វៀតណាម ​ប្រតិកម្ម​ការ​ដកហូត​ឯកសារ​ពី​ជនជាតិ​វៀតណាម

គ្រួសារ​​ជន​​ជាតិ​​​វៀតណាម​មួយ​ត្រៀម​ទូក​ចេញ​ទៅ​នេសាទ​តាម​ដង​ទន្លេ​មេគង្គ ក្នុង​រាជធានី​ភ្នំពេញ កាល​ពី​ម្សិល​មិញ។ ផា លីណា


and
ភ្នំពេញប៉ុស្តិ៍

ភ្នំពេញៈ ក្រសួង​ការបរទេស​វៀតណាម​ បាន​បញ្ចេញ​ប្រតិកម្ម​ឆ្លើយតប​កាលពី​ថ្ងៃ​អង្គារ ​ចំពោះ​របាយការណ៍​ដែល​ថា​កម្ពុជា​​ នឹង​ដកហូត​ឯកសារ​ពី​ជនជាតិ​វៀតណាម​រាប់ពាន់​នាក់​ដោយ​ជំរុញ​ឲ្យ​កម្ពុជា​គោរព​សិទ្ធិ​ស្រប​ច្បាប់​ក្នុង​អំឡុង​ដំណើរការ​នេះ​។

អ្នក​នាំពាក្យ​ក្រសួង​ការបរទេស​វៀតណាម​លោកស្រី Le Thi Thu Hang ថ្លែង​ថា​៖ «​យើង​សង្ឃឹម​ថា​ខណៈ​ប្រជាពលរដ្ឋ​ (​វៀតណាម​) កំពុង​ទន្ទឹង​រង់ចាំ​ការ​បញ្ចប់​ដំណើរការ​ឯកសារ​ស្រប​ច្បាប់​របស់​ពួកគេ ពួកគេ​នឹង​អាច​រក្សា​ជីវិត​រស់នៅ​ស្ថិតស្ថេរ​ និង​បន្ត​រួម​ចំណែក​ដល់​ការ​អភិវឌ្ឍ​សង្គម សេដ្ឋកិច្ច​របស់​កម្ពុជា​»​។ នេះ​បើ​តាម​សារព័ត៌មាន Reuters​។

អគ្គនាយកដ្ឋាន​អន្តោប្រវេសន៍​ក្រសួង​មហាផ្ទៃ​កម្ពុជា​បាន​ប្រកាស​កាលពី​សប្តាហ៍​មុន​ថា​ខ្លួន​បាន​កំណត់​អត្តសញ្ញាណ​ជនបរទេស​ចំនួន​ ៧ ​ម៉ឺន​នាក់​ថា មាន​ឯកសារ​មិន​ត្រឹមត្រូវ​រួមមាន​លិខិត​ឆ្លងដែន និង​អត្តសញ្ញាណប័ណ្ណ​ហើយ​នឹង​ដកហូត​ឯកសារ​ទាំង​នោះ​នា​ប៉ុន្មាន​ខែ​ខាង​មុខ​។

អគ្គនាយក​នៃ​អគ្គយកដ្ឋាន​អន្តោប្រវេសន៍​លោក​ សុខ ផល ​ថ្លែង​កាលពី​ម្សិលមិញ​ថា​៖ «​ក្រុម​ការងារ​កំពុង​រៀបចំ​ចុះ​ទៅ​»​។

លោកស្រី លីម៉ា ងុយយ៉េន ដែល​ជា​អ្នក​ស្រាវជ្រាវ​ម្នាក់​បាន​ថ្លែង​ថា ជនជាតិ​ភាគតិច​វៀតណាម​ជាច្រើន​ត្រូវ​បាន​ផ្តល់​ឲ្យ​នូវ​ភាព​ជា​ពលរដ្ឋ​ខ្មែរ​តាម​ច្បាប់​ស្តីពី​សញ្ជាតិ​ឆ្នាំ​ ១៩៥៤ ប៉ុន្តែ​ត្រូវ​បាន​បដិសេធ​បន្ទាប់ពី​ភាព​ចលាចល​នៃ​របប​ខ្មែរក្រហម​។

លោកស្រី​បាន​ថ្លែង​តាម​ អ៊ីមែល​ កាលពី​ម្សិលមិញ​ថា​៖ «​ពួកគេ​មិន​អាច​បង្ហាញ​ភ័ស្តុតាង​អំពី​ការ​ទទួល​បាន​ភាព​ជា​ពលរដ្ឋ​របស់​ពួកគេ​មួយ​ផ្នែក​គឺ​ដោយសារ​តែ​ការ​ចេញ​ពី​លំនៅឋាន​ទាំង​បង្ខំ​ទៅ​វៀតណាម​ក្នុង​អំឡុង​របប​ខ្មែរក្រហម​ហើយ​បន្ទាប់ពី​របប​ខ្មែរក្រហម ពួកគេ​បាន​ត្រឡប់​មក​ប្រទេស​កម្ពុជា​វិញ​ក្នុង​ទសវត្សរ៍ ៨០ ដោយ​គ្មាន​ឯកសារ​»​។

ច្បាប់​ឆ្នាំ​ ១៩៥៤ ត្រូវ​បាន​លុបចោល និង​ជំនួស​ដោយ​ច្បាប់​ស្តីពី​សញ្ជាតិ​ដែល​តឹងរ៉ឹង​ជាង​មុន​ក្នុង​ឆ្នាំ​ ១៩៩៦​។ ប៉ុន្តែ​លោកស្រី ងុយយ៉េន បាន​ថ្លែង​ថា​នេះ​មិន​គួរ​លុប​ចោល​ភាព​ជា​ពលរដ្ឋ​របស់​ពួកគេ​ទេ​។

លោកស្រី​បន្ត​ថា​៖ «​នៅ​ពេល​ពួកគេ​ត្រឡប់​មក​កម្ពុជា​វិញ​ដែល​ជា​ស្រុក​កំណើត​របស់​ពួកគេ​ ពួកគេ​ត្រូវ​បាន​ចាត់​ទុក​ដោយ​រដ្ឋាភិបាល​ថា​ជា​ «​អន្តោប្រវេសន៍​ខុស​ច្បាប់​» ​និង​មិន​មាន​មធ្យោបាយ​បង្ហាញ​ភ័ស្តុតាង​អំពី​ស្ថានភាព​ស៊ីវិល​កាលពី​ពេល​អតីតកាល​របស់​ពួកគេ​ក្នុង​ប្រទេស​កម្ពុជា​បាន​ទេ​។ ពួកគេ​រស់នៅ​ក្នុង​ភាព​មិន​ច្បាស់លាស់​»​។

ស្ត្រី​ជនជាតិ​វៀតណាម​ម្នាក់​ដែល​ប្រាប់​ថា​អ្នកស្រី ឈ្មោះ នួន ចាន់ធូ អាយុ ៥៨ ឆ្នាំ​ដែល​រស់នៅ​ក្នុង​ខណ្ឌ​មានជ័យ​រាជធានី​ភ្នំពេញ​គឺជា​ជនជាតិ​វៀតណាម​ម្នាក់​ក្នុង​ចំណោម​ជនជាតិ​វៀតណាម​ដែល​ស្ថិត​នៅ​ក្នុង​ភាព​មិន​ច្បាស់លាស់​។

អ្នកស្រី​ ចាន់ធូ ដែល​មាន​ឈ្មោះ​វៀតណាម​ថា ដាវ ធីធុង បាន​ថ្លែង​ថា​អ្នកស្រី​មិន​មាន​ឯកសារ​ស្រប​ច្បាប់​ពី​កម្ពុជា​ ឬ​វៀតណាម​ទេ បើ​ទោះបី​ជា​អ្នកស្រី​បាន​រស់នៅ​ក្នុង​ប្រទេស​កម្ពុជា​អស់​រយៈពេល​ជាង ៣០ ​ឆ្នាំ​មក​ហើយ​ក៏​ដោយ​។

អ្នកស្រី​បាន​ពន្យល់​​ថា​៖ «​យើង​មិន​អាច​ទទួល​បាន​លិខិត​ឆ្លងដែន​ពីព្រោះ​យើង​មិន​មាន​ឯកសារ​… កូន​ ៣ ​នាក់​ទៀត​របស់​ខ្ញុំ​ដែល​កើត​នៅ​ទី​នេះ​គឺ​គ្រាន់​តែ​ត្រូវ​បាន​ផ្តល់​ឲ្យ​នូវ​ [​ឯកសារ​] ​អន្តោប្រវេសន៍​… ខ្ញុំ​មិន​អាច​ទៅ​លេង​កូន​របស់​ខ្ញុំ នៅ​ប្រទេស​ម៉ាឡេស៊ី​បាន​ដោយសារ​ខ្ញុំ​មិន​មាន​លិខិត​ឆ្លងដែន​»​។

លោក Carl Thayer អ្នក​វិភាគ​តំបន់​បាន​ថ្លែង​ថា​វៀតណាម​មិន​ទំនង​ជា​ប្រកាន់​ជំហរ​ខ្លាំង​ប្រឆាំង​នឹង​កម្ពុជា​ទេ ប៉ុន្តែ​នឹង​ធ្វើអ្វី​ដែល​អាច​ធ្វើ​បាន​ដើម្បី​រក្សា​សហគមន៍​វៀតណាម​ក្នុង​ប្រទេស​កម្ពុជា​។

លោក​បន្ត​ថា​៖ «​មិន​មាន​សញ្ញា​នៃ​ភាព​តានតឹង​រវាង​រដ្ឋាភិបាល​កម្ពុជា និង​វៀតណាម​ទេ​» ដោយ​លោក​កត់សម្គាល់​ថា​ទំនាក់​ទំនង​នៅ​តែ​ល្អ​ប្រសើរ បើ​ទោះបី​បន្ទាប់ពី​មាន​ជម្លោះ​សមុទ្រ​ចិន​ខាង​ត្បូង​ក៏ដោយ​។

លោក Thayer ថ្លែង​ថា​៖ «​វា​ជា​អត្ថប្រយោជន៍​របស់​វៀតណាម​ដែល​មាន​សហគមន៍​វៀតណាម​រស់នៅ​ក្នុង​ប្រទេស​កម្ពុជា​» ហើយ​លោក​ពន្យល់​ថា​វា ​«​ចង​» ​ប្រទេស​ទាំង​ពីរ​ឲ្យ​ជាប់​គ្នា និង​ប្រតិបត្តិ​ជា​បំពង់​មួយ​សម្រាប់​ទំនាក់ទំនង​ទ្វេភាគី​។

កាលពី​ថ្ងៃ​សៅរ៍​លោក Billy Tai អ្នក​ប្រឹក្សា​យោបល់​ផ្នែក​ច្បាប់ និង​សិទ្ធិ​មនុស្ស​ឯករាជ្យ​បាន​ថ្លែង​ថា​បញ្ហា​នៃ​ «​ភាព​គ្មាន​រដ្ឋ​» ​សម្រាប់​ជនជាតិ​វៀតណាម​ក្នុង​ប្រទេស​កម្ពុជា​កំពុង​បន្ត​​មាន​។

លោក​ក៏​បាន​ថ្លែង​ដែរ​ថា​ ការ​អះអាង​ដែល​ថា ជនជាតិ​វៀតណាម​ជា​ជនអន្តោប្រវេសន៍​ខុស​ច្បាប់​នោះ​គឺ​វា​ស្រដៀង​នឹង​វោហារស័ព្ទ​ដែល​ប្រើ​ទៅ​លើ​ជនជាតិ​រ៉ូហ៊ីងយ៉ា​ក្នុង​ប្រទេស​មីយ៉ាន់ម៉ា​។

លោក​ តៃ​ បន្ថែម​ថា ​កម្ពុជា​ មិនមែន​ជា​ប្រទេស​ហត្ថលេខី​នៃ​អនុសញ្ញា​អង្គការ​សហប្រជាជាតិ​ឆ្នាំ​ ១៩៥៤ ​ស្តីពី ​«​ភាព​គ្មាន​រដ្ឋ​» ​ទេ ប៉ុន្តែ​លោក​ថា​អនុសញ្ញា​នេះ​ទទួល​បាន ​«​ស្ថានភាព​ច្បាប់​អន្តរជាតិ​ដែល​មាន​លក្ខណៈ​ជា​ទម្លាប់​»៕ PS


Contact authors: Andrew Nachemson and គង់ មេត្ដា

What Next?

Recent Articles

2 Responses to "វៀតណាម ​ប្រតិកម្ម​ការ​ដកហូត​ឯកសារ​ពី​ជនជាតិ​វៀតណាម"

  1. xxx says:

    បរទេសកុំលូកដៃមកក្នុងកិច្ចការផ្ទៃក្នុងរបស់ប្រទេសកម្ពុជា!បើវៀតណាមទទួលស្គាល់ថាពិតជាមានជនជាតិវាកំពុងរស់នៅក្នុងប្រទេសកម្ពុជាដែនោះ គួរតែដឹកនាំឲ្យទៅរស់នៅក្នុងប្រទេសខ្លួនវិញទៅ។

  2. ?? says:

    Vietcong is HUN SEN boss not Cambodian boss Vietcong should take all your people back to your own country. we Cambodian knew every thing that happen to our poor nation was your dream to take over our nation. the only your brain washed Cambodian like HUN SEN , HENG SAMRIN. can be your slave but not all Cambodian . don’t you think you are the only smart ass in the world who can do any thing to another country. Cambodia in so many decade we never have a good friendship whit your country because you always having plane to swallow our nation. if I talking between this two nation which country is having social and ideological to each other I knew 100% about you IVY social mind toward our nation. I tell you what there are not that many Cambodian are dumb like your poppet HUN SEN leadership in Cambodia. do not dream to swallow our country that easy we will fight until the last Cambodian on art . you better quit all your plane if you want to be friend whit us . GOD bless Cambodia and it’s people

Leave a Reply

Submit Comment