ដោយ មួង ណារ៉េត
2017-08-22
RFA
អតីតប្រធានគណបក្សសង្គ្រោះជាតិ លោក សម រង្ស៊ី ថ្លែងក្នុងពិធីជួបជុំជាលក្ខណៈគ្រួសារខ្មែរនៅជិតទីក្រុងប៉ារីស ប្រទេសបារាំង នៅថ្ងៃទី១៥ ខែមេសា ឆ្នាំ២០១៧។ Photo courtesy of Sam Rainsy facebook
អតីតប្រធានគណបក្សសង្គ្រោះជាតិ លោក សម រង្ស៊ី អំពាវនាវឲ្យអ្នកគាំទ្រគណបក្សកាន់អំណាចនាំគ្នាចាកចេញពីបក្សនេះ ដោយសារមេបក្សជាអ្នកមិនស្មោះត្រង់នឹងជាតិ ហើយមានបាតដៃប្រឡាក់ឈាម។ មន្ត្រីរដ្ឋាភិបាលមិនភ្ញាក់ផ្អើលនឹងការលើកឡើងបែបនេះទេ ដោយចាត់ទុកថា ធម្មជាតិរបស់លោក សម រង្ស៊ី គឺចូលចិត្តវាយប្រហាររដ្ឋាភិបាល និងបក្សកាន់អំណាចតែដូច្នេះឯង។
លោក សម រង្ស៊ី នៅតែបន្តជីកកកាយ និងបរិយាយរឿងរ៉ាវប្រវត្តិសាស្ត្រពាក់ព័ន្ធនឹងថ្នាក់ដឹកនាំគណបក្សប្រជាជនកម្ពុជា។ តាមរយៈទំព័រហ្វេសប៊ុក (Facebook) របស់លោកនៅថ្ងៃទី២០ ខែសីហា កន្លងទៅនេះ លោក សម រង្ស៊ី បានអំពាវនាវឲ្យជនរួមជាតិដែលធ្លាប់គាំទ្រគណបក្សប្រជាជនកម្ពុជា គួរតែចាកចេញពីគណបក្សនេះ បន្ទាប់ពីបានដឹងនៅពេលនេះថា គណបក្សកាន់អំណាចសព្វថ្ងៃដឹកនាំដោយជនក្បត់ជាតិ និងឃាតកតាំងពីដើមទីរហូតដល់សព្វថ្ងៃនេះ។
លោក សម រង្ស៊ី អះអាងថា មានហេតុការណ៍ជាប្រវត្តិសាស្ត្រចំនួនបី ដែលគណបក្សប្រជាជនកម្ពុជា មិនហ៊ានបដិសេធ ពីព្រោះជាការពិតដែលមិនអាចប្រកែកបាន។ ហេតុការណ៍ទាំងបីនោះ លោក សម រង្ស៊ី រៀបរាប់ថា ទី១ គណបក្សប្រជាជនកម្ពុជា ជាគណបក្សដែលយួនបង្កើត យួនបង្កប់ និងយួនបង្គាប់។ ទី២ ប៉ុល ពត ក៏ចេញពីគណបក្សប្រជាជនកម្ពុជា ដូចតែអ្នកដឹកនាំប្រទេសកម្ពុជា សព្វថ្ងៃ រួមទាំងលោក ហ៊ុន សែន ផងដែរ និងទី៣ លោក ហ៊ុន សែន ជាជនក្បត់ជាតិផង និងជាឃាតកផង ព្រោះបានធ្វើឲ្យប្រទេសកម្ពុជា បាត់បង់ឯករាជភាព និងអធិបតេយ្យភាពជាតិ ដោយក្លាយជារណបប្រទេសវៀតណាម ក្រោយឆ្នាំ១៩៧៩ ហើយបានកាត់ទឹកដីកម្ពុជា ឲ្យទៅប្រទេសវៀតណាម តាមសន្ធិសញ្ញាព្រំដែន ក្នុងទសវត្សឆ្នាំ១៩៨០។ លោក សម រង្ស៊ី អះអាងថា ការណ៍ដែលលោកចាត់ទុកលោក ហ៊ុន សែន ជាឃាតកផងនោះ ព្រោះការដឹកនាំអនុវត្តផែនការក-៥ ក្រោមការរៀបចំរបស់ប្រទេសវៀតណាម ដែលធ្វើឲ្យពលរដ្ឋខ្មែររាប់ម៉ឺននាក់បាត់បង់ជីវិត។
ឆ្លើយតបទៅនឹងការលើកឡើងទាំងនេះ មន្ត្រីជាន់ខ្ពស់គណបក្សប្រជាជនកម្ពុជា ចាត់ទុកថា នេះជារឿងធម្មតារបស់លោក សម រង្ស៊ី ដែលចូលចិត្តវាយប្រហារលោក ហ៊ុន សែន និងរដ្ឋាភិបាលកម្ពុជា រហូតរងផលវិបាកដូចសព្វថ្ងៃនេះ។ អ្នកនាំពាក្យគណបក្សប្រជាជនកម្ពុជា លោក សុខ ឥសាន នៅតែប្រកាន់ជំហរថា លោក សម រង្ស៊ី ភ្លេចគិតថា ពេលគាត់កំពុងចង្អុលទៅគេ ម្រាមដៃគាត់នៅសល់ប៉ុន្មានទៀតនោះ គឺចង្អុលត្រង់ទៅរកគាត់វិញ៖ «មិនជារឿងចម្លែកទេ ដែល សម រង្ស៊ី វាយប្រហារមកលើសម្ដេចតេជោ ហ៊ុន សែន ថាជាជនក្បត់ជាតិ។ ក៏ប៉ុន្តែគាត់ភ្លេចមើលចង្អុលដៃគាត់មួយ គាត់ចង្អុលមកសម្ដេច ហ៊ុន សែន ក៏ប៉ុន្តែចង្អុលដៃបួនទៀតនៅសល់ហ្នឹង គាត់ចង្អុលមកលើខ្លួនគាត់! គាត់ហ្នឹងដឹងទេ ជាពូជពង្សអ្នកក្បត់ជាតិ នរណាក៏ដឹងដែរ»។
ចំណែកឯលោក សម រង្ស៊ី វិញ លើកឡើងថា អ្វីដែលលោកអះអាង គឺជាការពិត។ ដោយសារតែការពិតបែបនេះហើយ ទើបមន្ត្រីគណបក្សកាន់អំណាចមិនដែលហ៊ានប្ដឹងគាត់ទេ។ បើហ៊ានប្ដឹង ប្ដឹងតែរឿងផ្ទាល់ខ្លួនកំប៉ិកកំប៉ុកប៉ុណ្ណោះឯង។ លោក សម រង្ស៊ី បន្តថា ប៉ុន្មានឆ្នាំចុងក្រោយនេះ គណបក្សប្រជាជនកម្ពុជា និងលោក ហ៊ុន សែន ខ្លួនឯង ពូកែប្ដឹងគាត់ណាស់ គឺប្ដឹងពីបទបរិហារកេរ្តិ៍។ តែលើកនេះ បន្ទាប់ពីគាត់លាតត្រដាងប្រវត្តិសាស្ត្រពិត តាំងពីទសវត្សឆ្នាំ១៩៥០ ពួកគេហ៊ានប្ដឹងគាត់ទេ សូម្បីតែចំពោះមុខតុលាការអាយ៉ងរបស់ពួកគេ ក៏ពួកគេមិនហ៊ានដែរ។
ឆ្លើយតបទៅនឹងចំណុចនេះ លោក សុខ ឥសាន លើកឡើងថា ការណ៍ដែលមិនប្ដឹងលោក សម រង្ស៊ី បន្ថែមទៀត ដោយសារទោះជាប្ដឹងក៏មិនដឹងបានការអី៖ «សម រង្ស៊ី ជាមនុស្សគេបដិសេធចេញពីសង្គមមនុស្សលោកទៅហើយ មិនមែនតែត្រឹមសង្គមកម្ពុជាទេ។ អ៊ីចឹងគាត់និយាយអីនិយាយទៅ តាមចិត្តគាត់នឹកឃើញ។ គាត់ជាមនុស្សមានសតិអារម្មណ៍ ឡប់សតិទៅហើយ យកជាបានការអ្វីម៉េចបាន!»។
ទោះបីជាលោក សម រង្ស៊ី អំពាវនាវឲ្យអ្នកគាំទ្រគណបក្សប្រជាជនកម្ពុជា ចាកចេញពីបក្សនេះក៏ដោយ ក៏លោកមិនបានស្នើឲ្យអ្នកទាំងនោះងាកទៅគាំទ្រគណបក្សសង្គ្រោះជាតិ នោះដែរ។ នេះទំនងជាលោកមិនចង់អំពល់ទុក្ខដល់គណបក្សសង្គ្រោះជាតិ ដោយសារច្បាប់ថ្មីស្ដីពីគណបក្សនយោបាយ អាចរំលាយគណបក្សប្រឆាំងនេះបាន បើគេរកឃើញថា មានជាប់ពាក់ព័ន្ធនឹងទណ្ឌិត។
ទោះជាយ៉ាងនេះក្ដី គណបក្សសង្គ្រោះជាតិ ខ្លួនឯង កាលពីថ្ងៃទី១០ ខែសីហា កន្លងទៅនេះ បានចេញសេចក្ដីថ្លែងការណ៍មួយដើម្បីការពារខ្លួន កុំឲ្យគេរម្លាយបក្សដោយប្រកាសមិនទទួលខុសត្រូវនូវរាល់ការផ្សាយ ឬសកម្មភាពបុគ្គលណា ដែលមិនមែនជាសេចក្ដីសម្រេចរបស់គណបក្ស ដូចជាការប្រើប្រាស់សារជាសំឡេង រូបភាព ឯកសារជាលាយលក្ខណ៍អក្សរ ឬសកម្មភាពរបស់ទណ្ឌិតដែលផ្សារភ្ជាប់ពាក់ព័ន្ធនឹងគណបក្សសង្គ្រោះជាតិ៕
លោក រង្សី ជាឈាមជនក្បត់ជាតិ ហើយម្តាយលោកជាយួន ហើយកំពុងតែ
មានជំងឺសតិអារម្មណ៍ ដោយចាញ់ល្បិចលោក គឹម សុខា ផ្លន់យកបក្ស អួតសុទតែបណ្តិត តែមកចាញ់ចោ គឹមសុខា ហាហាហា ក
មនុស្សអាចបាត់បង់នូវវិចារណញាណ ក្នុងពេលដែលខ្លួនមិនបានចាប់បាននូវឱកាសណាមួយ
ដែលខ្លួនពេញចិត្ត ។
ពិតណាស់ភាពជោគជ័យ គឺជាសេចក្តីរីករាយប្រកបដោយមោទនះភាពចំពោះមនុស្សដែល
ទទួលបាន តែវានិងក្លាយទៅជាភាពតប់ប្រម៉ល់ វិលវល់ក្នុងអារម្មណ៏ ក្នុងពេលដែលបំណង
ប្រាថ្នានៃអ្នកចង់បាននោះត្រូវបរាជ័យ ។
សម្រាប់សមរង្សី ជោគជ័យគឺជាសេចក្តីស្រម៉ៃ ។ សមរង្សីមិនអាចទទួលជោគជ័យបានឡើយក្នុងជិវិត
នយោបាយរបស់ខ្លួន ។
តើចំណុចបរាជ័យ នៃនយោបាយសមរង្សី វាផ្តើមចេញពីអ្វីខ្លះ ? នៅះសមរង្សីបានដឹងខ្លួនឯងយ៉ាង
ច្បាស់ ។ ការធ្វើនយោបាយដោយមិនស្គាល់ពីធាតុពិត នៃបរិបទនយោបាយក្នុងសង្គម នោះហើយ
ជាជំហានឆ្ពោះទៅរកភាពបរាជ័យ ដែលប្រៀបបាននិងមេទ័ព ដែលបញ្ជារទ័ពក្នុងសមរភូមិ ដោយ
មិនស្គាល់ភូមិសាស្ត្រយ៉ាងដូច្នេះដែរ ។
ការអំពាវនាវរបស់សមរង្សី អោយសមាជិក CPP ចាកចេញ វាគ្រាន់តែជាការដេកយល់សប្តិ៍ទាំងថ្ងៃ
វាគ្រាន់តែជាក្តីស្រម័យ សម្រាប់កំដរជិវិតនយោបាយចុងក្រោយ របស់សមរង្សីខ្លួនឯង តែប៉ុណ្ណោះ!