អ្នក​ឃ្លាំមើល៖ បើ​អត់​ពី​លោក ហ៊ុន សែន ទៅ​ប្រទេស​កាន់​តែ​មាន​សុខ​សន្តិភាព​ជាង​មុន

ដោយ តាំង សារ៉ាដា
2017-08-11
RFA

ស្ដាប់ ឬ ទាញ​យក​សំឡេង
ស្តាប់សំឡេងថតសំឡេង

លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ខួប​ទី​១០ នៃ​ទិវា​អតីត​យុទ្ធជន​កម្ពុជា ថ្ងៃ​ទី​១០ ខែ​ឧសភា ឆ្នាំ​២០១៧។ Photo courtesy of PM Hun Sen's Facebook Page
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ខួប​ទី​១០ នៃ​ទិវា​អតីត​យុទ្ធជន​កម្ពុជា ថ្ងៃ​ទី​១០ ខែ​ឧសភា ឆ្នាំ​២០១៧។ Photo courtesy of PM Hun Sen’s Facebook Page


ក្រុម​អ្នក​ឃ្លាំមើល​ស្ថានការណ៍​នយោបាយ​កម្ពុជា និយាយ​ថា ប្រសិន​បើ​កម្ពុជា អត់​ពី​លោក ហ៊ុន សែន ទៅ នោះ​ពលរដ្ឋ​នៃ​ប្រទេស​នេះ​កាន់​តែ​រស់​ដោយ​ភាព​សុខសាន្ត ហើយ​រដ្ឋ​សភា​ជាតិ​នឹង​ធ្វើ​ការ​ជ្រើសរើស​រដ្ឋាភិបាល​ថ្មី​បាន​ល្អ​ជាង​មុន។ ក្រុម​អ្នក​ឃ្លាំមើល​សង្គម​យល់​ឃើញ​ទៀត​ថា គ្មាន​ហេតុផល​ណា​មួយ​ដែល​នាំ​ឲ្យ​មាន​សង្គ្រាម​ផ្ទុះ​ឡើង នៅ​ពេល​គណបក្ស​ប្រឆាំង​ឈ្នះ​ឆ្នោត​នោះ​ទេ ព្រោះ​គណបក្ស​នេះ​គ្មាន​កម្លាំង​ទ័ព ហើយ​មេទ័ព​ជា​ច្រើន​ក៏​មិន​ចង់​ធ្វើ​សង្គ្រាម​សម្លាប់​ជាតិ​សាសន៍​ឯង​នោះ​ដែរ។

មេដឹកនាំ​ខ្មែរ​តែង​អួត​មិន​ដាច់​ពី​មាត់​ថា រដ្ឋាភិបាល​បច្ចុប្បន្ន ជា​រដ្ឋាភិបាល​ដែល​រក្សាសុខ​សន្តិភាព​ភាព​សុខសាន្ត និង​ការ​អភិវឌ្ឍ​ជូន​ប្រជាពលរដ្ឋ។

លោក ហ៊ុន សែន តែង​ប្រកាស​ប្រាប់​សាធារណជន​ថា មាន​តែ​រដ្ឋាភិបាល​របស់​លោក​ទេ ដែល​ខិតខំ​ប្រឹងប្រែង​ធ្វើ​ឲ្យ​ពលរដ្ឋ​នៅ​ក្នុង​ប្រទេស​ចាក​ផុត​ពី​ភាព​ក្រីក្រ ចាក់​ផុត​ពី​គ្រោះ​ទុរភិក្ស ហើយ​រស់​នៅ​ដោយ​សុវត្ថិភាព​ក្នុង​ប្រទេស។ ប៉ុន្តែ​ក្រៅ​ពី​ការ​អួត​ទាំង​នេះ លោក ហ៊ុន សែន ក៏​ពូកែ​ខាង​គំរាម​ក្នុង​ការ​ធ្វើ​សង្គ្រាម​ជាមួយ​ជន​ណា​ដែល​ហ៊ាន​ប្រជែង​អំណាច​ជាមួយ​លោក​មិន​ស្ទើរ​ដែរ សូម្បី​តែ​ប្រសិនបើ​លោក​ស្លាប់​ក៏ដោយ ក៏​លោក​អាច​បន្សល់​ភាព​ចលាចល​សង្គម​មួយ​ឲ្យ​កើត​ឡើង​បាន​ដែរ។

កាល​ពី​ថ្ងៃ​ទី​៣ ខែ​សីហា លោក ហ៊ុន សែន បាន​ថ្លែង​ចំពោះ​មុខ​ក្រុម​កីឡាករ​មុន​នឹង​ចេញ​ទៅ​ប្រកួត​កីឡា​ស៊ីហ្គេម (SEA Games) នៅ​ប្រទេស​ម៉ាឡេស៊ី (Malaysia) នៅ​ពេល​ខាង​មុន​នេះ​ថា ប្រសិនបើ​លោក​ស្លាប់​ទៅ នោះ​ស្ថានការណ៍​របស់​ប្រទេស​នឹង​ជួប​គ្រោះអាក្រក់​សម្រាប់​ប្រទេស​ជាតិ​ទៅ​វិញ​ទេ។

​លោក​គំរាម​ថា ប្រសិន​អត់​ពី​លោក​ទៅ នោះ​មន្ត្រី​នៅ​ក្នុង​ជួរ​រដ្ឋាភិបាល​ក្រោម​ការ​ដឹកនាំ​របស់​លោក​រាប់​តាំង​ពី​ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រហូត​ដល់​អនុ​រដ្ឋលេខាធិការ​ដែល​មាន​មុខងារ​នយោបាយ នឹង​ត្រូវ​រលាយ​ទៅ​តាម​លោក​ជា​ស្វ័យប្រវត្តិ​ភ្លាម​ដែរ។ លោក​ថា មាន​តែ​ក្រុម​យោធា និង​ក្រុម​នគរបាល​ទេ​ដែល​ជា​អ្នក​គ្រប់គ្រង​សភាពការណ៍៖ «នៅ​ទី​នេះ​មាន​អគ្គបញ្ជាការ ប៉ុល សារឿន អគ្គ​នគរបាល​ជាតិ នេត សាវឿន អគ្គបញ្ជាការ​រង និង​មេបញ្ជាការ​អាវុធហត្ថ​លើ​ផ្ទៃ​ប្រទេស សៅ សុខា ប៉ុន្តែ​នៅ​មាន​បណ្ដា​អង្គភាព​ដទៃ​ទៀត​ដែល​ពេល​ហ្នឹង​ជួនកាល​មាន​ការ​ញុះញង់ គឺ​វាយ​គ្រឹប​តែម្ដង ខ្មោច​មិន​អាច​ងើប​មក​ត្រួតត្រា​សភាពការណ៍​ទេ ហើយ ទៀ បាញ់ ក៏​អស់​តំណែង ស ខេង ក៏​អស់​តំណែង តើ​ទៅ​ត្រួត​ពី​ណា​ទៀត? អ៊ីចឹង​រឿង​ហ្នឹង ពេល​ខ្លះ​ត្រូវ​យល់​កុំ​ចង់​ឲ្យ ហ៊ុន សែន ងាប់ ទុក ហ៊ុន សែន ដើម្បី​នឹង​គ្រប់គ្រង»

ពាក្យ​គំរាម​របស់​លោក ហ៊ុន សែន ដែល​ជា​មេដឹកនាំ​ក្នុង​ព្រះរាជាណាចក្រ​អច្ឆរិយៈ​ទាំង​នេះ​ហើយ​បាន​ជំរុញ​ឲ្យ​មន្ត្រី​ក្រោម​ឱវាទ​របស់​លោក​មួយ​ចំនួន​នាំ​គ្នា​ហាត់​រៀន​តាម​ដូចជា​រដ្ឋមន្ត្រី​ក្រសួង​ការពារ​ជាតិ គំរាម​វ៉ៃ​ឲ្យ​បែក​ធ្មេញ និង​រដ្ឋមន្ត្រី​ការងារ លោក វង សូត គំរាម​សំពង​ក្បាល​នឹង​គល់​ឫស្សី​ចំពោះ​ជន​ណា​ដែល​ហ៊ាន​ចេញ​តវ៉ា​លទ្ធផល​ឆ្នោត​ដូច​កាល​ពី​ឆ្នាំ​២០១៣ ទៀត។

ប្រ៊ែដ អាដាម ២០១៥ ៨៥៥
នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក លោក ប្រ៊ែដ អាដាម (Brad Adams) ផ្ដល់​បទសម្ភាសន៍​ដល់​វិទ្យុ​អាស៊ីសេរី នា​រាជធានី​វ៉ាស៊ីនតុន កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៥។ Photo: RFA

អ្នក​តាម​ដាន​ស្ថានការណ៍​នយោបាយ​ខ្លះ​និយាយ​ថា ការ​គំរាម​របស់​លោក ហ៊ុន សែន កន្លង​មក​ដូចជា​រំលាយ​របប​រាជា​និយម បិទ​ទ្វារ​វ៉ៃ​ឆ្កែ ឧបត្ថម្ភ​ក្ដារមឈូស​ចំពោះ​ជន​ណា​ដែល​ហ៊ាន​តវ៉ា​ទាមទារ​ទឹកដី​កម្ពុជា​ក្រោម និង​ការ​ផ្ទុះ​សង្គ្រាម​ឡើង​វិញ ប្រសិន​បើ​បក្ស​កាន់​អំណាច​ចាញ់​ឆ្នោត​នោះ បាន​ធ្វើ​ឲ្យ​គណបក្ស​កាន់​អំណាច​របស់​លោក​កាន់​តែ​បាត់បង់​ការ​គាំទ្រ​ពី​ប្រជាពលរដ្ឋ​ទៅ​វិញ​ហើយ​ប្រជាប្រិយភាព​របស់​បាន​ងាក​រក​គណបក្ស​ប្រឆាំង​ទៅ​វិញ។

នៅ​ក្នុង​ការ​បោះឆ្នោត​ឃុំ-​សង្កាត់ កាល​ពី​ខែ​មិថុនា កន្លង​ទៅ គណបក្ស​កាន់​អំណាច​បាន​ជ្រុះ​បាត់​តំណែង​មេ​ឃុំ និង​ចៅសង្កាត់​របស់​ខ្លួន​ចំនួន ៤៥០​អាសនៈ ក្នុង​ចំណោម​អាសនៈ ១.៦៤៦។

គណបក្ស​សង្គ្រោះ​ជាតិ​បាន កើន​អាសនៈ​មេ​ឃុំ និង​ចៅសង្កាត់​ពី ៤០​ឃុំ-​សង្កាត់ ក្នុង​ឆ្នាំ​២០១២ ទៅ ៤៨៩​ឃុំ-​សង្កាត់ ក្នុង​ឆ្នាំ​២០១៧ ដោយ​ទទួល​បាន​សំឡេង​ឆ្នោត​គាំទ្រ​ជាង ៣​លាន​សំឡេង​ក្នុង​ចំណោម​អ្នក​បាន​ទៅ​បោះឆ្នោត​ជាង ៧​លាន​នាក់។ គណបក្ស​ប្រជាជន​កម្ពុជា ទទួល​បាន​សំឡេង​ឆ្នោត​គាំទ្រ​ជាង ៣,៥​លាន​សំឡេង និង​គ្រប់គ្រង​តំណែង​មេ​ឃុំ-​ចៅសង្កាត់ ចំនួន ១.១៥៦​ឃុំ-​សង្កាត់។

អ្នក​ឃ្លាំមើល​ការ​បោះឆ្នោត​ខ្លះ​និយាយ​ថា ប្រសិនបើ​លោក ហ៊ុន សែន បើក​យុទ្ធនាការ​គំរាមកំហែង​ធ្វើ​ទុក្ខបុកម្នេញ​សង្គម​ស៊ីវិល និង​បក្ស​ប្រឆាំង​កាន់​តែ​ខ្លាំង នោះ​ប្រជាប្រិយភាព ឬ​សំឡេង​គាំទ្រ​របស់​លោក​កាន់​តែ​ចុះ​ទន់ខ្សោយ​ត្រដរ​ខ្យល់​ក៏​កាន់​ខ្លាំង​ដែរ។ ​ម្យ៉ាង​ទៀត ការ​អួត​របស់​លោក ហ៊ុន សែន អំពី​សមិទ្ធផល សន្តិភាព និង​ការ​អភិវឌ្ឍ​កាន់តែ​គ្មាន​ន័យ ហើយ​ពលរដ្ឋ​កាន់​តែ​ចាត់​ទុក​ពាក្យ​អួត​របស់​លោក​គ្រាន់តែ​ពាក្យ​កុហក​ដល់​មហាជន ក្នុង​ន័យ​បិទបាំង​ការពិត ស្ថិត​ក្រោយ​វាំងនន​ខ្មៅ​របស់​សង្គម​មួយ​ដែល​ដឹកនាំ​ដោយ​បក្សពួក និង​ត្រកូល​ហ៊ុន​របស់​លោក​ប៉ុណ្ណោះ។

នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ថ្លែង​ថា ប្រសិនបើ​កម្ពុជា អត់​លោក ហ៊ុន សែន ទៅ​នោះ ប្រទេស​នឹង​កាន់​តែ​មាន​សុខ​សន្តិភាព ហើយ​សង្គម​កាន់​តែ​មាន​ភាព​សុខដុមរមនា​ក្រោម​នីតិរដ្ឋ។

លោក​បន្ត​ថា ប្រសិនបើ​អស់ពី​លោក ហ៊ុន សែន ទៅ​នោះ​រដ្ឋ​សភា​ជាតិ នឹង​ជ្រើសរើស​រដ្ឋាភិបាល​ថ្មី ហើយ​រដ្ឋាភិបាល​ថ្មី​នោះ​នឹង​រៀបចំ​គណៈរដ្ឋមន្ត្រី​ថ្មី​ឡើង​វិញ។ ដូច្នេះ​គ្មាន​ហេតុ​ផល​ណា​មួយ​ដែល​នាំ​ឲ្យ​មាន​សង្គ្រាម​ផ្ទុះ​ឡើង​នោះ​ទេ៖ «សម្ភី​របស់​លោក ហ៊ុន សែន ជា​របៀប​សម្ដី​របស់​ជន​ផ្ដាច់ការ។ គេ​បញ្ចុះបញ្ចូល​ខ្លួន​គេ​ផ្ទាល់ និង​មនុស្ស​ដែល​នៅ​ក្បែរ​ខ្លួន​គេ​ថា បើ​អត់​ពី​ការ​កាន់​កាប់​អំណាច​របស់​គេ​ទៅ នោះ​ជីវិត​របស់​អ្នក​ដែល​នៅ​ជុំវិញ ពួកគេ​នឹង​មិន​អាច​រស់​រាន​មាន​ជីវិត​បាន​ទេ។ ខ្ញុំ​គិត​ថា កម្ពុជា នឹង​ក្រោក​ឡើង​ឃើញ​ផ្ទៃមេឃ​ខៀវ​ស្រឡះ​នៅ​ថ្ងៃ​បន្ទាប់​ទៅ​វិញ​ទេ ប្រសិន​លោក ហ៊ុន សែន ចុះ​ចេញ​ពី​អំណាច​ដោយ​ការ​បោះឆ្នោត ឬ​ដោយសារ​លោក​មាន​ជំងឺ​ដោយ​ប្រការ​ណា​មួយ។ ដូច្នេះ​ជីវិត​របស់​ពលរដ្ឋ​ខ្មែរ​ទូទៅ​នឹង​នៅ​តែ​បន្ត​ដដែល ប្រសិនបើ​គ្មាន​មេដឹកនាំ​ដូចជា​រូប​លោក​នោះ។ បើ​គណបក្ស​ប្រឆាំង​គ្មាន​កម្លាំង​ទ័ព​ផង​នោះ តើ​ទៅ​មាន​សង្គ្រាម​ឯ​ណា​ប្រសិនបើ​លោក ហ៊ុន សែន ស្លាប់​ទៅ​មែន​នោះ។ តាម​ពិត​ទៅ​អ្នក​ដែល​ចង់​បាន​សង្គ្រាម​កើត​ឡើង គឺ​មាន​តែ​លោក ហ៊ុន សែន ម្នាក់​ឯង​ប៉ុណ្ណោះ»

អាស៊ីសេរី នៅ​មិន​ទាន់​អាច​សុំ​ប្រតិកម្ម​ពី​មន្ត្រី​រដ្ឋាភិបាល​បាន​ទេ ប៉ុន្តែ​កន្លង​មក​រដ្ឋាភិបាល​កម្ពុជា តែង​ចាត់​ទុក​ការ​រិះគន់​របស់​លោក ប្រ៊ែដ អាដាម ថា ជា​ការ​ជ្រៀតជ្រែក​កិច្ចការ​ផ្ទៃក្នុង និង​រំលោភ​លើ​ដែន​អធិបតេយ្យ​របស់​រដ្ឋាភិបាល​ក្រុង​ភ្នំពេញ។

បណ្ដា​ប្រទេស​មួយ​ចំនួន​ក្នុង​តំបន់​អាស៊ី​ភាគ​អាគ្នេយ៍​ដែល​ចាក​ផុត​ពី​ការ​ដឹកនាំ​របស់​ជន​ផ្ដាច់ការ​ទៅ​ហើយ​នាំ​ឲ្យ​ប្រទេស​នោះ​កាន់​តែ​រីកចម្រើន​ទៅ​មុខ ដូចជា​ករណី​ប្រទេស​ហ្វីលីពីន (Philippines) ដែល​ប្រទេស​នេះ​ធ្លាប់​ស្ថិត​ក្រោម​ការ​ដឹកនាំ​របស់​លោក ហ្វើឌីណាន់ ម៉ាកកូស (Ferdinand Marcos)។ ប្រទេស​ឥណ្ឌូនេស៊ី (Indonesia) ដែល​ធ្លាប់​ស្ថិត​ក្រោម​ការ​ដឹក​នាំ​របស់​លោក មូហាម៉ាត់ ស៊ូហាតូ (Muhammad Suharto)។ ប្រទេស​ម៉ាឡេស៊ី (Malaysia) ធ្លាប់​ស្ថិត​ក្រោម​ការ​ដឹកនាំ​របស់​លោក មាហាធៀ មូហាម៉ាត់ (Mahathir Mohamad) និង​បណ្ដា​ប្រទេស​មួយ​ចំនួន​ទៀត។

ងាក​មក​ប្រទេស​កម្ពុជា ឯ​ណេះ​វិញ ​លោក​នាយករដ្ឋមន្ត្រី ហ៊ុន សែន កាន់​តែ​បោះពួយ​ក្នុង​ការ​ការពារ​អំណាច​របស់​លោក​តាម​គ្រប់​មធ្យោបាយ។

ប្រភព​ព័ត​មាន​ដែល​គួរ​ឲ្យ​ជឿ​ទុក​ចិត្ត​ខ្លះ​បាន​ឲ្យ​ដឹង​ថា ភូមិគ្រឹះ​របស់​លោក ហ៊ុន សែន ក្នុង​ក្រុង​តាខ្មៅ ជាយ​ក្រុង​ភ្នំពេញ ឯ​ណោះ​គេ​ឃើញ​មាន​បំពាក់​រថក្រោះ រថពាសដែក និង​អាវុធ​យុទ្ធភណ្ឌ​ទំនើបៗ​រាប់​មិន​អស់​ដាក់​បញ្ឈរ​ត្រៀម​រួច​ជាស្រេច អម​ដោយ​កង​អង្គរក្ស​រាប់​ពាន់​នាក់​ពី​កងពល ង-​៧០ រង់ចាំ​ការពារ​អំណាច​នឹង​ក្រុម​គ្រួសារ​របស់​លោក​ក្នុង​គ្រា​ដែល​មាន​ការ​ងើប​បះបោរ ឬ​បំណង​ក្នុង​ការ​ផ្ទេរ​អំណាច​ដោយ​ប្រការ​ណា​មួយ។

ឡៅ ម៉ុងហៃ ៨៥៥ ២០១៧
អ្នកវិភាគ​ឯករាជ្យ លោក​បណ្ឌិត ឡៅ ម៉ុងហៃ ចូល​រួម​ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​២៣ ខែ​មីនា ឆ្នាំ​២០១៧។ Photo: RFA

អ្នក​វិភាគ​ឯករាជ្យ​លោក​បណ្ឌិត ឡៅ ម៉ុងហៃ ថ្លែង​ថា ប្រទេស​មួយ​ដែល​មាន​សក្ដានុពល​សន្តិភាព និង​ការ​អភិវឌ្ឍ​នោះ មេដឹកនាំ​មិន​ចាំបាច់​បំពាក់​កម្លាំង​ទាំង​នេះ​ខ្លាំងក្លា​ពេក​នោះ​ទេ៖ «ហើយ​ក្នុង​កាលៈទេសៈ​មួយ​ដែល​រដ្ឋាភិបាល​តែង​ប្រកាស​ថា មាន​សន្តិភាព​នោះ​គេ មិន​គួរ​មាន​អង្គរក្ស​ច្រើន​បែប​ហ្នឹង ដូចជា​អាវុធ​យុទ្ធភណ្ឌ មិន​ត្រូវ​ខ្លាំង​ពេក​ទេ។ ចំនួន​គឺ​ត្រូវ​តិច ហើយ​សព្វាវុធ​ត្រឹម​ល្មម​បាន​ហើយ»

​ក្រៅ​ពី​លោក ហ៊ុន សែន មាន​កងកម្លាំង​អង្គរក្ស​ផ្ទាល់​ខ្លួន​យ៉ាង​ច្រើន លោក​ក៏​មាន​អ្នកទោស​មនសិការ​ជាង ២០​នាក់ ដែល​កំពុង​ជាប់​ឃុំឃាំង​បែក​ពី​ក្រុម​គ្រួសារ​យ៉ាង​រង​ទុក្ខវេទនា​ផង​ដែរ ខណៈ​គ្រួសារ​ត្រកូល​ហ៊ុន​របស់​លោក​កំពុង​រស់​នៅ​យ៉ាង​សុខសាន្ត​លើ​គំនរ​មាស​ប្រាស់​ដ៏​មហាសាល។

​ក្រុម​អ្នកស្រាវជ្រាវ​ខ្លះ​រក​ឃើញ​ថា កូនៗ​របស់​លោក ហ៊ុន សែន មាន​ភាគហ៊ុន​ផ្ដាច់មុខ​រាប់​រយ​លាន​ដុល្លារ​ដែល​រក​ស៊ី​គ្មាន​តម្លាភាព។

អង្គការ​ឃ្លាំមើល​ពិភពលោក គ្លបល វីនេស (Global Witness) កាល​ពី​ខែ​កក្កដា ឆ្នាំ​២០១៦ បាន​រក​ឃើញ​ថា ក្រុម​គ្រួសារ​របស់​លោក​នាយករដ្ឋមន្ត្រី ហ៊ុន សែន កំពុង​កាន់កាប់​ក្រុមហ៊ុន និង​ភាគ​ហ៊ុន​ដោយ​សម្ងាត់​ជា​ច្រើន​ដែល​ក្រុមហ៊ុន​ខ្លះ​កំពុង​រំលោភ​សិទ្ធិមនុស្ស ហើយ​ខ្លះ​ទៀត​កំពុង​រំលោភ​ច្បាប់។

អង្គការ​អន្តរជាតិ​មួយ​នេះ​រក​ឃើញ​ថា គ្រួសារ​ត្រកូល​ហ៊ុន បាន​កាន់កាប់​ផ្ទាល់ ឬ​កាន់​កាប់​ដោយ​ផ្នែក​ក្នុង​ក្រុមហ៊ុន​ជា​ច្រើន​ដែល​មាន​ដើម​ទុន​ចុះ​បញ្ជី​ជាង ២០០​លាន​ដុល្លារ​សហរដ្ឋអាមេរិក។ ចំនួន​ទឹក​ប្រាក់​ជាង ២០០​លាន​ដុល្លារ​នេះ ជា​ចំនួន​ទឹកប្រាក់​ពិតប្រាកដ​ក្នុង​ក្រុមហ៊ុន​របស់​ត្រកូល​ហ៊ុន ដែល​បាន​ចុះ​បញ្ជី​ក្នុង​ក្រសួង​ពាណិជ្ជកម្ម ប៉ុន្តែ​អង្គការ គ្លបល វីនេស អះអាង​ថា ពួកគេ​អាច​មាន​ភាគហ៊ុន​ច្រើន​ជាង​នេះ ហើយ​ដែល​មិន​ប្រកាស​ឲ្យ​ដឹង​ដោយ​តម្លាភាព។

​ដូច្នេះ​ការ​អួតអាង​របស់​លោក ហ៊ុន សែន ដែល​មិន​ដាច់​ពី​មាត់​ថា រដ្ឋាភិបាល​របស់​លោក​​កំពុង​ខិតខំ​ប្រឹងប្រែង​ធ្វើ​ឲ្យ​ពលរដ្ឋ​នៅ​ក្នុង​ប្រទេស​ចាក​ផុត​ពី​ភាព​ក្រីក្រ ចាក់​ផុត​ពី​គ្រោះ​ទុរភិក្ស ហើយ​រស់​នៅ​ដោយ​សុវត្ថិភាព​ក្នុង​ប្រទេស​នោះ ទំនង​កំពុង​ស្ថិត​ក្នុង​ភាព​មន្ទិលសង្ស័យ​នៅ​ឡើយ ខណៈ​អង្គភាព​ប្រឆាំង​អំពើ​ពុករលួយ​នៅ​មិន​ទាន់​ហ៊ាន​បើក​ការ​ស៊ើបអង្កេត​អំពី​ការ​រក​ឃើញ​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Related Articles

5 Responses to "អ្នក​ឃ្លាំមើល៖ បើ​អត់​ពី​លោក ហ៊ុន សែន ទៅ​ប្រទេស​កាន់​តែ​មាន​សុខ​សន្តិភាព​ជាង​មុន"

  1. Rayuth says:

    Without Hun Sen, the country of Cambodia and the people will be in peace of the mind, happiness, prosperity, stability, development. Hun Sen is a leader or politician who always brought fears and shame to the nation. Hun Sen is not a god, but a politician who like to use violence to solve problems and a symbol of violence and dictator. He loves power than the people. He did and does everything to maintain and centralize his power, not for the sake of the nation. Under his leadership, national resources have almost been depleted, while his relatives and groups are being richer and richer. So, without him, Cambodia will much be prosperous and people will live in a real peace.

  2. Anonymous says:

    និយាយបានត្រឹមត្រូវ។ ប្រជាជនទូទៅក៏យល់យល់ឃើញអញ្ចឹងដែរ។

  3. ?? says:

    I’m totally agree whit RAYUTH, HUN SEN have been in powers for many decade and the country seem to be having war none stop, murdering some Cambodian nationalist, jailing sentencing, destroy nation’s treasury, lost nation territory, corruption from the top to bottom level in this leadership, after PARIS peace agreement Cambodian hope their country will have good development from the help from international community. there was so much money cam from world organization to help Cambodia to get up on their feet because they felt sad about the mass murder during POL POT regime. 2003 the first Cambodia national election organized by UN at that time Cambodian have their first prime minister but not so long the guy came from the dirt that under Vietcong control took over by military cue . Cambodian was again in tear many family have lost their love one . HUN SEN stated himself to be a GOD saving this nation whit no thought Cambodian have to sacrificing themselves to him by keeping him in powers forever. after military cue this leader was waging war again his opponent up till this day war of word or we say war of politic never ending. I would like to tell all Cambodian that I will never trust this guy by seeing a lot of his evil action again GOD willing. peace for Cambodian and GOD bless them all

  4. people says:

    Yes’100% right mr rayuth ‘ This country is country that controlled by veitcong mafia dictator and his veitcong mafia groups’ they capture this country and her people as the hostage ‘ and show international as democracy country’ but the fact is everything are fake to cheat international and cambodian people’.They can accused and jail anybody ‘they wanted and they killed anybody they wanted’ but his groups or his mafia men never wrong or never catch them’ .Look at ACU they just created to lie to cambodian people and international’ Look at the soldiers such a small country but thousand stars’ thousand advisers ‘what a stupid country”‘ how many king?? so this is the group of veitcong mafia to created everything to suck all money from state and feed their mafia men and hold the power like north korea ‘.poor cambodian people and country’ Hope GOD will punish all theses evil veitcong mafia dictator and his groups one day’ .GOD bless all cambodian people’

  5. ?? says:

    HUN SEN time bomb just about explode at ICC wait and see when the world situation getting better. peace to all Cambodian