រដ្ឋាភិបាល ​ការពារ​ខ្លួន​និង​ចោទ​រដ្ឋាភិបាល​បរទេស​ថា ​មាន​ចេតនា​ផ្លាស់ប្ដូរ​របប​នៅ​កម្ពុជា

នយោបាយ

រូបឯកសារ៖ ក្រសួងការបរទេស​ និង​សហប្រតិបត្តិការ​អ​ន្តរជាតិ។ (នូវ ពៅលក្ខិណា/VOA)


12 មេសា 2017
ខាន់ សុគុំមនោ
វីអូអេខ្មែរ

«សហ​រដ្ឋ​អាមេរិក​ បាន​ផ្ដល់​មូលនិធិ​គាំទ្រ​ដល់​សកម្មភាព​ក្រៅ​ប្រទេស ​ក្នុង​គោល​បំណង​ដើម្បី​ផ្លាស់ប្ដូរ​របប​ដែល​រដ្ឋាភិបាល​អាមេរិក​មិន​ពេញ​ចិត្ត»។

រាជ​រដ្ឋាភិបាល​កម្ពុជា បាន​ធ្វើ​ការចោទប្រកាន់​រដ្ឋាភិបាលបរទេស​ ​និង​អង្គការ​អន្តរជាតិ​មួយ​ចំនួន​អំពី​បេសកកម្ម​របស់​ពួក​គេ​នៅ​ក្នុង​ប្រទេស​កម្ពុជា ​ថា​មាន​គោល​បំណង​ចង់​ឲ្យ​មាន​ភាព​រង្គោះ​រង្គើ​ និង​ការ​ផ្លាស់ប្ដូរ​របប ​ដែល​មិន​គោរព​តាម​ឆន្ទៈ​ប្រជាជន​ភាគ​ច្រើន។​

ការចោទប្រកាន់​នេះ ​ត្រូវ​បាន​បង្ហាញ​នៅ​ក្នុង​ឯកសារ​មួយ​ក្រោម​ចំណង​ជើង​ថា «ប្រាប់ពីការពិត»​ ដែល​ចុះ​ផ្សាយ​ដោយ​ក្រសួង​ការ​បរទេស ​នៅ​ព្រឹក​ថ្ងៃ​អង្គារ​នេះ។

ឯក​សារ​ជា​លាយលក្ខណ៍អក្សរ​ដែល​មាន​កម្រាស់ ១៧ ​ទំព័រ​ជា​ភាសា​ខ្មែរ ​និង​មាន​ជា​ភាសា​អង់គ្លេស​ផង​នោះ ​បាន​លើក​ឡើង​ថា៖

«ជាច្រើន​ឆ្នាំ​មក​ហើយ ​ប្រទេស​កម្ពុជា​គឺ​ជា​ប្រធាន​បទ​នៃ​ការ​ធ្វើ​យុទ្ធនាការ​បំភ្លៃ​ព័ត៌មាន ​ដឹក​នាំ​ដោយ​រដ្ឋាភិបាល ​និង​អង្គការ​បរទេស​មួយ​ចំនួន​ ដែល​បាន​មូល​បង្កាច់​អំពី​តថភាព ​និង​ព្រឹត្តិ​ការណ៍​ប្រវត្តិសាស្ត្រ ​ក្នុង​គោល​បំណង​បង្ហាញ​រូបភាព​អវិជ្ជមាន​អំពី​កម្ពុជា ​និង​ដាក់​កំហុស​មក​លើ​រាជ​រដ្ឋាភិបាល»។

ឯកសារ​នេះ បកស្រាយ​សម្រង់​សម្ដី​របស់អតីត​សមាជិក​សភា​អាមេរិក​ម្នាក់​គឺ​លោក​ Ron​ Paul​ ពី​ខាង​គណបក្ស​សាធារណរដ្ឋ ដោយ​សង្ខេប​ថា៖​

«សហ​រដ្ឋ​អាមេរិក​ បាន​ផ្ដល់​មូលនិធិ​គាំទ្រ​ដល់​សកម្មភាព​ក្រៅ​ប្រទេស ​ក្នុង​គោល​បំណង​ដើម្បី​ផ្លាស់ប្ដូរ​របប​ដែល​រដ្ឋាភិបាល​អាមេរិក​មិន​ពេញ​ចិត្ត»។

ក្រៅ​ពីសំដៅ​ទៅ​លើ​សហរដ្ឋ​អាមេរិក ​តាម​រយៈ​ឯកសារ​នោះ​ដែរ ​រដ្ឋាភិបាល​កម្ពុជា​ក៏​បាន​វាយ​ប្រហារ​ទៅ​លើ​អង្គ​ការ​សិទ្ធិ​មនុស្ស​អន្តរជាតិ ​អង្គការ​សង្គម​ស៊ីវិល ​និង​បណ្ដាញ​សារ​ព័ត៌មាន​មួយចំនួន​ទៀត​ផង​ដែរ។

លោក ​David ​Josar ​អ្នក​នាំ​ពាក្យ​រង​នៃ​ស្ថាន​ទូត​សហរដ្ឋ​អាមេរិក​ប្រចាំ​កម្ពុជា​ បញ្ជាក់​ពី​គោល​ជំហរ​របស់​សហរដ្ឋ​អាមេរិក ​ដែល​ជា​ប្រទេស​មហា​អំណាច​មួយ​ក្នុង​សាកល​លោក​ និង​ដែល​តែងតែ​ផ្ដល់​ជំនួយ​ដើម្បី​ពង្រឹង​លទ្ធិ​ប្រជាធិបតេយ្យ​ និង​ការ​គោរព​សិទ្ធិ​មនុស្ស​នៅ​កម្ពុជា​ថា​ ​អាមេរិក​គាំទ្រ​គោល​ការណ៍​លទ្ធិប្រជាធិបតេយ្យ​ជា​ទូទៅ​ដោយ ​មិន​ប្រកាន់​ថា​ ជា​គណបក្ស​នយោបាយ​ណាមួយ​នោះ​ទេ។

លោក​បាន​ថ្លែង​ប្រាប់​VOA​ តាម​សារ​អេឡិចត្រូនិក​ក្នុង​ន័យ​ដើម​យ៉ាង​ដូច្នេះ​ថា៖​

«យើង​មាន​មោទនភាព​ចំពោះ​ភាព​ជា​ដៃ​គូ​ដ៏​យូរ​អង្វែង​ជាមួយ​នឹង​ប្រជាជន ​និង​រដ្ឋាភិបាល​កម្ពុជា ​ក្នុង​ការ​បង្កើន​លទ្ធភាព​ក្នុង​ការ​ផ្ដល់​នូវ​សេវា​សុខ​ភាព​ ការ​អភិវឌ្ឍ​ជីវភាព​ប្រជាជន​តាម​ជនបទ​ ​ការ​គាំទ្រ​សិទ្ធិ​មនុស្ស ​ការ​ការពារ​បរិស្ថាន ​និង​ភាព​ជោគជ័យ​ លើ​គោលដៅ​សំខាន់ៗ ​ដែល​ប្រជាជន​យក​ចិត្ត​ដាក់​អំពី​វា»។

លោក​បន្ត​ទៀត​ថា ​សហរដ្ឋ​អាមេរិក​រំពឹង​ថា ​នឹង​បន្ត​កិច្ច​ពិភាក្សា​ជា​ដៃគូ​ដ៏​ល្អ ​ជាមួយ​រាជ​រដ្ឋាភិបាល​កម្ពុជា ​«ដើម្បី​ពង្រឹង​ចំណង​មិត្តភាព»។​

​ឯកសារ​របស់​ក្រសួង​ការបរទេស​កម្ពុជា​នេះ​ បាន​លើក​យក​ទឡ្ហីករណ៍ ​ជា​ច្រើន​មក​បកស្រាយ​បំភ្លឺ​អំពីគោល​ជំហរ​របស់​រាជ​រដ្ឋាភិបាល​កម្ពុជា​ប្រឆាំង​ទៅ​លើ​សេចក្ដី​រាយការណ៍ ​ឯក​សារ​ស្រាវ​ជ្រាវ ​ព្រឹត្តិការណ៍​នានា ​និង​ការ​ថ្លែង​ជា​លាយលក្ខណ៍អក្សរ ​ឬ​ដោយ​ផ្ទាល់​មាត់ ​របស់​អង្គការ​សិទ្ធិមនុស្ស ​អង្គការ​សង្គម​ស៊ីវិល ​រាជ​រដ្ឋាភិបាល​បរទេស ​និង​ស្ថាប័ន​ព័ត៌មាន​ក្នុង​ស្រុក​ និង​អន្តរ​ជាតិ​មួយ​ចំនួន​ ដោយ​ចាត់​ទុកស្ថាប័ន​ទាំង​នោះ​ ថា​ធ្វើការ​បក​ស្រាយ​ដោយ​មិន​ឆ្លុះ​បញ្ចាំង​ភាព​ពិត​នៃ​ស្ថាន​ភាព​សង្គម​កម្ពុជា​នោះ​ទេ។

អ្នកស្រី ​ធីតា ​ឃឹះ ​ប្រធាន​ប្រតិបត្តិ​នៃ​អង្គការ​សីលការ​ ដែល​ជា​អង្គការ​សង្គម​ស៊ីវិល​មួយ​ក្នុង​ប្រទេស​កម្ពុជា ​បង្ហាញ​ការ​សោកស្ដាយ​ចំពោះ​សេចក្ដី​ប្រកាស​ព័ត៌មាន ​ដែល​ភ្ជាប់​នឹង​ឯកសារ ​«ប្រាប់​ពី​ការ​ពិត» ដែល​ចេញ​ផ្សាយ​ដោយ​ក្រសួង​ការ​បរ​ទេស​កម្ពុជា​នេះ។

លោកស្រី ​បញ្ជាក់​ពី​គោលជំហរ ​និងនិន្នាការ​អង្គការ​សង្គម​ស៊ីវិល ​ថា​ការងារ​អង្គការ​ទាំង​នេះ​ ផ្ដោត​ទៅ​លើ​តែ​ការ​បំពេញ​បន្ថែម​ទៅ​លើ​ចំណុច​ខ្វះ​ខាត​ក្នុង​បញ្ហា​សង្គម​នៅ​កម្ពុជា។

«ខ្ញុំ​យល់​ឃើញ​ថា ​ខ្ញុំ​មាន​ការ​សោកស្ដាយ​ណាស់​ ដែលក្រសួង​ការ​បរទេស ​តំណាង​ឲ្យ​ប្រទេស​កម្ពុជា​ទាំង​មូល ​អត់​យល់​អំពី​អង្គការ​សង្គម​ស៊ីវិល ​ការងារ​របស់​អង្គការ​សង្គម​ស៊ីវិល ​បំពេញ​កន្លែង​ដែល​ខ្វះ​ខាត​នៃ​ស្ថានការណ៍​ក្នុង​ស្រុក។ ​កន្លែង​ដែល​មាន​ការ​ខ្វះ​ខាត​ អត់​មាន ​បាន​គេ​ធ្វើ។ ​បើ​ទាំង​អស់​គ្នា​ដើរ​និយាយ​អួត​ថា រដ្ឋាភិបាល​កម្ពុជាល្អ ប្រទេស​កម្ពុជា​ល្អ ​ជា​ឋានសួគ៌​ វា​មិន​មែន​ជា​ការ​ពិត​ ​គ្មាន​អ្នក​ណា​ជឿ​ផង»។​

រូបឯកសារ៖ លោកស្រី​ ធីតា​ ឃឹះ​ នាយិកា​ប្រតិបត្តិ​នៃ​អង្គការ​សីលការ​ ថ្លែង​ប្រាប់​ក្រុម​អ្នកសារព័ត៌មាន​ អំពី​ជំហរ​របស់​ក្រុម​អង្គការ​សង្គម​ស៊ីវិល​ ក្នុង​ការ​ពារ​ស្រីមុំ កាលពី​ថ្ងៃអង្គារ ទី១៩ ខែមេសា ឆ្នាំ២០១៦។​ (ហ៊ុល រស្មី/VOA)

រូបឯកសារ៖ លោកស្រី​ ធីតា​ ឃឹះ​ នាយិកា​ប្រតិបត្តិ​នៃ​អង្គការ​សីលការ​ ថ្លែង​ប្រាប់​ក្រុម​អ្នកសារព័ត៌មាន​ អំពី​ជំហរ​របស់​ក្រុម​អង្គការ​សង្គម​ស៊ីវិល​ ក្នុង​ការ​ពារ​ស្រីមុំ កាលពី​ថ្ងៃអង្គារ ទី១៩ ខែមេសា ឆ្នាំ២០១៦។​ (ហ៊ុល រស្មី/VOA)


អ្នកស្រី​ប្រាប់​ VOA​ បន្ត​ទៀត​ថា ​ការ​ព្យាយាម​រក​ដំណោះ​ស្រាយ​នៃ​បញ្ហា​នានា​ក្នុង​សង្គម​ ទើប​អាច​លុប​បំបាត់​ភាព​អវិជ្ជមាន​ទាំង​ឡាយ​របស់​កម្ពុជា៖

«បើ​ចង់​ឲ្យ​គេ​យល់​ពី​ស្រុក​ខ្មែរ​មិន​ទៅ​ថា​ទាល់​តែ​បង្កាច់​បង្ខូច​អី​ទេ ​បញ្ហា​ជា​រឿង​ធម្មតា។​ ប៉ុន្តែ ​បញ្ហា​កើត​ទៅ​រឿង​មិន​ធម្មតា​នៅ​ពេល​ដែល​យើង​និយាយ​ហើយ ​រដ្ឋាភិបាល​មិន​ព្រម​ដោះ​ស្រាយ ​អា​នោះ​បាន​ជា​រឿង​មិន​ធម្មតា។ ​ការ​យក​អាកប្ប​កិរិយា​របៀប​ហ្នឹង​មិន​សូវ​ជា​ជួយ​ប្រទេស​ជាតិ​ប៉ុន្មាន​ទេ ​តែ​ធ្វើ​ឲ្យ​ជា​ការងារ​ហ្នឹង​ទៅ​ជា​មិន​ធម្មតា​ទៅ​វិញ»។

ការ​បោះ​ឆ្នោត​ក្រុម​ប្រឹក្សា​ឃុំ​សង្កាត់​នៅ​កម្ពុជា ​នឹង​ប្រព្រឹត្ត​ទៅ​នៅ​រយៈ​ពេល​ប្រមាណ​ជិត​២​ខែ​ខាង​មុខ ​ហើយ​ការ​បោះ​ឆ្នោត​ថ្នាក់​ជាតិ​នឹង​ប្រព្រឹត្ត​ទៅ​ឆ្នាំ​ក្រោយ​ឆ្នាំ​២០១៨ ។ ​

ប្រមាណ​ពីរសប្ដាហ៍​កន្លង​មក ​ការិយាល័យឧត្ដមស្នង​ការអង្គការសហប្រជាជាតិទទួលបន្ទុកសិទ្ធិមនុស្សនៅប្រទេសកម្ពុជា ហៅ​កាត់ថា OHCHR ​បានចេញសេចក្ដីវិភាគអំពីវិសោធន​កម្មច្បាប់ស្ដីពីគណបក្ស​នយោបាយ។ ​

សេចក្ដី​វិភាគ​នេះ ​បង្ហាញ​ថា​សុចរិត​ភាព​នៃ​ការ​បោះ​ឆ្នោត​នានា ​ក្នុង​លទ្ធិប្រជាធិបតេយ្យ​សេរី​ពហុ​បក្ស ​មិន​ត្រូវ​បាន​ធានា​ទេ ​ប្រសិន​បើ​គណបក្ស​នយោបាយ​មិន​អាច​អនុវត្ត​សេរីភាព​នៃ​ការ​បញ្ចេញ​មតិ ​និង​សិទ្ធិ​ក្នុង​ការ​ស្វែង​រក និង​ទទួល​បាន​ព័ត៌មាន​ដែល​មិន​លម្អៀង។ ​

លោក ​សុខ ​ឥសាន​ អ្នក​នាំ​ពាក្យ​គណបក្ស​ប្រជាជន​កម្ពុជា ​ដែល​ជា​គណបក្ស​កាន់​អំណាច ​មិន​អាច​បញ្ជាក់​អំពី​គោល​បំណង​នៃ​ការ​ចេញ​ផ្សាយ​ឯក​សារ​ ដែល​មាន​ចំណង​ជើង​ថា «ប្រាប់​ពី​ការ​ពិត» ​នោះ​បាន​ទេ។

​លោក​បញ្ជាក់​ថា កន្លង​មក​ការ​វិភាគ ​និង​ការ​បក​ស្រាយ​មួយ​ចំនួន​អំពី​បញ្ហា ​លទ្ធិប្រជាធិបតេយ្យ ​បញ្ហា​សិទ្ធិ​មនុស្ស ​និង​សិទ្ធិ​ទទួល​បាន​ព័ត៌មាន​នៅ​កម្ពុជា ​មិនឆ្លុះ​បញ្ចាំង​តថភាព​ពិត​របស់​សង្គម​ខ្មែរ​នោះ​ទេ ​តែ​មាន​ទំនោរ​ទៅ​តាម​និន្នាការ​នយោបាយរបស់​បរទេស។ ​

រូបឯកសារ៖ លោក​ សុខ ឥសាន​ អ្នក​នាំ​ពាក្យគណបក្សប្រជាជនកម្ពុជា​ ផ្តល់​បទ​សម្ភាសន៍​ជាមួយ​ VOA​ នៅ​ឯទីស្នាក់ការគណបក្ស ​ក្នុង​រាជធានី​ភ្នំពេញ​ កាល​ពី​ថ្ងៃ​ទី​១២​ ខែ​តុលា​ ឆ្នាំ​២០១៦​។ ​(ហ៊ាន​ សុជាតា​/ VOA​)

រូបឯកសារ៖ លោក​ សុខ ឥសាន​ អ្នក​នាំ​ពាក្យគណបក្សប្រជាជនកម្ពុជា​ ផ្តល់​បទ​សម្ភាសន៍​ជាមួយ​ VOA​ នៅ​ឯទីស្នាក់ការគណបក្ស ​ក្នុង​រាជធានី​ភ្នំពេញ​ កាល​ពី​ថ្ងៃ​ទី​១២​ ខែ​តុលា​ ឆ្នាំ​២០១៦​។ ​(ហ៊ាន​ សុជាតា​/ VOA​)


«អស់​លោក​មួយ​ចំនួន​មិន​វាយ​តម្លៃ​ទៅ​តាម​ការ​ជាក់ស្ដែង​នៃ​សភាព​ការណ៍​របស់​ប្រទេស​ជាតិ​ទេ ​ច្រើន​តែ​វាយ​ផ្អែក​ទៅ​លើ​និន្នាការ​នយោបាយ ​ឬ​ក៏​សតិ​អារម្មណ៍​ ប្រឆាំងនឹងរាជ​រដ្ឋាភិបាល​បច្ចុប្បន្ន ​ដូច​បញ្ហា​សិទ្ធិ​មនុស្ស​នៅកម្ពុជា​អញ្ចឹង។ បើ​មើល​ពី​ក្រៅ​ប្រទេស​កម្ពុជា​មក​ខាង​ក្នុង ​ប្រទេស​កម្ពុជា​ហ្នឹង​មិន​ដឹង​សាហាវ​យ៉ាងណា​ទេ ​វា​លើស​ខ្មែរ​ក្រហម​ទៅ​ទៀត ​តែ​យើង​ឃើញ​ហើយ​ ថា​ការ​ពិត​មិន​ដូច​គាត់​និយាយ​ទេ»។

លោក ​ឈាង​ វណ្ណារិទ្ធិ​ សាស្ត្រាចារ្យ​ជំនាញ​ទំនាក់​ទំនង​អន្តរជាតិ ​បាន​ឲ្យ​ដឹង​ថា​ ក្រោយ​បោះឆ្នោត​ឆ្នាំ​២០១៣​ និង​ក្រោយ​ពេល​ហេតុ​ការណ៍​មួយ​ចំនួន​ បាន​កើត​ឡើង​នៅ​បស្ចិម​ប្រទេស ​ដែល​កើត​ឡើង​ពី​ការ​លូក​ដៃ​ពី​ប្រទេស​ផ្សេង​នោះ ​រដ្ឋាភិបាល​កម្ពុជា​តែង​តែ​ភ័យ​ខ្លាច ​អំពី​ស្ថាន​ការណ៍​នានា​ដែល​អាច​កើត​ឡើង។​

«កន្លង​ទៅ​រដ្ឋាភិបាល​កម្ពុជា​មាន​លក្ខណៈ​ភ័យ​ខ្លាច​ច្រើន ​(Paranoid) ​ទាក់​ទង​ទៅ​ហេតុ​ការណ៍ ​Arab Spring​ ​គឺ​បដិវត្តន៍​ពណ៌​នៅ​បស្ចិម​ប្រទេស ​លីប៊ី ​បច្ចុប្បន្ន​ស៊ីរី។ ​ឃើញ​អញ្ចឹង​គាត់​មាន​ការ​ភ័យ​ខ្លាច​ស្ថាន​ការណ៍​នៅ​កម្ពុជា។ ​ជាពិសេស​ក្រោយ​ការ​បោះ​ឆ្នោត​ឆ្នាំ ​២០១៣ មាន​បាតុកម្ម​ទៅ គាត់​ភ័យ​ខ្លាច​ច្រើន។ ​ការ​ភ័យ​ខ្លាច​ច្រើន ធ្វើ​ឲ្យ​គាត់​ហ៊ាន​សម្រេច​ចិត្ត ​គ្រប់​គ្រងNGOs ​និង​ការ​លូក​ដៃ​ពី​បរទេស»។

រូបឯកសារ៖ លោកបណ្ឌិត​ ឈាង វណ្ណារិទ្ធិនាយកវិទ្យាស្ថានខ្មែរសម្រាប់សហប្រតិបត្តិការ និង​សន្តិភាព

រូបឯកសារ៖ លោកបណ្ឌិត​ ឈាង វណ្ណារិទ្ធិ នាយកវិទ្យាស្ថានខ្មែរសម្រាប់សហប្រតិបត្តិការ និង​សន្តិភាព


កន្លង​មក​ ​ការ​គោរព​សិទ្ធិមនុស្ស សេរីភាព​សារព័ត៌មាន​ និង​ប្រព័ន្ធ​យុត្តិធម៌​នៅ​ក្នុង​ប្រទេស​កម្ពុជា​ត្រូវ​បាន​គេ​ចាត់​ថា​ មាន​លក្ខណៈ​ទន់​ខ្សោយ​ខ្លាំង។​

តាម​រយៈ​សេចក្ដី​ប្រកាស​ព័ត៌មាន​នោះ​ដែរ​រដ្ឋាភិបាល​បាន​រិះគន់​ខ្លាំងៗ​ទៅ​លើ​សារ​ព័ត៌មាន​មួយ​ចំនួន​ដូចជា ​វិទ្យុ​អាស៊ី​សេរី​ (RFA), ​វិទ្យុ​សំឡេង​សហរដ្ឋ​អាមេរិក ​(VOA) កាសែត​ភ្នំពេញ​ប៉ុស្តិ៍ (Phnom Penh Post) ​និង​ ព្រឹត្តិបត្រ​ព័ត៌មាន ដឺ​ខេមបូឌា​ដេលី​(Cambodia Daily)​ ថា ​ប្រព័ន្ធ​ផ្សព្វ​ផ្សាយ​ទាំង​នេះ​មាន​សេរីភាព​ខ្លាំង​ណាស់​ក្នុង​ការ​រិះគន់​ខ្លាំងៗ​ និង​ចោទ​ប្រកាន់​«ដោយ​គ្មាន​មូលដ្ឋាន»​លើ​ការ​ដឹក​នាំ​របស់​រាជ​រដ្ឋាភិបាល​លោក ​ហ៊ុន​ សែន។

សេចក្ដីប្រកាសព័ត៌មាននោះសរសេរត្រង់​ចំណុច​នេះ​ថា៖​

«ការ​បោះ​ពុម្ព​ផ្សាយ​កាសែត​គឺ ​មាន​លក្ខណៈ​សេរី​ខ្លាំង​ណាស់​រហូត​ដល់​កាសែត​ខាំបូឌា​ដេលី និង​កាសែត​ភ្នំពេញ​ប៉ុស្តិ៍​ដែល​ជា​កាសែត​ភាសា​អង់គ្លេស​ដ៏​ធំនិង​មាន​បកប្រែ​ជា​ភាសាខ្មែរ​បាន​បោះ​ពុម្ព​ផ្សាយ​ជា​ប្រចាំ​ថ្ងៃ​នូវ​ការ​រិះគន់​ខ្លាំងៗ​ ព្រម​ទាំង​មាន​ការ​ចោទ​ប្រកាន់​ដោយ​គ្មាន​មូលដ្ឋាន ​ប្រឆាំង​នឹង​រដ្ឋាភិបាល​ដោយ​ផ្អែក​លើ​ការ​សង្ស័យ​សុទ្ធ​សាធ»។

លោក មឿន​ ​ឈាន​ណារិទ្ធ ប្រធាន​វិទ្យាស្ថាន​កម្ពុជា​សម្រាប់​ការ​សិក្សា​ផ្នែក​សារ​ព័ត៌មាន ​បាន​ប្រាប់​ VOA ​ថា​វិស័យ​សារ​ព័ត៌មាន​នៅ​កម្ពុជា​មាន​ការ​រីក​ចម្រើន​ បើ​ប្រៀប​ធៀប​ទៅ​នឹង​ប្រទេស​កាន់​លទ្ធិសង្គមនិយម​ដែលនៅ​ក្បែរ​ខាង។

«បើ​យើង​ប្រៀប​ធៀប​នឹង​បរិបទ​ប្រទេស​ជិត​ខាង ​ឡាវ និង​វៀតណាម ​ដែល​ជា​ប្រទេស​ដែល​កាន់​លទ្ធិសង្គមនិយម។ ​តែបើយើង​ប្រៀប​ធៀប​ទៅ​នឹង​បរិបទបណ្ដាប្រទេស​អាស៊ាន​ទាំង​មូល ​ដូច​ជា​ប្រទេស​ហ្វីលីពីន​អី ​យើង​ហាក់​ដូច​ជា​ដើរ​ក្រោយ​បន្តិច បើ​និយាយ​ពី​សេរីភាព​សារព័ត៌មាន​នេះ»។

លោក ​Stuart ​White ​និពន្ធ​នាយក​ស្ដីទី​របស់​កាសែត​ភ្នំពេញ​ប៉ុស្តិ៍​ជា​ភាសា​អង់គ្លេស ​បាន​សរសេរ​ក្នុង​សារ​អេឡិចត្រូនិក​ ប្រាប់​VOA​ថា៖​

«ក្នុង​រយៈ​ពេល​ជាង​២៥ឆ្នាំ​មក​នេះ ​កាសែត​ភ្នំពេញ​ប៉ុស្តិ៍ បាន​ប្ដេជ្ញា​គោរព​យ៉ាង​ខ្ជាប់​ខ្ជួន​នូវ​គោល​ការណ៍​សារព័ត៌មាន ​ទាំង​ជា​ភាសា​ខ្មែរ ​និង​ភាសា​អង់គ្លេស»។

លោក​និពន្ធ​នាយក​ជនជាតិ​អាមេរិក​រូប​នេះ​បន្ត​ទៀត​ថា៖

«បេសកកម្ម​យើង ​គឺ​រាយ​ការណ៍ ​ដោយ​ស្មើភាព​ និង​មិន​លម្អៀង ​ហើយ​យើង​បន្ត​ធ្វើ​ឲ្យ​អ្នក​កាន់​អំណាច​ទាំង​នោះ ​ទទួល​ខុស​ត្រូវ ​ដើម្បី​ផល​ប្រយោជន៍​នៃ​តម្លា​ភាព​ និងផលប្រយោជន៍សាធារណៈ​មតិ​ទាំង​មូល»។

នៅ​ក្នុង​អត្ថបទ ​«ប្រាប់​ពី​ការ​ពិត» ​ដដែល​នោះ ក្រសួង​ការ​បរទេស​ក៏​បាន​វាយ​ប្រហារ​ទៅលើ​ លោក​ស្រី ​Wan ​Hea ​Lee តំណាងប្រចាំ​ប្រទេស​កម្ពុជា​ នៃ​ការិយាល័យ​ឧត្ដម​ស្នងការ​អង្គការ​សហ​ប្រជាជាតិ ​ទទួល​បន្ទុកសិទ្ធិ​មនុស្ស​ ហៅ​កាត់​ថា ​OHCHR ​ដែរ​ ថា​បាន​ចេញ​សេចក្ដី​ថ្លែង​ការណ៍​អំពី​ស្ថាន​ការណ៍​នយោបាយ​កម្ពុជា ​មាន​លក្ខណៈលម្អៀង។ ​

VOA ​ពុំ​ទទួល​បាន​ការ​អត្ថាធិប្បាយ​ពី​លោក​ស្រី Wan Hea Lee​ ទេ។

ក្នុង​ឯកសារ​ដែល​ចេញ​ដោយ ​ក្រសួង​ការ​បរទេស​ដដែល​នេះ ​រដ្ឋាភិបាល​បាន​ការពារ​ ការ​សម្រេច​ចិត្ត​របស់​ខ្លួន​ក្នុង​ការ​ឃុំខ្លួន ​អ្នក​ទោស​២៦​រូប ​ដែល​ត្រូវ​បាន​អង្គការ​សង្គម​ស៊ីវិល​ហៅ​ថា​ជា​ «អ្នក​ទោស​នយោបាយ» ដោយ​រដ្ឋាភិបាលថ្លែង​ថា​ អ្នក​ទាំង​នោះ​បាន​រំលោភ​ច្បាប់។​

VOA ​មិន​អាច​ទាក់​ទង​លោក ជុំ សុន្ទរី ​អ្នកនាំពាក្យ​ក្រសួង​ការ​បរទេស ​ដើម្បី​សុំ​ការ​អត្ថាធិប្បាយ​នោះ​ទេ៕

What Next?

Related Articles

10 Responses to "រដ្ឋាភិបាល ​ការពារ​ខ្លួន​និង​ចោទ​រដ្ឋាភិបាល​បរទេស​ថា ​មាន​ចេតនា​ផ្លាស់ប្ដូរ​របប​នៅ​កម្ពុជា"

  1. sokhon says:

    កម្ពុជា នឹង​ វៀតណាម អាមេរិចធ្វើមិនដូចគ្នាទេ។ហេតុអ្វី?

  2. Rasmei says:

    What is wrong with changing of the regime?????????????????It is like you guys change your clothes everyday!!!

  3. people says:

    The former veitcong khmer rough are scaring of real democracy ‘because they have law&order properly not like this regime at the moment ‘ .This government leaded by veitcong mafia dictator and his groups are the former khmer rough and their hands full of blood ;’they are the killer’ and they scaring of every truth ‘ .They think they can get away from justice?? now in this world they can get away from this beast regime but when they die they will go down to hell and get what they done’in this world .Veitcong mafia dictator and his groups will get lesson from KARMA’ we wait and see north korea dictator will be topple soon and their people will release from the cage ‘ and cambodia will get after kim-jon un gone then sa-damm hun-sen turn ‘.GOD bless all cambodian people’

  4. people says:

    Dictators in the world never wanted to change because they got power they wanted anything they can do anything they wanted even corrupted and taking money from state or people they can do that why all dictators in the world deserve to die by hand of people ‘.the world and people in the world hate dictator in modern day’ .This beast regime will be topple by people’s democracy’ vote them out ‘.GOD bless all cambodian people’

  5. Rasmei says:

    Hey, hey guy! Be careful of what you are saying because you are not a politician!

  6. ការប្រឹងប្រែងផ្សព្វផ្សាយប្រាប់ការពិតបែបនេះ វាទៅជាការជីកគាស់កកាយបំផ្លាញឬសគល់របស់ខ្លួនឯងដែលរាស្ដ្រ

    ខ្មែរជាទូទៅមិនសូវយល់ដឹងថា មានបរទេសដ៏ច្រើនមិនពេញចិត្តចំពោះអ្នកដឹកនាំរបស់រដ្ឋាភិបាលប្រទេសកម្ពុជា។

  7. ?? says:

    of cause they wanted to change because they are seeing this regime is a bloody regime. at this moment I’m seeing it is quiet because of up coming new year celebration up . after that it will come to the fight of power again. even that I still hearing some of the political massage for the world to think about this top leader of the world. please do not be so proud of yourself of being a powerful dictator in this dirty hold. no one will last for ever in this world if they fine out you commit too many crime again humanity they will send you to hell very soon. all Cambodian should understand that HUN SEN is using peoplepowers to threatening the world. but I want to tell you that you are too small can not sacking the world even a bit . just like North Korean even those they said they have the killer weapon they still can not scare no one. instate they want to take this leader to hell and release those people from that cage just like Cambodia. peace for all Cambodian GOD bless them all

  8. Anonymous says:

    It is easy way, if international community want to change this regim or want this criminal group lost national election, just put them in black list. So very things will change.

  9. Anonymous says:

    Change is a very natural phenomena!!!!.
    If ones like the truth, and that is the truth.
    News cannot be controlled forever!
    Many medias have been part of lie in Cambodia, and became useless. For fact, so many become familiar with Facebook, leaving those medias for advertising.
    It is time to wake up to realities.
    Who is behind with accepting realities?????? Ordinary Cambodians or those in government???

  10. so socheath says:

    Hopefully camnews , enjoying the hospitality
    comment for me

Leave a Reply

Submit Comment