អ្នក​សង្កេត​ការណ៍​នយោបាយ៖​ លោក​ ហ៊ុន សែន​ ទោះ​ចង់​មិន​ចង់​ ក៏​ត្រូវ​តែ​មាន​អ្នក​ជំនួស

នយោបាយ

រូបឯកសារ៖ លោក​នាយករដ្ឋមន្រ្តី​ហ៊ុន សែន ប្រធាន​គណបក្ស​ប្រជាជន​កម្ពុជា បង្ហាញ​ស្នាម​ទឹកខ្មៅ​លើ​មេដៃ បន្ទាប់​ពី​ចូលរួម​ការ​បោះឆ្នោត​ឃុំសង្កាត់ នៅ​មណ្ឌល​បោះឆ្នោត​ក្រុង​តាខ្មៅ ខេត្ត​កណ្តាល កាល​ពី​ថ្ងៃ​ទី០៤ ខែ​មិថុនា ឆ្នាំ​២០១៧។


08 សីហា 2017
ហ៊ុល រស្មី
វីអូអេខ្មែរ

«លោក​នាយករដ្ឋមន្ត្រី​ ហ៊ុន សែន​ មាន​បទ​ពិសោធន៍​ជា​យូរ​មក​ហើយ​នៅ​ក្នុង​ការ​បំពាន​សិទ្ធិមនុស្ស​ ដែល​ជា​មធ្យោបាយ​ក្នុង​ការ​រក្សា​ការ​គ្រប់​គ្រ​ង​ខាង​នយោបាយ។​ ​វា​ពិត​ជា​នីតិវិធី​ស្តង់ដារ​របស់​លោក»។​

​ក្នុង​ពិធី​ចែក​សញ្ញាប័ត្រ​មួយ​នៅ​រាជធានី​ភ្នំពេញ​ កាលពីដើម​សប្ដាហ៍​នេះ​ លោក​នាយករដ្ឋមន្ត្រី ហ៊ុន សែន​ ​បាន​បើក​ការ​វាយប្រហារ​ទៅ​លើ​ ក្រុម​ប្រឆាំង​នឹង​រូបលោក​ ដែល​លោក​ចោទ​ថា​ បាន​បំផុស​ព័ត៌មាន​មិន​ពិត​អំពី​ការ​ស្លាប់​របស់​លោក។ ​លោក​នាយករដ្ឋមន្ត្រី ថ្លែង​ថា លោក​នឹង​មិន​មែន​ជា​មុខសញ្ញា ​ដែល​ត្រូវ​បាន​កម្លាំង​ប្រដាប់​អាវុធ​ចាត់​ការ​មុន​នោះ​ទេ តែ​ក្រុម​ជំទាស់​ទាំង​នោះ​ទៅវិញ​ទេ ដែល​នឹង​ត្រូវ​កង​កម្លាំង​ប្រដាប់​អាវុធ​ចាត់ការ​មុន។​

លោក ហ៊ុន សែន ​មិន​បាន​បញ្ជាក់​ថា​តើ​ក្រុម​ណាមួយ​ជាក់លាក់​ដែល​ចង់​ឃើញ​រូប​លោក​ស្លាប់​នោះ​ទេ​ ​តែ​លោក​ ​ហ៊ុន សែន​ ​ក៏​បាន​អះអាង​ថា​ ​ប្រសិន​បើ​លោក​អស់​ជីវិត​ នោះ​នគរ​ខ្មែរ​ទាំង​មូល​នឹង​ស្ថិត​ក្នុង​ភាព«រំជើប​រំជួល»។​

«បើ​នាយករដ្ឋមន្ត្រី​ស្លាប់​ ពេលនោះ​គឺ​រដ្ឋាភិបាល​គឺ​អត់​តា​ហ្មង​ រលាយ​ទាំង​អស់។ គ្មាន​ឧប​នាយករដ្ឋមន្ត្រី​ គ្មាន​រដ្ឋមន្ត្រី​អីទាំងអស់​ បាន​សេចក្ដី​ថា​ នគរ​មួយ​នេះ​ គឺ​អត់​ក្បាល​ហ្មង។ បើ​អត់​ក្បាល​ តើ​អ្វី​វា​នឹង​កើត​ឡើង? គ្រោះថ្នាក់​ណាស់ កម្លាំង​ប្រដាប់​អាវុធ​ ដែល​ត្រៀម​ជាស្រេច​ហើយ​នោះ​ គេ​នឹង​ចាត់​ការ​ជាមួយ​នឹង​អ្វី​ដែល​គេ​ចង់​ចាត់។ យក​ល្អ​ទុក​ឲ្យ​ហ៊ុន សែន​ រស់។ បើ​បន់​ឲ្យ​ ហ៊ុន សែន​ ស្លាប់​ អ្នក​ក៏​ងាយ​ស្លាប់​ដែរ​ សុំ​ជម្រាប​ឲ្យ​ច្បាស់។​

​ក្រុម​មន្ត្រី​សិទ្ធិ​មនុស្ស​ និង​អ្នក​ឃ្លាំ​មើល​ស្ថាន​ការណ៍​នយោបាយ​ក្នុង​ប្រទេស​កម្ពុជា​និង​អន្តរជាតិ​ ​ថ្លែង​ប្រាប់​VOA​ ​ដោយ​ប្រយ័ត្ន​ប្រយែង​ក្នុង​ការ​អធិប្បាយ​លើ​ប្រតិបត្តិ​ការ​របស់​រដ្ឋាភិបាល។​ ពួក​គេ​បាន​ធ្វើការ​វិភាគ​ផ្សេងៗ​គ្នា​ដោយ​អះអាង​ថា​ ​លោក​ ​ហ៊ុន សែន​ ​កំពុង​តាំង​ខ្លួនឯង​ជា​មនុស្ស​ដែល​ពល​រដ្ឋកម្ពុជា​មិន​អាច​ខ្វះ​បាន​ ​ក៏ប៉ុន្តែ​លោក​នឹង​មិន​អាច​ប្រឆាំង​នឹង​ច្បាប់​ធម្មជាតិ​បាន​នោះ​ទេ។​

​លោក​ Phil Robertson​ នាយករង​ទទួល​បន្ទុក​កិច្ចការ​តំបន់​អាស៊ី​របស់​អង្គការ​ឃ្លាំ​មើល​សិទ្ធិមនុស្ស​អន្តរជាតិ Human Rights Watch បាន​បញ្ជាក់​ប្រាប់​VOA ​តាម​រយៈ​សារ​អេឡិចត្រូនិក​ ឬ​ Email ​កាល​ពី​ថ្ងៃ​សុក្រ​សប្ដាហ៍​មុន​ថា​ វា​ជា​រឿង​ពិបាក​ក្នុង​ការ​ប៉ាន់ស្មាន​ថា​ នឹង​មាន​រឿង​អ្វី​កើត​ឡើង​ ​ប្រសិន​បើ​លោក​ ហ៊ុន សែន​ អវត្តមាន​ពី​តំណែង​របស់​លោក​ ​ពីព្រោះ​តែ​សេចក្ដី​ស្លាប់។

តែ​អ្នក​ឃ្លាំមើល​បញ្ហា​សិទ្ធិមនុស្ស​រូប​នេះ បន្ត​ថា​ អ្នក​នយោបាយ​រូប​ណា​ក៏​ដោយ​ ​ដែល​តាំង​ខ្លួន​ថា​ មាន​តែ​ខ្លួន​ទេ​ ​ដែល​អាច​សម្រេច​ការងារ​អ្វី​ទាំងអស់​បាន​នោះ​ ​គួរតែ​ត្រូវ​បាន​ឲ្យ​សម្រាក​ ដោយហេតុ​ថា​រដ្ឋាភិបាល​ទាំងមូល​ មាន​គោល​ដៅ​បម្រើ​ពលរដ្ឋ​ឲ្យបាន​ល្អ​ ​ឲ្យ​ជីវភាព​រស់​នៅពលរដ្ឋ​បាន​ល្អ​ប្រសើរ​ មិន​មែន​ឲ្យ​ពលរដ្ឋ​ឈឺចាប់ តាម​ការ​គំរាមកំហែង​ និង​ការ​គ្មាន​ភាព​ស្មោះត្រង់​នោះ​ទេ។​

រូបឯកសារ៖ លោក Phil Robertson នាយក​រង​ប្រចាំ​តំបន់​អាស៊ី​នៃ Human Rights Watch ក្នុង​ពេល​ផ្ដល់​បទ​សម្ភាស កាលពី​ខែ​កញ្ញា ជាមួយVOA នៅ​ទីក្រុង​បាងកក​នៃ​ប្រទេស​ថៃ។ (អូន ឆេងប៉រ/VOA)

រូបឯកសារ៖ លោក Phil Robertson នាយក​រង​ប្រចាំ​តំបន់​អាស៊ី​នៃ Human Rights Watch ក្នុង​ពេល​ផ្ដល់​បទ​សម្ភាស កាលពី​ខែ​កញ្ញា ជាមួយVOA នៅ​ទីក្រុង​បាងកក​នៃ​ប្រទេស​ថៃ។ (អូន ឆេងប៉រ/VOA)


លោក​ ​Phil Robertson​ ​បាន​សរសេរ​ក្នុង​ន័យ​ដើម​ថា៖

«ក្នុង​ពេល​ដែល​អ្នក​នយោបាយ​ម្នាក់​ជឿ​ថា​ គេ​ជា​មនុស្ស​ម្នាក់​ដែល​មិន​អាច​អត់​បាន​ដើម្បី​ការ​ដឹកនាំ​ប្រទេស​ប្រកប​ដោយ​ប្រសិទ្ធភាព ​នោះ​ទង់​ក្រហម​ ​គួរ​តែ​លើក​ឡើង។​ អ្វី​ដែល​បង្ហាញ​នោះ​ គឺ​ជា​ផ្នត់​គំនិត​នៃ​មេ​ដឹក​នាំ​ ដែល​បាន​ភ្លេច​ពី​គំនិត​ដែល​ថា​ រដ្ឋាភិបាល​ទាំងឡាយ​ ត្រូវ​បាន​សន្មត​ថា​ ជួយ​ប្រជាជន​ និង​ធ្វើ​ឲ្យ​ជីវិត​របស់​ពួកគេ​បាន​ល្អ​ប្រសើរ​ មិន​មែន​ធ្វើ​ឲ្យ​ពួក​គេ​ឈឺចាប់​ តាម​ការ​គំរាម​កំហែង​ និង​ចិត្ត​វៀច​វេរ។​ អ្វី​ដែល​យើង​បាន​ឃើញ​ពី​លោក​ ​ហ៊ុន សែន​ ​នោះ​គឺថា​ លោក​ ​ហ៊ុន សែន​ ជឿ​ថា​ មាន​តែ​លោក​ទេ​ ដែល​អាច​រក្សា​សន្តិសុខ​ និង​ស្ថិរភាព​ ហើយ​គាត់​បាន​ត្រៀម​ បំពាន​គ្រប់​រាល់សិទ្ធិ​អ្វី​ក៏​ដោយ​ ​ដែល​លោក​ចាំបាច់​ធ្វើ​ ​ដើម្បី​លោក​អាច​រក្សា​ការ​គ្រប់​គ្រង​បាន»។​

លោក​ Phil Robertson​ បាន​សង្កត់​ធ្ងន់​ថា​ លោក​នាយក​រដ្ឋ​មន្ត្រី​ ហ៊ុន សែន​ ​តែង​តែ​ប្រើ​ប្រាស់​ការរំលោភ​បំពាន​សិទ្ធិ​មនុស្ស​ ដើម្បី​រក្សា​ការ​ក្ដោបក្ដាប់​កិច្ច​ការ​នយោបាយ។

លោក​បាន​ប្រាប់​ VOA ​តាមរយៈ​សារ​អេឡិចត្រូនិក​ ឬ​ Email ​ក្នុង​ន័យ​ដើម​ថា៖

«លោក​នាយករដ្ឋមន្ត្រី​ ហ៊ុន សែន​ មាន​បទ​ពិសោធន៍​ជា​យូរ​មក​ហើយ​នៅ​ក្នុង​ការ​បំពាន​សិទ្ធិមនុស្ស​ ដែល​ជា​មធ្យោបាយ​ក្នុង​ការ​រក្សា​ការ​គ្រប់​គ្រ​ង​ខាង​នយោបាយ។​ ​វា​ពិត​ជា​នីតិវិធី​ស្តង់ដារ​របស់​លោក»។​

យ៉ាងណា​ក៏​ដោយ លោក​ Phil Robertson​ ​មិន​ហ៊ាន​សន្មត​ថា​ រដ្ឋាភិបាល​ ​នឹង​រលំរលាយ​ប្រសិន​បើ​គ្មាន​លោក​ ហ៊ុន​ សែនទេ​នោះ។ ប៉ុន្តែ ​លោក​ ​ហ៊ុន សែន​ ​កាល​ពី​សប្ដាហ៍​មុន​ បាន​ថ្លែង​ខ្លាំងៗ​ថា​ បើ​អស់​ពី​លោក​ទៅ​ រដ្ឋមន្ត្រី​ទាំង​អស់​នឹង​បាត់​បង់​តួនាទី​ ហើយ​យោធា​ នឹង​ធ្វើ​សកម្មភាព​ឆ្លើយតប​ក្រុម​ដែល​ប្រមាថ​ជីវិត​របស់​លោក។​

​លោក​ ​ហ៊ុន សែន​ ​ថ្លែង​ក្នុង​ន័យ​ដើម​ថា៖​

«ផល​ចំណេញ​អស់​លោក​ បាន​មកពី​ការ​ស្លាប់​របស់ ហ៊ុន សែន​ វា​មាន​ចំនួន​តិច​ជាង​ការណ៍​ដែល​ទុក​ឲ្យ​ ហ៊ុន សែន​នៅ​រស់។ នេះ​ខ្ញុំ​សូម​ប្រាប់​អ្នកឯង​ឲ្យបាន​ច្បាស់។ នៅ​ពេល​វេលា​នេះ​ ហ៊ុន សែន​រក្សា​បាន​នូវ​ការ​គ្រប់​គ្រង​លើ​កម្លាំង​ទាំងអស់»។

រូបឯកសារ៖ លោកនាយករដ្ឋមន្ត្រី ហ៊ុន សែន ដែលជាប្រធានគណបក្សប្រជាជនកម្ពុជា ចូលរួមក្នុងការប្រារព្ធខួបអនុស្សាវរីយ៍ លើកទី៦៦ ថ្ងៃបង្កើតគណបក្សប្រជាជនកម្ពុជា ក្នុងរាជធានីភ្នំពេញ នៅថ្ងៃទី២៨ ខែមិថុនា ឆ្នាំ២០១៧។ (ហ៊ាន សុជាតា/VOA)

រូបឯកសារ៖ លោកនាយករដ្ឋមន្ត្រី ហ៊ុន សែន ដែលជាប្រធានគណបក្សប្រជាជនកម្ពុជា ចូលរួមក្នុងការប្រារព្ធខួបអនុស្សាវរីយ៍ លើកទី៦៦ ថ្ងៃបង្កើតគណបក្សប្រជាជនកម្ពុជា ក្នុងរាជធានីភ្នំពេញ នៅថ្ងៃទី២៨ ខែមិថុនា ឆ្នាំ២០១៧។ (ហ៊ាន សុជាតា/VOA)


នាយក​រដ្ឋ​មន្ត្រី​កម្ពុជា​ដែល​គ្រង​អំណាច​ជាង​៣០ឆ្នាំ​ ​ថ្លែង​បន្ត​ថា៖​

«ប៉ុន្តែ​អត់​ពី ហ៊ុន​ សែន​ មិន​ប្រាកដ​ទេ​ នៅ​ពេល​នោះ​ រដ្ឋាភិបាល​អត់មាន​ក្បាល តំណែង​របស់​រដ្ឋមន្ត្រី​ទាំងអស់​នឹង​ត្រូវ​រលាយ​ ជា​ស្វ័យប្រវត្តិ។ ប៉ុន្តែ​អ្នក​ដែល​គ្រប់​គ្រង​អង្គភាព​កងទ័ព​ ដែល​ជា​ស្ថិត​នៅ​ក្នុង​មុខ​ងារ​សាធារណៈ​ គឺ​មិន​ត្រូវ​បាន​បាត់​បង់​ទេ។ អា​ហ្នឹង​ហើយ​ ជា​ចំណុច​គ្រោះថ្នាក់​របស់​អស់​លោក ព្រោះ​គេ​នៅ​តែ​បញ្ជា​ កម្លាំង​ប្រដាប់​អាវុធ​របស់​គេ​ អង្គភាព​របស់​គេ​បាន។ ខ្ញុំ​សុំ​ដាស់​តឿន សារ​ជាថ្មី​ បើ​អស់​លោក​ កេង​ចំណេញ​ពី​ការ​ស្លាប់​របស់​ ហ៊ុន សែន អ្នកឯង​នឹង​គ្រោះថ្នាក់​ហើយ​ គ្រោះថ្នាក់​ហើយ»។

លោក​ ហ៊ុន សែន​ តែង​មាន​ប្រតិកម្ម​ ក្រោយ​ពី​លោក​បាន​ដឹង​ ឬ​ឮ​ពាក្យ​ចចាមអារ៉ាម​ថា​ ​លោក​មាន​បញ្ហា​សុខភាព​ ​ឬ​ក៏​លោក​បាន​ស្លាប់ ​ក៏ប៉ុន្តែ​ ​លោក​មិន​ដែល​បង្ហើប​ឲ្យ​ដឹង​ថា​ តើ​នរណា​ជា​អ្នក​ជំនួស​រូប​លោក​ ប្រសិន​បើ​លោក​ពិត​ជា​ស្លាប់​មែន​ ខណៈ​ដែល​គណបក្ស​ប្រជាជន​កម្ពុជា​របស់​លោក​ តែង​ប្រកាស​ជំហរ​គាំទ្រ​បេក្ខភាព​លោក​ជា​នាយករដ្ឋមន្ត្រី​ជា​និច្ច។​

លោក​ Sebastian Strangio​ ​អ្នកនិពន្ធ​សៀវភៅ​ ដែល​មាន​ចំណង​ជើង​ថា​ ​«ប្រទេស​កម្ពុជា​របស់​លោក​ហ៊ុន សែន»​ (Hun Sen’s Cambodia)​ ​បាន​ប្រាប់​VOA ​កាល​ពី​ថ្ងៃ​សុក្រ​ ​សប្ដាហ៍​មុន​ថា​ លោក​ ​ហ៊ុន សែន​ ​ពិតជា​បាន​ចាត់​ទុក​ខ្លួន​លោក​ ជា​អ្នក​ដែល​មិន​អាច​ខ្វះ​បាន​របស់​កម្ពុជា។​

អ្នក​និពន្ធ​រូប​នេះ ​អះអាង​ វា​ជា​រឿង​ពិបាក​ ​ក្នុង​ការ​និយាយ​ថា​តើ​លោក​ ​ហ៊ុន សែន​ ​បាន​ត្រៀម​រួចរាល់​ឬនៅ​ចំពោះ​ការ​ផ្ទេរ​អំណាច​ដោយ​សន្តិវិធី​ ឬ​អ្នក​នយោបាយ​ខ្មែរ​រូប​ណា​ ​ដែល​លោក​គិត​ថា​ ទុកចិត្ត​បាន​សម្រាប់​រក្សា​អ្វីៗ​ ដែល​លោក​ ហ៊ុន សែន បាន​កសាង​មក​ជាង​ ៣០​ឆ្នាំ​មក​នេះ។

រូបឯកសារ៖ លោក Sebastian Strangio អ្នក​និពន្ធ និង​អ្នក​សារព័ត៌មាន ពិភាក្សា​អំពី​ការ​បោះឆ្នោត​ឃុំសង្កាត់ ឆ្នាំ​២០១៧ ​នៅ​ប្រទេស​កម្ពុជា​នៅក្នុង​កិច្ចពិភាក្សា​មួយដែល​ត្រូវបាន​រៀបចំ​ឡើង​ដោយ​មជ្ឈមណ្ឌល Stimson Center នៅ​រដ្ឋធានី​វ៉ាស៊ីនតោន កាលពីថ្ងៃទី៨ ខែមិថុនា ឆ្នាំ២០១៧។ (ហុង ចិន្តា/VOA)

រូបឯកសារ៖ លោក Sebastian Strangio អ្នក​និពន្ធ និង​អ្នក​សារព័ត៌មាន ពិភាក្សា​អំពី​ការ​បោះឆ្នោត​ឃុំសង្កាត់ ឆ្នាំ​២០១៧ ​នៅ​ប្រទេស​កម្ពុជា​នៅក្នុង​កិច្ចពិភាក្សា​មួយដែល​ត្រូវបាន​រៀបចំ​ឡើង​ដោយ​មជ្ឈមណ្ឌល Stimson Center នៅ​រដ្ឋធានី​វ៉ាស៊ីនតោន កាលពីថ្ងៃទី៨ ខែមិថុនា ឆ្នាំ២០១៧។ (ហុង ចិន្តា/VOA)


លោក​ Sebastian Strangio ​បាន​ប្រាប់​VOAថា៖

«វា​ជា​ការពិត​ ដែល​មិន​មាន​ស្ថាប័ន​ឯករាជ្យ​ដែល​លោក​នឹង​ដឹង​ទេថា​ អាច​នឹង​ធ្វើ​ឲ្យ​ប្រសើរ​ឡើង​ដោយលោក​ ​ហ៊ុន សែន​ ប្រសិនបើ​លោក​ត្រូវ​ចុះចេញ​ពី​អំណាច។ លោក​ដឹង​ទេ​ថា​ គាត់​នៅតែ​ រក្សា​បុគ្គលិក​លក្ខណៈ​របស់​គាត់​ និង​អំណាច​របស់​គាត់​នៅតែ​ស្ថិត​នៅ​ចំណុច​ស្នូល​នៃ​ស្ថិរភាព​នយោបាយ​នៅ​ក្នុង​ប្រទេស​ នា​ពេល​នេះ។ ហើយ​នេះ​ គឺជា​កម្សោយ​មួយ​ក្នុង​កម្សោយ​ជាច្រើន​នៃ​កេរ​ដំណែល​របស់​គាត់​ ដែល​លោកដឹង​ទេ​ថា​ សម្រាប់​រាល់​សមិទ្ធផល​នានា​របស់​នាយករដ្ឋមន្ត្រី​នៅ​ក្នុង​រយៈ​ពេល​២០ ឬ​៣០ឆ្នាំ​នេះ​ គឺ​គ្មាន​ការ​ធានា​ថា​ សមិទ្ធផល​របស់​គាត់​នឹង​រស់​បាន​យូរ​ជាង​ខ្លួន​គាត់​ដែល​នៅជា​នាយក​រដ្ឋ​មន្ត្រី​នោះ»។

ក្នុង​ពេល​លោក​ ហ៊ុន សែន​ មិន​ដែល​ទម្លាយ​ឲ្យ​ដឹង​ថា​ ​ឥស្សរជន​រូប​ណា​នៃ​គណបក្ស​ប្រជាជន​កម្ពុជា​ដែល​អាច​នឹង​ជំនួស​រូប​លោក​នោះ​ លោក​Sebastian Strangio​ ​ឲ្យ​ដឹង​ថា​ ការ​ជ្រើសរើស​យក​ ឥស្សរជន​ណា​ម្នាក់​ ​នឹង​មិន​អាច​ធ្វើ​ឡើង​ ​ដោយ​ការ​សម្រេច​របស់​លោក ហ៊ុន សែន​ ​នោះ​ទេ​ គឺ​ត្រូវ​តែ​មាន​ការ​យល់​ព្រម​ពី​សមាជិក​របស់​គណបក្ស​ប្រជាជន​ទាំងមូល​ដែរ។​

លោក​ថា​ ហេតុ​ដូច្នោះ​ ទើប​លោក​ ហ៊ុន សែន​ ប្រឹងប្រែង​បញ្ជាក់​ប្រាប់​គេឯង​ថា​ មាន​តែ​លោក​ទេ​ដែល​អាច​រក្សា​ស្ថិរភាព​ក្នុង​ប្រទេស​ទោះ​ជា​លោក​ត្រូវ​គេ​មើល​ឃើញ​ថា​ ព្យាយាម​រក​ផ្លូវ​ផ្ទេរ​អំណាច​ទៅ​កូន​ណា​ម្នាក់​របស់​លោក។

«លោក​ដឹង​ទេ​ ខ្ញុំ​គិត​ថា​ ទីបំផុត​ទៅ​ គាត់​ប្រហែល​ជា​ចង់​ប្រគល់​អំណាច​ទៅ​ឲ្យ​កូន​ម្នាក់​ក្នុងចំណោម​កូនៗ​របស់​គាត់​ ប៉ុន្តែ​សំណួរ​សួរ​ថា​តើ​ពួកគេ​បាន​ត្រៀម​រួចរាល់​ហើយ​ឬនៅ​ និង​ថាតើ​មនុស្ស​មាន​អំណាច​ផ្សេង​ទៀត​ក្នុង​ជួរ​គណបក្ស​ប្រជាជន​កម្ពុជា​ នឹង​ទទួល​យក​ពួកគេ​ជា​មេដឹកនាំ​ដែរ​ឬ​ទេ?​ ខ្ញុំ​គិត​ថា​ នឹង​មាន​មនុស្ស​ផ្សេង​ទៀត​ មក​ពី​គណបក្ស​ប្រជាជន​កម្ពុជា​ ដែល​មាន​មហិច្ឆតា​ ចង់​ក្លាយ​ជា​នាយក​រដ្ឋ​មន្ត្រី​ និង​បន្ត​តំណែង​ពី​លោក​ ​ហ៊ុន សែន»។​

​លោក​ ​Sebastian​ បាន​បន្ថែម​ថា៖​

«នេះ​ជា​ហេតុផល​មួយ​ ដែល​លោក​ ហ៊ុន សែន​ បាន​ប្ដេជ្ញា​ចិត្ត​ថា ​លោក​នឹង​ជ្រើសរើស​យក​ខ្លួន​លោក​ ថា​ជា​មនុស្ស​តែម្នាក់​គត់​ដែល​គ្មាន​អ្នក​ណា​ជំនួស​បាន។ លោក​ដឹង​ទេ គាត់​ព្យាយាម​ជ្រើសរើស​យក​ខ្លួន​គាត់​ថា​ ជា​មនុស្ស​តែ​ម្នាក់​ប៉ុណ្ណោះ​ នៅ​ក្នុង​ក្រុម​ណា​ក៏​ដោយ​ ដែល​អាច​ធ្វើ​ឲ្យ​ប្រទេស​នៅ​រួបរួម​គ្នា​បាន។​ ប៉ុន្តែ​ រៀងរាល់​ឆ្នាំ​ដែល​កន្លង​ផុត​ទៅ​ លោក​ដឹង​ទេ​ថា​ លោក​ ហ៊ុន សែន​ កាន់​តែ​ចាស់​ ហើយ​ក្តី​ប្រាថ្នា​របស់​លោក​ដើម្បី​ដំណោះស្រាយ​ ក៏​នឹង​កាន់​តែ​មាន​ភាព​បន្ទាន់​ឡើង»។​

​សម្រាប់​អ្នក​សង្កេតការណ៍​បោះឆ្នោត​នៃ​អង្គការ​ខុមហ្វ្រែល គឺ​លោក​ ​យឿង សុធារ៉ា​ ​បាន​ប្រាប់​ VOA ថា​ ​គណបក្ស​ប្រជាជន​កម្ពុជា​របស់​លោក​នាយករដ្ឋមន្ត្រី​ ​ហ៊ុន សែន​ ​មាន​ធនធាន​មនុស្ស​ដែល​សាក​សម​នឹង​តំណែង​ជា​នាយក​រដ្ឋមន្ត្រី។​ ​

លោក​អះអាង​ថា​ បើ​ទោះបី​ជា​ លោក​ ​ហ៊ុន សែន​ ប្រឹង​ប្រកាស​ខ្លាំងៗ​ទៅ​សាធារណជន​ខ្មែរ​ថា​ ​គ្មាន​នរណា​ម្នាក់​ជំនួស​រូប​លោក​នោះ​ ក៏​មេ​ដឹក​នាំ​ដែល​ស្ថិត​ក្នុង​អំណាច​យូរ​ជាង​គេ​បង្អស់​នៅ​ក្នុង​សមាគម​ប្រជាជាតិ​អាស៊ី​អាគ្នេយ៍​ ហៅ​កាត់​ថា​ «អាស៊ាន»​រូប​នេះ​ មិន​អាច​ប្រឆាំង​នឹង​ច្បាប់​ធម្ម​ជាតិ​ ដែល​កំណត់​ថា​អ្វីៗ​មិន​ទៀងទាត់​នោះ​ឡើយ។​

«គោលការណ៍​នៃ​ច្បាប់​ធម្មជាតិ​គឺ​ ដឹង​ហើយ​ថា​ គ្មាន​អ្នកណា​ ដែល​អាច​រស់​នៅ​បាន​មួយ​ពាន់​ឆ្នាំ​ មួយ​រយ​ឆ្នាំ​ជាង​ទេ​ គឺ​នៅ​លើ​ផែន​ដី​នេះ​ សុទ្ធ​តែ​ជា​ អនត្តា​អីចឹង​ អា​ណឹង​តាម​ តាម​ធម៌​ព្រះ​ គឺថា​ ​មនុស្ស​មិន​អាច​មាន​អាយុ​រាប់​កោដិ​ ឬ​ក៏​ថា​ មិន​អាច​រស់​រហូត​ ជា​អមត​ទេ។ ដូច្នេះ​ ខ្ញុំ​គិត​ថា​ នៅ​ក្នុង​ជួរ​គណបក្ស​ប្រជាជន​ ដូចជា​ កូន​គាត់​អី​ជាដើម ក៏​មាន​សមត្ថភាព​ ដូច​គាត់​អញ្ចឹង​ដែរ។ កូន​គាត់​ច្រើន​សុទ្ធតែ​មាន​ សុទ្ធតែ​ទទួល​បាន​ការ​អប់​រំ​ច្រើន​ទាំង​ពី​ អឺរ៉ុប ពី​អី​អញ្ចឹង។ អញ្ចឹង​ ជា​ធម្មជាតិ​ គឺថា​ ទំពាំង​ គឺថា​ត្រូវ​ស្នង​ឫស្សី ​អញ្ចឹង​បាទ​ មិន​អាច​ថា​ អត់​ពី​គាត់​ទៅ​ ប្រទេស​ក្រឡាប់ចាក់»។​

​មុន​ការ​បោះឆ្នោត​ឃុំ-សង្កាត់​ធ្វើ​ឡើង​កាល​ពី​ថ្ងៃ​ទី​៤ ខែ​មិថុនា​ ឆ្នាំ​ ២០១៧​ លោក​ ហ៊ុន សែន​ បាន​ប្រកាស​ថា​ ​ក្រុម​អ្នកនយោបាយ​ណា​ក៏​ដោយ​ ដែល​មិន​មាន​ប្រភព​ចេញ​ពី​គណបក្ស​ប្រជាជន​កម្ពុជា​ មិន​អាច​ស្នង​អំណាច​ពី​រូប​លោក​បាន​ទេ​ គឺ​មាន​តែ​កូនចៅ​នៃ​គណ​បក្ស​ដែល​មាន​រូប​សញ្ញា​ទេវតា​ បាច​ផ្កា​របស់​លោក​តែ​ប៉ុណ្ណោះ។​

លោក​ ​អ៊ា សុផល​ ​សាស្ត្រាចារ្យ​រង​នៃ​មហាវិទ្យាល័យ​ ​Occidental College​ ​ក្នុង​រដ្ឋ​កាលីហ្វ័រញ៉ា សហរដ្ឋ​អាមេរិក បាន​បញ្ជាក់​ប្រាប់ VOA ​តាម​សារ​អេឡិចត្រូនិក​ ឬ Email​ កាល​ពី​សប្ដាហ៍​មុន​ថា​ មាន​ឥស្សរជន​នយោបាយ​មកពី​គណបក្ស​ប្រជាជន​កម្ពុជា​មួយ​ចំនួន​ ដែល​មាន​ចំណេះ​ដឹង​ជ្រៅ​ជ្រះ​ហើយ​អាច​ជំនួស​តំណែង​ លោក​នាយករដ្ឋមន្ត្រី​ ហ៊ុន សែន​បាន ក្នុង​នោះ​គឺ​មាន​កូនប្រុស​ច្បង​របស់​លោក​ ​ហ៊ុន សែន​ ​គឺ​ឧត្ដមសេនីយ៍​ឯក​ ​ហ៊ុន ម៉ាណែត​ លោក ​ហង្ស ជួនណារ៉ុន​ រដ្ឋមន្ត្រីក្រសួង​អប់រំ​យុវជន​ និង​កីឡា​ និង​លោក​ ស៊ុន ចាន់ថុល​ រដ្ឋមន្ត្រី​ក្រសួង​សាធារណការ​ និង​ដឹកជញ្ជូន។​

យ៉ាង​ណា​មិញ​ លោក​ថា​ ក្រុម​អ្នក​នយោបាយ​ទាំងនេះ​ ត្រូវ​ជ្រើសរើស​ឲ្យ​ធ្វើ​តំណាងរាស្ត្រ​ជា​មុន​ មុន​ការ​ឈរ​ឈ្មោះ​ជា​នាយ​រដ្ឋមន្ត្រី។​

​បន្ថែម​លើ​ក្រុម​អ្នក​នយោបាយ​ខាងលើ​នេះ​ លោក​ អ៊ា សុផល​ បាន​សម្លឹង​ទៅលើ​លោក​ ​ស ខេង​ រដ្ឋ មន្ត្រី​ក្រសួង​មហាផ្ទៃ​ និង​លោក​ ​ទៀ បាញ់​រដ្ឋមន្ត្រី​ក្រសួង​ការពារ​ជាតិ​ ដែល​អ្នក​ទាំង​ពីរ​ជា​តំណាង​រាស្ត្រ​មកពី​មណ្ឌល​ខេត្ត​បាត់​ដំបង​ និង​ខេត្ត​សៀមរាប។ ​

រូបឯកសារ៖ លោក​ ​អ៊ា សុផល​ ​សាស្ត្រាចារ្យ​រង​នៃ​មហាវិទ្យាល័យ​ ​Occidental College​ ​ក្នុង​រដ្ឋ​កាលីហ្វ័រញ៉ា សហរដ្ឋ​អាមេរិក។

រូបឯកសារ៖ លោក​ ​អ៊ា សុផល​ ​សាស្ត្រាចារ្យ​រង​នៃ​មហាវិទ្យាល័យ​ ​Occidental College​ ​ក្នុង​រដ្ឋ​កាលីហ្វ័រញ៉ា សហរដ្ឋ​អាមេរិក។


លោក​ អ៊ា សុផល បាន​បន្ត​ថា​ លោក​ ស ខេង ​ទំនង​ជា​មាន​សក្ដានុពល​ច្រើន​ជាង​គេ​ក្នុង​ចំណោម​ ឥស្សរជន​នយោបាយ​ទាំងនោះ​ ប្រសិន​បើ​ក្រឡេក​ទៅ​មើល​ ក្រុម​នីមួយៗ​នៅ​ក្នុង​បក្ស​ប្រជាជន។​

លោក​បាន​ប្រាប់​ VOA តាម​សារ​អេឡិចត្រូនិក​ ឬ Email ក្នុង​ន័យ​ដើម​ថា៖​

«ជម្រើស​បណ្ដោះ​អាសន្ន​ (ប្រសិនបើ​មិន​អចិន្ត្រៃយ៍)​ ហើយ​ដែល​ឥត​គួរ​ឲ្យ​ឆ្ងល់​នោះ​គឺ​ រដ្ឋមន្ត្រី​ក្រសួង​មហាផ្ទៃ​ ស ខេង។​ ជម្រើស​នេះ​ នឹង​ត្រូវ​បាន​មើល​ឃើញ​ថា​ ជា​ជំហាន​មួយ​ ដើម្បី​ការពារ​ក្រុមលោក​ ជា ស៊ីម​ ដែល​បាន​ទទួលមរណភាព​ទៅ​ហើយ ដោយ​ត្រូវមាន​កិច្ច​ព្រមព្រៀង​ពេញលេញ​ ដើម្បី​រក្សា​ក្រុម​មាន​ឥទ្ធិពល​ដែល​កំពុង​ក្ដោបក្ដាប់​ភាគច្រើន​នៃ​កិច្ច​ការ​រដ្ឋាភិបាល។ ការណ៍​នេះ​ នឹង​ធ្វើ​ឲ្យ​មាន​ស្ថិរភាព​កិច្ច​ការ​ជាច្រើន​ រហូត​ទាល់​តែ​មាន​កិច្ច​ព្រមព្រៀង​មួយ ត្រូវ​បាន​សម្របសម្រួល​រវាង​ភាគី​នានា។ អ្នក​គ្រាន់​តែ​សម្លឹង​ទៅ​ងារ​ជា​សម្ដេច​ ដែល​ថ្មីៗ​នេះ​ មាន​ម្នាក់​ទៀត​ទើប​ទទួល​បាន ហើយ​សួរ​ថា​ហេតុអ្វី? គឺ​ដើម្បី​ឲ្យ​យល់​ថា​ ​មាន​ក្រុម​មួយ​ដែល​ជា​ក្រុម​មាន​អំណាចរបស់​គណបក្ស​គ្រប់​គ្រង​ប្រទេស»។​

ខណៈ​ដែល​ក្រុម​អ្នក​សង្កេត​ការណ៍​នយោបាយ​ និង​សិទ្ធិមនុស្សកម្ពុជា​ នៅ​មិន​ហ៊ាន​និយាយ​ចំៗ​ថា​ នរណា​នឹង​អាច​ឡើង​កាន់​អំណាច​ក្នុង​ប្រទេស​កម្ពុជា​ ដែល​គេ​ដឹង​ថា​ ​មាន​ឫសកែវ​នយោបាយ​ស្មុគ​ស្មាញ​ តាំង​ពី​សម័យ​សង្គ្រាម​ត្រជាក់​ រហូត​ដល់​ការ​ដួល​រលំ​ទៅ​នៃ​របប​កម្ពុជា​ប្រជាធិបតេយ្យ​នោះ​ លោក​ ហ៊ុន សែន​ ត្រូវ​គេ​មើល​ឃើញ​ថា​ បាន​បង្កើន​ការ​ថែទាំ​សុខភាព​របស់​លោក​ ដោយ​ខិតខំ​រក​ការ​ព្យាបាល​នៅ​ក្រៅ​ប្រទេស​ ​និង​ប្រឹង​ប្រែង​ធ្វើ​លំហាត់​ប្រាណ​ មិន​ថារដូវប្រាំង​ ​និង​រដូវវស្សា។​

លោក ហ៊ុន សែន ​មិន​ត្រឹមតែ​ប្រឹង​ខិតខំ​ថែ​ទាំ​សុខភាព​របស់​លោក​នោះ​ទេ​ ​លោក​ក៏​ត្រូវ​គេ​មើល​ឃើញថា បាន​ខិត​ខំ​កម្ចាត់​កម្ចាយ​គូបដិបក្ខ​ផ្នែក​នយោបាយ​របស់​លោក តួយ៉ាង​ដូច​ជា​ លោក​ ​សម រង្ស៊ី​ ដែល​បាន​បង្ខំចិត្ត​រស់​នៅ​និរទេស​ខ្លួន​នៅ​ស្រុក​បារាំង​វិញ​ ដើម្បី​គេច​ពី​ការ​ជាប់​ពន្ធនាគារ​ ​តាម​បណ្ដឹង​នា​នា​របស់​ក្រុម​មន្ត្រី​នៃ​គណបក្ស​ប្រជាជន​កម្ពុជា​ ​និង​បណ្ដឹង​របស់​លោក​នាយករដ្ឋមន្ត្រី។​

លោក​ ​ហ៊ុន សែន​ ​ក៏​ធ្លាប់​ព្រមាន​កម្ទេច​ក្រុម​ណា​ក៏​ដោយ​ដែល​ចង់​ងើប​ឈរ​ប្រឆាំង​នឹង​រដ្ឋាភិបាល​ពេញ​ច្បាប់​របស់​លោក​ ​តាម​រូប​ភាព​ចលនា​បដិវត្តន៍​ ឬ​ចលនា​យោធា​ណាមួយ៕

What Next?

Related Articles

2 Responses to "អ្នក​សង្កេត​ការណ៍​នយោបាយ៖​ លោក​ ហ៊ុន សែន​ ទោះ​ចង់​មិន​ចង់​ ក៏​ត្រូវ​តែ​មាន​អ្នក​ជំនួស"

  1. ?? says:

    Cambodian should remember HUN SEN word that said>>> Cambodia is a democratic country that constitution written in PARIS peace agreement to have election and all Cambodian people have the right to choose their leader. after three term that not counting from 1979 that Vietcong put him in powers. even those he have been in powers for that long but so sad he want to stay for the rest of his life. at this moment he stated to all Cambodian and international community that without him in powers this country will be war and will be bloody again. this is the word of a person that we call dictator , or a group of marshal man that one person is control every thing. international community is seeing very clear that HUN SEN leadership is a dictator regime. but so sad HUN SEN reject that he was not and he put burden to all Cambodian by saying this people need him. but how and why people need him they trying to vote him out since 2013 and this election 2018 may be this uneducated leader will not stand any more. unless he trying to use his bloody hand to force the willing of our poor Cambodian. but please be yourself this is only word of evil HUN SEN can not hiding his bloody hand because international community are whit Cambodian. unlike during POL POT regime they was cut off international community out of Cambodia . until now we Cambodian still wonder who did that mass murder of more then two million Cambodian life. all we have known was a political interference from Vietcong that they are intent to take over this nation for century. for me I’m seeing clearly that those murder are still at large and they are threatening our poor people every day . not even that all Cambodian inside the country should seeing how those Vietcong and their slavery doing , Cambodian territory getting smaller, Vietnamese are every where, the border are cut loose, the statue memory of Vietcong in every province, land concession to Vietcong for 99years, all these singe is not good for our poor nation. please be aware sooner or later we will crying without tear it can be too late to save our country. my last word is PLEASE >>>>> come back HUN SEN do some thing to save our nation. please concentrate on peaceful solution that only alternative to have our poor nation standing in the world community. DEMOCRATIC for Cambodia peace to all Cambodian and GOD bless these people and it’s nation

  2. people says:

    Veitcong mafia dictator must out from khmer government ‘ specially all veitcong germs who hiding in khmer government ‘because khmer people will vote out and new leader will lead the country’ and we hope sun rise up and cambodian people will get out from dark world ‘ but at the moment cambodia still in the dark world ‘no justice.no happy life ‘no freedom only mafia groups ‘they are happy ‘ they have too many stars,too many king ‘too many criminals who destroyed our country ‘The mafia groups keep million dollars while cambodian people are so poor ‘ and veitcong mafia dictator keep borrowed money from other countries ‘ Poor cambodian people’ so sad that we have veitcong germs and veitcong mafia dictator as our leader ‘ so people must vote them out and rescue our country from this veitcong groups. GOD bless all cambodian people’

Leave a Reply

Submit Comment