មន្ត្រី​សិទ្ធិ​មនុស្ស​រំលឹក​ប្រទេស​ម្ចាស់​ជំនួយ ថា​ល្មម​ដល់​ពេល​ដាក់​ទណ្ឌកម្ម​​លើ​លោក ហ៊ុន សែន

ដោយ អាស៊ីសេរី
2017-10-04

លោក ហ្វីល រ៉ូប៊ឺតសុន (Phil Robertson) នាយក​រង​នៃ​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) ប្រចាំ​អាស៊ី ផ្ដល់​បទសម្ភាសន៍​ដល់​វិទ្យុ​អាស៊ីសេរី កាល​ពី​អំឡុង​ខែ​​​មីនា ឆ្នាំ​២០១៥។ Photo: RFA
លោក ហ្វីល រ៉ូប៊ឺតសុន (Phil Robertson) នាយក​រង​នៃ​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) ប្រចាំ​អាស៊ី ផ្ដល់​បទសម្ភាសន៍​ដល់​វិទ្យុ​អាស៊ីសេរី កាល​ពី​អំឡុង​ខែ​​​មីនា ឆ្នាំ​២០១៥។ Photo: RFA


នាយក​រង​អង្គការ​ឃ្លាំមើល​សិទ្ធិមនុស្ស យូមែន រ៉ៃត៍ វ៉ច្ឆ ប្រចាំ​តំបន់​អាស៊ី លោក ហ្វីល រ៉ូប៊ឺតសុន (Phil Robertson) មិន​ភ្ញាក់​ផ្អើល​ទេ ដែល​តំណាងរាស្ត្រ​គណបក្ស​ប្រឆាំង រួម​ទាំង​អ្នកស្រី មូរ សុខហួរ ផង ត្រូវ​ចាកចេញ​ពី​កម្ពុជា​ដើម្បី​សុវត្ថិភាព។

ប៉ុន្តែ លោក​ភ្ញាក់ផ្អើល ដែល​សហគមន៍​អន្តរជាតិ ជាពិសេស​ប្រទេស​ម្ចាស់​ជំនួយ​របស់​កម្ពុជា សុខចិត្ត​ទុក​ឲ្យ​លោក ហ៊ុន សែន បន្ត​ធ្វើ​ព្យុះ​ធ្វើ​ភ្លៀង​បាន​តាម​តែ​អំពើ​ចិត្ត។ លោក​ចោទ​ជា​សំណួរ ថា​តើ​សហគមន៍​អន្តរជាតិ អត់​ដឹង​ទេ​ឬ ថា​ការ​នៅ​ស្ងៀម​ស្ងាត់​របស់​ខ្លួន​បែប​នេះ គឺ​វា​មិន​ខុស​អ្វី​​ពី​ការ​យល់ព្រម​ទុក ឲ្យ​គណបក្ស​ប្រជាជន​កម្ពុជា ធ្វើ​អ្វី​បាន​ស្រេច​​តែ​ចិត្ត​នោះ​ទេ?

លោក ហ្វីល រ៉ូប៊ឺតសុន ថ្លែង​ប្រាប់​អាស៊ីសេរី​ថា មេដឹកនាំ​ផ្ដាច់​ការ​លោក ហ៊ុន សែន គ្មាន​ញញើត​នឹង​បញ្ជា​ឲ្យ​មាន​អំពើ​ហិង្សា ដោយ​ប្រើ​ប្រាស់​កងកម្លាំង​ប្រដាប់​អាវុធ និង​បញ្ជា​លើ​ប្រព័ន្ធ​តុលាការ​ ដែល​គ្មាន​ឯករាជ្យ​របស់​គាត់។ លោក​បន្ត​ថា លោក​ ហ៊ុន សែន កំពុង​មាន​មហិច្ឆតា​នាំ​ប្រទេស​កម្ពុជា​ ទៅ​រក​ការ​បោះឆ្នោត​មួយ ដែល​គ្មាន​គណបក្ស​ប្រឆាំង​ដ៏​ធំជាង​គេ ចូល​រួម​ប្រកួត​ប្រជែង។

លោក ហ្វីល រ៉ូប៊ឺតសុន បញ្ជាក់​ថា ល្មម​ដល់​ពេល​ដែល​សហគមន៍​អន្តរជាតិ ចាត់​វិធានការ​លើ​រដ្ឋាភិបាល​លោក ហ៊ុន សែន ហើយ។ លោក​ស្នើ​ឲ្យ​ប្រទេស​ម្ចាស់​ជំនួយ ប្រកាស​អំពី​ការ​មិន​ទទួល​ស្គាល់​ការបោះឆ្នោត​ជាតិ​ខាង​មុខ និង​ពិចារណា​ដាក់​ទណ្ឌកម្ម លើ​គណបក្សប្រជាជន​កម្ពុជា។ បើ​មិន​ដូច្នេះ​ទេ ការ​បោះឆ្នោត​ជាតិ​ឆ្នាំ២០១៨ នឹង​គ្មាន​ភាព​សេរី ត្រឹមត្រូវ និង​យុត្តិធម៌ ហើយ​គណបក្ស​ប្រជាជន​កម្ពុជា នឹង​នៅ​តែ​បន្ត​គំរាមកំហែង​មន្ត្រី​គណបក្ស​ប្រឆាំង ដោយ​យក​លេស​ចោទប្រកាន់​តាម​បែប​រវើរវាយ ទៅ​លើ​មន្ត្រី​គណបក្ស​ប្រឆាំង ថា​ពួកគាត់​​ធ្វើ​បដិវត្ត​ពណ៌​ផ្ដួល​រំលំ​រដ្ឋាភិបាល ដែល​ប្រការ​នេះ​ធ្វើ​ឲ្យ​មន្ត្រី​បក្ស​ប្រឆាំង មិន​អាច​បន្ត​មាន​វត្ត​នៅ​កម្ពុជា និង​ត្រូវ​បង្ខំចិត្ត​ចាកចេញ​ទៅ​ក្រៅ​ប្រទេស ដែល​នាំ​ឲ្យ​ប្រជាធិបតេយ្យ​នៅ​កម្ពុជា រលាយ​សាបសូន្យ​យ៉ាង​ប្រត្យក្ស។

តំណាងរាស្ត្រ​គណបក្សសង្គ្រោះជាតិ ជិត​ពាក់​ក្នុង​ចំណោម​តំណាងរាស្ត្រ ៥៥នាក់ រួម​និង​អនុប្រធាន អ្នកស្រី មូរ សុខហួរ ចាក​ចេញ​ពី​ប្រទេស​កម្ពុជា ដើម្បី​សុវត្ថិភាព ដោយសារ​រង​ការ​គំរាមកំហែង​ តាម​ចាប់​ខ្លួន​ពី​សំណាក់​លោក ហ៊ុន សែន ដែល​បាន​ថ្លែងការណ៍​ ព្រមាន​អ្នកស្រី និង​មន្ត្រី​បក្ស​សង្គ្រោះជាតិ​ដទៃ​ទៀត​កុំឲ្យ​ព្រហើន និង​គំរាម​ចាប់ខ្លួន​មនុស្ស​បន្ថែម​ទៀត ដែល​លោក​ចោទ​ថា មាន​ជាប់​ពាក់ព័ន្ធ​នឹង​ករណី​លោក កឹម សុខា ក្នុង​បទ​ចោទ​នៃ​អំពើ​ក្បត់​ជាតិ និង​ការ​ឃុបឃិត​ជាមួយ​បរទេស ដើម្បី​ផ្ដួល​រំលំ​រដ្ឋាភិបាល៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

2 Responses to "មន្ត្រី​សិទ្ធិ​មនុស្ស​រំលឹក​ប្រទេស​ម្ចាស់​ជំនួយ ថា​ល្មម​ដល់​ពេល​ដាក់​ទណ្ឌកម្ម​​លើ​លោក ហ៊ុន សែន"

  1. people says:

    Cambodia is the communist state but wearing democracy shirt’ and leaded by veitcong mafia dictator’ and steer by Youn-veitcong germs .This veitcong mafia dictator’ is the former khmer rough killer’ and he used to train in marky forest with Youn-hanoi(veitcong ) to killed khmer so he never afraid to kill anybody who criticise him or opposed him. This evil one eye born to destroy cambodia like the communist king si hak nouk’ He bring veitcong to kill khmer and spread the war to cambodia ‘now this evil one eye keep continue to kill khmer and all resource so they are all the killers with youn veitcong communist and jen communist .Cambodian people still victim of communist veitcong and china’. GOD bless all cambodian people’

  2. Reall says:

    please!please!help our contry we have no one only you.

Leave a Reply

Submit Comment