លោក ហ៊ុន សែន ជំរុញ​សាជាថ្មី​ឲ្យ​ពលរដ្ឋ​ងើប​តតាំង​ជាមួយ​អាមេរិក

ដោយ អាស៊ីសេរី
2017-10-11

លោក​នាយក​រដ្ឋមន្ត្រី ហ៊ុន សែន (ឆ្វេង) និង​ឯកអគ្គរដ្ឋទូត​សហរដ្ឋ​អាមេរិក​ប្រចាំ​ប្រទេស​កម្ពុជា លោក វីល្លៀម ហៃដ្ដ៍ (William A. Heidt) ជួប​ពិភាក្សា​គ្នា​នៅ​ភូមិគ្រឹះ​របស់​លោក​នាយក​រដ្ឋមន្ត្រី ថ្ងៃ​ទី​២៦ ខែ​មិថុនា ឆ្នាំ​២០១៧។ Photo courtesy of U.S. Embassy Phnom Penh's facebook page
លោក​នាយក​រដ្ឋមន្ត្រី ហ៊ុន សែន (ឆ្វេង) និង​ឯកអគ្គរដ្ឋទូត​សហរដ្ឋ​អាមេរិក​ប្រចាំ​ប្រទេស​កម្ពុជា លោក វីល្លៀម ហៃដ្ដ៍ (William A. Heidt) ជួប​ពិភាក្សា​គ្នា​នៅ​ភូមិគ្រឹះ​របស់​លោក​នាយក​រដ្ឋមន្ត្រី ថ្ងៃ​ទី​២៦ ខែ​មិថុនា ឆ្នាំ​២០១៧។ Photo courtesy of U.S. Embassy Phnom Penh’s facebook page


នៅ​គ្រា​ដែល​ការ​បោះឆ្នោត​ជាតិ​ឆ្នាំ​២០១៨ ខិត​ជិត​ចូល​មក​ដល់ លោកនាយក​រដ្ឋមន្ត្រី ហ៊ុន សែន មេដឹកនាំ​ខ្មែរ​ដែល​កាន់អំណាច​ជាង ៣០​ឆ្នាំ​មកនេះ ប្រកាស​ឲ្យ​ពលរដ្ឋ ខ្មែរ​ទាំងអស់​ក្រោក​ឈរ​ឡើង ប្រឆាំង​ប្រទេស​លោក​សេរី​ទាំងឡាយ​ណា ដែល​មានបំណង​បំផ្លាញ​សន្តិភាព និង​ជ្រៀតជ្រែក​កិច្ចការ​ផ្ទៃ​ក្នុង​របស់​កម្ពុជា។ អ្នកវិភាគ​ស្ថានការណ៍​នយោបាយ​និយាយ​ថា លោក ហ៊ុន សែន ដើរ​ផ្ទុយ​ការសន្យា​របស់​ខ្លួន ក្នុង​កិច្ចព្រមព្រៀង​សន្តិភាព​ទីក្រុង​ប៉ារីស និង​កំពុង​ធ្វើ​រដ្ឋប្រហារ​រដ្ឋធម្មនុញ្ញ​របស់​ប្រទេស ខណៈ​ក្រុម​បក្ស​កាន់អំណាច​កំពុង​ហែក​បក្ស​ប្រឆាំង ជា​ចម្រៀក​ៗ​ចេញពី​ឆាក​នយោបាយ។

លោក ហ៊ុន សែន នៅ​ថ្ងៃ​ពុធ ទី​១១ ខែ​តុលា នេះ ជំរុញ​ឲ្យ​ពលរដ្ឋ​ខ្មែរ​ទាំងអស់ ក្រោកឈរ​ការពារ​សន្តិភាព និង​ការ​អភិវឌ្ឍ​របស់​ប្រទេសជាតិ ពី​ការ​ជ្រៀតជ្រែក​របស់​ប្រទេស​មហាអំណាច។

នាយករដ្ឋមន្ត្រី​ដែល​ក្រាញ​អំណាច​យូរ​ឆ្នាំ​ជាងគេ​ក្នុង​តំបន់​អាស៊ី​រូប​នេះ អះអាង​ថា ពួក​ក្រុម​ប្រទេស​មហាអំណាច​បាន​ទម្លាក់​គ្រាប់បែក​មក​លើ​កម្ពុជា និង​បាន​រំលោភ​អធិបតេយ្យ​របស់​កម្ពុជា​ធ្ងន់ធ្ងរ ហើយ​នៅ​ពេល​នេះ ពួកគេ​នៅតែ​បន្ត​ជ្រៀតជ្រែក​កិច្ចការ​ផ្ទៃក្នុង​របស់​កម្ពុជា​ថែម​ទៀត។ លោក​បន្ត​ថា​ការ​ចោទប្រកាន់​នានា​ដែល​ថា​រដ្ឋាភិបាល​របស់​លោក រំលោភ​សិទ្ធិ​មនុស្ស​នោះ វា​គឺជា​រឿង​អយុត្តិធម៌៖ «តើ​នៅ​លើ​លោក​នេះ​មាន​ស្តង់ដារ​ប៉ុន្មាន​ទៅ អ្នក​មាន​លទ្ធភាព​ដើរ​ឈ្លានពាន​បាញ់​ប្រហារ​គេ ហើយ​ឯ​អ្នក​ប្រទេស​ក្រីក្រ​តូច​តាច មាន​លទ្ធភាព​ត្រឹមតែ​ការពារ​ខ្លួន អនុវត្តន៍​ច្បាប់​របស់​ប្រទេស​ដើម្បី​ធានា​នូវ​សន្តិភាព ស្ថិរភាព សម្រាប់​ការ​រស់រាន​របស់​ប្រជាជន។ តើ​យើង​មាន សិទ្ធិ​ដែរ​ទេ ឬមួយ​មាន​សិទ្ធិ​តែ​ពួក​នាក់ ហើយ​សិទ្ធិ​របស់​ពួក​ខ្ញុំ​មិន​មាន ខ្ញុំ​គ្មាន​អាវុធ​ប្រល័យ​លោក​ទេ។ ខ្ញុំ​អំពាវនាវ​ចំពោះ​ប្រជាពលរដ្ឋ​របស់​យើង ក្រោកឈរ​ឡើង​រួមគ្នា​ដើម្បី​ការ​សន្តិភាព សន្តិភាព​នោះ​ហើយ ដែល​ធានា​ដល់​ការ​អភិវឌ្ឍ​របស់​យើង​ទៅ​ថ្ងៃ​អនាគត»

ការ​ប្រកាស​របស់​លោក ហ៊ុន សែន ធ្វើឡើង​នៅ​គ្រា​ដែល​លោក​ចុះ ជួប​ជាមួយ​កម្មករ​រោងចក្រ​ប្រមាណ​ជាង ២​ម៉ឺន​នាក់ មកពី​រោងចក្រ កាត់ដេរ​ចំនួន​១១ នៅ​តាម​បណ្ដោយ​ផ្លូវ​វ៉េងស្រេង ក្នុង​ខណ្ឌ​ពោធិ៍សែន​ជ័យ រាជធានី​ភ្នំពេញ។

វោហារសាស្ត្រ​រិះគន់​របស់​លោក ហ៊ុន សែន ទៅលើ​សហរដ្ឋអាមេរិក បាន​ធ្វើ​ឡើងជា​បន្តបន្ទាប់​នេះ​នៅ​គ្រា​ដែល​លោក​កំពុង បោះជំហាន​ដ៏​ជ្រៅ​ទៅ​រក​ប្រទេស​ចិន និង​រុស្សី ហើយ​ព្យាយាម​ដោះ​ខ្លួន ចេញ​ពី​ប្រទេស​លោក​សេរី។

អ្នកវិភាគ​ឯករាជ្យ​លោក​បណ្ឌិត ឡៅ ម៉ុងហៃ មានប្រសាសន៍ថា ការ​ប្រកាស​របស់​លោក ហ៊ុន សែន មិន​ឲ្យ​សហរដ្ឋអាមេរិក​ជ្រៀតជ្រែក​កិច្ចការ​ផ្ទៃក្នុង​របស់​កម្ពុជា នៅ​ពេល​នេះ​គឺ​ដូចគ្នា​ទៅ​នឹង​ការ ប្រកាស​របស់​ក្រុម​ខ្មែរក្រហម​ដែល​ទាមទារ​មិន​អង្គការសហប្រជាជាតិ ជ្រៀតជ្រែក​អធិបតេយ្យភាព​របស់​ខ្លួន​កាលពី​អំឡុង​ឆ្នាំ​១៩៧៥​នោះ៖ «សម្ដេច​នាយក​រដ្ឋមន្ត្រី​យើង​ហ្នឹង​ព្យាយាម​គូរ​រូប​គាត់​ជា​អ្នក​រងគ្រោះ ហើយ​ប្រទេស​កម្ពុជា​ជា​អ្នករងគ្រោះ​ដែរ ពី​ការវាយប្រហារ និង​ការរិះគន់ ឬ​ពី​ការ​ចោទប្រកាន់។ អាហ្នឹង​អត់​ឆ្ងល់​ទេ​រឿង​ការ​លូកដៃ ចូល​នោះ​ហើយ​ជំនាន់​ខ្មែរក្រហម​ក៏​អញ្ចឹង​ដែរ អៀង សារី នេះ​បាន សរសេរ​ជា​ផ្លូវការ​ផង​ថា កុំ​លូកដៃ​ចូល​កិច្ចការ​ផ្ទៃក្នុង​របស់​ប្រទេស​កម្ពុជា​នៅ​ពេល​ដែល​គេ​​តិះ​ទាន​នឹង​ត្រួត​ពិនិត្យមើល​ការ​កាប់​សម្លាប់ និង​ការរំលោភ​សិទ្ធិមនុស្ស។ គេ​យក​បញ្ហា​អធិបតេយ្យភាព​ហ្នឹង មក​ធ្វើជា​ខែល​កុំ​ឲ្យ​គេ​លូកដៃ​ចូល»

លោក​បណ្ឌិត ឡៅ ម៉ុងហៃ បន្ត​ថា​សហរដ្ឋអាមេរិក ក៏​ដូចជា​សហគមន៍​អឺរ៉ុប ពួកគេ​ជា​ប្រទេស​ដែល​ចូលរួម​ចុះហត្ថលេខា​លើ​កិច្ចព្រមព្រៀង សន្តិភាព​ទីក្រុង​ប៉ារីស ដូច្នេះ​ពួកគេ​មាន​សិទ្ធិ​ឃ្លាំមើល​ដំណើរ​ការ​គោរព​សិទ្ធិមនុស្ស និង​ការ​អនុវត្ត​គោល​ការ​ប្រជាធិបតេយ្យ​នៅ​កម្ពុជា។

ទោះជា​យ៉ាងណាក៏ដោយ​លោក ហ៊ុន សែន អះអាង​ថា កិច្ចព្រមព្រៀង សន្តិភាព ទីក្រុង​ប៉ារីស​បាន​ស្លាប់​បាត់បង់​ពី​ឆាក​នយោបាយ​កម្ពុជា ទៅ​ហើយ។ លោក​បន្ត​ថា គោលបំណង​ណាមួយ​ក្នុង​ការ​សើរើ​កិច្ចព្រមព្រៀង​នេះ គឺ​គ្រាន់តែ​ជា​ការ​ស្រមើស្រមៃ​ប៉ុណ្ណោះ៖ «២៣ តុលា ២០១៧ ជិត​មកដល់​ហើយ​ដែល​ជា​ខួប​លើក​ទី​២៦ នៃ​កិច្ចព្រមព្រៀង​ទីក្រុង​ប៉ារីស ដែល​យើង​បាន​អនុវត្ត ហើយ​ធាតុ​ផ្សំ ទាំងអស់​យើង​បាន​ប្រមូល​ផ្តុំ​មក​ក្នុង​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​អស់​ហើយ សូម​កុំ​ស្រមើស្រមៃ​ថា កោះ​ប្រជុំ​សន្និសីទ​ទីក្រុង​ប៉ារីស​ឡើងវិញ​នោះ ពីព្រោះ​សន្និសីទ​ក្រុង​ប៉ារីស​ខ្មោច​អី បើ​ប្រទេស​រុស្សី មួយ​ក្លាយ​ទៅ​ប្រទេស​រដ្ឋ​មិន​ដឹង​ប៉ុន្មាន​នោះ។ សូម្បី​ប្រទេស​ហត្ថលេខី ក៏​ប្រែប្រួល អស់​ទៅ​ដែរ។ វា​មាននៅ​សល់​អី​ទៀត»

ទោះជា​យ៉ាងណាក៏ដោយ សមាជិកសភា​របស់​សហរដ្ឋអាមេរិក​ពី​ខាង​គណបក្ស​ប្រជាធិបតេយ្យ លោក អាឡាន់ ឡូវែនថល (Alan Lowenthal) បាន​ប្រាប់​អាស៊ីសេរី កាលពី​សប្ដាហ៍​កន្លង​ទៅ​ថា មានតែ​កិច្ចព្រមព្រៀង សន្តិភាព​ទីក្រុង​ប៉ារីស​ប៉ុណ្ណោះ ដែល​ជា​យន្តការ​ចាំបាច់​របស់​សហរដ្ឋអាមេរិក​ដើម្បី​ដោះស្រាយ​វិបត្តិ​នៅ​កម្ពុជា។

នៅ​ខណៈ​ការ​បោះឆ្នោត​ជាតិ​ឆ្នាំ​២០១៨ ខិត​ជិត​ចូល​មក​ដល់​លោក ហ៊ុន សែន បាន​បង្កើន​ការ​ធ្វើ​ទុក្ខបុកម្នេញ​អង្គការ​របស់​អាមេរិក​មួយ​ចំនួន បិទ​បណ្ដាញ​ផ្សព្វផ្សាយ ចោទ​រដ្ឋាភិបាល​អាមេរិក នៅ​ពីក្រោយ​គម្រោង​ធ្វើ​បដិវត្ត​ពណ៌ ចាប់​មេដឹកនាំ​គណបក្ស​សង្គ្រោះជាតិ ដាក់​ពន្ធនាគារ ហើយ​គំរាម​រំលាយ​បក្ស។ ការ​ចោទ​ប្រកាន់​នេះ ត្រូវ​បាន​ស្ថានទូត​អាមេរិក​នៅ​កម្ពុជា​បដិសេធ​ថា មិនមែន​ការពិត។

កាលពី​ថ្ងៃ​ទី​០៦ ខែ​តុលា ឆ្នាំ​២០១៧ រដ្ឋាភិបាល​កម្ពុជា​បាន​ដាក់​បណ្ដឹង ផ្លូវច្បាប់​ដើម្បី​សុំ​រំលាយ​គណបក្ស​សង្គ្រោះ​ជាតិ បួន​ថ្ងៃ​ក្រោយមក តំណាងរាស្ត្រ​របស់​គណ​បក្ស​ប្រជាជន​កម្ពុជា​បាន​បញ្ជូន​សេចក្ដី​ស្នើ​ច្បាប់​ចំនួន​៤ ទៅ​គណៈកម្មាធិការ​អចិន្ត្រៃយ៍​របស់​សភា​ដើម្បី​ស្នើសុំ​វិសោធនកម្ម ក្នុង​ការ​ឆក់​យក​អាសនៈ​របស់​គណបក្ស​ដែល​ត្រូវ​តុលាការ​រំលាយ ទៅ​ចែក​ឲ្យ​គណបក្ស​ផ្សេង​ដែល​គ្មាន​សំឡេង​នៅ​ក្នុង​សភា​នោះ។

ក្រុម​អ្នកឃ្លាំមើល​ការបោះឆ្នោត​ចាត់​ទុក​វិធានការ​ចុងក្រោយ​របស់ លោក ហ៊ុន សែន ថា ជា​ការ​ប្លន់​សំឡេង​ឆ្នោត​ពី​ប្រជាពលរដ្ឋ​ទាំង​កំរោល និង​ថា​ជា​ការ​ធ្វើ​រដ្ឋប្រហារ​រដ្ឋ​ធម្មនុញ្ញ។ អង្គការ​អន្តជាតិ​ធំៗ​ដូចជា អង្គការ​ឃ្លាំមើល​ពិភពលោក គ្លូបបល វីនេស (Global Witness) អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃវច្ឆ (Human Rights Watch) អះអាង​ដូចៗ​គ្នា​ថា ប្រជាធិបតេយ្យ​នៅ​កម្ពុជា​កំពុង​ស្ថិត​ក្នុង ចំណុច​ហានិភ័យ ដែល​នាំ​ឲ្យ​មាន​គ្រោះថ្នាក់​សម្រាប់​ការ​ការដឹកនាំ​កម្ពុជា ហើយ​កំពុង​ប្រែក្លាយ ប្រទេស​នេះ ឲ្យ​ក្លាយទៅជា​ប្រទេស​ដែល​ប្រកាន់​របប​ផ្ដាច់ការ ដែល​ពិភពលោក​មិន​អាច​អត់ឱន​ឲ្យ​បាន ជាពិសេស​ចំណាត់​ការ​ចុងក្រោយ ដែល​ចង់​រំលាយ​គណបក្សប្រឆាំង។

កាលពីដើម​ខែ​តុលា ក្រុម​សមាជិក​ព្រឹទ្ធសភា​របស់​សហរដ្ឋអាមេរិក ដ៏​មាន​ឥទ្ធិពល​បាន​ចាត់​ទុក​វិធាន ដ៏​តានតឹង​ចុងក្រោយ​របស់​លោក ហ៊ុន សែន ថា​នឹង​នាំ​ឲ្យ​ប៉ះទង្គិច​ខ្លាំង​ដល់​ដំណើរការ​បោះឆ្នោត ជាតិ​នៅ​ពេល​ខាងមុខ។

ជាង​នេះ​ទៅ​ទៀត ពួកគេ​ក៏បាន​ជំរុញ​ឲ្យ​រដ្ឋាភិបាល​សហរដ្ឋអាមេរិក ដាក់ទណ្ឌកម្ម​សេដ្ឋកិច្ច និង​បង្កក​ទ្រព្យ សម្បត្តិ​របស់​ក្រុម​មន្ត្រី​ជាន់​ខ្ពស់​របស់​រដ្ឋាភិបាល​កម្ពុជា ដែល​មាន​នៅ​ក្រៅ​ប្រទេស ប្រសិនបើ រដ្ឋាភិបាល​លោក ហ៊ុន សែន នៅតែ​មិន​ព្រម​បញ្ចប់​វិបត្តិ​ស្ថានការណ៍​នយោបាយ​ចុង​ក្រោយ​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

5 Responses to "លោក ហ៊ុន សែន ជំរុញ​សាជាថ្មី​ឲ្យ​ពលរដ្ឋ​ងើប​តតាំង​ជាមួយ​អាមេរិក"

  1. Phanna says:

    Stop using $ man, use your boss yuan.

  2. Phanna says:

    You think Khmer people are dumb like you. Come on man!

  3. ?? says:

    that what I said sooner or later this evil will showing us his true color . no wonder he was the one who was in the killing field murder our people after that K5, military cue , again and again he wagging war again his own nation. dog still be dog no matter what this dumb evil will go hell very soon. GOD bless Cambodia

  4. Rayuthlee says:

    សូមប្រាប់ទៅលោកហ៊ុន សែន ន៨ងគូកនថាប្រជាពលរដ្ធខ្មែរឆ្អែតនឹងសម្រែកដ៏គ្មានន័យរបស់លោកតទៅទៀតហើយ។ប្រជាពលរដ្ធខ្មែរ លែងស្តាប់ដម្តី ញុះញង់បញ្ឆេះកំហឹងអោយស្អប់អាមេរិក ។ លោកហ៊ុន សែន និងគូកនត្រូវដឹងថាកម្ពុជានិងប្រជាជនត្រូវការមិត្ត និងអាមេរិកដើម្បីភាពរីកចំរើនជាតិ ព្រោះថាកម្ពុជាត្រូវការទីផ្សារអាមេរិកសម្រាប់ទំនិញសម្លៀកបំពាក់ និងស្បែកជើងដែលនាំចេញពីខ្មែរ និងការងារធ្វើសម្រាប់កម្មការខ្មែរជិត១លាននាក់។ សួរថាបើអាមេរិកឈប់ទិញទណនិញខ្មែរ ឬក៏ដាក់ទណ្ណកម្មសេដ្ធកិច្ចលើខ្មែរ តើអ្នកណាជាអ្នកខាត និងអ្នកណាទិញទំនិញរបស់ខ្មែរ? ប្រទេសចិន ឬក្រុមគ្រួសាររបស់លោក??? ពេលអានេរិក និងសហភាពអឺរ៉ុបដាក់ទណ្ឌិកម្មស៣ថ្ធកិច្ចលើប្រទេដខ្មែរដោយសារតែភាពល្មោភអំណាច ន៨ងឃោរឃៅរបស់លោក នោះប្រជាជនខ្មែរចំនួន១៥លាននាក់ជាអ្នកខាត ន៨ងរងគ្រោះ មិនមែនលោក ក្រុមគ្រួសារ ន៨ងគូកនរបស់លោកទេព្រោះពួកលោកមានទ្រព្យរឆបសិបលានចាយ២ជីវិតមិនអស់ផង។ចុះប្រជាជនខ្នែរដែលក្រីក្ររវិញរស់បានយ៉ាងណា??

    ដូច្នេះសូមប្រជាជនខ្មែរកុំស្តាប់ និងជឿសម្តីប្រទូស្តរាយរបស់លោកហ៊ុន សែន។ គាត់នេះក្រាញអំណាចដោយមិនគិតពីសុខទុក្ខរបស់ប្រជាជាតិឡើយ។ ដោយសារតែចង់តោងអំណាច និងពង្រឹងអំណាច លោកហ៊ុន សែនមានគំនិតអាក្រក់ រំលាយបក្សសង្រ្គោះជាតិ និងគម្រោងប្លន់យកកៅអី៥៥ ទៅចែកដល់បនបរុវារ៤បស់ខ្លួន។ នេះគឺជាគំនិត និងទង្វើរទុរយសដែកនាំនាវារកម្ពុជាទៅរកភាពឯកកោរ និងទៅរករបបផ្តាច់ការ។

    សូមប្រជាពលរដ្ឋខ្មែរចំណាំមុខពួកផ្តាច់ការដែលស្រលាញ់អំណាចជាងជាតិ។ មានតែអ្នកប្រជាធិបតេយ្យទេដែលជាទីក្តីសង្ឃឹមរបស់ជាតិ ហើយបក្សសង្រ្គោះជាតិជាក្តីសង្ឃឹមត”១របស់យើង ដូច្នេះមិនត្រូវអោយពួកផ្តាច់ប្រព្រឹត្តអ្វីតាមអំពើចិត្តនោះទេ។

  5. ?? says:

    HAS………… sorry I just laughing my ass off . if HUN SEN really a strong man in the world please show us by throve that one billion dollars that he still from our nation because all that monies is AMERICKANG monies. this dumb guy is hated AMERICKANG so much but so sad he is using AMERICKANG money , riding on AMERICKANG build air plane , using AMERICKANG I phone. and expressly need AMERICKANG help whit his economy for him to stay alive. I think this evil’s enemy can not be that patient any more wait and see what will this ugly evil can do about it. GOD bless Cambodia

Leave a Reply

Submit Comment