អ្នកវិភាគថាគ្មានសន្តិភាពយូរអង្វែងទេ បើរដ្ឋាភិបាលធ្វើឲ្យពលរដ្ឋពាក់កណ្តាលប្រទេសឈឺចាប់

ដោយ លោក ញឹម សុខន​​ | ថ្ងៃអង្គារ ទី១៧ ខែតុលា ឆ្នាំ២០១៧​ | ម៉ោង 4:00 PM
http://vodhotnews.com

នយោបាយ


អ្នកវិភាគលើកឡើងថា សន្តិភាពនិងស្ថិរភាពនយោបាយ មិនអាចនៅគង់វង្សយូរអង្វែងបានទេ បើ​​រដ្ឋាភិ​បា​ល មិនអាចជំ​រុញយន្តការដឹកនាំរបស់ខ្លួន ធានាសេចក្តីសុខ ទំាង​ផ្លូវ​កាយ និងផ្លូវចិត្ត ដល់ពល​រដ្ឋភាគ​ច្រើ​​ន​​បា​​ននោះ។

លោកនាយករដ្ឋមន្ត្រី ហ៊ុន សែន បានថ្លែងញឹកញាប់ថា គ្មានសន្តិភាព គ្មានការអភិវឌ្ឍ និង​ធ្លា​​ប់​​ព្រមានថា «ក្នុងតម្លៃណាក៏ដោយ រដ្ឋាភិបាលនឹងទប់ស្កាត់ឲ្យខានតែបាន មិនឲ្យក្រុម​ណា​មួ​យប​ង្ក​ឲ្យ​​មាន ការ​បែបបាក់​ជា​​តិនាំ​ទៅដល់អស្ថិរភាពសង្គមនោះទេ»។

ប៉ុន្តែអ្នកតាមបង្ហាញការព្រួយបារម្ភថា ស្ថានការណ៍នយោបាយពេលនេះ ហាក់បានដើរដល់ចំនុចដ៏គ្រោះ​ថ្នាក់​មួ​យនៃការបែ​កបាក់ជាតិ ក្រោយពីលោក ហ៊ុន សែន ប្រកាសថា អាសនៈរបស់គណប​ក្សប្រឆាំ​ង​ទាំង​អ​ស់ នឹ​ងត្រូ​​វរឹបអូសយកទៅចែកគណបក្ស៥ផ្សេងទៀត បើតុលាការកំពូលប្រកាសឲ្យរំលាយមែននោះ។

នៅថ្ងៃចន្ទម្សិលមិញនេះ សមាជិកសភារបស់គណបក្សប្រជាជនកម្ពុជា៦៧រូប ក៏បានអនុម័តធ្វើវិសោ​ធន​កម្មច្បា​​ប់ពាក់ព័ន្ធការបោះឆ្នោតចំនួន​៤ ដើម្បីបើកផ្លូវឲ្យមានការបែងចែកអាសនៈគណបក្សដែល​ត្រូវរំលាយ។​

ប្រធានមជ្ឍមណ្ឌលប្រជាពលរដ្ឋដើម្បីអភិវឌ្ឍនិងសន្តិភាព លោក យង់ គិមអេង លើកឡើងថា ​ស​ន្តិ​ភា​ពយូរអ​​ង្វែង រដ្ឋាភិបាលត្រូវជំរុញយន្តការដឹកនាំ ធានាថាព​លរដ្ឋទូទៅមានសន្តិភាពទាំងផ្លូវកាយ ផ្លូវចិត្ត រួមទាំ​​ង​​​ទទួលបានយុ​ត្តិធម៌ផ្នែកសេ​ដ្ឋកិច្ច និង​​យុ​ត្តិធម៌ផ្នែកធ្វើនយោបាយផងដែរ។

លោក យង់ គិមអេង ឲ្យដឹងទៀតថា បើបក្សប្រឆាំងត្រូវគេរំលាយមែន លោកថា សន្តិភាពស្ថិតក្នុ​ង​ភាព​ផុ​យ​​ស្រួយ ដោ​យ​ថាអាសនៈក្នុ​ងសភារ​ប​ស់​គណបក្សប្រឆាំង មានពលរ​ដ្ឋជិតពាក់​កណ្តាលប្រ​ទេ​ស​បោះ​ឆ្នោ​តឲ្យ។

លោកថា៖ «រឿងរ៉ាវខ្លះ ដែលគេយល់ភាគច្រើន គេឃើញភាគច្រើន គោលការណ៍ច្បាប់ថាអញ្ចេះ យើង​ទៅធ្វើ​ចុះ អា​ហ្នឹ​ងវាជារឿងមួយអត់មានសន្តិភាពទៅរួចទេ»។

សាស្ត្រាចារ្យវិទ្យាសាស្ត្រនយោបាយ លោក សូ ចន្ថា លើកឡើងថា អ្នកនយោបាយខ្មែរ ហាក់នៅរក្សាវ​ប្បធម៌​កម្ទេ​ចគ្នាដូចពីអតីតកាល ដើម្បីបន្តគ្រប់គ្រងអំណាច។ លោកវិភាគថា របត់នយោបាយថ្មីនេះ ជំរុញ​ឲ្យ​​​មា​ន​ការព្រួយបារម្ភពីជម្លោះផ្ទៃក្នុង។

លោកាថា៖ «វប្បធម៌នៃការកម្ទេចគ្នាហ្នឹង នៅតែបន្តកើតមាន។ មូលហេតុទាំងអស់នេះ ដោយសារតែមួល​ហេតុ​បក្សនីមួយៗហ្នឹង ពិសេសបក្សដែលធ្លាប់កា​ន់អំណាចហ្នឹង ខ្លាចបាត់ប​ង់អំណាចទៅ​វិញ។ ​ហើយមួ​យ​ទៀត​ដោ​​​យ​​​សា​រ​តែអ្នក​នយោបាយនៅកម្ពុជានេះជាអ្នកនយោបាយតួឯក ដូច្នេះគេគិត​ថា អ្ន​កន​យោ​​​បា​យផ្សេងទៀ​ត គ្មានស​មត្ថភាព មិនអាចធ្វើកិច្ចការហ្នឹងបាន។ អ​ញ្ចឹ​ងហើយខ្ញុំគិតថា អ្នកន​​យោ​បា​យពេ​លនេះ​​ ហាក់មិនបា​នដើរឲ្យហួសនូ​វអ្វីដែលជាទស្សនៈចាស់ ដែ​ល​​​យើ​ង​​ហៅថា​ វប្បធ​ម៌ចាស់គំរិល សង​​​សឹ​កគ្នា​នោះឡើយ។ បញ្ហា​​នេះធ្វើឲ្យស្ថានកា​រណ៍នយោបា​យនៅ​កម្ពុ​ជា​នេះ​មិ​​​នដើរលឿនទៅមុខ ហើយអាចវិវឌ្ឍថយក្រោយទៀត ក៏ថាបាន»។

អ្នកវិភាគនយោបាយមួយរូបទៀត គឺលោក ឯម សុវណ្ណារ៉ា វិភាគប្រហាក់ប្រហែលដែរថា បើបក្ស​កា​ន់​អំ​ណា​​​​ច​រុ​ញស្ថានការណ៍ ឲ្យរំលាយ​បក្សប្រឆាំ​ងមែន លោកថាសហគមន៍អន្តរជាតិ​ នឹងហំ​ព័ទ្ធ​​សេដ្ឋកិច្ច លោកថា​គ្រោះ​​ថ្នាក់​​ប្រ​​​ទេសជាតិនឹងចូលមកដល់។ លោកវិភាគថា ពេលនោះស្ថិរភាពនយោបា​យដែល​រដ្ឋាភិបា​ល​រំ​ពឹ​​​ង​ទុក ​ស្ថិ​ត​​ក្នុ​ងចំនុចគ្រោះថ្នាក់។

លោកថា៖ «អញ្ចឹងចរន្តហ្នឹង វាធ្វើឲ្យពលរដ្ឋកម្ពុជា លែងឈរនៅលើគោលការណ៍ឯកភាពជាតិ លែង​​ជាតិនិយមរួមគ្នាហើយ វាប្រឈមមុខដាក់គ្នានៅថ្ងៃអនាគត ហើយវាអាចជំរុញឲ្យមានបញ្ហាអស្ថិរភា​ព​ន​យោបា​​យនៅថ្ងៃអនាគតហើយ បើយើងជំរុញឲ្យមានបញ្ហានេះកើតឡើង ហើយវាអាច​ធ្វើឲ្យភា​ពផុយស្រួ​យនៃ​អស្ថិរភាពនយោបាយហ្នឹងងាយនឹងកើតឡើងណាស់»។

បើតាមលោក ឯម សុវណ្ណារ៉ា ដើម្បីតម្កល់ប្រយោជន៍ជាតិនិងរក្សាស្ថិរភាពនយោបាយផងនោះ លោកថា បក្សកាន់អំណាច គួរថយមួយជំហាន ទទួលយកអនុសាសន៍ ពីសហរដ្ឋអាមេរិកនិងសហភាពអឺរុបជា​ដើម។ លោកថា ចំណែកបក្សប្រឆាំងវិញ គួរជ្រើសរើសយន្តការ​ណាមួយ សង្គ្រោះគ​ណបក្សខ្លួន ឲ្យធ្វើដំណើ​រ​ដ​​​​​ល់​​​ថ្ងៃ​​បោះ​ឆ្នោ​​ត ជាជាងបណ្តែតបណ្តោយឲ្យគេរំលាយគណបក្ស របស់ខ្លួនមុ​នការបោះឆ្នោ​តមក​ដល់​នោះ​៕

សរសេរមកកាន់ លោក ញឹម សុខន តាមរយៈ sokhorn@vodhotnews.com

What Next?

Recent Articles

One Response to "អ្នកវិភាគថាគ្មានសន្តិភាពយូរអង្វែងទេ បើរដ្ឋាភិបាលធ្វើឲ្យពលរដ្ឋពាក់កណ្តាលប្រទេសឈឺចាប់"

  1. people says:

    This is the same path of 1960 ‘ that leaded by dictator communist king si haknouk’ and some youn-spy push the government and dictator king to communist’ and other youn-spy push other party to ward the war ‘and then khmer went to hell lost all intelligence including ordinary people 3 million ‘ and after Youn-hanoi invading cambodia ‘they took everything and force cambodian people to clear forest(K5) and they plan a lot of mine to killed khmer again ‘ and again ‘ now they rob Tral island from khmer ‘even they had a signature in PARISH ACCORD ‘ so Since 1951 Youn-hanoi created Khmre rough and communist LAOS now LAOS will become Youn in the future’ .Khmer is still leaded by veitcong mafia dictator and he scaring of lose power that why he followed veitcong germs who hiding in khmer government and now this veitcong mafia dictator and his groups make enemy with the west ‘so cambodia will going the same path of dictator king si hak nouk. All young generation must study history and must consider about future’ otherwise become the tribe of their own country ‘. GOD bless all cambodian people’