រដ្ឋសភា​អនុម័ត​ទាំង​ស្រុង លើ​វិសោធនកម្ម​ច្បាប់ បើក​ផ្លូវ​ឲ្យ​មាន​ការ​បែង​ចែង​អាសនៈ​គណបក្សដែល​ត្រូវ​រំលាយ

ដោយ វ៉ា សំណព្វ
16/10/2017
RFI

media
រដ្ឋសភា​​អនុម័ត​​ទាំង​​ស្រុង លើ​​វិសោធនកម្ម​​ច្បាប់ បើក​​ផ្លូវ​​ឲ្យ​​មាន​​ការ​​បែង​​ចែង​​អាសនៈ​​គណបក្ស​ដែល​​ត្រូវ​​រំលាយ


ដូច​ការ​គ្រោង​ទុក រដ្ឋសភា​ដែល​មាន​តែ​សមាជិក​គណបក្ស​ប្រជាជន​កម្ពុជា​ចំនួន​៦៧​រូប បាន​អនុម័ត​ទាំង​ស្រុង លើ​វិសោធនកម្ម​ច្បាប់ ស្តី​ពី ការ​បោះ​ឆ្នោត​ជ្រើស​តាំង​តំណាង​រាស្រ្ត និង​វិសោធនកម្ម​ច្បាប់​ចំនួន​បី​ទៀត ដើម្បី​បើក​ផ្លូវ​ឲ្យ​មាន​ការ​បែង​ចែក​អាសនៈ​គណបក្ស​ដែល​ត្រូវ​រំលាយ​ ទៅ​ឲ្យ​គណបក្ស​ដទៃ។ កិច្ច​ប្រជុំ​សភា នៅ​ព្រឹក​ថ្ងៃ​ទី​ ១៦ តុលា នេះ បាន​ធ្វើ​ឡើង ដោយ​មិន​មាន​ការ​ចូល​រួម​ពី​សមាជិក​សភា​មក​ពី​គណបក្ស​សង្រ្គោះ​ជាតិ​នោះ​ទេ។

នៅ​ទី​បំផុត​ទៅ រដ្ឋសភា​ដែល​មាន​តែ​សមាជិក​សភា​គណបក្ស​ប្រជាជន​កម្ពុជា​ចំនួន​៦៧​រូប ក្នុង​នោះ​ក៏​មាន​លោក​នាយក​រដ្ឋមន្រ្តី ហ៊ុន សែន ផង បាន​អនុម័ត​ទាំង​ស្រុង​ហើយ នូវ​វិសោធនកម្ម​ច្បាប់​ចំនួន​បួន ដើម្បី​បើក​ផ្លូវ​ឲ្យ​មាន​ការ​បែង​ចែក​អាសនៈ​និង​តំណែង​គណបក្ស​ដែល​ត្រូវ​រំលាយ​ទៅ​ចែក​ឲ្យ​គណបក្ស​ដទៃ។ វិសោធនកម្ម​ច្បាប់​ទាំង​បួន​នោះ រួម​មាន៖ ទី​១.វិសោធនកម្ម​ច្បាប់ ស្តី​ពី ការ​បោះ​ឆ្នោត​ជ្រើស​តាំង​តំណាង​រាស្ត្រ ទី​២. វិសោធនកម្ម​ច្បាប់​ស្តី​ពី​ការ​បោះ​ឆ្នោត​ជ្រើស​តាំង​ព្រឹទ្ធសភា ទី​៣.វិសោធនកម្ម​ច្បាប់​ស្តី​ពី​ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ សង្កាត់ និង​ទី​៤. វិសោធនកម្ម​ច្បាប់​ស្តី​ពី​ការ​បោះ​ឆ្នោត​ជ្រើស​រើស​ក្រុម​ប្រឹក្សា​រាជធានី ខេត្ត ក្រុង ស្រុក ខណ្ឌ។ សេច​ក្តី​ស្នើ​វិសោធនកម្ម​ច្បាប់​ទាំង​បួន ត្រូវ​បាន​សមាជិក​សភា​គណបក្ស​ប្រជាជន​កម្ពុជា​ចំនួន​៦៧​រូប អនុម័ត​ដោយ​មិន​មាន​ការ​កែ​ប្រែ​ខ្លឹម​សារ​ណា​មួយ​នោះ​ទេ។

យោង​តាម​មាត្រា​១៣៨​ស្ទួន នៃ​វិសោធនកម្ម​ច្បាប់​ស្តី​ពី​គណបក្ស​នយោបាយ​ដែល​ត្រូវ​បាន​អនុម័ត​នៅ​ថ្ងៃ​នេះ​បាន​ចែង​ថា “ក្នុង​នីតិកាល​នៃ​រដ្ឋសភា ប្រសិន​បើ​មាន​គណបក្ស​នយោបាយ​ណា​មួយ​ប្រកាស​បោះ​បង់​ចោល​អាសនៈ ឬ​ត្រូវ​លុប​ឈ្មោះ​ចេញ​ពី​បញ្ជី​គណបក្ស​នយោបាយ ឬ​ត្រូវ​រំលាយ ស្រប​តាម​ច្បាប់​ស្តី​ពី​គណបក្ស​នយោបាយ បញ្ជី​បេក្ខជន និង​តំណាង​រាស្រ្ត​ទាំង​អស់​នៃគណបក្ស​នយោបាយ​នោះ លែង​មាន​សុពលភាព និង​លែង​មាន​គុណ​សម្បត្តិ​ត​ទៅ​ទៀត​ហើយ។ ក្នុង​ករណី​ខាង​​លើ​នេះ​ គណៈកម្មាធិការ​ជាតិ​រៀប​ចំ​ការ​បោះ​ឆ្នោត ត្រូវ​ធ្វើ​ការ​បែង​ចែក​អាសនៈ​ដែល​នៅ​ទំនេរ​នោះ ក្នុង​រយៈ​ពេល​យ៉ាង​យូរ​០៧​ថ្ងៃ ទៅ​ឲ្យ​គណបក្ស​នយោបាយ​នានា​ដែល​បាន​ចូល​រួម​ក្នុង​ការ​បោះ​ឆ្នោត​ក្នុង​រាជធានី ខេត្ត​ជាមួយ ដោយ​មិន​គិត​បញ្ចូល​គណបក្ស​នយោបាយ​ដែល​បោះ​បង់​ចោល​អាសនៈ ឬ​ដែល​ត្រូវ​លុប​ឈ្មោះ​ចេញ​ពី​បញ្ជី​គណបក្ស​នយោបាយ ឬ​ដែល​ត្រូវ​រំលាយ ស្រប​តាម​ច្បាប់​ស្តី​ពី​គណបក្ស​នយោបាយ និង​គណបក្ស​នយោបាយ​មាន​អាសនៈ​ក្នុង​រដ្ឋសភា ដែល​ដឹក​នាំ​រាជ​រដ្ឋាភិបាល​នោះ​ទេ។

នៅ​ក្នុង​កិច្ច​ប្រជុំ​នៅ​ថ្ងៃ​នេះ លោក ជាម យៀប តំណាង​ឲ្យ​ក្រុម​អ្នក​តំណាង​រាស្រ្ត​គណបក្ស​ប្រជាជន​កម្ពុជា​ចំនួន​៤៩​រូប ដែល​ស្នើ​ឲ្យ​មាន​ការ​ធ្វើ​វិសោធនកម្ម​ច្បាប់​ទាំង​បួន​នេះ បាន​លើក​ឡើង​ថា សេច​ក្តី​ស្នើ​វិសោធនកម្ម​ច្បាប់​ទាំង​៤​នេះ គ្មាន​អ្វី​ពាក់​ព័ន្ធ​នឹង​ការ​បំផ្លិច​បំផ្លាញ​បុគ្គល និង​គណបក្ស​នយោបាយ​ណា​មួយ​នោះ​ឡើយ។ តែ​សេចក្តី​ស្នើ​វិសោធនកម្ម​ច្បាប់​ទាំង​៤​នេះ គឺ​ធ្វើ​ឡើង​ដោយ​យោង​តាម​ស្ថានភាព​នយោបាយ និង​ការ​បត់​បែន​នយោបាយ​នៅ​កម្ពុជា។ តែ​យ៉ាង​ណា​ក៏​ដោយ លោក សម រង្ស៊ី អតីត​ប្រធាន​គណបក្ស​សង្រ្គោះ​ជាតិ​ដែល​កំពុង​ស្ថិត​នៅ​ក្រៅ​ប្រទេស​បាន​រិះ​គន់​កាល​ពី​ចុង​សប្តាហ៍​នេះ​ថា ការ​ប៉ុន​ប៉ង​ធ្វើ​វិសោធនកម្ម​ច្បាប់​ទាំង​បួន​ដែល​សំដៅ​មក​លើ​គណបក្ស​សង្រ្គោះ​ជាតិ​នេះ ​គឺ​ជា​ការ​ប្លន់​យក​ឆន្ទៈ​រាស្រ្ត​ជាង​៣​លាន​នាក់។នៅ​ក្នុង​កិច្ច​ប្រជុំ​រដ្ឋសភា​ពេញ​អង្គ នៅ​ថ្ងៃ​ទី​១៦ តុលា មិន​មាន​ការ​ចូល​រួម​ពី​សមាជិក​សភា​គណបក្ស​សង្រ្គោះ​ជាតិ​នោះ​ទេ។

ផ្អែក​តាម​ខ្លឹមសារ​វិសោធនកម្ម​ច្បាប់​ទាំង​បួន​នេះ ប្រសិន​បើ​គណបក្ស​សង្រ្គោះ​ជាតិ ត្រូវ​រំលាយ​មែន​នោះ មិន​ត្រឹម​តែ​អាសនៈ​សភា​គណបក្ស​ប្រឆំាង​ទាំង​៥៥​កៅអី​ដែល​ត្រូវ​បែង​ចែក​នោះ​ទេ សូម្បី​តែ​អាសនៈ​ក្រុម​ប្រឹក្សា​ឃុំ​សង្កាត់​គណបក្ស​សង្រ្គោះ​ជាតិ​ជាង​៥​ពាន់​នាក់ នៅ​ទូទាំង​ប្រទេស ក៏​នឹង​ត្រូវ​យក​ទៅ​បែង​ចែក​ឲ្យ​គណបក្ស​ដទៃ​ផង​ដែរ។ នេះ​បើ​យោង​តាម​ខ្លឹមសារ​វិសោធនកម្ម​ច្បាប់ ស្តី​ពី ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ/សង្កាត់ ដែល​ត្រូវ​បាន​អនុម័ត​រួច​ហើយ៕

What Next?

Recent Articles

3 Responses to "រដ្ឋសភា​អនុម័ត​ទាំង​ស្រុង លើ​វិសោធនកម្ម​ច្បាប់ បើក​ផ្លូវ​ឲ្យ​មាន​ការ​បែង​ចែង​អាសនៈ​គណបក្សដែល​ត្រូវ​រំលាយ"

  1. ?? says:

    HAS>>>>>>>>>>>> HAS…. sorry I just laughing my ass off . it is a strange country in the world that this group of thug is doing . there never have been any nation was taken senate seat that have been voted by majority of people to spare like a piece of cake. just only CAMPOUCHEA the country that I have been born ,too bad so sad that I was born in that curse nation. I swear to GOD that I will never wanted my new family outside of this country involving whit this curse nation . it is laughable to have MR HENG SAMRIN. the guy had the highest education of all Cambodia. remember his word>> DERMBAI KEETHA and KEETHA DERMBAI this was the word from KHMER RUE in the jungle that can’t even read their own language . now all these guy and their supporter can crying out CHEYO PAK PAKDEWATT CAMPOUCHEA . PAKRA CHEY CHAK CROPOUT AMERICKANG . I myself will be surprise if there will be no bloody in very near future. please be aware some thing big may happen to our people inside the country . this group of evil will destroy this nation be for they are going hell. GOD bless Cambodia and it’s people

  2. Anonymous says:

    ព្រះរាជាណាចក្រកម្ពុជានៅពេលឥឡូវនេះកំពុងកើតមានជាបណ្តើរៗនូវ រដ្ឋសភាចោរ ព្រឹទ្ធសភាចោរ និងរាជរដ្ឋាភិបាលចោរ ហើយវើយ!

  3. people says:

    This country is belong to veitcong mafia dictator and his groups’ so they can do anything they wanted’ and all cambodian people in the cage of this veitcong mafia dictator.Poor cambodian people’ we are so suffer since Bloody communist king si hak nouk allowed ah veitcong soldiers to stayed in cambodian land and then they created khmer rough and killing khmer 3 million and now veitcong mafia dictator continue to finish cambodia and in the future cambodia&laos will be under Youn-hanoi ‘ and 100 years will be out of the world map .Remember’ Youn are the robber and came from yunan of china and took champa and kampuchea kroam’ now took Laos and cambodia will be next ‘so all kon khmer must protect our motherland . GOD bless all cambodian people’