លោក​ ខៀវ សុភ័គ ​ចំអក​ថា CNRP គ្មាន​វាសនា​ដឹកនាំ​ប្រទេស​ទេ

លោក ខៀវ សុភ័គ អ្នក​នាំពាក្យ​ក្រសួង​មហាផ្ទៃ​។ រូបថត ហ្វេសប៊ុក

លោក ខៀវ សុភ័គ អ្នក​នាំពាក្យ​ក្រសួង​មហាផ្ទៃ​។ រូបថត ហ្វេសប៊ុក



ភ្នំពេញប៉ុស្តិ៍

ភ្នំពេញៈ អ្នក​នាំពាក្យ​ក្រសួង​មហាផ្ទៃ​បាន​ថ្លែង​បែប​ចំអក​ថា​គណបក្ស​ប្រឆាំង​មិន​មាន​វាសនា​បាន​ដឹកនាំ​ប្រទេស​នោះ​​ទេ​បើ​ទោះបី​ជា ៥០ ឆ្នាំ​​ទៅ​មុខ​ទៀត​ក្តី ដែល​នេះ​​គឺជា​ការ​ឆ្លើយតប​ទៅ​នឹង​ពាក្យ​ស្លោក​​​របស់​​បក្ស​ប្រឆាំង​​ដែល​ថា​​ «ដូរ​មេឃុំ​បម្រើ​បក្ស ដាក់​មេឃុំ​បម្រើ​រាស្ត្រ»។

នៅ​ពេល​ទាក់ទង​ពី​ម្សិលមិញ​អ្នក​នាំពាក្យ​ក្រសួង​មហាផ្ទៃ​ លោក​ ខៀវ​ សុភ័គ​ មិន​បាន​ប្រាប់​កាសែត​ភ្នំពេញ​​ប៉ុស្តិ៍​ឲ្យ​បាន​លម្អិត​អំពី​វិធានការ​ផ្លូវ​ច្បាប់​ដើម្បី​ប្រឆាំង​ទៅ​នឹង​គណបក្ស​សង្គ្រោះជាតិ​ដែល​បាន​ប្រើ​ពាក្យ​ស្លោក​ខាង​លើ​នោះ​ទេ​ ប៉ុន្តែ​លោក​បាន​ថ្លែង​​បែប​​ចំអក​ទៅ​​គណបក្ស​សង្គ្រោះ​ជាតិ​ថា​កុំ​ឲ្យ​សង្ឃឹម​ក្នុង​ការ​ដឹកនាំ​ប្រទេស​ដោយ​​ លោក​ថា​ គណបក្ស​នេះ​មិន​មាន​សមត្ថភាព​ក្នុង​ការ​គ្រប់គ្រង​ប្រទេស​ទេ។

ទោះបី​ជា​ភ្នំពេញ​ប៉ុស្តិ៍​បាន​ព្យាយាម​លើក​ជា​សំណួរ​ម្តង​ហើយ​ម្តង​ទៀត​អំពី​ថា​តើ​ក្រសួង ​មហាផ្ទៃ​ នឹង​ចាត់​វិធានការ​របៀប​ណា​ ដើម្បី​ប្រឆាំង​ទៅ​នឹង​ពាក្យ​ស្លោក​របស់​ គណបក្ស​សង្គ្រោះ​ជាតិ​ ខណៈ​ពេល​ដែល​គណបក្ស​​ប្រជាជន​កម្ពុជា​កំពុង​រង់ចាំ​លទ្ធផល​ពី​វិធានការ​ផ្លូវ​ច្បាប់​នោះ​លោក​ សុភ័គ​ នៅ​តែ​បញ្ជាក់​ជាថ្មី​ថា​គណបក្ស​សង្គ្រោះ​ជាតិ​មិន​មាន​វាសនា​​គ្រប់គ្រង​ប្រទេស​ទេ​ បើ​ទោះបី​ជា​ ៥០ ឆ្នាំ​ទៀត​ក្តី។

លោក​ថ្លែង​ថា៖ «ក្រសួង​កំពុង​ពិនិត្យ​មើល។ ពាក្យ​របស់​គណបក្ស​សង្គ្រោះជាតិ​គឺជា​ពាក្យ​ដែល​មាន​បំណង​ផ្តួល​រំលំ​ [រដ្ឋាភិបាល]។

ទោះបី​ជា​យ៉ាង​ណា​ គ្មាន​ពេលវេលា​សម្រាប់​គណបក្ស​សង្គ្រោះ​ជាតិ​អាច​ដឹកនាំ​កម្ពុជា​បាន​ទេ»។

ប៉ុន្តែ​លោក​ ខៀវ សុភ័គ មិន​បាន​ពន្យល់​ឲ្យ​បាន​ជាក់លាក់​ ថា​​តើ​ហេតុ​អ្វី​បាន​ជា​គណបក្ស​សង្គ្រោះ​ជាតិ ​​មិន​មាន​ឱកាស​ក្នុង​ការ​ដឹកនាំ​ប្រទេស​នោះ​​ទេ ដោយ​លោក​គ្រាន់​តែ​​ថ្លែង​ថា​គណបក្ស​សង្គ្រោះ​ជាតិ​មិន​មាន​សមត្ថភាព​ក្នុង​ការ​ដឹកនាំ​ប្រទេស​កម្ពុជា​នោះ​ទេ។

ឆ្លើយតប​ទៅ​នឹង​វិធានការ​ចំពោះ​​សមាជ​វិសាមញ្ញ​របស់​គណបក្ស​សង្គ្រោះ​ជាតិ​ដែល​លោក​ ស ខេង សង្ស័យ​​ថា​ជា​សមាជ​ខុស​ច្បាប់​លោក​ ខៀវ​ សុភ័គ គឺ​នៅ​តែ​អះអាង​ដូច​ទៅ​នឹង​ការ​ព្រមាន​ខាង​លើ​ដែរ​។

សមាជ​វិសាមញ្ញ​របស់​គណបក្ស​សង្គ្រោះ​ជាតិ​ត្រូវ​បាន​ប្រារព្ធ​ធ្វើ​ឡើង​កាលពី​ថ្ងៃ​ទី ២ ខែ​មីនា​ដោយ​បាន​ជ្រើសរើស​លោក​ កឹម សុខា​ ធ្វើ​ជា​ប្រធាន​គណបក្ស​សង្គ្រោះ​ជាតិ​ និង​បាន​ជ្រើសរើស​អនុប្រធាន​ចំនួន​បី​រូប​បន្ថែម​ទៀត។

ទោះ​ជា​យ៉ាងណា​អ្នក​នាំពាក្យ​គណបក្ស​សង្គ្រោះ​ជាតិ​លោក​ យឹម សុវណ្ណ​ បាន​ថ្លែង​ថា​គណបក្ស​សង្គ្រោះ​ជាតិ​មិន​ចាប់​អារម្មណ៍​ទៅ​នឹង​ការ​ថ្លែង​បែប​ចំអក​របស់​លោក ខៀវ សុភ័គ​នោះ​ទេ​ដោយ​លោក​​បញ្ជាក់​ថា​នេះ​គឺ​គ្រាន់​តែ​ជា​គំនិត​របស់​លោក​ សុភ័គ ​តែ​ប៉ុណ្ណោះ​។

លោក សុវណ្ណ បន្ត​ថា៖ «​ប្រសិន​បើ​ប្រជាពលរដ្ឋ​បោះឆ្នោត​ឱ្យ​គណបក្ស​ណា​មួយ​ដើម្បី​កាន់​អំណាច​គណបក្ស​នោះ​គឺជា​គណបក្ស​ដែល​ដឹកនាំ​ប្រទេស។ ដូច្នេះ ​ហើយ​យើង​មិន​ចាប់​អារម្មណ៍​ទៅ​នឹង​អ្វី​ដែល​គាត់​បាន​និយាយ​​នោះ​ទេ​ ប៉ុន្តែ​យើង​ចង់​ដឹង​អំពី​ការ​បោះឆ្នោត​ដោយ​សេរី​​ និង​យុត្តិធម៌​ដែល​ប្រជាពលរដ្ឋ​អាច​បញ្ចេញ​ឆន្ទៈ​របស់​ពួកគាត់​បាន​នៅ​ក្នុង​គ្រប់​ការ​បោះឆ្នោត​នីមួយៗ»។

ឆ្លើយតប​ទៅ​នឹង​ការ​លើក​ឡើង​របស់​លោក​ ស ខេង ដែល​​សង្ស័យ​ថា​សមាជ​វិសាមញ្ញ​របស់​គណបក្ស​សង្គ្រោះ​ជាតិ​ជា​សមាជ​​ខុស​ច្បាប់​លោក សុវណ្ណ មិន​បាន​អត្ថាធិប្បាយ​លម្អិត​នោះ​ទេ​ដោយ​លោក​គ្រាន់តែ​បញ្ជាក់​ថា​សមាជ​របស់​គណបក្ស​សង្គ្រោះ​ជាតិ​គឺ​មិន​ខុស​ច្បាប់​នោះ​ទេ​ហើយ​អនុប្រធាន​គណបក្ស​សង្គ្រោះ​ជាតិ​លោក អេង ឆៃអ៊ាង​ លោក​បាន​ពន្យល់​រួច​ហើយ។

អ្នក​វិភាគ​នយោបាយ​លោក មាស នី ​ថ្លែង​ថា​ផ្អែក​ទៅ​លើ​អាសនៈ​របស់​គណបក្ស​សង្គ្រោះ​ជាតិ​ដែល​បាន​កើន​ឡើង​ច្រើន​ស្ទើរតែ​ស្មើ​អាសនៈ​របស់​គណបក្ស​ប្រជាជន​នៅក្នុង​សភា​ទៅ​ហើយ​នោះ​លោក សុភ័គ មិន​អាច​វាយតម្លៃ​ពី​ឱកាស​របស់​គណបក្ស​​​សង្គ្រោះ​ជាតិ​ក្នុង​ការ​ដឹកនាំ​ប្រទេស​បាន​នោះ​ទេ។ ​«ប្រសិន​បើ [យើង] និយាយ​ថា​គ្មាន​នរណា​ម្នាក់​អាច [ដឹកនាំ​ប្រទេស] បាន​ក្រៅ​តែ​ពី​ខ្លួន​យើង​តែ​ម្នាក់​ដែល​អាច​ដឹកនាំ​ប្រទេស​បាន​នេះ​មាន​ន័យ​ថា​យើង​ហាក់​ដូចជា​មិន​ទទួល​ស្គាល់​សមត្ថភាព​របស់​យុវជន​ខ្មែរ​ជំនាន់​ក្រោយ​នោះ​ទេ»៕ NS

What Next?

Recent Articles

7 Responses to "លោក​ ខៀវ សុភ័គ ​ចំអក​ថា CNRP គ្មាន​វាសនា​ដឹកនាំ​ប្រទេស​ទេ"

  1. people says:

    Too many stars on the shoulder ‘but talking like wild buffalo ‘ no moral ‘ no khmer heart but serve his mafia dictator ‘.This guy never understand the democracy ‘ he only know how to listen to ANGKA LOUR or thnak liour ‘ .The bunch of mafia groups will be out ‘after U S destroy dictator north korea and then veitcong mafia dictator will get lessen ‘.GOD bless all cambodian people’

  2. Hun Tean says:

    This guy is a parrot under Yourn brain.

  3. country student says:

    Go fuck your mother stupid old man

  4. ?? says:

    I can tell he is the killer that murder a lot of our people. my question to this HUN SEN regime is>>> how many star do you have in your country. this genocide group was enjoy so much white their star . they used to kill our people now they used their star to stilling our people . no one can be your leader excepting Mr (O_o) HUN SEN. it is too bad for our Cambodian people . if I have another planet I will bring our people to live there except those animal. GOD bless Cambodian

  5. Phanna says:

    Is this guy live forever or it will come to an end one day?
    I don’t think he going to live for another 50 years!

  6. Peypey Pom says:

    What school did this guy went to for his academy training as police officer ? I think he did not go no where just get 4 stars on his shoulder without training.

  7. ដំរីក៏ខ្វាក់ទ្រម៉ាក់ក៏ឆ្គួត says:

    ពាកក់ដល់ផ្កាយ៨តែអគតិនិងក្បត់ជាតិ!!!

Leave a Reply

Submit Comment