ដោយ វណ្ណ សុគន្ធា
18/10/2017
RFI
លោក ហ៊ុន សែន នាយករដ្ឋមន្រ្តីនៃប្រទេសកម្ពុជា។ @FB/PM Hun Sen
នៅក្នុងវេទិកាជួបជាមួយកម្មករ-កម្មការិនីរោងចក្រនៅព្រឹកមិញនេះ លោកនាយករដ្ឋមន្រ្តី ហ៊ុន សែន បានវាយប្រហារបកទៅកាន់គណបក្សប្រឆាំង និងអាមេរិកវិញ ចំពោះការលើកឡើងថាការរំលាយគណបក្សសង្រ្គោះជាតិ គឺជាទង្វើរំលោភលើឆន្ទៈរបស់រាស្រ្តដែលបានបោះឆ្នោតឲ្យគណបក្សនេះនាពេលកន្លងមក។ លោកនាយករដ្ឋមន្រ្តីបានចង្អុលបង្ហាញនូវរឿងរ៉ាវកាលពីអតីតកាលដែលមានការធ្វើរដ្ឋប្រហារទម្លាក់សម្តេច នរោត្តម សីហនុ និងអតីតប្រធាធិបតីអាមេរិកលោក និច សុន ដោយលោកថា មិនបានគិតពីឆន្ទៈរាស្រ្តទេ។
ជាប្រតិកម្មមួយក្នុងន័យសំដៅការពារដំណើរឆ្ពោះទៅការរំលាយគណបក្សសង្រ្គោះជាតិ លោកនាយករដ្ឋមន្រ្តី ហ៊ុន សែន បានវាយបកខ្លាំងៗទៅកាន់អាមេរិក និងគណបក្សប្រឆាំង។ សម្រាប់អាមេរិក លោកហ៊ុន សែន បានចោទជាសំណួរថាតើនៅពេលគាំទ្រឲ្យមានរដ្ឋប្រហារទម្លាក់អតីតព្រះមហាក្សត្រខ្មែរសម្តេច នរោត្តមសីហនុ អាមេរិកបានគិតពីឆន្ទៈរបស់ប្រជាពលរដ្ឋដែលបានគាំទ្រសម្តេច នរោត្តម សីហនុដែរឬទេ? លោកនាយករដ្ឋមន្រ្តីក៏បានចោទសួរដូចគ្នានេះចំពោះការទម្លាក់អតីតប្រធានាធិបតី និច សុន ថាតើបានសុំការសម្រេចពីរាស្រ្តឫទេ? ចំពោះគណបក្សសង្រ្គោះជាតិវិញ លោកប្រមុខរដ្ឋាភិបាលខ្មែរបានចោទសួរថា តើការស្រែកទាមទារឲ្យលោកចុះចេញពីដំណែងនៅក្រោយការបោះឆ្នោតឆ្នាំ២០១៣ បានគិតពីឆន្ទៈប្រជាពលរដ្ឋដែលបានបោះឆ្នោតឲ្យលោកធ្វើជានាយករដ្ឋមន្រ្តីឫទេ? សម្រាប់លោកនាយករដ្ឋមន្រ្តី ពួកគេទាំងនោះមិនបានគិតពីឆន្ទៈរបស់រាស្រ្តនោះឡើយ។
ប្រតិកម្មពីប្រមុខរដ្ឋាភិបាលកម្ពុជានាពេលនេះ កើតឡើងបន្ទាប់អាមេរិកតាមរយៈក្រសួងការបរទេសកាលពីថ្ងៃចន្ទបានអះអាងក្នុងន័យថា ការរំលាយគណបក្សសង្រ្គោះជាតិគឺជាការដកហូតសិទ្ធិបោះឆ្នោតពលរដ្ឋខ្មែររាប់លាននាក់ដែលបានបោះឆ្នោតឲ្យគណបក្សសង្រ្គោះជាតិ។ ការអះអាងនេះ គឺក្រោយពីរដ្ឋសភាខ្មែរដែលមានតែតំណាងរាស្រ្តគណបក្សកាន់អំណាចបានអនុម័តសេចក្តីស្នើវិសោធនកម្មច្បាប់ស្តីពីការបោះឆ្នោតចំនួន៤ ដែលគេដឹងជាទូទៅថា ជារូបមន្តសម្រាប់បែងចែកអាសនៈគណបក្សសង្រ្គោះជាតិទៅឲ្យគណបក្សដទៃក្នុងពេលណាដែលគណបក្សប្រឆាំងត្រូវបានរំលាយ។
ចំពោះការអនុម័តលើសេចក្តីស្នើវិសោធនកម្មច្បាប់ស្តីពីការបោះឆ្នោតទាំងនេះ ក្រុមតំណាងរាស្រ្តគណបក្សសង្រ្គោះជាតិវិញបានទុកថា ជាការរំលោភលើឆន្ទៈដែលជាសិទ្ធិអំណាចរបស់ប្រជាពលរដ្ឋខ្មែរក្នុងការជ្រើសរើសតំណាងរបស់ខ្លួនតាមគោលការណ៍ប្រជាធិបតេយ្យ សេរី ពហុបក្ស។
ខុសពីក្រុមតំណាងរាស្រ្តគណបក្សប្រឆាំង គណបក្សកាន់អំណាចបានគូសបញ្ជាក់ថា ការធ្វើវិសោធនកម្មច្បាប់ស្តីពីការបោះឆ្នោតទាំងនេះ គឺជាការពង្រឹងលទ្ធិប្រជាធិបតេយ្យនៅកម្ពុជា និងជាវិធានការឆ្ពោះទៅរកការបោះឆ្នោតជាតិនៅឆ្នាំ២០១៨ដោយសេរី និងយុត្តិធម៌។ អ្នកនាំពាក្យគណបក្សកាន់អំណាចលោក សុខ ឥសាន បានអះអាងទៀតថា គណបក្សប្រជាជនកម្ពុជា មិនបានឆក់ប្លន់ឆន្ទៈប្រជាជនទេ ផ្ទុយទៅវិញគឺគណបក្សប្រឆាំងទៅវិញទេដែលបានយកឆន្ទៈប្រជាជនទៅដោះដូរជាមួយបរទេសជាថ្នូរនឹងការដាក់ខ្លួនធ្វើជាអាយ៉ងបរទេស ដើម្បីមហិច្ឆតាអំណាច៕
Hun Sen and CPP leaders are totally wrong performance for Cambodian people
whatever you want to do MR but remember I knew you have only one and half month to make up your mind. this time is more then ever HUN SEN have to choose one>> give up his evil action or going hell . HUN SEN can not blame to any one that they are trying to dissolve CNRP. this is your plane MR do not lei to yourself your evil word is making us more angers. in my whole life what I hate the most is >>> the person who lying all the time. HUN SEN was so good at lying. his habit of lying was famous internationally every one knew that . HUN SEN future will be the worse of all dictator internationally. I myself is image by knowing Cambodia is on the front page of international news . the only bad thing was they are talking about bad situation in Cambodia. it is now more then ever that international news they are talking about Cambodia every day . you know why……… because of the bad situation is so intent that shaking the world . another investigation is not a normal cases it’s international investigation in to Cambodian government. it can be a international criminal cases that HUN SEN may face to the world community. wait and see what going to happen soon. GOD bless Cambodia peace for all Cambodian