៖ |
ចម្លងទុក |
លោក ហុង សុខហួរ កាលពីមិនទាន់ឃុំខ្លួន (រូបថត៖ ទេព សូនី)
សមាជិកព្រឹទ្ធសភារបស់គណបក្សប្រឆាំងមួយរូបដែលជាប់ចោទក្នុងសំណុំរឿងព្រំដែនស្នើតុលាការទម្លាក់ចោលបទចោទ ដោយអះអាងក្នុងអង្គជំនុំជម្រះថាខ្លួនមិនបានប្រព្រឹត្តខុសដូចការចោទប្រកាន់។
សមាជិកព្រឹទ្ធសភារបស់គណបក្សសម រង្ស៊ី លោក ហុង សុខហួរ ត្រូវបានចាប់ឃុំខ្លួនបណ្តោះអាសន្ន បន្ទាប់ពីការបញ្ជារបស់លោក ហ៊ុន សែន កាលពីពាក់កណ្តាលសីហាឆ្នាំ២០១៥។ តុលាការបានចោទពីបទក្លែងឯកសារ ប្រើប្រាស់ឯកសារក្លែងនិងញុះញង់ឲ្យមានបទឧក្រិដ្ឋបង្កឲ្យមានអសន្តិសុខសង្គម ក្រោយពីជនជាប់ចោទរូបនោះ រិះគន់សន្ធិសញ្ញាព្រំដែនកម្ពុជាវៀតណាមឆ្នាំ១៩៧៩ បង្ហោះហើយតាមបណ្តាញសង្គមផ្ទាល់របស់លោក សម រង្ស៊ី។
លោក ហុង សុខហួរ អះអាងក្នុងអង្គជំនុំជម្រះព្រឹកថ្ងៃទី២ ខែតុលានេះថាលោកមិនបានក្លែងឯកសារនៃសន្ធិសញ្ញាឆ្នាំ១៩៧៩នោះទេ ដោយអះអាងថាឯកសារទាំងស្រុងត្រូវបានទាញយកពីគេហទំព័រអន្តរជាតិមួយឈ្មោះ (Google page)។
សមាជិកព្រឹទ្ធសភារូបនោះឲ្យដឹងទៀតថាការផ្សព្វផ្សាឯកសារនេះក្នុងបំណងបង្ហាញឲ្យសាធារណជនពិចារណារកការពិតពីដំណើការបោះបង្គោលព្រំដែន ខណៈដែលអ្នកនយោបាយខ្មែរកំពុងខ្វែងគំនិតគ្នាលើការប្រើផែនទី។
លោក ហុង សុខហួរ អះអាងទៀតថាក្នុងវីដេអូដែលបានបង្ហោះនោះ លោកក៏បានអំពាវនាវឲ្យមេដឹកនាំគណបក្សទាំងពីរ ត្រូវបើកការចរចាដោយយោគយល់គ្នាដើម្បីស្វែងរកដំណោះស្រាយរឿងព្រំដែន ដើម្បីបញ្ចៀសការយល់ច្រឡំពីសាធារណជន។
ប្រាប់អ្នកសារព័ត៌មានមុនកម្លាំងការពាររុញបញ្ចូលរថយន្តដឹកទៅឃុំខ្លួននៅពន្ធនាគារវិញ លោក ហុង សុខហួរ រំពឹងថា តាមការបំភ្លឺរបស់លោកក្នុងអង្គជំនុំជម្រះ លោកជឿថាចៅក្រមនឹងពិចារណាលើការសម្រេចក្តីនេះដោយយុត្តិធម៌។
ក្នុងសវនាការនោះ ព្រះរាជអាជ្ញាក៏បានស្នើការឯកភាពពីចៅក្រមនិងជនជាប់ចោទដើម្បីបានចាក់ឡើងវិញ នូវវីដេអូឃ្លីបរិះគន់សន្ធិសញ្ញាឆ្នាំ១៩៧៩ ដែលឈានទៅចាប់ខ្លួនលោក ហុង សុខហួរ ផងដែរ។
មេធាវីការពារក្តី លោក ហុង សុខហួរ គឺលោក ជួង ជូងី អះអាងថាការចាក់វីដេអូឃ្លីបនេះ លោកយល់ថាជាការព្យាយាមរបស់ព្រះរាជអាជ្ញា ដើម្បីដាក់បន្ទុកកូនក្តីរបស់លោក ប៉ុន្តែលោកថាមេធាវីនឹងព្យាយាមរកភស្តុតាងបន្ថែមទៀត បង្ហាញទៅចៅក្រមឲ្យទម្លាក់បទចោទទាំងនោះ។
មន្ត្រីឃ្លាំមើលការរំលោភសិទ្ធិមនុស្សនៅអង្គការលីកាដូ លោក អំ សំអាត ដែលចូលស្តាប់សវនាការអះអាងថា បើស្តាប់ការសួរដេញដោល និងពិនិត្យលើវីដេអូឃ្លីប ដែលព្រះរាជអាជ្ញាឲ្យចាក់ឡើងវិញនោះបង្ហាញថាលោក ហុង សុខហួរ ហាក់មិនបានប្រព្រឹត្តដូចការចោទប្រកាន់ទេ។
ស្របតុលាការកំពុងបើកសវនាការ មានក្រុមអ្នកតវ៉ានៅមុខតុលាការបានទាមទារឲ្យចៅក្រមទម្លាក់បទចោទ លើសមាជិកព្រឹទ្ធសភារូបនេះដោយពួកគេអះអាងថាលោក ហុង សុខហួរ ជាអ្នកស្នេហាជាតិមិនចង់ឲ្យកម្ពុជាបាត់បង់ទឹកដីទៅប្រទេសជិតខាង។
ជាការកត់សម្គាល់ ចៅក្រមបីនាក់និងព្រះរាជអាជ្ញាក្នុងអង្គសវនាការបានសួរដេញដោលលោក ហុង សុខហួរ ម្តងហើយម្តងទៀតពីលទ្ធភាពដែលជនជាប់ចោទមិនប្រើប្រាស់ហ្វេសប៊ុកផ្ទាល់ខ្លួន ពេលបង្ហោះឯកសាររិះគន់រឿងព្រំដែននេះ ហើយបែរជាទៅប្រើហ្វេសប៊ុករបស់លោក សម រង្ស៊ី ទៅវិញ។
យ៉ាងណាក៏ដោយ សវនាការពេញមួយព្រឹកក្នុងសំណុំរឿងលោក ហុង សុខហួរ នេះ តុលាការមិនទាន់សម្រេចយ៉ាងណាទេ ដោយលើកយកទៅបន្តជំនុំជម្រះនៅរសៀលថ្ងៃទី៧ខែតុលា ឆ្នាំ២០១៥បន្តទៀត៕
សូមសរសេរមកលោក ញឹម សុខន តាមរយៈ sokhorn@vodhotnews.com
លោក ហុង សុខហួរ ស្នើតុលាការទម្លាក់បទចោទរឿងក្លែងបន្លំឯកសារ (វីដេអូ)
ដោយ៖ សារ៉ែម | ថ្ងៃសៅរ៍ ទី3 តុលា 2015
http://vodhotnews.com
លោក ហុង សុខហួរ ស្នើតុលាការទម្លាក់បទចោទរឿងក្លែងបន្លំឯកសារ
ហុង សុខហរ ខំការពារភាពស្អាតស្អំស្អីបើ សម រង្សី ដែលជាចៅហ្វាយបាននិយាយថាទង្វើរបស់សមាជិកសភា ហុង សុខហរ ធ្វើជាទង្វើខុសច្បាប់ ?
who ever bury parish accord are the trator’ who ever sign the treaties 1980,1982,1985,2005 are the traitor’so hun-sen and heng sam ring sign these treaties must responsibility and in the history .youn-veitcong force these two dump clown to sing and gave tral island to veitname but singapor never accepted because these treaties against the cambodia nation’even international not accepted either so youn-veit must return tral island back to cambodia ‘.all spirits who die during fighting 1979 till 1991 not rest in peace because the traitor bury parish accord so we must fighting and take tral island back.mr hong sok hour is the men who protect our heritage and he the nationalist but youn veitcong dog very worry because he knew that he betray the country so try to catch the nationalist who protect the country or afraid of losing election 2018 and scaring from veitname to killed the dog who no more used for them.GOD bless all cambodian people’