ប្រមុខគណបក្សសង្គ្រោះជាតិ លោក កឹម សុខា ថ្លែងនៅក្នុងពិធីជួបជុំជាមួយអ្នកគាំទ្ររបស់ខ្លួន មុនពេលត្រូវបានចាប់ខ្លួន។ RFI
នៅថ្ងៃចន្ទស្អែកនេះ ក្រុមមេធាវីការពារក្ដីឲ្យលោក កឹម សុខា ប្រធានបក្សប្រឆាំង នឹងដាក់សំណើទៅកាន់សាលាឧទ្ធរណ៍ ដើម្បីឲ្យលោក កឹម សុខា ដែលជាជនត្រូវចោទ បានចូលរួមនៅក្នុងសវនាការនាថ្ងៃទី២៦កញ្ញាខាងមុខ។ សវនាការនៅថ្ងៃទី២៦កញ្ញានេះ ផ្ដោតសំខាន់លើបណ្ដឹងជំទាស់នឹងការសម្រេចឃុំខ្លួនលោក កឹម សុខា របស់សាលាដំបូងរាជធានីភ្នំពេញ។
ក្រុមមេធាវីការពារក្ដី ចង់ឲ្យសាលាឧទ្ធរណ៍និងកងកម្លាំងមានសមត្ថកិច្ច ប្រើប្រាស់គ្រប់មធ្យោបាយទាំងអស់ ដើម្បីធ្វើយ៉ាងណាឲ្យលោក កឹម សុខា បានចូលរួមសវនាការនៅសាលាឧទ្ធរណ៍ ដែលប្រព្រឹត្តទៅនៅថ្ងៃអង្គារទី២៦កញ្ញា។ លោក សំ សុគង់ មេធាវីម្នាក់របស់លោក កឹម សុខា បានអះអាងប្រាប់វិទ្យុបារាំងអន្ដរជាតិនៅថ្ងៃអាទិត្យនេះថា ក្នុងសំណុំរឿងព្រហ្មទណ្ឌ វត្តមានរបស់លោក កឹម សុខា ដែលជាជនត្រូវចោទនៅក្នុងសវនាការ គឺជាការចាំបាច់ខ្លាំងណាស់។ ចាំបាច់ ដើម្បីធានាថា ជនត្រូវចោទមានសិទ្ធិទទួលបាននូវការជំនុំជម្រះដោយយុត្តិធម៌និងត្រឹមត្រូវ ស្របតាមគោលការណ៍អន្ដរជាតិ។
មួយវិញទៀត បើតាមលោកមេធាវី សំ សុគង់ ជនត្រូវចោទមានសិទ្ធិការពារខ្លួន។ ដូច្នេះ ទាមទារឲ្យមានវត្តមានជនត្រូវចោទនៅក្នុងសវនាការ ដើម្បីឆ្លើយដោះបន្ទុកឬបង្ហាញភស្តុតាង បង្ហាញពីភាពគ្មានកំហុសរបស់ខ្លួន ទៅកាន់តុលាការ។ លោកមេធាវីដដែល បន្ថែមទៀតថា លោក កឹម សុខា មានឆន្ទៈចូលរួមនៅក្នុងសវនាការថ្ងៃអង្គារខាងមុខនេះ ដើម្បីមានឱកាសរៀបរាប់ពីរឿងហេតុជូនដល់អង្គសវនាការដោយផ្ទាល់។
សូមជម្រាបជូនថា សំណើរបស់ក្រុមមេធាវីដូច្នេះ ធ្វើឡើងបន្ទាប់ពីអគ្គនាយកដ្ឋានពន្ធនាគារ បង្ហាញភាពរួញរាក្នុងការបញ្ជូនខ្លួនលោក កឹម សុខា មកចូលរួមសវនាការ តាមសំណើសាលាឧទ្ធរណ៍។ នៅក្នុងលិខិតចុះថ្ងៃទី១៨កញ្ញា អគ្គនាយកពន្ធនាគារបានសម្ដែងក្ដីព្រួយបារម្ភពីបញ្ហាសន្តិសុខ សុវត្ថិភាព ក្នុងពេលបញ្ជូនខ្លួនលោកកឹម សុខា មកភ្នំពេញ និងទាំងក្នុងពេលលោក កឹម សុខា ចូលរួមសវនាការនៅសាលាឧទ្ធរណ៍។
រហូតមកទល់ពេលនេះ សាលាឧទ្ធរណ៍នៅមិនទាន់បង្ហាញជំហរជាក់ច្បាស់ណាមួយអំពីវត្តមានលោក កឹម សុខា នៅក្នុងសវនាការនៅថ្ងៃអង្គារទី២៦កញ្ញាទេ។ ប៉ុន្តែអ្នកនាំពាក្យសាលាឧទ្ធរណ៍ លោក ទូច ថារិទ្ធិ បានថ្លែងប្រាប់សារព័ត៌មានក្នុងស្រុកថា អវត្តមានជនត្រូវចោទ មិនប៉ះពាល់ដល់នីតិវិធីឡើយ ព្រោះសវនាការផ្ដោតលើបណ្ដឹងជំទាស់នឹងការសម្រេចឃុំខ្លួនលោក កឹម សុខា តែប៉ុណ្ណោះ។
យ៉ាងណាក៏ដោយ លោកមេធាវីសំ សុគង់ អះអាងថា ក្រុមមេធាវីការពារក្ដីនៅតែទាមទារឲ្យមានវត្តមានលោក កឹម សុខា នៅក្នុងសវនាការជាដាច់ខាត។ ហើយប្រសិនបើសាលាឧទ្ធរណ៍សម្រេចបើកសវនាការដោយគ្មានវត្តមានជនត្រូវចោទ នោះក្រុមមេធាវីនឹងពិចារណាថាតើនឹងត្រូវចូលរួមសវនាការដែរឬក៏អត់។ លើសពីនេះ ក្រុមមេធាវីនឹងបន្តប្ដឹងសារទុក្ខទៅកាន់តុលាការកំពូលទៀត ក្នុងករណីសាលាឧទ្ធរណ៍ប្រកាសសាលដីកាដោយគ្មានវត្តមានលោក កឹម សុខា៕
This case of mr SO KHA it not on the court’ or on the lawyer what so ever’ because this country is under control of veitcong mafia dictator’ and veitcong germs who hiding in the name of khmer government’ this puppet veitcong government can release or jail or kill any body followed Angka lour like pol-pot they said Angka lour now veitcong mafia dictator wait the green light from veit boss’ so don’t need to ask this veitcong puppet government’ .IF U S help they will pressure on china or veitname then the dog will release mr so kha like U S pressure china not supply everything to north korea so china must followed ‘ .Cambodia never have a real conscience people become a leader because veitong spy killed them and the survivors leaders in the trap of communist. Since king si hak nouk got in the trap of ho chi minh because he like sex with youn spy Slap kroam kantuy kben ‘ this is dictator king si hak nouk that why khmer lost 3 million .no need to ask this veitcong puppet government they are the killers’. GOD bless all cambodian people’