Mon, 20 June 2016
ស៊ូ វុទ្ធី
ភ្នំពេញប៉ុស្តិ៍
ភ្នំពេញ: ព្រមនឹងភាពរីកចម្រើនលើវិថីសិល្បៈ ដែលវិវឌ្ឍខ្លួនឡើងធ្វើជាពិធីការិនី កម្មវិធីផ្សាយផ្ទាល់នៅទ្រនំទូរទស្សន៍ស៊ីធីអិន អតីតកញ្ញាឯកទស្សនាវដ្តីនាង គង់ វង្សយ៉ាទី ក៏ល្បីមានមន្តស្នេហ៍អន្ទងកន្លង់ទ្រព្យស្តុកទាំងក្នុង និងក្រៅស្រុកហើរឆ្វែលបន្តកន្ទុយគ្នាដែរ។
បន្ថែមលើការសម្គាល់នេះ ស្រីស្រស់ពិធីការិនី គង់ វង្យយ៉ាទី ក៏ធ្វើឲ្យបុរសៗកាន់តែក្នាញ់ជាមួយការបញ្ចេញសម្រស់ដើមទ្រូងដំបូង ចេញសាច់សខ្ចីមូលក្លំគួរឲ្យក្នាញ់។ដំណើរលើវិថីសិល្បៈច្រើនឆ្នាំហើយ មហាជនកម្រនឹងឃើញស្រស់ស្រី គង់ វង្សយ៉ាទី រំលេចសាច់ឲ្យមានភាពភ្ញាក់ផ្អើល ចំណាយភ្នែកមហាជនតាមរយៈភាពសិចស៊ីចំហល្វែងលើ ខើចក្រោមណាស់ ដែលភាគច្រើនគឺនៅពេលនាងបង្ហាញវត្តមានលើឆាកសិល្បៈ និងស្លៀកពាក់បិទបាំងរាងកាយជិតៗប្រៀបនឹងនារីខ្មែរប្រកាន់ប្រពៃណីអភិរក្ស។
ផ្ទុយពីភាពស្រគត់ស្រគំនេះ គង់ វង្សយ៉ាទី ក៏ធ្លាប់ធ្វើឲ្យភ្ញាក់ផ្អើលពីបណ្តាញផ្សព្វផ្សាយថា នាងមានអ្នកជំនួញនេះ អ្នកជំនួញនោះ ចិញ្ចឹម និងរឿងល្បីថា នាងធ្លាប់បានបង្កើតចំណងស្នេហ៍អាថ៌កំបាំងនឹងរៀមច្បងសិល្បៈរូបសង្ហាម្នាក់ និងបានបន្សល់នូវតំណក់ឈាមរួមគ្នា ១ គ្រាប់អាយុកន្លះទសវត្សរ៍ហើយ។
យ៉ាងណាមិញពីការលេងស្ទីលថ្មីប្លែកខុសពីភាពរមទម្យពីមុននោះ ពេលនេះនាងបានបញ្ចេញរូបថតមួយសន្លឹកក្នុងឈុតប៊ីគីនីចងខ្សែកំប៉ិតឡិត ចុះលេងទឹកសមុទ្រ ដោយគ្រាន់តែមានអាវកឌុបស្ដើងមកពាក់ពីលើ បញ្ចេញសម្រស់ដើមទ្រូងគួរឲ្យក្នាញ់នោះ ក៏ពើបនឹងព័ត៌មានខ្សឹបខ្សៀវលើកឡើងពី ដំណើរកម្សាន្តនោះភ្លាមៗថា មិនមែនជាវត្តមានគ្រួសារនាងតែពីរបីនាក់នោះទេ គឺមានគ្នាច្រើន ដែលក្នុងនោះមានការបង្ហើបថា ក៏មានវត្តមានម្ចាស់ស្នេហ៍ នាងរួមដំណើរកម្សាន្តផងដែរ បានជាមានរូបភាពបែបរ៉ូមែនទិក ចំហទ្រូងទ្រលុកទ្រលន់គួរឲ្យក្នាញ់ជាកាយវិការសម្ញែងទាក់អារម្មណ៍ម្ចាស់ស្នេហ៍នាង។
យ៉ាងណានៅជុំវិញរូបភាពសិចស៊ីដំបូង ដែលមានគេបង្ហើបថា ធ្វើឲ្យកែវភ្នែកម្ចាស់ស្នេហ៍សម្លឹងស្ទើរជ្រុះនោះ មិនត្រូវបានការបកស្រាយយ៉ាងណាពីស្រីស្រស់ពិធីការិនី គង់ វង្សយ៉ាទី ទេ ដោយទូរស័ព្ទនាងមិនអាចទំនាក់ទំនងបាន។ តែមុននោះ ម្តាយនាង គង់ វង្សយ៉ាទី ធ្លាប់បានបញ្ជាក់ប្រាប់ថា កូនស្រីរបស់អ្នកស្រីនៅមិនមានម្ចាស់ស្នេហ៍ដូចគេតែងល្បីនោះទេ តែបើមានអ្នកស្រឡាញ់នោះ មានមែន ហើយក៏មិនមែនមួយដែរ គឺមានច្រើន។
អ្នកស្រី ចរិយា ធ្លាប់ អះអាងទៀត ថា៖ «មានទាំង បុរសក្រៅប្រទេសគេជិះយន្តហោះ មកសុំជួប យ៉ាទី សារភាពថាស្រលាញ់ត្រង់ៗ ដែលខ្ញុំក៏បានដឹង តែកូនស្រីខ្ញុំនាងបដិសេធ។ នាងប្រាប់ថាមិនទាន់ចង់គិតរឿងស្នេហាហ្នឹងទេ ចង់ប្រឡូកការងារសិល្បៈឲ្យល្បីជាងនេះសិន។ តែអារឿងសិចស៊ីអីហ្នឹងកូនខ្ញុំមិនចូលចិត្តទេ នាងខ្លាចគេរិះគន់ណាស់ អ៊ីចឹងហើយបានជាកន្លងមកឃើញនាងស្លៀកពាក់ធម្មតាៗ មិនសិចស៊ីពេកទេ»៕
ទាល់តែបញ្ចេញដោៈចឹងបានទាក់ប្ុុសបាន។ ថោកខ្លាំងណាស់។
សូមក្រុមលោក ស្រី ចំរើន និងកញ្ញា ធី សុវណ្ណថា ជួយប្តឹងទៅតុលាការផង ព្រោះធ្វើអោយខូចសណ្តាប់ធ្នាប់សាធារណៈ ធ្វើអោយប្រុសជ្រួលជ្រើម ធ្វើអោយសង្ឃដាច់សីល។