សង្គម​ស៊ីវិល​និង​ពលរដ្ឋ​​នៅ​បន្ត​រិះគន់​ចំណាត់​ការ​របស់​តុលាការ​លើ​សំណុំ​រឿង​ឃាតកម្ម​បណ្ឌិត កែម ឡី

ដោយ ម៉ម មុនីរតន៍
2017-01-10
RFA

ស្ដាប់ ឬ ទាញ​យក​សំឡេង
ស្តាប់សំឡេង ថតសំឡេង

ភរិយា​លោក កែម ឡី លោកស្រី ប៊ូ រចនា សំពះ​ភ្ញៀវ​នៅ​មុខ​សព​ស្វាមី​នៅ​ក្នុង​មឈូស​កញ្ចក់ ដែល​ត្រូវ​បាន​តម្កល់​ធ្វើ​បុណ្យ​នៅ​វត្ត​ចាស់ ស្ថិត​ក្នុង​សង្កាត់​ជ្រោយចង្វារ នៅ​ថ្ងៃ​ទី​១៣ កក្កដា ឆ្នាំ​២០១៦។ RFA/Cheu Sideth
ភរិយា​លោក កែម ឡី លោកស្រី ប៊ូ រចនា សំពះ​ភ្ញៀវ​នៅ​មុខ​សព​ស្វាមី​នៅ​ក្នុង​មឈូស​កញ្ចក់ ដែល​ត្រូវ​បាន​តម្កល់​ធ្វើ​បុណ្យ​នៅ​វត្ត​ចាស់ ស្ថិត​ក្នុង​សង្កាត់​ជ្រោយចង្វារ នៅ​ថ្ងៃ​ទី​១៣ កក្កដា ឆ្នាំ​២០១៦។ RFA/Cheu Sideth



ទាំង​អង្គការ​សង្គម​ស៊ីវិល និង​មជ្ឈដ្ឋាន​នានា នៅ​តែ​រិះគន់​ចំណាត់​ការ​របស់​តុលាការ និង​រដ្ឋាភិបាល​ថា ពុំ​មាន​ឆន្ទៈ​សើរើ​ក្នុង​សំណុំរឿង​ឃាតកម្ម​លោក​បណ្ឌិត កែម ឡី។ ក្រុម​គ្រួសារ​បណ្ឌិត កែម ឡី ​ឲ្យ​ដឹង​ថា ពួក​គាត់​នៅ​តែ​ពុំ​ទាន់​ទទួល​បាន​យុត្តិធម៌​នេះ​នៅ​ឡើយ​ទេ ក្រោយ​ឃាតកម្ម​កើត​ឡើង​ចាប់​តាំង​ពី​ថ្ងៃ​ទី​១០ ខែ​កក្កដា ឆ្នាំ​២០១៦ នោះ​មក។ ជុំវិញ​រឿង​នេះ តុលាការ​ក្រុង​ភ្នំពេញ ឲ្យ​ដឹង​ថា តំណាង​អយ្យការ​នៃ​តុលាការ​ក្រុង​ភ្នំពេញ កំពុង​ពិនិត្យ​លើ​សំណុំរឿង​នេះ​ទាំង​មូល ក្រោយ​ពី​បិទ​ការ​សាកសួរ​កាល​ពី​ពាក់​កណ្ដាល​ខែ​ធ្នូ ឆ្នាំ​២០១៦ មុន​នឹង​ធ្វើ​សេចក្ដី​សម្រេច​នៅ​ពេល​ខាង​មុខ​នេះ។

គិត​ត្រឹម​ថ្ងៃ​ទី​១០ ខែ​មករា គឺ​​មាន​រយៈពេល ៦​ខែ​គត់​ហើយ​នៃ​អំពើ​ឃាតកម្ម​លើ​លោក​បណ្ឌិត កែម ឡី ក៏ប៉ុន្តែ​តម្រុយ​ណា​មួយ​ថ្មី​ដែល​អាច​កំណត់​មុខ​សញ្ញា​ឃាតកម្ម​ពិត និង​អ្នក​បញ្ជា​នៅ​ពី​ក្រោយ​ខ្នង​នៃ​អំពើ​បាញ់​ប្រហារ​នេះ នៅ​ពុំ​ទាន់​មាន​ពន្លឺ​នៅ​ឡើយ​ទេ។

លទ្ធផល​ជា​ផ្លូវ​ការ​មក​ដល់​ពេល​នេះ ត្រូវ​បាន​មន្ត្រី​នាំ​ពាក្យ​តុលាការ​ក្រុង​ភ្នំពេញ​លោក លី សុផាណា បញ្ជាក់​តាម​បណ្ដាញ​ទំនាក់​ទំនង តេឡេក្រាម (Telegram) ថា តុលាការ​ក្រុង​ភ្នំពេញ កំពុង​បន្ត​ចំណាត់​ការ​នៅ​ក្នុង​នីតិវិធី​នៃ​ការ​បិទ​ការ​ស៊ើបសួរ​នេះ​ហើយ។ កាល​ពី​ថ្ងៃ​ទី​២៣ ខែ​ធ្នូ ចៅក្រម​ស៊ើបសួរ​នៃ​តុលាការ​ក្រុង​ភ្នំពេញ លោក សេង លាង បាន​ប្រកាស​ជូន​ដំណឹង​ដល់​លោក​ស្រី ប៊ូ រចនា ពី​ការ​បិទ​បញ្ចប់​នៃ​ការ​សាកសួរ​ក្នុង​សំណុំរឿង​ព្រហ្មទណ្ឌ​មួយ​នេះ។

បើ​ទោះ​ជា​បែប​ណា ក្រុម​អ្នក​ឃ្លាំ​មើល​ព្រឹត្តិការណ៍​សង្គម​កម្ពុជា រិះគន់​ថា ក្នុង​សំណុំរឿង​ឃាតកម្ម​លោក​បណ្ឌិត កែម ឡី នេះ​វា​មិន​ពិបាក​ទេ​ក្នុង​ការ​ស្វែង​រក​យុត្តិធម៌​នោះ ព្រោះ​នៅ​ក្នុង​ហាង​ស្តារម៉ាត (Star Mart) មាន​កាមេរ៉ា​សុវត្ថិភាព​ដែល​អាច​មើល​ឃើញ​មុខ​ឃាតក​បាន​យ៉ាង​ងាយ។ ប៉ុន្តែ​វៀរលែងតែ​តុលាការ និង​រដ្ឋាភិបាល​មិន​ចង់​វែកមុខ ឬ​ប្រហែល​ចង់​ការពារ និង​ជួយ​បិទ​បាំង​ការពិត​ដល់​អ្នក​ប្រព្រឹត្តិ​បទឧក្រិដ្ឋ​នេះ​ប៉ុណ្ណោះ។

ជុំវិញ​រឿង​នេះ នាយក​ប្រតិបត្តិ​មជ្ឈមណ្ឌល​សម្ពន្ធភាព​ការងារ និង​សិទ្ធិមនុស្ស​ហៅ​កាត់​ថា សង់ត្រាល់ (Central) លោក មឿន តុលា យល់​ឃើញ​ថា វិធី​ដែល​ងាយ​បំផុត​នោះ​គឺ​តុលាការ​បញ្ចេញ​វីដេអូ ដែល​ថត​បាន​សកម្មភាព​បាញ់​ប្រហារ​នៅ​ម្ដុំ​ស្ថានីយ​សាំង​កាល់តិច (Caltex) ទៅ​គឺ​ចប់​រឿង​បាត់​ទៅ​ហើយ៖ «»។

អ្នក​វិភាគ​បញ្ហា​សង្គម និង​នយោបាយ​ដ៏​មាន​ប្រជាប្រិយភាព​គឺ​លោក​បណ្ឌិត កែម ឡី ត្រូវ​បាន​ខ្មាន់​កាំភ្លើង​បាញ់​ប្រហារ កាល​ពី​ថ្ងៃ​ទី​១០ ខែ​កក្កដា ឆ្នាំ​២០១៦ ដែល​ហ៊ុមព័ទ្ធ​ទៅ​ដោយ​កាមេរ៉ា​សុវត្ថិភាព​ស្ទើរ​គ្រប់​ជ្រុង និង​នៅ​ចំ​កណ្ដាល​ទីប្រជុំជន។ ប៉ុន្តែ​សង្គម​ស៊ីវិល​យល់​ឃើញ​ថា បទឧក្រិដ្ឋ​នេះ​មាន​មន្ទិល​សង្ស័យ​ជា​ច្រើន​ជុំវិញ​ការ​ស៊ើបអង្កេត ថា​តើ​មាន​មូលហេតុ​អ្វី​បាន​ជា​តុលាការ និង​រដ្ឋាភិបាល​មិន​បញ្ចេញ​រូបភាព​​ពិត​ដែល​ថត​បាន​ពី​កាមេរ៉ា​សុវត្ថិភាព​ភ្លាមៗ។

បើ​ទោះ​ជា​បែប​ណា អំពើ​ឃាតកម្ម​លើ​លោក​បណ្ឌិត កែម ឡី នេះ ធ្វើ​ឡើង​តែ​ប៉ុន្មាន​ថ្ងៃ​ប៉ុណ្ណោះ ក្រោយ​ពី​លោក​វិភាគ​លើ​របាយការណ៍​ស្រាវជ្រាវ​ដ៏​ស៊ីជម្រៅ​មួយ​របស់​អង្គការ គ្លបល វីនេស (Global Witness) ដែល​និយាយ​ពី​អាណាចក្រ​ជំនួញ​​របស់​ក្រុម​គ្រួសារ​ត្រកូល “ហ៊ុន”។

ទាក់ទិន​រឿង​នេះ អ្នក​ស្រាវជ្រាវ​ផ្នែក​សង្គម និង​នយោបាយ​លោក ហេង ស្រ៊ាង បាន​ព្រមាន​រដ្ឋាភិបាល​ថា មនុស្ស​រាប់​លាន​នាក់​ដែល​កំពុង​ឃ្លាំមើល​ការវិវត្តន៍​នៃ​អំពើ​បាញ់​ប្រហារ​នេះ​នឹង​បោះ​ឆ្នោត​ទម្លាក់​គណបក្ស​ប្រជាជន​កម្ពុជា ប្រសិន​បើ​រដ្ឋាភិបាល​នៅ​តែ​ពុំ​អាច​រក​យុត្តិធម៌​ឲ្យ​លោក​បណ្ឌិត កែម ឡី បាន​ទេ។ សារ​ព្រមាន​របស់​អ្នក​វិភាគ​សង្គម​រូប​​នេះ​នៅ​លើ​បណ្ដាញ​ទំនាក់ទំនង​សង្គម​ហ្វេសប៊ុក ធ្វើ​ឡើង​ស្រប​ពេល​ខួប ៦​ខែ​គត់​នៃ​អំពើ​បាញ់​ប្រហារ​លោក​បណ្ឌិត កែម ឡី នៅ​ថ្ងៃ​ទី​១០ ខែ មករា នេះ។

បើ​ទោះ​ទោះ​ជា​បែប​ណា លោក លី សុផាណា អ្នក​នាំ​ពាក្យ​តុលាការ​ក្រុង​ភ្នំពេញ អះអាង​ថា តំណាង​អយ្យការ​កំពុង​ពិនិត្យ​លើ​សំណុំ​រឿង​នេះ​ទាំង​មូល​ហើយ មុន​បញ្ជូន​ឲ្យ​ចៅក្រម​ស៊ើបសួរ​​បន្ត​នីតិវិធី​ក្នុង​ដំណាក់កាល​នៃ​ការ​បិទ​បញ្ចប់​ការ​សាកសួរ​នេះ។ យ៉ាង​ណា​តុលាការ​ក៏​បាន​សន្យា​ដែរ​ថា នឹង​ធ្វើ​សេចក្ដី​សម្រេច​ថ្ងៃ​ខាង​មុខ​ដោយ​មិន​កំណត់​ពេល។ ផ្អែក​នីតិវិធី​សម្រាប់​សំណុំរឿង​នៃ​បទឧក្រិដ្ឋ តុលាការ​អាច​មាន​ពេល​ស៊ើប​អង្កេត​របស់​ខ្លួន​ក្នុង​រយៈពេល ១៨​ខែ។ ប៉ុន្តែ​ក្នុង​អំឡុង​ពេល​នេះ តុលាការ​អាច​មាន​សិទ្ធិ​ចេញ​ដីកា​ដំណោះស្រាយ សម្រេច​បន្ត​នីតិវិធី ឬ​ទម្លាក់​សំណុំរឿង​ចោល។

ជុំវិញ​រឿង​នេះ នាយក​ប្រតិបត្តិ​មជ្ឈមណ្ឌល​សម្ពន្ធភាព​ការងារ និង​សិទ្ធិមនុស្ស លោក មឿន តុលា មាន​ជំនឿ​ថា ឃាតក​ពិត​ក្នុង​អំពើ​បាញ់​ប្រហារ​នេះ គឺ​ឈ្មោះ ជួប សម្លាប់ គឺ​ពុំ​មែន​ជា​ជន​ដៃ​ដល់​ទេ។លោក​បន្ត​ថា តាំង​ពី​ដំណាក់កាល​បាញ់​ប្រហារ​រហូត​ដល់​បិទ​ការ​សាកសួរ ឃាតកម្ម​នេះ​កាន់​តែ​មាន​មន្ទិល​សង្ស័យ​កាន់​តែ​ខ្លាំង​ឡើងៗ ហើយ​រឹត​តែ​មិន​អាច​ជឿជាក់​ថា ឃាតក​ពិត​គឺ​ជា​ឈ្មោះ ជួប សម្លាប់ ទេ៖ «»។

លោក មឿន តុលា ឲ្យ​ដឹង​ថា ការ​ដែល​ប្រពន្ធ ឬ​ក្រុម​គ្រួសារ​លោក​បណ្ឌិត កែម ឡី មិន​តាំង​ខ្លួន​ជា​ដើម​បណ្ដឹង​ហើយ​ចាត់​ទុក​ថា ជា​កំហុស​នោះ គឺ​មិន​ត្រឹមត្រូវ​នោះ​ឡើយ។ លោក មឿន តុលា ទម្លាក់​កំហុស​ក្នុង​រឿង​នេះ​ថា តាម​ពិត​នេះ​គឺ​ជា​ការ​ទទួល​ខុស​ត្រូវ​រដ្ឋាភិបាល​ទៅ​វិញ​ទេ។ គិត​មក​ដល់​ពេល​នេះ រាល់​អំពើ​ឃាតកម្ម​ទៅ​លើ​សកម្មជន​នយោបាយ អ្នក​ការពារ​សិទ្ធិមនុស្ស ព្រះសង្ឃ អ្នក​សិល្បៈ អ្នក​ការពារ​បរិស្ថាន និង​ចុង​ក្រោយ​អ្នក​វិភាគ​សង្គម កម្រ​ឃើញ​តុលាការ និង​រដ្ឋាភិបាល​ស្វែង​រក​ឃាតក​ពិត និង​អ្នក​បញ្ជា​នៅ​ពី​ក្រោយ​ខ្នង​នៃ​អំពើ​បាញ់​ប្រហារ​ទាំង​នោះ នាំ​យក​មក​ផ្ដន្ទាទោស​បាន​នៅ​ឡើយ​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


អត្ថបទ​ដែល​ទាក់ទង

What Next?

Recent Articles

2 Responses to "សង្គម​ស៊ីវិល​និង​ពលរដ្ឋ​​នៅ​បន្ត​រិះគន់​ចំណាត់​ការ​របស់​តុលាការ​លើ​សំណុំ​រឿង​ឃាតកម្ម​បណ្ឌិត កែម ឡី"

  1. people says:

    This country is belong to veitcong dictator’and veitcong mafia’so it no justice for mr kim-ley’ because this government is under control of veitcong dictator’ .Talking about justice in cambodia is bullshit ‘ no justice ‘even K-R court never have justice for cambodia’ because everything under control of veitcong germs and veitcong dictator’.Justice ‘unless people vote to CNRP to lead the government ‘.This communist state wearing democracy shirt is lie to international and put cambodian in the prison no wall to ask ransom from international.All cambodian people must kick veitcong dictator out ‘to rescue our country from Youn-hanoi .GOD bless all cambodian people’

  2. ?? says:

    do not worry justice will come soon Cambodian knew who was the murder a lot of innocent people from the past . the sole of those people will come to hunt who was the master mind of that murder. the only some of evil still support his master that using his evil mind . I believe the curse of being taken those people life HUN SEN will never living in peace. in Dr KEM LEY case HUN SEN was the one who order to kill him that is no though about it. the reason why???? HUN SEN himself threatening any one who said about him who order to kill Dr KEM LEY . in an other hand he keep quiet did order to find out who was the real murder . who in the world can believe this evil guy he was announcing to fine any one who wanted to top down his government even those person escape to the age of the world. all the world organization they knew all about it. if you wanted them to find out who was that murder they will find them white no time. I swear to GOD if HUN SEN can find that murder I myself will go in HUN SEN’s jail