សមាជិក​ព្រឹទ្ធសភា​អាមេរិក​ថា​ការចាប់ខ្លួន​លោក កឹម សុខា បង្ហាញ​កំណើន​ផ្តាច់​ការនិយម

នយោបាយ

លោក​ John McCain ​ជា​សមាជិក​ព្រឹទ្ធសភា​មក​ពី​គណបក្ស​សាធារណរដ្ឋ​មក​ពី​រដ្ឋ​ Arizona។


07 កញ្ញា 2017
សុខ ខេមរា
វីអូអេខ្មែរ

លោក​ John McCain ​បាន​សរសេរ​នៅ​លើ​ប្រព័ន្ធ​ Twitter​ របស់​លោក​ថា៖ «ការគាប​សង្កត់​ដែល​មិន​អាច​ទទួល​យក​បាន ទៅ​លើ​ក្រុម​មេដឹកនាំ​ប្រជាធិបតេយ្យ​ក្នុង​ប្រទេស​កម្ពុជា​បញ្ជាក់​ឲ្យ​ដឹង​ពី​កំណើន​នៃ​ភាពផ្តាច់ការ​និយម​ដ៏គួរឲ្យ​ព្រួយបារម្ភ‍»។

សមាជិក​ព្រឹទ្ធសភា​ស.រ.អា.​ ដ៏​មាន​ឥទ្ធិពល​គឺ​ លោក​ ​ចន ម៉ាក់ខេន ​(John McCain)​ ​បាន​ចូលរួម​ជាមួយ​នឹង​សហគមន៍​អន្តរជាតិ​ថ្កោលទោស​រដ្ឋាភិបាល​កម្ពុជា​ដែល​ដឹកនាំ​ដោយ​លោក​នាយក​រដ្ឋមន្ត្រី​ហ៊ុន សែន​ ក្រោយពេល​ដែល​លោក​កឹម សុខា​ប្រធាន​គណបក្ស​សង្គ្រោះ​ជាតិ​ ត្រូវ​បាន​ចាប់​ខ្លួន​ដោយ​ត្រូវ​បាន​ចោទប្រកាន់​ពី​បទក្បត់​ជាតិ។

លោក​ John McCain ​ជា​សមាជិក​ព្រឹទ្ធសភា​មក​ពី​គណបក្ស​សាធារណរដ្ឋ​មក​ពី​រដ្ឋ​ Arizona បាន​ថ្លែង​នៅ​លើ​ប្រព័ន្ធ​ Twitter​ របស់​លោក​ថា៖

«ការគាប​សង្កត់​ដែល​មិន​អាច​ទទួល​យក​បាន ទៅ​លើ​ក្រុម​មេដឹកនាំ​ប្រជាធិបតេយ្យ​ក្នុង​ប្រទេស​កម្ពុជា​បញ្ជាក់​ឲ្យ​ដឹង​ពី​កំណើន​នៃ​ភាពផ្តាច់ការ​និយម​ដ៏គួរឲ្យ​ព្រួយបារម្ភ‍»។

លោក​ John McCain ​បាន​សរសេរ​លើបណ្តាញ​ Twitte​r របស់​លោក​ ដែល​ភ្ជាប់​ជាមួយ​នូវ​រូបថត​លោក កឹម សុខា និង​អត្តបទ​របស់​ទីភ្នាក់ងារ​ព័ត៌មាន ​Reuters ​ដែល​ដាក់​ចំណងជើង​ថា កម្ពុជា​ចោទ​ប្រកាន់​មេដឹកនាំ​គណបក្ស​ជំទាស់​ពី​បទ​ក្បត់​ជាតិ។

សហគមន៍អន្តរជាតិ ​មាន​ស.រ.អា.សហភាព​អឺរ៉ុប ​អ.ស.ប. ​អូស្ត្រាលី ​អង់គ្លេស និង​អង្គការ​អន្តរជាតិ​ធំៗ​បាន​បន្តប្រតិកម្មនឹង​ការចាប់​ខ្លួនលោក កឹម សុខា​ ​ប្រធានគណបក្សសង្គ្រោះជាតិ ដោយ​ចោទ​សួរ​ចំពោះ​ការបោះឆ្នោត​ដោយ​សេរី​និង​យុត្តិធម៌​ក្នុងពេល​បោះឆ្នោត​ឆ្នាំ២០១៨។ ប៉ុន្តែព្រះ​រាជអាជ្ញាសាលា​ដំបូងរាជធានីភ្នំពេញបានសម្រេចចិត្ត​ធ្វើ​ការចោទប្រកាន់លោក កឹម សុខា ​ពី​បទ «សន្ទិដ្ឋិភាពជា​មួយបរទេស»​ ​ដែល​ជាបទ​ល្មើសស្មើ​នឹងអំពើ​ក្បត់​ជាតិ ​ហើយអាច​ប្រឈម​នឹងការ​ដាក់ទោសក្នុង​ពន្ធនាគារ​ពី១៥ឆ្នាំ​ដល់៣០​ឆ្នាំ។​

លោក​ កឹម សុខា​ ប្រធានគណបក្សជំទាស់ដ៏​ធំ​នៅកម្ពុជា ​ត្រូវ​បានអាជ្ញាធរចាប់​ខ្លួនកាល​ពី​ថ្ងៃ​អាទិត្យកន្លង​ទៅដោយ​សំអាងលើ​ការថ្លែង​របស់លោកនៅ​ក្នុងវីដេអូ​ខ្លី​មួយ ​ដែល​គេចែក​ចាយ​ពេញ​បណ្តាញហ្វេសប៊ុក​ ហើយ​ត្រូវបាន​អង្គភាពប្រតិកម្ម​រហ័សនៃ​ទីស្តីការគណៈ​រដ្ឋ​មន្ត្រីផ្សាយ​បន្ត​ជាសាធារណៈតែ​ប៉ុន្មានម៉ោង​ប៉ុណ្ណោះក្រោយការចាប់​ខ្លួនមេ​ដឹកគណបក្សជំទាស់រូប​នេះ។​

តាម​រយៈ​ខ្សែ​អាត់វីដេអូ​ដែល​គ្មានកាល​បរិច្ឆេទ​នេះ លោក​ កឹម សុខា​ បាន​ថ្លែងទៅ​កាន់អ្នក​គាំទ្រ​ក្នុងប្រទេសអូស្ត្រាលី កាលពីឆ្នាំ​២០១៣​ ​ដោយ​លើកឡើង​អំពីយុទ្ធ​សាស្ត្រនយោបាយរបស់​គណបក្សជំទាស់តទល់​នឹងគណ​បក្សប្រជាជនកម្ពុជា​របស់លោក ហ៊ុន សែន។ តែក្រុម​មន្ត្រី​គណបក្ស​ជំទាស់​វិញ​បាន​ចាត់ទុក​ថា ​ទង្វើចុង​ក្រោយ​របស់​គណបក្ស​គ្រប់គ្រង​ប្រទេស​នេះ ជា​ការបង្ក្រាប​គណបក្ស​ជំទាស់ និង​មេដឹកនាំ​របស់​ខ្លួន​មិន​ឲ្យ​ចូលរួម​ការបោះឆ្នោត​នៅ​ឆ្នាំ​២០១៨​បាន៕

What Next?

Recent Articles

2 Responses to "សមាជិក​ព្រឹទ្ធសភា​អាមេរិក​ថា​ការចាប់ខ្លួន​លោក កឹម សុខា បង្ហាញ​កំណើន​ផ្តាច់​ការនិយម"

  1. Anonymous says:

    On veut des actes, pas de blabla !

  2. people says:

    Dear sir’ we are cambodian people living in the communist wearing democracy shirt’ and leaded by former killer veitcong khmer rough who used to killed a lot of khmer people ‘ now he the worse animal in this country’ worse then his animal veitcong boss ‘ . This guy never respect international or human right or respect law or constitution because he followed veitcong germs who steer his evil brain and followed from veitcong communist hanoi .Since 1993 cambodian happy to see U N helping and got Parish accord but veitcong king and veitcong dog kick U N out ‘then veitcong dog did the coup and killing khmer again and again till now veitcong dog used fake democracy and fake everything to destroy khmer again ‘ we appeal to you&international help cambodian people ‘ because this country is in the veitcong mafia dictator ‘ .GOD bless all cambodian people’

Leave a Reply

Submit Comment