ដោយ ឡេង ម៉ាលី
2017-03-27
RFA
លោកនាយករដ្ឋមន្ត្រី ហ៊ុន សែន ថ្លែងក្នុងពិធីចែកសញ្ញាប័ត្រដល់និស្សិត នាកោះពេជ្រ នៅថ្ងៃទី១៧ ខែមីនា ឆ្នាំ២០១៦។ RFA/Brach Chev
លោកនាយករដ្ឋមន្ត្រី ហ៊ុន សែន អំពាវនាវកុំឲ្យឈ្លោះ និងជេរប្រមាថគ្នានៅក្នុងរដូវបុណ្យចូលឆ្នាំខ្មែរ ដែលនឹងមកដល់នៅខែមេសា ខាងមុខនេះ។ សារអំពាវនាវនេះ ត្រូវបានសាទរដោយអ្នកស្រាវជ្រាវសន្តិភាពនៅកម្ពុជា។
សារអំពាវនាវពលរដ្ឋ និងអ្នកនយោបាយខ្មែរកុំឲ្យឈ្លោះជេរប្រមាថគ្នា ត្រូវបានលោកនាយករដ្ឋមន្ត្រី ហ៊ុន សែន ថ្លែងពីខេត្តក្រចេះ នៅព្រឹកថ្ងៃទី២៧ មីនា ក្នុងពេលដែលលោកសម្ពោធអគារសិក្សាថ្មីនៅក្នុងខេត្តនេះ។
លោកនាយករដ្ឋមន្ត្រីថ្លែងថា រដូវចូលឆ្នាំ ត្រូវជារដូវសប្បាយរីករាយ មិនមែនជារដូវជេរបញ្ចោរគ្នា ហើយក៏ជាពេលវេលាបន្តទៅដល់ដំណាក់កាលនៃការបោះឆ្នោតជ្រើសរើសក្រុមប្រឹក្សាឃុំ–សង្កាត់អាណត្តិថ្មីដែរ៖ «ធ្វើយ៉ាងណាឲ្យបរិយាកាសនៃដំណើរការទាំងការចូលឆ្នាំសប្បាយរីករាយ និងការបោះឆ្នោតប្រព្រឹត្តទៅដោយសន្តិភាព សន្តិសុខ ដោយសេរី និងយុត្តិធម៌ គ្មានការគំរាមកំហែង។ អំពាវនាវឲ្យគ្រប់បណ្ដាបក្សនយោបាយទាំងអស់ ធ្វើសកម្មភាពដោយគោរពនូវក្រមសីលធម៌»។
ការអំពាវនាវរបស់លោកនាយករដ្ឋមន្ត្រី ហ៊ុន សែន គឺស្របគ្នានឹងសាររបស់មេដឹកនាំគណបក្សសង្គ្រោះជាតិ លោក កឹម សុខា ដែលថ្លែងក្នុងវគ្គផ្សព្វផ្សាយផ្ទៃក្នុងអំពីគោលនយោបាយអាទិភាព សម្រាប់ការបោះឆ្នោតជ្រើសរើសក្រុមប្រឹក្សាឃុំ–សង្កាត់ នៅខេត្តសៀមរាប កាលព្រឹកថ្ងៃទី២៦ មីនា ដែរ។
លើទំព័រហ្វេសប៊ុក (facebook) របស់ប្រធានគណបក្សសង្គ្រោះជាតិ គឺលោក កឹម សុខា នៅថ្ងៃទី២៦ មីនា បានស្រង់ប្រសាសន៍របស់លោក ដែលថ្លែងក្នុងវគ្គអប់រំផ្សព្វផ្សាយផ្ទៃក្នុងនោះថា «បក្សលោកប្រកួតគ្នាលើគោលនយោបាយនៃគណបក្សរៀងៗខ្លួន ដើម្បីបានផលប្រយោជន៍ទៅប្រជាពលរដ្ឋ និងប្រទេសជាតិ។ សមាជិកបក្សមិនត្រូវប្រកួតគ្នាលើពាក្យសម្ដីអសុរោះ ដៀលត្មះ វាយប្រហារធ្វើទុក្ខបុកម្នេញ បង្កការឈឺចាប់ឲ្យគ្នានោះឡើយ ហើយទុកជូនប្រជាពលរដ្ឋខ្មែរដែលជាម្ចាស់ឆ្នោតជាអ្នកសម្រេច»។
ទន្ទឹមគ្នានឹងសារកុំឲ្យអ្នកនយោបាយជេរប្រមាថបន្តុះបង្អាប់គ្នាក្នុងរដូវបុណ្យចូលឆ្នាំ លោកនាយករដ្ឋមន្ត្រី ហ៊ុន សែន ក៏អំពាវនាវដល់អ្នកនយោបាយយកគំរូតាមអ្នកឃោសនាពាណិជ្ជកម្ម ពេលដល់រដូវកាលឃោសនានយោបាយ៖ «អ្នកឃោសនាពាណិជ្ជកម្ម គឺគ្រាន់តែឃោសនាអំពីទំនិញរបស់ខ្លួនតែប៉ុណ្ណោះ។ តែគេមិនបានបន្តុះបង្អាប់នូវទំនិញអ្នកដទៃទេ។ ការបន្តុះបង្អាប់ទំនិញអ្នកដទៃ ឬបេក្ខជននៃបក្សដទៃ វានឹងនាំទៅដល់ជម្លោះចៀសមិនផុត ព្រោះអ្នកទទួលនូវការប្រមាថ អ្នកដែលទទួលនូវការជេរលាបពណ៌ ពិតជាគេមិនសុខចិត្ត ហើយគេប្រើប្រាស់នូវសិទ្ធិរបស់គេដើម្បីប្ដឹង។ ដូច្នេះ សង្ឃឹមថាបក្សនយោបាយនានា ក៏ដូចជាបេក្ខជនដែលឈរឈ្មោះ ត្រូវគោរពនូវក្រមសីលធម៌ដែលរៀបចំដោយគណៈកម្មាធិការជាតិរៀបចំការបោះឆ្នោត ក៏ដូចជាច្បាប់ស្ដីពីបក្សនយោបាយផងដែរ»។
សារអំពាវនាវរបស់មេដឹកនាំគណបក្សនយោបាយធំទាំងពីរ ត្រូវបានសាទរដោយអ្នកស្រាវជ្រាវផ្នែកអភិវឌ្ឍន៍ និងសន្តិភាព លោក ឆាំ ប៊ុនថេត ប៉ុន្តែលោកថ្លែងថា ទោះជានៅប្រទេសណាក៏ដោយ ដើម្បីឲ្យពលរដ្ឋអនុវត្តបានតាមការអំពាវនាវ លុះត្រាតែមេដឹកនាំអនុវត្តជាគំរូ៖ «»។
ដូចគ្នានេះដែរ អ្នកវិភាគឯករាជ្យ បណ្ឌិត ឡៅ ម៉ុងហៃ មានប្រសាសន៍ថា ការមិនជេរប្រមាថគ្នាក្នុងការឃោសនារកសំឡេងឆ្នោត ជារឿងល្អ ដែលគ្រប់គណបក្សនយោបាយគួរតែអនុវត្ត៖ «»។
សាររបស់អ្នកនយោបាយដែលឃោសនារកសំឡេងឆ្នោតក្នុងពេលកន្លងទៅ គេសង្កេតឃើញថា សមាជិកគណបក្សនយោបាយតែងបន្តុះបង្អាប់ ហើយជេរប្រមាថគ្នាទៅវិញទៅមក។
ការចេញសារអំពាវនាវសុំកុំឲ្យជេរប្រមាថវាយប្រហារគ្នាដោយពាក្យសម្ដីនៅពេលនេះ គឺស្របពេលដែលរដូវកាលឃោសនានយោបាយរបស់គណបក្ស នឹងមកដល់នៅដើមខែឧសភា ហើយការបោះឆ្នោតជ្រើសរើសក្រុមប្រឹក្សាឃុំ–សង្កាត់អាណត្តិទី៤ នឹងធ្វើឡើងនៅថ្ងៃទី៤ ខែមិថុនា ខាងមុខនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
-
គណៈរដ្ឋមន្ត្រីអនុម័តក្របខ័ណ្ឌគោលនយោបាយជាតិគាំពារសង្គម២០១៦-២០២៥
-
“ក្រសួងមហាផ្ទៃរក្សាជំហរមិនផ្ដល់សុពលភាពសមាជបក្សប្រឆាំងបើទោះជាមានការពិភាក្សាខាងមុខ”
-
បក្សប្រឆាំងសុំចរចាជាមួយក្រសួងមហាផ្ទៃរឿងក្រសួងចោទថាបក្សធ្វើខុសលក្ខន្តិកៈ
-
លោក ហ៊ុន សែន ផ្លាស់ប្ដូរការងារសំខាន់ៗរបស់លោក សុខ អាន ឲ្យនៅក្រោមក្រសួងជំនាញ
-
កម្ពុជាជាប់ចំណាត់ថ្នាក់លេខ១២៩នៅក្នុងរបាយការណ៍សុភមង្គលពិភពលោក
-
ការបារម្ភពីលទ្ធភាពដែលរដ្ឋាភិបាលអាចត្រៀមប្រើកម្លាំងយោធាពេលបោះឆ្នោត
-
គណបក្សក្រៅរដ្ឋាភិបាលថាបក្សកាន់អំណាចនឹងចុះខ្សោយក្រោយអវត្តមានលោក សុខ អាន
-
អធិការរងនិងអភិបាលស្រុកកណ្ដៀងរងការចោទថាគំរាមសកម្មជនបក្សប្រឆាំង
-
បទសម្ភាសន៍៖ ប្រធានអាដហុកអំពាវនាវឲ្យបក្សកាន់អំណាចបន្ធូរបន្ថយនយោបាយតឹងរ៉ឹង
Could you keep that word forever you will be an Hero of Cambodia,but if not I don’t know.
ចុះបេីឈប់គំរាមឈប់បំបែកឈប់ជេររហូតតែម្តងទៅវាងាប់អី???ឈប់អីតែពេលចូលឆ្នាំ!!!
You have just commit violence and you, the same guy, is calling everybody not to commit violence? What the hell is it?
Sok An was very corrupted person, and one of the very bad men among Hun Sen’s nepotism; he will become hell; next will be Ah Hun Sen and his nepotism to die and go to hell, eat shit, blood, mucus, and urine
The world and cambodian people knew that ‘ sometime you are good mood and talk nicely but sometime you become a mad dog talking like shit’ . So this massage is really good for whole cambodian people and we will wait and see if he can keep promise or not but people love the democracy way like western europe ,u s a,oz,nz ‘ if you loose the election you must transfer power to the winner peacefully O K mr dictator’ don’t ever used tanks &soldiers to threat people and keep your promise otherwise the sins come back to you mr dictator’.GOD bless all cambodian people’
ហាមតែពួកហ្នែង តែអញធ្វើបាន!!!!
we Cambodian should know the word evil is . evil in some time they can transform themselves to be GOD saving us from hell. but of cause they are the one that made us living in hell. some time when the real GOD miracle come this evil seem to slow down but please remember it not going to be that long those kind of evil mind are still there it will coming at any time. the bad lesson we only learn ones not twit it is harmful if we are doing the same mistaken over again. time to change HUN SEN not only GOD saving the world another GOD may be better then him. peace to all Cambodian and GOD bless them all
CNRP Will defeat ccp !