អ្នកនាំពាក្យ​គណបក្ស​ប្រជា​ជន​​កម្ពុជា​​​កំពុង​កាន់អំណាច​គំរាម​ថា កង​ទ័ពនឹង​​មិន​អព្យាក្រឹតឡើយ​

ខេមបូឌា ដេលី

កាលពីម្សិលមិញ អ្នកនាំពាក្យគណបក្សកាន់អំណាចបានព្រមានថា កងទ័ពនឹងឈរនៅខាងរដ្ឋាភិបាលក្នុងករណីមានការប៉ះទង្គិចគ្នាដោយសារលទ្ធផលបោះឆ្នោត ហើយបានគាំទ្រការគំរាមកំហែងរបស់លោក ទៀ បាញ់ រដ្ឋមន្ត្រីក្រសួងការពារជាតិដែលធ្វើឡើងកាលពីថ្ងៃអាទិត្យថានឹង “វាយបំបែកធ្មេញ” អ្នកតវ៉ាប្រឆាំងលទ្ធផលបោះឆ្នោត ជាវោហារសាស្ត្រដែលគណបក្សសង្គ្រោះជាតិនិយាយថារឹតតែធ្វើឲ្យអ្នកបោះឆ្នោតកាន់តែច្រើនងាកមកបោះឆ្នោតគាំទ្រខ្លួន។

លោក សុខ ឥសាន អ្នកនាំពាក្យគណបក្សប្រជាជនកម្ពុជាមានប្រសាសន៍ថា “កងកម្លាំងប្រដាប់អាវុធមិនអព្យាក្រឹតរវាងគណបក្សនយោបាយមួយ និងរាជរដ្ឋាភិបាលស្របច្បាប់ទេ ពីព្រោះកងកម្លាំងប្រដាប់អាវុធជាកងទ័ពជាតិ ហើយរាជរដ្ឋាភិបាលកើតចេញពីការបោះឆ្នោត គឺជារាជរដ្ឋាភិបាលរបស់ជាតិ”។

ទោះជាយ៉ាងណា យោងតាមលោក សុក សំអឿន អ្នកជំនាញខាងច្បាប់បានឱ្យដឹងថា ការធ្វើអត្ថាធិប្បាយទាំងនេះមិនមានចែងច្បាស់លាស់ទេនៅក្នុងច្បាប់របស់កម្ពុជា។

កងរាជអាវុធហត្ថចូលរួមក្នុងពិធីហ្វឹកហាត់នៅទីបញ្ជាការក្រុងរបស់ពួកគេនៅក្នុងខណ្ឌ ពោធិ៍សែនជ័យ រាជធានីភ្នំពេញ កាលពីឆ្នាំ២០១៤។ រូបថតៈ ស៊ីវ ចាន់ណា/ឌឹ ខេមបូឌា ដេលី
កងរាជអាវុធហត្ថចូលរួមក្នុងពិធីហ្វឹកហាត់នៅទីបញ្ជាការក្រុងរបស់ពួកគេនៅក្នុងខណ្ឌ ពោធិ៍សែនជ័យ រាជធានីភ្នំពេញ កាលពីឆ្នាំ២០១៤។ រូបថតៈ ស៊ីវ ចាន់ណា/ឌឹ ខេមបូឌា ដេលី

លក្ខន្តិកៈទូទៅចំពោះយោធិននៃកងយោធពលខេមរភូមិន្ទឆ្នាំ១៩៩៧ ហាមមន្ត្រីយោធាមិនឱ្យបញ្ចេញទស្សនៈនយោបាយរបស់ខ្លួន ឬចូលរួមក្នុងគណបក្សនយោបាយណាមួយឡើយ។ ប៉ុន្តែច្បាប់នោះ និងច្បាប់ផ្សេងៗទៀតមិនមានចែងដោយផ្ទាល់អំពីកងទ័ពការពារគណបក្សនយោបាយណាមួយ ឬបញ្ជាក់ឲ្យបានច្បាស់លាស់អំពីតួនាទីការពារសន្តិសុខផ្ទៃក្នុងរបស់ខ្លួនឡើយ នេះបើយោងតាមប្រសាសន៍របស់លោក សុក សំអឿន។

លោកបានថ្លែងថា ទាហានខ្លះអះអាងថា សេចក្ដីថ្លែងការណ៍ដែលមាននិន្នាការទៅរកគណបក្សដែលខ្លួនធ្វើ គឺគ្រាន់តែធ្វើឡើងក្នុងនាមជាជនស៊ីវិលប៉ុណ្ណោះ ដោយពេលខ្លះងាយៗដោយគ្រាន់តែប្ដូរឯកសណ្ឋានចេញប៉ុណ្ណោះ។ លោកលើកឡើងទៀតថា “ការបកស្រាយនេះធ្វើឱ្យយោធាមិនឯករាជ្យ”។

ថ្លែងនៅឯទីស្នាក់ការកណ្ដាលគណបក្សសង្គ្រោះជាតិកាលពីម្សិលមិញ លោក កឹម សុខា ប្រធានគណបក្សប្រឆាំងបានព្យាករថា ការគំរាមកំហែងទាំងនេះពីសំណាក់គណបក្សកាន់អំណាចនឹងរឹតតែធ្វើឱ្យគណបក្សប្រឆាំងទទួលបានការគាំទ្រកាន់តែខ្លាំង។

លោកថ្លែងប្រាប់ស្ត្រីៗជាបេក្ខជនមេឃុំដែលបានជួបជុំគ្នានៅទីស្នាក់ការកណ្ដាលគណបក្សសង្គ្រោះជាតិថា “ពីណាចង់ឱ្យគេវ៉ៃបាក់ធ្មេញ បោះឱ្យគេណុងចុះ។ ពីណាចង់ទុកធ្មេញហូបបាយមកខាងនេះ”។

លោក កឹម សុខា ដែលទើបវិលត្រឡប់មកវិញកាលពីថ្ងៃអង្គារ ពីដំណើររៃអង្គាសមូលនិធិនៅសហរដ្ឋអាមេរិក បានជំរុញឱ្យសត្រូវរបស់លោករក្សាភាពអត់ធ្មត់ឲ្យបានច្រើន ហើយលោកបានត្អូញត្អែរចំពោះស្តង់ដារពីរនៅក្នុងប្រភេទវោហារសាស្ត្រដែលអាចអនុញ្ញាតឱ្យបញ្ចេញបាន។

លោកថ្លែងថា “យើងចង់អំពាវនាវ សុំអំពាវនាវឱ្យគ្រប់គណបក្សនយោបាយទាំងអស់យកកម្មវិធីនយោបាយរបស់ខ្លួន យកគោលនយោបាយរបស់ខ្លួន យកសារនយោបាយរបស់ខ្លួនមកប្រកួត កុំប្រកួតកម្លាំងបាយ កុំគំរាមកំហែង កុំបំភិតបំភ័យ កុំលួចបន្លំ”។

លោកបានជំរុញឱ្យបេក្ខជនឃុំ សង្កាត់ និងអ្នកគាំទ្រគណបក្សរក្សាភាពស្ងាត់ស្ងៀមពេលប្រឈមការគំរាមកំហែងដែលលោកលើកឡើងថា  គណបក្សសង្គ្រោះជាតិគ្មានសិទ្ធិអំណាចនឹងតបតទៅវិញទេ។

លោកបានមានប្រសាសន៍ទៀតថា “មានពាក្យខ្លះ មានសម្ដីខ្លះ គេនិយាយបាន តែយើងនិយាយអត់បានទេ។ គេគំរាមយើងបាន តែយើងនិយាយបញ្ឆិតបញ្ឆៀងគេក៏រឿងដែរ…”។ លោកបន្តថា “គ្មានអ្នកណាចោទប្រកាន់ [ពួកគេ] ទេ គ្មានតុលាការណារករឿង [ពួកគេ] ទេ”។

លោក កឹម សុខា ក៏បានលើកឡើងជាថ្មីម្ដងទៀតដែរអំពីសេចក្ដីថ្លែងការណ៍កន្លងមកថា គណបក្សរបស់លោកនឹងដោះស្រាយការជាប់គាំងតាមរយៈមធ្យោបាយសន្តិវិធី  អហិង្សា ហើយបានសន្យាថានឹង “គ្មានសង្គ្រាមទេ នៅពេលគណបក្សសង្គ្រោះជាតិឈ្នះឆ្នោត” ដើម្បីតបទៅនឹងការគំរាមកំហែងម្ដងហើយម្ដងទៀតពីសំណាក់លោកនាយករដ្ឋមន្ត្រី ហ៊ុន សែន ថា ប្រសិនបើគណបក្សប្រឆាំងឈ្នះការបោះឆ្នោត នឹងនាំទៅរកភាពចលាចល និងសង្គ្រាមដូចនៅប្រទេសស៊ីរី។

លោក កឹម សុខា មានប្រសាសន៍ថា “ជិតបោះឆ្នោត” “បើបានគេនិយាយអញ្ចឹងៗច្រើនទៀត យើងបានសន្លឹកឆ្នោតកាន់តែច្រើន”។

ទោះជាយ៉ាងណា លោក សុខ ឥសាន បានច្រានចោលការលើកឡើងបែបនេះ ដោយអះអាងថា អ្នកបោះឆ្នោតបានយល់ពីការពិតនៅក្នុងសេចក្ដីថ្លែងការណ៍របស់នាយឧត្ដមសេនីយ៍ ទៀ បាញ់ ដែលធ្វើឡើងកាលពីថ្ងៃអាទិត្យហើយ។

លោកថ្លែងថា “អញ្ចឹងទេ មានអ្នកណាតវ៉ាលទ្ធផលបោះឆ្នោត មានលក្ខណៈអនាធិបតេយ្យដូចជំនាន់ឆ្នាំ២០១៣ អាហ្នឹងកងកម្លាំងប្រដាប់អាវុធត្រូវតែចាត់វិធានការស្របច្បាប់ហើយ”។ លោកបន្តថា “មិនមែនជាការបំភិតបំភ័យ មិនមែនគំរាមកំហែងទេ ប៉ុន្តែវាជាការពិត”៕ សុខុម (រាយការណ៍បន្ថែមដោយ Ben Paviour)

 

© 2017, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

What Next?

Recent Articles

4 Responses to "អ្នកនាំពាក្យ​គណបក្ស​ប្រជា​ជន​​កម្ពុជា​​​កំពុង​កាន់អំណាច​គំរាម​ថា កង​ទ័ពនឹង​​មិន​អព្យាក្រឹតឡើយ​"

  1. Anonymous says:

    (បានជំរុញឱ្យសត្រូវរបស់លោករក្សាភាពអត់ធ្មត់) ហេតុអ្វីបានជាសរសេរដល់ថ្នាក់នេះ ខ្មែរចាត់ទុកគ្នាជាសត្រូវ

  2. ?? says:

    word and action of HUN SEN and his evil group are insane . democracy in Cambodia is fake not real it just only the tool for this communist killer to silent all Cambodian that hungry for democracy . whit this communist Vietcong and China they only destroy this poor nation and murder our poor Cambodian . I have no thought that this Vietcong’s slave regime was involve in the mass murder of more then two million Cambodian . we can see and hearing the words and action that they are threatening our Cambodian every day. I also have known that western and EU democracy nation they are seeing the same what I said. expressly United State after HUN SEN kicked them out from military humanitarian exercise from Cambodia all those nation are filling bad by seeing this nation are going even deeper to CHINA communist and Vietcong communist nation. I felling bad about our nation that because of a person who having evil mind leading our poor nation to a devastate situation in very near future. this time is more then ever it may wipe out our nation as what I’m worry about. time will tell the truth can be reveal in this election time . Cambodian keep their wish of changing if they know the dangerous of losing their identity. this time is more the ever that our ancestor need their countryman to rescue from the danger. peace for Cambodian and GOD bless them all

  3. Phanna says:

    They think they are N. Korea ពួកអាមានឈ្មោះក្នុងបញ្ជីខ្មៅរបស់អន្តរជាតិ!

  4. :( says:

    ខ្ញុំចាំមើលថាតើពួកគាត់ខ្លាំងដល់ពេលណា