“ច្បាប់​បក្ស​នយោបាយ​ថ្មី​នឹង​មាន​សុពលភាព​ភ្លាម​នៅ​ថ្ងៃ​ព្រះមហាក្សត្រ​ឡាយ​ព្រះហស្តលេខា”

ដោយ ឡេង ម៉ាលី
2017-07-16
RFA

អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​១០ ខែ​មីនា ឆ្នាំ​២០១៦។ Photo: RFA
អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​១០ ខែ​មីនា ឆ្នាំ​២០១៦។ Photo: RFA


នៅ​ល្ងាច​ថ្ងៃ​ទី​១៦ កក្កដា អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន បាន​ផ្ញើ​សារ​តាម​តេឡេក្រាម (Telegram) ថា ច្បាប់​ស្ដីពី​វិសោធនកម្ម​ច្បាប់​ស្ដីពី​គណបក្ស​នយោបាយ នឹង​មាន​សុពលភាព​អនុវត្តន៍​ភ្លាមៗ​នៅ​ថ្ងៃ​ដែល​ព្រះមហាក្សត្រ​ឡាយ​ព្រះហស្តលេខា​លើ​ព្រះរាជក្រម​ប្រកាស​ឲ្យ​ប្រើប្រាស់​ច្បាប់​នេះ។

លោក​បញ្ជាក់​ថា ការ​ដែល​ច្បាប់​ស្ដីពី​គណបក្ស​នយោបាយ​មាន​សុពលភាព​អនុវត្តន៍​ភ្លាមៗ គឺ​ដោយសារ​ច្បាប់​នេះ​នឹង​ត្រូវ​ប្រកាស​ជា​ការ​ប្រញាប់។

លោក សុខ ឥសាន បន្ត​ថា ក្រោយ​ពេល​ច្បាប់​នេះ​ចូល​ជា​ធរមាន​រួច​ហើយ គ្រប់​គណបក្ស​នយោបាយ​មិន​មាន​សិទ្ធិ​ផ្សារភ្ជាប់​ជាមួយ​ទណ្ឌិត​កម្រិត​ទោស​មជ្ឈិម និង​ទោស​ឧក្រិដ្ឋ​ជា​ដាច់ខាត។ ក្នុង​ករណី​គណបក្ស​នយោបាយ​ណា​មួយ​មាន​ទំនាក់ទំនង​ជាមួយ​ទណ្ឌិត ទោះ​ជា​សម្ងាត់​ក្ដី ឬ​ជា​ចំហ​ក្ដី ដូច​មាន​ចែង​ក្នុង​ច្បាប់​នេះ គណបក្ស​នោះ​ត្រូវ​ទទួល​ខុស​ត្រូវ​ចំពោះ​មុខ​ច្បាប់។ ការ​ទទួល​ខុស​ត្រូវ​ចំពោះ​មុខ​ច្បាប់ គឺ​មាន​ការ​ផ្អាក​សកម្មភាព​របស់​គណបក្ស​នោះ​រយៈពេល ៥​ឆ្នាំ​យ៉ាង​តិច ត្រូវ​លុប​ឈ្មោះ​គណបក្ស​នោះ​ចេញ​ពី​បញ្ជី​មិន​ឲ្យ​ធ្វើ​សកម្មភាព​នយោបាយ​តែ​ម្ដង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

2 Responses to "“ច្បាប់​បក្ស​នយោបាយ​ថ្មី​នឹង​មាន​សុពលភាព​ភ្លាម​នៅ​ថ្ងៃ​ព្រះមហាក្សត្រ​ឡាយ​ព្រះហស្តលេខា”"

  1. ?? says:

    I love this guy so much just about to kick his ass . his brain is limited all he can think is to talked just to pressing his opponent . this Vietcong brain wash was never thinking about this nation. please searching him if he related to those Vietcong that right he never thinking about peace and independent nation. the guy like SOK ESAN , CHHEANG VONN , PHAI SE PHOM, they are speaking none sent . I seen video last three week Mr CHHEANG VONN the stingy mouth spoke so dump that I can not take it. I do not understand CPP have only these kind of guy working for them . HO …..I might wrong because their boss is dump that right make them following his boss evil way. be a human being you guy you are not animal . I do not know how to say to you but my question is are you Buddhism if yes how can you do some thing like that. if you committed a lot of crime where do you think you will go . if I was you I rather looking to make money on some thing else . not working as a slave just repeated of some one word to hurt some bodies . too bad so sad by having been born as evil it suit white evil not thing can change. peace for all Cambodian

  2. Phanna says:

    ព្រះមហាក្សត្រទ្រង់មិនសញ្ញេច្បាព្រៃនេះទេ​