លោក ប្រាក់ សុខុន ថ្លែងការពារជំហររដ្ឋាភិបាលកម្ពុជានៅមហាសន្និបាតអង្គការសហប្រជាជាតិ

ដោយ លោក សូរ្យ ជ័យឧត្ដម​​ | ថ្ងៃអាទិត្យ ទី២៤ ខែកញ្ញា ឆ្នាំ២០១៧​
http://vodhotnews.com

សិទ្ធិមនុស្ស

រូបភាពពីហ្វេសប៊ុកលោក ប្រាក់ សុខុន


ប្រមុខ​កាទូត​កម្ពុជា បាន​ថ្លែង​ប្រាប់​មហា​សន្និបាត​អង្គការ​សហ​ប្រជាជាតិ​ថា ប្រទេស​កម្ពុជា​មិន​មាន​បញ្ហា​​ជាមួយ​នឹង​ការ​ឃ្លាំ​មើល​ស្ថានភាព​សិទ្ធិ​មនុស្ស​នោះ​ឡើយ ដរាប​ណា​ការ​ឃ្លាំ​មើល​នោះ ត្រូវ​បាន​ធ្វើ​ឡើង​ដោយ​ពេញ​លេញ​ ដោយ​ទទួល​យក​ការពិត​ទាំង​អស់​ដែល​បាន​កើត​មាន​នោះ។

រដ្ឋ​មន្ត្រី​ការបរទេស​កម្ពុជា លោក ប្រាក់ សុខុន កំពុង​ស្ថិត​ក្នុង​ដំណើរ​ចូល​រួម​កិច្ច​ប្រជុំ​ប្រចាំ​ឆ្នាំ​របស់​មហា​សន្និបាត​អង្គការ​សហ​ប្រជាជាតិ នៅ​ទីក្រុង​ញូវយ៉ក ចន្លោះ​ពី​ថ្ងៃ​ទី​១៩ ដល់​ថ្ងៃ​ទី​២៥ ខែ​កញ្ញា​នេះ។

តាម​គម្រោង ប្រមុខ​កាទូត​កម្ពុជា​រូប​នេះ ត្រូវ​ឡើងថ្លែង​ទៅ​កាន់​មហា​សន្និបាត​អង្គការ​សហ​ប្រជាជាតិ អំពី​បញ្ហា​ផ្សេងៗ រួម​ទាំង​ស្ថានការណ៍​​សិទ្ធិ​មនុស្ស​នៅ​កម្ពុជា​ផង​ដែរ។

ក្នុង​សេចក្ដី​ថ្លែងការណ៍​ដែល VOD ទទួល​បាន​នៅ​ថ្ងៃ​នេះ លោក ប្រាក់ សុខុន ជា​ដំបូង បាន​បង្ហាញ​ក្ដី​បារម្ភ​យ៉ាង​ខ្លាំង​អំពី​បញ្ហា​អន្តរជាតិ ជា​ពិសេស​វិបត្ត​នុយក្លេអ៊ែរ និង​គ្រាប់​មីស៊ីល​កូរ៉េ​ខាង​ជើង ដោយ​លោក​អំពាវ​នាវ​ទៅ​គ្រប់​ភាគី​ទាំង​អស់ ឲ្យ​រក្សា​ភាព​អត់​ធ្មត់ បញ្ចៀស​ទង្វើ​បង្ក​ហេតុ និង​រក្សា​ការ​ប្ដេជ្ញា​ចិត្ត​ចំពោះ​ការ​ចរចា​គ្នា។

ទាក់​ទង​នឹង​បញ្ហា​ប្រទេស​កម្ពុជា ប្រមុខ​កាទូត​កម្ពុជា​រូប​នេះ លើក​ឡើង​ថា កម្ពុជា​មិន​មាន​បញ្ហា​ជាមួយ​ការ​ឃ្លាំ​មើល​សិទ្ធិ​មនុស្ស​ទេ ដរាប​ណា​ ការ​ឃ្លាំ​មើល​នោះ ត្រូវ​បាន​ធ្វើ​ឡើង​ដោយ​ពេញ​លេញ ទទួល​យក​ការពិត​ទាំង​អស់ និង​ដោយ​គ្មាន​បុរេ​វិនិច្ឆ័យ ឬ​​ការ​ស្មាន​លើ​ផ្នែក​មួយ​ពី​សំណាក់​អ្នក​សង្កេតការណ៍។

លោក ប្រាក់ សុខុន បាន​លើក​ឡើង​បន្ត​ថា ការ​វាយ​តម្លៃ​ពី​ស្ថានភាព​សិទ្ធិ​មនុស្ស វា​អាស្រ័យ​ទៅ​លើ​​ការ​គូស​វាស​ខាង​នយោបាយ​របស់​ប្រទេស​មហា​អំណាច​ណា​មួយ។

លោក ប្រាក់ សុខុន លើក​ឡើង​ក្នុង​សេចក្ដីថ្លែងការណ៍​ថា​៖ «បញ្ហា​សិទ្ធិ​មនុស្ស និង​ប្រជាធិបតេយ្យ ត្រូវ​បាន​លើក​ឡើង​​ទៅ​តាម​ផល​ប្រយោជន៍​របស់​ប្រទេស​មហា​អំណាច ទៅ​តាម​ស្ថានការណ៍​ផ្លាស់​ប្ដូរ»។

លោក ប្រាក់ សុខុន បាន​អះ​អាង​ថា ប្រទេស​កម្ពុជា ត្រូវ​បាន​មហា​អំណាចលោក​ខាង​លិច​បង្ខំ​ឲ្យ​ដើរ​តាម​ផ្លូវ​របស់​ពួកគេ ដោយ​លោក​ថា ជា​លទ្ធផ​ល ប្រទេស​នេះ បាន​រង​គ្រោះ​​អាក្រក់​បំផុត។

លោក ប្រាក់ សុខុន បាន​ថ្លែងអំពី​ជំហរ​រដ្ឋាភិបាល​កម្ពុជា​បែប​នេះ ខណៈ​ដែល​ស្ថានការណ៍​នយោបាយ​ និង​សិទ្ធិ​មនុស្ស​នៅ​កម្ពុជា ត្រូវ​បាន​គេ​មើល​ឃើញ​ថា ស្ថិត​ក្នុង​ដំណើរ​រអិល​ធ្លាក់​ពី​គន្លង​ប្រជាធិបតេយ្យ និង​ការ​គោរព​សិទ្ធិ​មនុស្ស ក្រោយ​ពី​ការ​ចាប់​ខ្លួន​មេដឹកនាំ​បក្ស​ប្រឆាំង ​លោក កឹម សុខា ​សកម្មជន​ការពារ​សិទ្ធិ​មនុស្ស ​សកម្មជន​ដីធ្លី សកម្មជន​និង​នយោបាយ​បក្ស​ប្រឆាំង។

ការ​ចាប់​ខ្លួន​លោក កឹម សុខា ក្រោម​ការ​ចោទ​ថា «ក្បត់​ជាតិ» នោះ ត្រូវ​បាន​សហគមន៍​អន្តរជាតិ​រិះគន់ និង​ថ្កោល​ទោស​​ព្រោង​ព្រាត លើក​លែង​តែ​ប្រទេស​ចិន​កុម្មុយនីស្ត​មួយ​ប៉ុណ្ណោះ ដែល​បាន​ការពារ​ចំណាត់​ការ​របស់​រដ្ឋាភិបាល​កម្ពុជា ដោយ​ចាត់​ទុក​ជា​ «ការពារ​សន្តិសុខ និង​ស្ថេរភាព​ជាតិ»៕

សរសេរមកកាន់ លោក សូរ្យ ជ័យឧត្ដម តាមរយៈ oudom@vodhotnews.com

What Next?

Recent Articles

One Response to "លោក ប្រាក់ សុខុន ថ្លែងការពារជំហររដ្ឋាភិបាលកម្ពុជានៅមហាសន្និបាតអង្គការសហប្រជាជាតិ"

  1. ?? says:

    this HUN SEN representative is lying to the world in whatever he spoke to UN is just making the world wonder even more. as I used to say the truth still be true no matter what. MR PRAK SOKHON should be shame of himself by turning the truth action of his boss to be the best leader of the world. the best of defaming any action , created too many problem in the country so that he can stay in power, HUN SEN was showing to the world he the most longest dictator in the world, the most corrupted leader in the world, and the rough and tumble evil person in world history, he have bee walking naked in the public and he pretending no one can see his ass. of cause he was a hidden genocide leader in this poor nation . the last truth evident was the murder of Dr KEM LEY that the whole world caught him no question to asked. this fresh evident make every one looking back and reveal all murder action in the past. like K5 plane, diamond island , the killing Cambodian nationalist after 1979, the last most wanted to know is the murder of our people during 1975 to 1979 . we have no though HUN SEN was a former KHMER RUE and he was a VIETCONG spy that make us investigate thoroughly . Vietnamese policy was to take over this poor nation but too bad for them because of PARIS peace agreement they have to change their policy. the policy was to put their poppet in powers was MR HUN SEN. I have no though HUN SEN leadership was great by VIETCONG in 1952 it have to be involved in that killing field . POL POT was the enemy of VIETCONG both of them is communist the communist CHINA and communist HOCHIMIN which they wanted to be the leader of UNITED ENDO CHEN that mean three country VIETNAME, LAO, CAMPOUCHEA to be together. this hidden history is not showing to the world clear of what was going on . I have confident one day every thing will pin point to see the truth about this hidden history. Democratic for Cambodia and peace for all Cambodian