ដោយ អាស៊ីសេរី
2017-10-14
ព្រះករុណាព្រះបាទសម្ដេចព្រះ នរោត្តម សីហនុ អតីតព្រះមហាក្សត្រនៃព្រះរាជាណាចក្រកម្ពុជា។ AFP Photo
នៅតែមួយថ្ងៃទៀតទេ ជាថ្ងៃគម្របខួបនៃការយាងសោយទិវង្គត ៥ឆ្នាំនៃព្រះបរមរតនកោដ្ឋ នរោត្តម សីហនុ។ ប្រជាពលរដ្ឋលើកឡើងថា ប្រសិនព្រះអង្គនៅមានព្រះជន្មវិញនោះ នឹងគ្មានវិបត្តិនយោបាយ តានតឹងធ្ងន់ធ្ងរដូចសព្វថ្ងៃនេះទេ ព្រោះពលរដ្ឋថា ព្រះអង្គមានឥទ្ធិពលពេញលេញអាចសម្របសម្រួលឲ្យអ្នកនយោបាយចរចាត្រូវរ៉ូវគ្នាបាន។
ពលរដ្ឋខ្មែរនៅតែគោរព និងផ្ដល់តម្លៃដល់ព្រះបរមរតនកោដ្ឋ នរោត្តម សីហនុ ថា ជាតួអង្គពូកែដោះស្រាយបញ្ហាជាតិ និងសម្រួលសម្រួលនយោបាយ។ ចំណែកអ្នកវិភាគយល់ថា ព្រះមហាក្សត្រសព្វថ្ងៃក៏អាចដោះស្រាយវិបត្តិនយោបាយបានដែរ ព្រោះរដ្ឋធម្មនុញ្ញដែលច្បាប់កំពូល បានផ្ដល់សិទ្ធិអំណាចដល់ព្រះមហាក្សត្រ ក្នុងការសម្របសម្រួលនយោបាយ។
ស្ត្រីម្នាក់ជាកម្មការិនីរោងចក្រកាត់ដេរ លោកស្រី រីន កឹម ប្រាប់អាស៊ីសេរីថា លោកស្រីបានមើលភាពយន្តឯកសារ ឃើញសម្ដេច សីហនុ ពូកែទាំងដឹកនាំប្រទេស និងដោះស្រាយបញ្ហាប្រទេសជាតិបានល្អ។ ស្ត្រីរូបនេះយល់ថា បើរដ្ឋាភិបាលសព្វថ្ងៃ យកគណបក្សប្រឆាំងធ្វើជាដៃគូអភិវឌ្ឍជាតិមិនមែនយកបក្សប្រឆាំងធ្វើជាគូសត្រូវ នឹងធ្វើឲ្យប្រទេសកម្ពុជារីកចំរើនជាងសព្វថ្ងៃទៀត ហើយពលរដ្ឋក៏រស់នៅដោយភាពភ័យខ្លាចដែរ។
ចំណែក ពលរដ្ឋរស់នៅក្រុងភ្នំពេញម្នាក់ទៀត ដែលធ្លាប់ឆ្លងការដឹកនាំរបស់សម្ដេច សីហនុ គឺ លោក សេង ហ៊ាង ប្រាប់ថា លោកនៅចងចាំថា ក្នុងរជ្ជកាលសម្ដេច សីហនុ ដឹកនាំប្រទេស ប្រទេសជាតិ មានការរីកចំរើន គ្មានចោរឆក់ ចោរប្លន់កើតឡើងទេ។ ទាក់ទងបញ្ហានយោបាយដែលកំពុងកើតឡើងសព្វថ្ងៃនេះ ពលរដ្ឋរូបនេះ ថា ប្រសិនព្រះបាទសម្ដេច នរោត្តម សីហនុ នៅមានព្រះជន្ម ទ្រង់នឹងជួយសម្រាលស្ថានការណ៍មិនឲ្យតានតឹងបែបនេះឡើយ។
ការនឹកឃើញពីស្នាព្រះហស្ត របស់សម្ដេច នរោត្តម សីហនុ ពីក្រុមពលរដ្ឋដូចនេះ ខណៈប្រទេសកម្ពុជា នឹងរៀបចំប្រារព្ធពិធីរំលឹកព្រះវិញ្ញាណក្ខន្ធ លើកទី៥ នៃការយាងសោយទិវង្គត របស់ព្រះអង្គនៅទូទាំងប្រទេស។ មន្ត្រីនៃស្ថាប័នព្រឹទ្ធសភា រដ្ឋសភា រដ្ឋាភិបាល និងស្ថាប័នតុលាការនឹងទៅដាក់កម្រងនៅព្រះបរមរូប ព្រះបរមរតនកោដ្ឋ នៅសួនច្បារខាងកើតវិមានឯករាជ្យ ក្រុងភ្នំពេញ។
ព្រះបាទសម្ដេច នរោត្ដម សីហនុ បានសោយទិវង្គតកាលពីថ្ងៃទី១៥ ខែតុលា ឆ្នាំ២០១២ នាទីក្រុងប៉េកាំង ប្រទេសចិន ដោយរោគគាំងបេះដូង ក្នុងព្រះជន្ម ៩០ព្រះវស្សា។
ពលរដ្ឋម្នាក់ទៀតលោក ទិត្យ វុទ្ធី និយាយថា លោកនៅតែសោកស្ដាយការយោងសោយទិវង្គតរបស់សម្ដេច នរោត្តម សីហនុ។ ពលរដ្ឋរូបនេះយល់ថា ព្រះអង្គជាម្លប់ដ៏ត្រជាក់ចំពោះពលរដ្ឋទូទាំងប្រទេស។
ចាប់តាំងពីមានការចាប់ខ្លួនប្រធានគណបក្សសង្គ្រោះជាតិ លោក កឹម សុខា ចោទប្រកាន់ពីបទក្បត់ជាតិ ហើយរដ្ឋាភិបាលរបស់លោក ហ៊ុន សែន ប្ដឹងទៅតុលាការកំពូលឲ្យរំលាយគណបក្សសង្គ្រោះជាតិ ហើយរយៈពេលចុងក្រោយនេះ សមាជិកសភាគណបក្សកាន់អំណាចដដែលកំពុងកែច្បាប់ យកកៅអីបក្សប្រឆាំងទៅចែកគណបក្សនយោបាយផ្សេងទៀត នៅពេលបក្សប្រឆាំងត្រូវរំលាយនោះ។ សហគមន៍អន្តរជាតិស្ទើរគ្រប់ប្រទេសនៃប្រទេសលោកសេរី បានចេញសេចក្ដីថ្លែងការណ៍ជាបន្តបន្ទាប់ ថ្កោលទោសរដ្ឋាភិបាលលោក ហ៊ុន សែន ដែលប៉ុនប៉ងរំលាយគណបក្សប្រឆាំង ដោយចាត់ទុកចំណាត់ការបែបនេះ ថា ជាការនាំប្រទេសកម្ពុជា ឲ្យក្លាយជារដ្ឋឯកបក្ស។
ចំណែកអ្នកវិភាគនយោបាយ លោក បណ្ឌិត ឡៅ ម៉ុងហៃ យល់ថា ក្នុងស្ថានភាពនេះ ព្រះមហាក្សត្រ ព្រះបាទសម្ដេច នរោត្តម សីហមុនី ព្រះអង្គគួរយកព្រះរាជអំណាចរបស់ទ្រង់ ដែលមានចែងក្នុងរដ្ឋធម្មនុញ្ញ ដើម្បីកោះហៅសមាជិកសភាគណបក្សប្រជាជនកម្ពុជា និងគណបក្សសង្គ្រោះជាតិ ចូលវាំងដើម្បីចរចា។
ស្ថិតក្នុងកាលៈទេសៈដូច្នេះ ពលរដ្ឋមួយចំនួនរអ៊ូរទាំថា ពួកគេកំពុងបាត់បង់ប្រាក់ចំណូលប្រចាំថ្ងៃព្រោះវិបត្តិនយោបាយ។ ក្រុមពលរដ្ឋនៅចង់ចាំថា កាលពីមុនការបោះឆ្នោតឆ្នាំ១៩៩៣ សម្ដេច សីហនុ ជាតួអង្គយ៉ាងសំខាន់ ធ្វើឲ្យការចរចាបញ្ចប់វិបត្តិនយោបាយ ដើម្បីឈានដល់ការបោះឆ្នោត និងដោះស្រាយវិបត្តិនយោបាយឆ្នាំ១៩៩៨៕
Why our present king so scare of Hun Sen! He have to do something to regain his respect from Khmer people!
the king destroyed Cambodia and he supported Ho chi minh.
ហេតុអ្វីបានជាព្រះមហាក្សត្យនាពេលបច្ចុប្បន្ននេះ ភ័យខ្លាចលោក ហ៊ុន សែន មិនហ៊ាននិយាយអ្វីបន្តិចសោះពីបញ្ហាដែលកំពុងតែវឹកវរនេះ ។ ហេតុអីក៏ព្រះអង្គមិនវាចារ និងជួយផ្តល់ដំណោះស្រាយជូនជាតិ? តើព្រះអង្គមិនបានដឹងឫលឺពីភាពវឹកវរដែលបានបង្ករឡើងដោយក្រុមអ្នកនយោបាយដែលញាណនឹងអំណាចឫ??
នេះជាកេរ្តិ៏សំនល់របស់សម្តេចតា ដេញពួកUTACមុនគេរៀបចំស្រុកខ្មែរចប់ ដោយខ្មោចសម្តេចតាថាបរទេសស្លសម្លរឲ្យស៊ីមិនឆ្ងាញ់ទេ មានសម្តេចតាដែលពូកែធ្វើសម្លឲ្យខ្មែរស៊ី ឥឡូវសម្លរបស់ខ្មោចសម្តេចតាខ្មែរស៊ីចុះរាកឈឺជិតលាយរលត់ប្រទេសហើយ។
កាលពីសម្ដេចតាក៏ព្រះអង្គមិនសពព្រះទ័យចាប់ដៃជាមួយប្រទេសលោកខាងលិចដែរ
កាលពីសម្ដេចតាក៏ព្រះអង្គមិនសពព្រះទ័យចាប់ដៃជាមួយប្រទេសលោកខាងលិចជាមិត្តដែរ
1970ជយោសាដាច់អ៊ូវអាណាមិនទៅដុតផ្ទះ។
2017ជយោសាដាច់ដេកជោអាណាមិនជោចាប់ញុុត់គុក។
Poor all cambodian people’ All young generation must study about history’ . King si hak nouk is the communist man and he went to meet our ancestors enemy (youn-ho chi minh)secretly and let veitcong to stay in cambodian land then he did not allowed all the press or new papers man to go there ‘he keep lying to people our country is natural not go to communist or free world’ but the fact is communist because he kneel down in front of ho chi minh.1969 he ask ho chi minh for pulling out the veitcong but ho chi minh poison himself to terminate the promised between king si hak nouk and him so king si hak nouk knew ho chi minh cheated him ‘but too late ‘then king ask U S to drop more bomb ‘but veitcong go deep to cambodia and tell cambodian people U S is bad ‘that why khmer rough go up and followed veitcong and killed khmer people’ .After killing khmer Youn point the finger to khmer killed khmer’ so all young must study hard’and considering’ ‘ look at the present all level in government are youn in big position and low position ‘ and they watch all khmer nationalists ‘and they killed them in any mean.because their goal is swallowed cambodia and laos. First we blame King si hak nouk ‘he the one start the problem. GOD bless all cambodian people’