ដោយ៖ ទូច សុខា និង ស៊ុន ណារិន | ថ្ងៃចន្ទ ទី30 វិច្ឆិកា 2015
http://vodhotnews.com
រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុនីរ័ត្ន បានថ្លែងនៅរដ្ឋសភាថាការបង្កើនកម្ចីបរទេសចាប់ពីឆ្នាំ២០១៦ ធ្វើឡើងស្របតាមកំណើនសេដ្ឋកិច្ចកម្ពុជា ដែលលោកអះអាងថាមិនធ្វើឲ្យកម្ពុជា”ជំពាក់វ័ណ្ឌក”នោះទេ។
លោកបានថ្លែងបែបនេះទៅកាន់តំណាងរាស្រ្តគណបក្សប្រជាជនកម្ពុជា៦៦រូបក្នុងចំណោម៦៨រូប ដែលបានចូលរួមប្រជុំសភានៅព្រឹកថ្ងៃចន្ទនេះ ដើម្បីពិភាក្សានិងអនុម័តច្បាប់ស្តីពីការគ្រប់គ្រងថវិកាជាតិឆ្នាំ២០១៦។ តំណាងរាស្រ្តគណបក្សសង្រ្គោះជាតិទាំង៥៥រូបបានធ្វើពហិការមិនចូលរួមប្រជុំសភានោះទេ ដោយសារភាពតានតឹងនយោបាយក្នុងរយៈពេលចុងក្រោយនេះ។
រដ្ឋមន្រ្តីក្រសួងសេដ្ឋកិច្ចបានថ្លែងថាកម្ពុជាមានគម្រោងខ្ចីប្រាក់ពីបរទេសប្រមាណ៩៨០ទៅ១១២០លានដុល្លារក្នុងមួយឆ្នាំចាប់ពីឆ្នាំ២០១៦ ដោយលោកថាចំនួននេះស្មើនឹង៤,៧ភាគរយនៃផលិតផលក្នុងស្រុកសរុបរបស់កម្ពុជា(GDP)សម្រាប់ឆ្នាំក្រោយៗទៀត។ លោកបន្តថាកាលពីឆ្នាំមុនៗ រដ្ឋាភិបាលបានខ្ចីប្រមាណ៨៤០លានដុល្លារដែលចំនួននេះស្មើពី៦ទៅ៧ភាគរយនៃGDP។
ទោះជាយ៉ាងណា លោក អូន ព័ន្ធមុនីរ័ត្ន បានបញ្ជាក់ថាការខ្ចីពិតប្រាកដអាចទាបជាងនេះ ហើយលោកថាការខ្ចីនេះស្របតាមកំណើនសេដ្ឋកិច្ចនិងមិនធ្វើឲ្យកម្ពុជា”ជំពាក់វ័ណ្ឌក”នោះទេ។ លោកបន្តថាកម្ចីបរទេសនោះមានអត្រាការប្រាក់ទាបផងដែរ។
រដ្ឋសភាបានសម្រេចអនុម័តសេចក្តីព្រាងច្បាប់នេះ ដោយសំឡេង៦៦លើ៦៦នៃតំណាងរាស្រ្តគណបក្សប្រជាជនកម្ពុជា ដែលមានចូលរួមប្រជុំសភា។
ឯកសារយុទ្ធសាស្រ្តស្តីពីការគ្រប់គ្រងបំណុលសាធារណៈឆ្នាំ២០១៥-២០១៨រៀបចំដោយក្រសួងសេដ្ឋកិច្ចនិងហិរញ្ញវត្ថុ ហើយវីអូឌី(VOD)ទទួលបាន លើកឡើងថា៖ “រាជរដ្ឋាភិបាលនឹងប្រើប្រាស់ឥណទានសម្បទានសម្រាប់វិស័យហេដ្ឋារចនាសម្ព័ន្ធរូបវន្តដែលមានប្រសិទ្ធភាពសេដ្ឋកិច្ចខ្ពស់និងវិស័យបង្កើនផលិតភាពផលិតកម្ម សំដៅទ្រទ្រង់ចីរភាពកំណើនរយៈពេលវែង ដូចជាផ្លូវ ថ្នល់ស្ពាន ប្រព័ន្ធស្រោចស្រព អគ្គិសនី កំពង់ផែ ការផ្គត់ផ្គង់ទឹកស្អាតនៅទីប្រជុំជន ស្ថានីយ៍សម្អាតទឹក កខ្វក់ និងការបណ្តុះបណ្តាលវិជ្ជាជីវៈសម្រាប់ជំរុញការអភិវឌ្ឍវិស័យឧស្សាហកម្មជាដើម”។ ឯកសារបន្តថារដ្ឋាភិបាលនឹងបន្តពង្រឹងប្រសិទ្ធភាពចំណាយវិនិយោគសាធារណៈ បន្តទទួលយកតែឥណទានដែលមានកម្រិតសម្បទានឬលក្ខខណ្ឌអនុគ្រោះខ្ពស់ បន្តអនុវត្តគោលនយោបាយនិងកម្មវិធីកែទម្រង់ក្នុងវិស័យសំខាន់ៗ សំដៅសម្រេចបាននូវចីរភាពកំណើនសេដ្ឋកិច្ចរយៈពេលមធ្យមក្នុងរង្វង់៧ភាគរយ បន្តពង្រឹងការអភិវឌ្ឍធនធាមនុស្សនិងសមត្ថភាពស្ថាប័នពាក់ព័ន្ធនឹងការគ្រប់គ្រងបំណុលសាធារណៈឲ្យមានប្រសិទ្ធភាពខ្ពស់។
បើតាមឯកសារនោះ រដ្ឋាភិបាលបានអនុម័តឯកសារយុទ្ធសាស្រ្តស្តីពីបំណុលឆ្នាំ២០១១-២០១៨ ដោយខ្ចីបន្ថែមក្នុងរង្វង់៥៥២ទៅ៩៦៧លានដុល្លារ ប៉ុន្តែរដ្ឋាភិបាលបានធ្វើបច្ចុប្បន្នកម្មសម្រាប់ឯកសារយុទ្ធសាស្រ្ត២០១៥-២០១៨ ដោយបង្កើនការខ្ចីបុល។
ក្នុងឯកសារនោះ លោកនាយករដ្ឋមន្រ្តី ហ៊ុន សែន ក៏បានបង្ហាញពីការព្រួយបារម្ភលើការអនុវត្តគោលនយោបាយដំឡើងប្រាក់បៀវត្សរ៍ជូនមន្រ្តីរាជការស៊ីវិលនិងកងកម្លាំងប្រដាប់អាវុធ ដើម្បីឈានទៅសម្រេចគោលដៅឲ្យបានជាង១លានរៀលក្នុងមួយខែក្នុងឆ្នាំ២០១៨។ លោក ហ៊ុន សែន ក៏បារម្ភពីភាពរាំងស្ងួតនៃហិរញ្ញប្បទានឥតសំណងនិងឥណទានដែលមានកម្រិតសម្បទានខ្ពស់និងប្រសិទ្ធភាពនៃការគ្រប់គ្រងគម្រោងវិនិយោគសាធារណៈជាដើម។
លោក ហ៊ុន សែន បានសរសេរនៅលើហ្វេសប៊ុករបស់លោកនៅព្រឹកថ្ងៃចន្ទនេះថា៖ “សង្ឃឹមថា រដ្ឋសភានឹងអនុម័តច្បាប់នេះដើម្បីរាជរដ្ឋាភិបាលដឹកនាំចាត់ចែងការងារលើគ្រប់វិស័យបន្តទៀត ក្នុងនោះក៏មានការដំឡើងបៀវត្សជូនមន្ត្រីរាជការ កងកម្លាំងប្រដាប់អាវុធ មន្ត្រីជាប់កិច្ចសន្យានិងនិវត្តន៍ជនផងដែរ”។ លោកបន្តថា៖ “ច្បាប់ថវិកាឆ្នាំ២០១៦ក៏លុបចោលផងដែរនូវពន្ធតាមរបបម៉ៅការដើម្បសម្រួលដល់អាជីវករតូចតាចដែលលក់ដូរបន្តិចបន្តួចដើម្បីចិញ្ចឹមជីវិត។ច្បាប់នេះក៏នឹងលុបចោលពន្ធលើមធ្យោបាយដឹកជញ្ជូននិងយានជំនិះមួយចំនួនដូចជាទោចក្រយានយន្ត ត្រីចក្រយាន្តយន្ត ត្រាក់ទ័រ គោយន្តនិងជលយាន្តតូចៗ ដើម្បីជួយកាត់បន្ថយការចំណាយនិងលើកកម្ពស់ជីវភាពប្រជាជន”។
ក្នុងឆ្នាំ២០១៦ខាងមុខនេះ រដ្ឋាភិបាលគ្រោងចំណាយថវិកាជាតិប្រហែលជា៤៣០០លានដុល្លារ ដែលកើនលើសឆ្នាំ២០១៥ ចំនួន១៦ភាគរយ។
តំណាងរាស្រ្តគណបក្សសង្រ្គោះជាតិមណ្ឌលពោធិ៍សាត់ លោក ងឹម ញេង ធ្លាប់មានប្រសាសន៍ថារដ្ឋាភិបាលគួរតែបន្ថយឬបញ្ឈប់ការខ្ចីបុលបរទេសរហូតមកដល់ពេលនេះ ដោយលោកពន្យល់ថាចាប់ពីកម្ពុជាមានកិច្ចព្រមព្រៀងទីក្រុងប៉ារីសឆ្នាំ១៩៩១ រដ្ឋាភិបាលនៅតែខ្ចីបុលបរទេសក្នុងទំហំច្រើន។ លោករិះគន់រដ្ឋាភិបាលថាមិនមានសមត្ថភាពប្រមូលពន្ធឲ្យមានប្រសិទ្ធភាព ទើបនាំឲ្យមានការខ្ចីបុលច្រើន។
លោកមានប្រសាសន៍ថា៖ “ការប្រមូលពន្ធយើង កំពប់ច្រើន ពន្ធប្រមូលចូលរដ្ឋអត់បានមូលទេ ដោយសារអសមត្ថភាពរបស់មន្រ្តីដែលធ្វើការងារប្រមូលពន្ធនេះ មន្រ្តីមិនមានឆន្ទៈប្រមូលពន្ធពិតប្រាកដ ជាពិសេសបញ្ហាអំពើពុករលួយ ដែលធ្វើឲ្យការប្រមូលពន្ធមិនគ្រប់ ហើយត្រូវខ្ចីបរទេស។ ជាង២០ឆ្នាំ យើងគួរតែឈប់ខ្ចីគេ ហើយគិតពីការសងគេវិញ”។ លោកបន្តថា៖ “នេះជាចំណុចអវិជ្ជមានមួយ មកដល់ម៉ោងនេះ យើងបង្កើតការខ្ចីបុលគេ យើងគួរតែបន្ថយឬបញ្ឈប់ ដោយប្រមូលពន្ធឲ្យមានប្រសិទ្ធភាព។ ការបង្កើននេះវាជាគ្រោះថ្នាក់ដល់ជាតិនិងប្រជាជនកម្ពុជាដែលជាកូនបំណុល”។
កន្លងទៅ លោកនាយករដ្ឋមន្ត្រី ហ៊ុន សែន បានបញ្ជាក់ថាកម្ពុជាសម្រេចបានកំណើនសេដ្ឋកិច្ចប្រចាំឆ្នាំជាមធ្យម៧,៧%ក្នុងរយៈពេលពីរទស្សវត្សរ៍ចុងក្រោយហើយត្រូវបានធនាគារពិភពលោកចាត់បញ្ចូលជាប្រទេសក្នុងក្រុមឯកទគ្គករកំណើនទាំងប្រាំបីនៅលើពិភពលោក។
អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន ធ្លាប់លើកឡើងថាអត្រានៃប្រាក់បំណុលសាធារណៈរបស់ប្រជាពលរដ្ឋកម្ពុជាម្នាក់គឺ៤០០ដុល្លារ។ លោកបញ្ជាក់ថាកម្ពុជាបានជំពាក់បំណុលអាមេរិកចំនួន១៦១លានដុល្លារនិងរុស្ស៊ីចំនួន៤៥៨លានដុល្លារ។
របាយការណ៍រួមរបស់ធនាគារពិភពលោកនិងមូនិធិរូបិយប័ណ្ណអន្តរជាតិធ្វើឡើងក្នុងឆ្នាំ២០១៣ ឲ្យដឹងថានៅបំណាច់ឆ្នាំ២០១២ កម្ពុជាមានបំណុល៤៥០០លានដុល្លារ៕
អានអត្ថបទ៖ រដ្ឋាភិបាលបង្កើនកម្ចីបរទេសចាប់ពីឆ្នាំ២០១៦ ដោយខ្ចីចន្លោះពី៩០០ទៅ១១០០លានដុល្លារក្នុងមួយឆ្នាំ
សរសេរមកកាន់លោក ទូច សុខា តាមរយៈsokha@vodhotnews.com និងលោក ស៊ុន ណារិន តាមរយៈsun_narin@vodhotnews.com
ឣាសត្វតិរច្ឆានហុនសែន- កាដួយម៉ែឣាសត្វឆ្កែកាចាស់ខ្វាក់ភ្នែក ស្រឡេវ ភ្នែក- សំរ៉ែ-ខ្មែរក្រហមក្បត់ជាតិ កញ្ជះយួនថោកទាប ល្ងីល្ងឺ- ឣាងាប់តៃហោងដូចកាដាសហ្វី -ម៉ូបារាក់ -សាដាំហូសេន ក្នុងពេលឆាប់ៗនេះ
Borrow from oversea at cheap rate or some at confessional rates then shared between banks finally ends up confiscate lands from poor and disadvantaged farmers.
Rice crop is cheap to sell and also other product/produces can’t compete with cheap escaped taxes. Who wins??? Monopolize traders /banks. Who looses??.. Farmers.
Samneang
ចំជារដ្ឋាភិបាល ហ៊ុនសែន សម្បូរអាចម៍មែន មួយថ្ងៃៗគិតតែរកខ្ចីប្រាក់និសុំទានបរទេស
ខ្ចីប្រាក់ពីបរទេសប្រមាណ៩៨០ទៅ១១២០លានដុល្លារក្នុងមួយឆ្នាំ សង់ស្ពានមួួពីរតម្លៃម្ភៃសាមសិបលានសោះ
ស្រាប់តែអស់ប្រាក់ថា ទៅរកខ្ចីគេទៀត ពូជអាមន្រ្តីចោរហុតឈាមជាតិ
ពិតជារស់ដោយសាបោកប្រាស់ប្រជាជនដើរខ្ចីបំណុលនិងសុំទានគេមែន !!!
ចំជារដ្ឋាភិបាល ហ៊ុនសែន សម្បូរអាចម៍មែន មួយថ្ងៃៗគិតតែរកខ្ចីប្រាក់និសុំទានបរទេស
ខ្ចីប្រាក់ពីបរទេសប្រមាណ៩៨០ទៅ១១២០លានដុល្លារក្នុងមួយឆ្នាំ សង់ស្ពានមួួយពីរតម្លៃតែ
ម្ភៃសាមសិបលានសោះ ស្រាប់តែអស់ប្រាក់ថា ទៅរកខ្ចីគេទៀតហើយ ពូជអាមន្រ្តីចោរហុតឈាមជាតិ
ពិតជារស់ដោយសាបោកប្រាស់ប្រជាជនដើរខ្ចីបុលនិងសុំទានគេមែន !!!