អឺរ៉ុប​កំពុង​ពិចារណា​ដាក់ទណ្ឌកម្ម​ដែល​ឈាន​ទៅ​បញ្ឈប់​ការ​អនុគ្រោះ​ពន្ធ​ពី​កម្ពុជា

ដោយ មួង ណារ៉េត
2017-10-20
អាស៊ីសេរី

កម្មករ​កាត់​ដេរ​នៅ​ក្នុង​រោងចក្រ​មួយ​ក្នុង​ទីក្រុង​ភ្នំពេញ។ AFP Photo
កម្មករ​កាត់​ដេរ​នៅ​ក្នុង​រោងចក្រ​មួយ​ក្នុង​ទីក្រុង​ភ្នំពេញ។ AFP Photo


មន្ត្រី​ក្នុង​គណៈកម្មាធិការ​សិទ្ធិមនុស្ស របស់​សហភាព​អឺរ៉ុប លើកឡើង ថា សហគមន៍​អឺរ៉ុប ត្រូវ​តែ​ចាត់​វិធានការណ៍​តប​ឲ្យ​បាន​ឆាប់ និង​ជាក់ស្ដែង ទប់​ទល់​ទៅ​នឹង​ចំណាត់​ការ​របស់​រដ្ឋាភិបាល​កម្ពុជា ដែល​កំពុង​ធ្វើទុក្ខបុកម្នេញ​គណបក្ស​ប្រឆាំង។

ថ្លែង​ប្រាប់​វិទ្យុ​សំឡេង​សហរដ្ឋអាមេរិក កាលពី​ថ្ងៃ​ទី​២០ ខែ​តុលា នេះ សមាជិក​សភា​អឺរ៉ុប និង​ជា​អនុប្រធាន​អនុ​គណៈកម្មាធិការ​សិទ្ធិមនុស្ស​សហភាព​អឺរ៉ុប អ្នកស្រី បាបារ៉ា ឡុចប៊ីល័រ (Barbara Lochbihler) ថា សហភាព​អឺរ៉ុប កំពុង​ពិចារណា​ដាក់ទណ្ឌកម្ម​ដោយ​ផ្ទាល់ ឬ​អាច​ឈាន​ដល់​ការ​ឈប់​លើកលែង​ការ​អនុគ្រោះ សម្រាប់​ការ​នាំ​ទំនិញ​កម្ពុជា ចូល​ទីផ្សារ​ដ៏​ធំ​របស់​សហភាព​អឺរ៉ុប​ទៀត​ផង។ អ្នកស្រី​បន្ថែម​ទៀត ថា សហគមន៍​អឺរ៉ុប​ចាំបាច់ ត្រូវតែ​បញ្ចេញ​ប្រតិកម្ម​តប​ឲ្យ​បាន​ឆាប់ ទៅ​នឹង​ចំណាត់​ការ​របស់​រដ្ឋាភិបាល ក្នុង​ការ​រំលាយ​គណបក្ស​ប្រឆាំង​ដ៏​ធំ តែ​មួយ​គត់​នៅ​កម្ពុជា។ អ្នកស្រី បាបារ៉ា ឡុចប៊ីល័រ ព្រមាន​ប្រទេស​កម្ពុជា កុំ​ឲ្យ​អាង​តែ​ខ្លួន​ពឹង​ចិន ហើយ​មិន​ខ្វល់​ពី​សហភាព​អឺរ៉ុប។ អ្នកស្រី​រំលឹក​ថា សហគមន៍​អឺរ៉ុប គឺ​ជា​ទីផ្សារ​នាំ​ទំនិញ​ចេញ​ដ៏​ធំ​សម្រាប់​ប្រទេស​កម្ពុជា។ ដូច្នេះ ប្រសិនបើ​សហភាព​អឺរ៉ុប អាច​ចាត់​ការ​ដាក់​ឱ្យ​ចំ​គោលដៅ​ចំពោះ​មន្ត្រី​រដ្ឋាភិបាល​មួយ​ចំនួន នោះ​ច្បាស់​ជា​ឆាប់​ទទួល​បាន​លទ្ធផល។

តាម​ប្រភព​ទិន្នន័យ​ពី​គេហទំព័រ​របស់​គណៈកម្មការ​អឺរ៉ុប ដោយសារ​ប្រព័ន្ធ​អនុគ្រោះ​ពន្ធ ប្រទេស​កម្ពុជា នាំ​ទំនិញ​ចូល​ទៅ​សហភាព​អឺរ៉ុប គិត​ជា​ទឹកប្រាក់​ជិត ៥​ពាន់​លាន​ដុល្លារ ក្នុង​ឆ្នាំ ២០១៦ ដែល​ភាគច្រើន​នៃ​ទំនិញ​នាំចេញ​ទាំងនោះ គឺជា​សំលៀកបំពាក់។

ប្រតិកម្ម​របស់​មន្ត្រី​សហភាព​អឺរ៉ុប​នេះ ធ្វើឡើង​មួយថ្ងៃ បន្ទាប់ពី​ប្រទេស​ជំនួយ​ផ្នែក​សិទ្ធិមនុស្ស​ដ៏​ធំ​មួយ​របស់​កម្ពុជា គឺ​ប្រទេស​ស៊ុយអ៊ែត (Sweden) បាន​ព្រមាន​ថា នឹង​ពិចារណា​ឡើងវិញ អំពី​ទំនាក់ទំនង​ជាមួយ​ប្រទេស​កម្ពុជា ប្រសិនបើ​គណបក្ស​សង្គ្រោះ​ជាតិ ត្រូវ​បាន​រំលាយ​មែន​នោះ។ សង្គម​ស៊ីវិល​ព្រួយបារម្ភ​ថា ការ​ជ្រើសរើស​ផ្លូវ​ដើរ​របស់​រដ្ឋាភិបាល​នៅ​ពេល​នេះ នឹង​អាច​ធ្វើ​ឲ្យ​កម្ពុជា​ឯកោ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

2 Responses to "អឺរ៉ុប​កំពុង​ពិចារណា​ដាក់ទណ្ឌកម្ម​ដែល​ឈាន​ទៅ​បញ្ឈប់​ការ​អនុគ្រោះ​ពន្ធ​ពី​កម្ពុជា"

  1. Serey says:

    On Sat 21/Oct/2017

    Dear EU,

    U have the right.
    We have the right.
    Equalizer is a good for every parts.
    Please do not put your LEG on our head.
    Business is business.
    Law is law.
    Who is breaking LAW must get a sentence and to be in JAIL,if there are enough evident .
    Your site now is not so good .
    There are a lot of EVIDENT that:
    -Violate on human right everyday (refugees)
    -Many crimes occur everyday……..act.
    Now EU is break like a glass.
    Maybe no more longer for EU in this CENTURY.
    Look your shelf!. Now you are sick .
    Please keep silent this is the LAW processing which every country have the same attitude.
    God bless all Cambodia to overcome these event.
    Cheer!!!.

    Thank a lots.

  2. Anonymous says:

    No Eu no problem, we still have China, Vietnam, North Korea , …

Leave a Reply

Submit Comment