តំណាងរាស្ត្រ​អាមេរិក​ថា កម្ពុជា​មិន​អាច​បោះឆ្នោត​ជាតិ​ខាង​មុខ​តែ​ឯង​បាន​ទេ

ដោយ អាស៊ីសេរី
2017-10-04

តំណាង​រាស្ត្រ​សហរដ្ឋ​អាមេរិក ពី​ខាង​គណបក្ស​ប្រជាធិបតេយ្យ លោក អាឡាន់ ឡូវ៉ិនថល (Alan Lowenthal) ថ្លែង​ពី​បញ្ហា​សិទ្ធិ​មនុស្ស​កាល​ពី​ឆ្នាំ​២០១៣។ Photo courtesy of lowenthal.house.gov
តំណាង​រាស្ត្រ​សហរដ្ឋ​អាមេរិក ពី​ខាង​គណបក្ស​ប្រជាធិបតេយ្យ លោក អាឡាន់ ឡូវ៉ិនថល (Alan Lowenthal) ថ្លែង​ពី​បញ្ហា​សិទ្ធិ​មនុស្ស​កាល​ពី​ឆ្នាំ​២០១៣។ Photo courtesy of lowenthal.house.gov


តំណាងរាស្ត្រ​សហរដ្ឋអាមេរិក​ពី​ខាង​គណបក្ស​ប្រជាធិបតេយ្យ​បញ្ជាក់​ថា កម្ពុជា​នឹង​មិន​អាច​ធ្វើ​ដំណើរ​ឆ្ពោះ​ទៅ​រក​ការបោះឆ្នោត ឆ្នាំ​២០១៨​ខាងមុខ តែឯង​បាន​ទេ ដរាប​ណា​ប្រទេស​ក្រីក្រ​មួយ​នេះ នៅតែ​ត្រូវការ​ការ​គាំទ្រ​ពី​សហគមន៍​អន្តរជាតិ។

លោក អាឡាន់ ឡូវ៉ិនថល (Alan Lowenthal) ប្រាប់​អាស៊ីសេរី​ក្នុង​អាគារ​រដ្ឋសភា​របស់​សហរដ្ឋអាមេរិក កាលពី​ព្រឹក​ថ្ងៃ​ពុធ​ទី​៤ តុលា នៅ​ក្រោយ​ជំនួប​ជាមួយ​លោក ហុង លីម តំណាងរាស្ត្រ​អូស្ត្រាលី​សញ្ជាតិ​ខ្មែរ កាល​​ពី​ថ្ងៃ​ទី៤ តុលា ថា អ្វី​ដែល​សំខាន់​បំផុត​នោះ គឺ​សហរដ្ឋអាមេរិក នឹង​កៀរគរ​បង្ហាញ​ដល់​សហគមន៍​អន្តរជាតិ​ទាំងឡាយ អំពី​ការ​ធ្វើ​ទុក្ខ​បុក​ម្នេញ​របស់​រដ្ឋាភិបាល​ទីក្រុង​ភ្នំពេញ​មក​លើ​ក្រុម​បក្ស​ប្រឆាំង សង្គម​ស៊ីវិល និង​បណ្ដាញ​សារព័ត៌មាន។

លោក បន្ត​ថា​ប្រសិនបើ​លោក ហ៊ុន សែន ចង់​ឲ្យ​រដ្ឋាភិបាល​របស់​ខ្លួន​មាន​ភាព​ស្របច្បាប់ នោះ​លោក ហ៊ុន សែន ត្រូវតែ​អនុវត្ត​គោលការណ៍​ប្រជាធិបតេយ្យ តាមរយៈ​ការ​បោះឆ្នោត​ដោយ​សេរី ត្រឹមត្រូវ និង​យុត្តិធម៌៖ «យើង​នឹង​ជំរុញ​ឲ្យ​សហគមន៍​អន្តរជាតិ​ក្រោក​ឈរ​ឡើង ប្រយុទ្ធ តតាំង​ជាមួយ​រដ្ឋាភិបាល​ភ្នំពេញ ដើម្បី​លទ្ធិ​ប្រជាធិបតេយ្យ ការ​គោរព​សិទ្ធិមនុស្ស ហើយ​បើ​មិន​ដូច្នេះ​ទេ នោះ​យើង​មិន​ទទួល​យក​ការ​បោះឆ្នោត​នេះ​ទេ។ ការ​តតាំង​នេះ​នឹង​ជំរុញ​ឲ្យ​មាន​ការ​សើរើ​យន្តការ កិច្ចព្រមព្រៀង សន្តិភាព​ទីក្រុង​ប៉ារីស​ឆ្នាំ​១៩៩១ ដែល​មាន​ស្រាប់។ កិច្ចព្រមព្រៀង​នេះ បាន​ចែង​ច្បាស់​អំពី​តួនាទី​របស់​យើង ដែល​ត្រូវ​ធ្វើ»

លោក អាឡាន់ ឡូវ៉ិនថល ក៏បាន​ថ្លែង​គាំទ្រ​សេចក្ដី​សម្រេច​របស់​សមាជិក​ព្រឹទ្ធសភា លោក ចន ម៉ាក់ឃែន (John McCain) និង លោក ឌីក ឌើប៊ិន (Dick Durben) ដែល​អនុម័ត​កាលពី​ថ្ងៃ​ទី២ ក្នុង​ការ​ជំរុញ​ឲ្យ​សភា​សហរដ្ឋ អាមេរិក​ថ្កោលទោស​រដ្ឋាភិបាល​លោក ហ៊ុន សែន ដែល​បាន​ចាប់​ឃុំខ្លួន​មេដឹកនាំ​បក្ស​ប្រឆាំង និង​ធ្វើ​ទុក្ខបុកម្នេញ​ដល់​ក្រុម​សង្គម​ស៊ីវិល​កន្លងមក។

ទោះជា​យ៉ាងណាក៏ដោយ​រដ្ឋាភិបាល​លោក ហ៊ុន សែន នៅ​តែ​ព្រងើយ កន្តើយ​ចំពោះ​ការរិះគន់​ធ្ងន់ៗ​របស់​សហគមន៍​អន្តរជាតិ។ លោក ហ៊ុន សែន កាលពី​ថ្ងៃ​ទី​២ ខែ​តុលា ព្រមាន​ថា សមត្ថកិច្ច​របស់​លោក នឹង​បន្ត​ចាប់ខ្លួន​មនុស្ស​ទាំងឡាយ​ដែល​មាន​ជាប់​ពាក់ព័ន្ធ​នឹង​គម្រោង​ធ្វើ​បដិវត្តន៍​ពណ៌​ផ្ដួល​រំលំ​រដ្ឋាភិបាល​របស់​លោក ហើយ​ថា​ការ​ចាប់​ខ្លួន លោក កឹម សុខា ម្នាក់​គឺ​មិន​ទាន​គ្រប់គ្រាន់​នោះ​ទេ គឺ​នៅ​មាន​មន្ត្រី​បក្ស​ប្រឆាំង​ផ្សេងទៀត នឹង​អាច​ត្រូវ​ចាប់ខ្លួន​ផង​ដែរ។

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

3 Responses to "តំណាងរាស្ត្រ​អាមេរិក​ថា កម្ពុជា​មិន​អាច​បោះឆ្នោត​ជាតិ​ខាង​មុខ​តែ​ឯង​បាន​ទេ"

  1. ?? says:

    shame on me and all Cambodian by having been born in this sad nation . we Cambodian are so unfortunate by having this kind of leader who made this whole nation so cheap. in some time some one asked me where are you came from I just do not wanted to tell them that I came from Cambodia. recently some one ask me I tool them I came from Cambodia and they continuous to say OH you came from those gavial fighter leader country. I’m felling shameful I bet those person know every thing about Cambodia. sorry next time I will never saying I’m a Cambodian any more . most likely people thinking I came from PHILIPIN or THAILAND . this massage is telling all Cambodian that under HUN SEN leadership for the last thirty five years Cambodia is having a bad name in the whole world. some time I filling sick and tied to hear some stupid word from this killer . I do not know what else I can say but as long as HUN SEN in powers Cambodian will be cheap as garbage . can some one tell this guy to stop open his mouth . sorry to say that but when he open his mouth the smell is so stinky spreading to the whole world . too bad some one that did not know pretending he know every thing and the guy not sleeping pretending he is sleeping. please kick HUN SEN out so that we can recue our nation. democracy for Cambodia peace for Cambodian GOD bless CAMBODIA

  2. Chipmonk says:

    Cost 30 million to pay for 2018 election, no problem!. Hun Sen and his team may be able to cough up to pay as long as he is guaranteed the outcome.

  3. Reall says:

    pleasepa! please ! help our country we have no one to depend on only you.

Leave a Reply

Submit Comment