ដោយ ឡេង ម៉ាលី
2016-10-22
អាស៊ីសេរី
អ្នកគាំទ្រគណបក្សសង្គ្រោះជាតិ ប្រមូលផ្ដុំគ្នាប្រារព្ធខួបកិច្ចព្រមព្រៀងសន្តិភាពទីក្រុងប៉ារីស ២៣ តុលា នៅមុខទីស្នាក់ការគណបក្សប្រឆាំងនៅសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
គណបក្សសង្គ្រោះជាតិ ប្រារព្ធខួបលើកទី២៥ នៃកិច្ចព្រមព្រៀងទីក្រុងប៉ារីស ដោយរំពឹងថា បញ្ហាខ្វែងគំនិតគ្នាក្នុងនយោបាយបច្ចុប្បន្ន នឹងបានដោះស្រាយចេញក្រោយថ្ងៃទី២៣ តុលា។ ការរំពឹងទុក គឺស្របពេលដែលស្ថានភាពនយោបាយបក្សទាំងពីរនៅតែតានតឹង។
ការរំពឹងនេះ ត្រូវបានធ្វើឡើងដោយប្រធានស្ដីទីគណបក្សសង្គ្រោះជាតិ លោក កឹម សុខា នៅក្នុងពេលលោកកត់សម្គាល់លើការអនុវត្តនៃកិច្ចព្រមព្រៀងទីក្រុងប៉ារីស ចាប់តាំងថ្ងៃទី២៣ ខែតុលា ឆ្នាំ១៩៩១ រហូតមកដល់ថ្ងៃទី២៣ ខែតុលា ឆ្នាំ២០១៦។
លោក កឹម សុខា ថ្លែងថា ថ្វីបើកម្ពុជា មានការអភិវឌ្ឍខ្លះមែន ក៏នៅតែមានបញ្ហានៅឡើយ៖ «ពិភពលោកក៏ដូចជាប្រជាពលរដ្ឋខ្មែរ បានដឹងច្បាស់ហើយថា កម្ពុជា កំពុងមានបញ្ហា ដូចជាបញ្ហារំលោភសិទ្ធិមនុស្ស បញ្ហាតុលាការជាដើម ដែលយើងមិនអាចលាក់បាំង និងប្រកែកបានឡើយ។ ដូច្នេះក្នុងគណបក្សសង្គ្រោះជាតិ និងក្នុងនាមខ្ញុំផ្ទាល់ ខ្ញុំនៅតែទទូចឲ្យភាគីពាក់ព័ន្ធ ជាពិសេសហត្ថលេខីនៃកិច្ចព្រមព្រៀងសន្តិភាពទីក្រុងប៉ារីស ទាំងអស់ ត្រូវត្រួតពិនិត្យ និងវាយតម្លៃឡើងវិញនូវការអនុវត្តស្មារតីនៃកិច្ចព្រមព្រៀងទីក្រុងប៉ារីស ឲ្យបានហ្មត់ចត់ និងបន្តអនុវត្តឲ្យបានពេញលេញ»។
លោក កឹម សុខា បញ្ជាក់ទៀតថា កិច្ចព្រមព្រៀងសន្តិភាពទីក្រុងប៉ារីស នៅតែមានសុពលភាពនៅឡើយ ដោយយោងទៅលើវត្តមានរបស់ការិយាល័យឧត្ដមស្នងការអង្គការសហប្រជាជាតិ ឃ្លាំមើលបញ្ហាសិទ្ធិមនុស្សនៅកម្ពុជា។ ប្រសាសន៍របស់លោក ក៏ជាការឆ្លើយតបមួយទៅនឹងការលើកឡើងរបស់មន្ត្រីរាជរដ្ឋាភិបាល ដែលកាលពីថ្ងៃទី២០ តុលា ថ្លែងថា កិច្ចព្រមព្រៀងទីក្រុងប៉ារីស អស់សុពលភាពហើយ។
នៅថ្ងៃទី២៣ តុលា ដដែល អង្គការយុវជនមួយក្រុមក៏ជួបជុំគ្នាដាច់ដោយឡែកមួយទៀតនៅឯវិទ្យាស្ថានអន្តរទ្វីបអាមេរិកាំង ក្នុងរាជធានីភ្នំពេញ ដើម្បីផ្សព្វផ្សាយអំពីខ្លឹមសារកិច្ចព្រមព្រៀងសន្តិភាពទីក្រុងប៉ារីស នេះដល់យុវជនដែរ។
នាយកប្រតិបត្តិអង្គការយុវសន្តិភាព លោក ឡុង ខែត្រ ដែលរៀបចំការជួបជុំគ្នានេះ មានប្រសាសន៍ថា ទោះបីជាយុវជនជំនាន់ក្រោយបានឮអំពីកិច្ចព្រមព្រៀងទីក្រុងប៉ារីស ក៏ប៉ុន្តែយុវជនខ្លះមិនបានយល់ដឹងច្បាស់ទេអំពីខ្លឹមសារកិច្ចព្រមព្រៀងនេះ។ លោកថា ប្រការនេះហើយទើបក្រុមលោករៀបចំការផ្សព្វផ្សាយនេះ៖ «»។
ទោះបីជានៅឆ្នាំ២០១៦ ទាំងរដ្ឋាភិបាល តំណាងទូតបរទេស អង្គការសង្គមស៊ីវិល គណបក្សនយោបាយ ប្រារព្ធខួបកិច្ចព្រមព្រៀងទីក្រុងប៉ារីស ជាកិច្ចព្រមព្រៀងស្ដីពីដំណោះស្រាយនយោបាយរួមនៃជម្លោះកម្ពុជា កាលពីថ្ងៃទី២៣ ខែតុលា ឆ្នាំ១៩៩១ ក្ដី ក៏សុពលភាពខ្លឹមសារនៃកិច្ចព្រមព្រៀងនេះ ត្រូវបានអ្នកពាក់ព័ន្ធ និងអ្នកនយោបាយរដ្ឋាភិបាល និងបក្សប្រឆាំងបកស្រាយខុសគ្នា។ ភាគីរដ្ឋាភិបាលថាអស់សុពលភាព បក្សប្រឆាំងថានៅតែមានសុពលភាព ឯអ្នកពាក់ព័ន្ធផ្សេងថា ស្មារតីកិច្ចព្រមព្រៀងទីក្រុងប៉ារីស នេះ មិនមានខចែងអំពីកាលបរិច្ឆេទផុតកំណត់ទេ។
ការប្រារព្ធទិវាខួបកិច្ចព្រមព្រៀងសន្តិភាពទីក្រុងប៉ារីស របស់គណបក្សសង្គ្រោះជាតិ បានបង្វែរមកធ្វើឡើងនៅឯទីស្នាក់ការកណ្ដាលរបស់ខ្លួនវិញ នៅសង្កាត់ចាក់អង្រែលើ រាជធានីភ្នំពេញ ដោយសារតែអាជ្ញាធរសាលារាជធានីភ្នំពេញមិនអនុញ្ញាតឲ្យធ្វើនៅទីលានប្រជាធិបតេយ្យ។ ទោះជាការប្រារព្ធទិវានេះបានធ្វើឲ្យស្ទះចរាចរណ៍ខ្លះ ហើយនគរបាលបានរាយកម្លាំងជាច្រើនក្ដី ក៏ពិធីនេះប្រព្រឹត្តទៅពេញមួយព្រឹកដោយមិនមានការប៉ះទង្គិចគ្នាទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ប្រធានស្តីទីគណបក្សសង្គ្រោះជាតិ លោក កឹម សុខា ថ្លែងទៅកាន់អ្នកគាំទ្រក្នុងខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អ្នកគាំទ្រគណបក្សសង្គ្រោះជាតិ ចូលរួមប្រារព្ធខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អ្នកគាំទ្រគណបក្សសង្គ្រោះជាតិ ចូលរួមប្រារព្ធខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អ្នកគាំទ្រគណបក្សសង្គ្រោះជាតិ ចូលរួមប្រារព្ធខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អ្នកគាំទ្រគណបក្សសង្គ្រោះជាតិ ចូលរួមប្រារព្ធខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អ្នកគាំទ្រគណបក្សសង្គ្រោះជាតិ ចូលរួមប្រារព្ធខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អ្នកគាំទ្រគណបក្សសង្គ្រោះជាតិ ចូលរួមប្រារព្ធខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
ប្រធានស្តីទីគណបក្សសង្គ្រោះជាតិ លោក កឹម សុខា ស្វាគមន៍អ្នកគាំទ្រក្នុងខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
ប្រធានស្តីទីគណបក្សសង្គ្រោះជាតិ លោក កឹម សុខា ស្វាគមន៍អ្នកគាំទ្រក្នុងខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អ្នកគាំទ្រគណបក្សសង្គ្រោះជាតិ ចូលរួមប្រារព្ធខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីស ដែលប្រារព្ធនៅទីស្នាក់ការគណបក្សនាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
ប៉ូលិសចរាចរណ៍បិទកំណាត់ផ្លូវ និងសម្រួលចរាចរណ៍លើផ្លូវទៅកាន់ទីស្នាក់ការគណបក្សសង្គ្រោះជាតិ នាសង្កាត់ចាក់អង្រែលើ រាជធានីភ្នំពេញ ថ្ងៃទី២៣ ខែតុលា ឆ្នាំ២០១៦។ RFA/Cheu Sideth
អត្ថបទដែលទាក់ទង
-
សម្ភាសព្រះតេជព្រះគុណ ប៊ុត ប៊ុនតិញ ទាក់ទងនឹងការរៀបចំបុណ្យ១០០ថ្ងៃបណ្ឌិត កែម ឡី
-
អ្នកវិភាគនយោបាយថាលោក សម រង្ស៊ី គួរវិលចូលស្រុកវិញទោះបីជាគ្មានការដោះដូរ
-
គណបក្សប្រជាធិបតេយ្យមូលដ្ឋានគ្រោងធ្វើសមាជជាតិលើកទី១នៅពេលឆាប់ៗ
-
បក្សប្រឆាំងរក្សាជំហរប្រារព្ធខួបសន្ធិសញ្ញាសន្តិភាពទីក្រុងប៉ារីសនៅទីលានប្រជាធិបតេយ្យ
-
មន្ត្រីសិទ្ធិមនុស្សជាតិនិងអន្តរជាតិថាបរិយាកាសសិទ្ធិមនុស្សនៅកម្ពុជាកំពុងតានតឹងនិងធ្លាក់ចុះ
-
មន្ត្រីសិទ្ធិមនុស្សថាប្រទេសអត់សង្គ្រាមមិនមែនមានន័យថាមានសន្តិភាពនោះទេ
-
បក្សប្រឆាំងនៅតែទទូចចង់ដោះស្រាយបញ្ហានយោបាយជាមួយបក្សកាន់អំណាច
-
អគ្គលេខាធិការថ្មីនៃអ.ស.បនឹងត្រូវកាន់តំណែងនៅដើមឆ្នាំក្រោយជំនួសលោក បាន គីមូន
-
មន្ត្រីបក្សកាន់អំណាច៖ សម្ដីមេបក្សប្រឆាំងគ្មានតម្លៃជាមនុស្សជាតិ
-
លោក ហ៊ុន សែន បដិសេធសំណើសុំលើកលែងទោសមេដឹកនាំគណបក្សសង្គ្រោះជាតិ
មានថ្ងៃ ២៣ តុលា ១៩៩១ ទើប ពួកអ្នកមាន សព្វថ្ងៃ មានសិទ្ធ ជិះម៉ូតូ c 125 ជិះរថយន្ត ទំនើប បាន !
កាលមុន ថ្ងៃ ២៣ តុលា ១៩៩១ ពួកអ្នកមាន គ្មានសិទ្ធ ជិះម៉ូតូ c 125 ជិះរថយន្តទំនើប ឡើយ !
$ $ . ដូច្នេះ ពួកអ្នកមាន ត្រូវដឹងគុណ ថ្ងៃ ២៣ តុលា ១៩៩១ ច្រើនជាង គេ ! $ $ .
តើ យួន ខ្លះហៅ វៀតណាម អោយបក្សប្រជាជន ប្រារព្ធខួប សន្ធិសញ្ញាសន្តិភាព ទីក្រុងប៉ារីស ឬ ទេ ?
ចង់ឈ្នោះឆ្នោតទាល់តែមានអ្វីជាគោលនយោបាយល្អៗ៕ គ្រាន់តែថាវាមិនពិបាកទេ អ្នកធ្វើបានពិបាក។សូមប្រាប់លេងពីចំណុចតូចមួយ ឲ្យតែមានកម្មវិធីម្តងៗសមាជិកមើលទៅគ្មានរបៀបរៀបរយរខេករខាក ពិបាកភ្នែកមើលណាស់ រញេរញ័យពេញផ្លូវ រំខានធ្វើឲ្យស្ទះចររាចរ នេះគ្រាន់រដ្ឋបាលតូចតាចសម្រាប់បក្សខ្លួនផង។ ចុះបើកាន់កិច្ចការធំ គួរឲ្យសង្ឃឹមយ៉ាងម៉េចទៅ ចាំ១០០ឆ្នាំទៀតទៅ កុំចេះតែប្រើវោហាត្រូវធ្វើឲ្យគេឃើញនុះ ២០១៨ប្រហែលជាឈ្នះ! ដូរ ដូរៗៗៗ ដូរមិនដូ?
កិច្ចព្រមព្រៀង ២៣ តុលា នៅក្រុងប៉ារិស ជាសំបាច់រួម នៃមហាសាមគ្គី រវាងខ្មែរគ្រប់និន្នាការ កន្លងមក។ រក្សាសាមគ្គី ដើម្បីសន្តិភាព ខ្មែរត្រូវអនុវត្តិ ឱយបានពេញលេញ នូវខ្លឹមសាររបស់កិច្ចព្រមព្រៀងនេះ។
បើខ្មែរចង់ក្លាយជាអ្នកជា សូមកុំភ្លេចកំណើត !!!!
រក្សាស្មារតីនៃកិច្ចព្រមព្រៀងនេះ លុះត្រាតែអ្នកនយោបាយ គោរពនិងអនុវត្តន៏រដ្ឋធម្មនុញ្ញទាំងស្រុង ក្នុងនាមអ្នកនយោបាយផង និងក្និងនាមជាតិនិយមពិតប្រាកដផង។ វិសោធនកម្មរដ្ឋធម្មនុញ្ញ តំរូវឱយស្ថាប័នទាំងបី គោរពនិង អនុវត្តន៏រដ្ឋធម្មនុញ្ញ ជាការត្រូវការចាំបាច់។ ប្រការ ៤៩ នៃរដ្ឋធម្មនុញ្ញ តំរូវឱយ រាស្ត្រគោរពរដ្ឋធម្មនុញ្ញ និងច្បាប់—‘-។ ចុះអ្នកនយោបាយវិញ??????។