ដោយ អ៊ុង សេរីវុទ្ធ
2016-03-18
RFA
ទិដ្ឋភាពប្រកួតកីឡាបាល់ទាត់កម្ពុជា និងឡាវ ជាលក្ខណៈមិត្តភាពអន្តរជាតិ រវាងក្រុម Cambodian All-Stars ជាមួយក្រុម Laos All-Stars នៅពហុកីឡាដ្ឋានអូឡាំពិក រាជធានីភ្នំពេញ នៅយប់ថ្ងៃទី១៨ ខែមីនា ឆ្នាំ២០១៦។ RFA/Chum Rasy
លទ្ធផលប្រកួតបាល់ទាត់រវាងក្រុមបាល់ទាត់កម្ពុជា និងឡាវ នៅវគ្គផ្ដាច់ព្រ័ត្រ គឺកម្ពុជាបានទទួលជ័យជំនះ ដោយពិន្ទុ៣ ទល់នឹង២គ្រាប់។
នៅយប់ថ្ងៃទី១៨ ខែមីនា នេះ ក្រុមកីឡាបាល់ទាត់កម្ពុជា និងឡាវ ប្រកួតគ្នាជាលក្ខណៈមិត្តភាពអន្តរជាតិ វាងក្រុម Cambodian All-Stars ជាមួយក្រុម Laos All-Stars។
ការរៀបចំឲ្យមានកម្មវិធីប្រកួតបាល់ទាត់មិត្តភាពនេះ ធ្វើឡើងដើម្បីអបអរសាទរខួបលើកទី៦០ នៃទំនាក់ទំនងការទូតរវាងប្រទេសទាំង២ ដោយមានរដ្ឋមន្ត្រីការបរទេសនៃប្រទេសទាំង២ចូលរួមផងដែរ។
កាលពីពេលថ្មីៗនេះ ក្រុមបាល់ទាត់កម្ពុជា Cambodian All-Stars ធ្លាប់បានប្រកួតឈ្នះក្រុមបាល់ទាត់ជើងខ្លាំងរបស់ថៃ ឈ្មោះ បុរីរ៉ាំ យូណៃធីត (Buriram United F.C) ដោយពិន្ទុ៦ ទល់នឹង៥គ្រាប់៕