លោក​ ហ៊ុន សែន រិះគន់​ទូត​អាមេរិក​នៅ​ភ្នំពេញ​ មិន​គោរព​នយោបាយ​ ដូណាល់ ត្រាំ

លោក ហ៊ុន សែន សំណេះ​សំណាល​ជាមួយ​លោក​ ត្រាំ នៅ​កិច្ចប្រជុំ​អាស៊ាន​នៅ​ទីក្រុង​ម៉ានីល​។ ហ្វេសប៊ុក​លោក​ ហ៊ុយ វណ្ណៈ



and
ភ្នំពេញប៉ុស្តិ៍

ភ្នំពេញ: លោក ហ៊ុន សែន នាយក រដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​នៅ​ក្នុង​កិច្ចប្រជុំ​កំពូល​លើក​ទី​ ៥ ​ដើម្បី​រំឭក​ខួប​អនុស្សាវរីយ៍​លើក​ទី​ ៤០ ​នៃ​ទំនាក់​ទំនង​កិច្ចសន្ទនា​អាស៊ាន-សហរដ្ឋអាមេរិក​កាលពី​ម្សិលមិញ​នៅ​ទីក្រុង​ម៉ានីល សាធារណរដ្ឋ​ហ្វីលីពីន​បាន​រិះគន់​ខ្លាំងៗ​ដល់​ស្ថានទូត​អាមេរិក​នៅ​ទីក្រុង​ភ្នំពេញ​ថា​មិន​បាន​អនុវត្ត​តាម​គោលនយោបាយ​ថ្មី​របស់​ប្រធានាធិបតី​សហរដ្ឋ​អាមេរិក​លោក ដូណាល់ ត្រាំ ដោយ​បាន​ជ្រៀតជ្រែក​កិច្ចការ​ផ្ទៃក្នុង​អ្នក​ដទៃ​។

លោក ហ៊ុន សែន ថ្លែង​ថា​៖ «​យើង​ខ្ញុំ​ជា​ជនរងគ្រោះ​ម្តង​ហើយ​ម្តង​ទៀត​។ ឥឡូវ​កំពុង​ត្រូវ​បន្ត​ក្លាយ​ជា​ជនរងគ្រោះ​ដោយសារ​តែ​សកម្មភាព​របស់​អ្នក​ខាង​ក្រោម ដែល​ដើរ​ខុស​ពី​បន្ទាត់​នយោបាយ​របស់​ឯកឧត្តម (​ដូណាល់ ត្រាំ​) ​នយោបាយ​របស់​ឯកឧត្តម​កំពុង​តែ​ធ្វើការ​កែប្រែ ប៉ុន្តែ​ស្ថានទូត [​អាមេរិក​] នៅ​ទីក្រុង​ភ្នំពេញ​មិន​ទាន់​បាន​ធ្វើការ​កែប្រែ​ទេ​។ យើង​ខ្ញុំ​ត្រូវការ​កសាង​ច្បាប់​គេ​មករា​រាំង​ការ​កសាង​ច្បាប់ យើង​ខ្ញុំ​អនុវត្ត​នូវ​ការ​អនុវត្ត​ច្បាប់​របស់​ប្រទេស​ត្រូវ​បាន​គេ​រារាំង​។ ចំណុច​នេះ​ខ្ញុំ​គិត​ថា​ប្រហែល​ជា​ឯកឧត្តម​ត្រូវ​មាន​ភារកិច្ច ដើម្បី​ដាស់​តឿន​ជាមួយ​នឹង​មន្ត្រី​ទាំង​ឡាយ​ព្រោះ​រឿង​នេះ​ជា​គោលការណ៍​ធំ​ណាស់​ទាក់ទង​ការ​មិន​ជ្រៀតជ្រែក​ចូល​កិច្ចការ​ផ្ទៃក្នុង​គេ​»​។

លោក​នាយក​រដ្ឋមន្ត្រី​ថ្លែង​បន្ត​ថា​៖ «​ស្ថានទូត​អាមេរិក​នៅ​ទីក្រុង​ភ្នំពេញ​មិន​ត្រឹម​តែ​មិន​មាន​អព្យាក្រឹត​ចំពោះ​បញ្ហា​ប្រទេស​កម្ពុជា​ទេ មិន​មាន​អព្យាក្រឹត​ទាំង​បេក្ខជន​ប្រធានាធិបតី​នៅ​សហរដ្ឋ​អាមេរិក​ខ្លួនឯង​តែ​ម្តង​។ ចំណុច​នេះ​ខ្ញុំ​ចង់​ជម្រាប​ជូន​ឯកឧត្តម​ថា​សហរដ្ឋ​អាមេរិក បើ​សិន​ជា​អនុវត្ត​តាម​គោលនយោបាយ​ថ្មី​របស់​ឯកឧត្តម​ក្នុង​ការ​គោរព​ឯករាជ្យ និង​អធិបតេយ្យភាព​នៃ​ប្រទេស​ដទៃ​សហរដ្ឋ​អាមេរិក​នឹង​មាន​មិត្តភក្តិ​ច្រើន​ណាស់​ហើយ​គេ​គោរព និង​គេ​ស្រឡាញ់​»​។

ទោះ​ជា​យ៉ាង​ណា​ក៏ដោយ​តុលាការ​កំពូល​នឹង​ធ្វើការ​សម្រេច​ចិត្ត​នៅ​ថ្ងៃ​ព្រហស្បតិ៍​ថា​តើ​នឹង​ត្រូវ​រំលាយ​គណបក្ស​សង្គ្រោះ​ជាតិ​ឬ​យ៉ាង​ណា បន្ទាប់ពី​គណបក្ស​មួយ​នេះ​ និង​ថ្នាក់ដឹកនាំ​គណបក្ស​នេះ​ត្រូវ​បាន​ចោទប្រកាន់​ថា​ក្បត់​ជាតិ​ព្រោះ​មាន​ចេតនា​ផ្ដួលរំលំ​រាជរដ្ឋាភិបាល​។

លោក ហ៊ុន សែន ក៏​បាន​​សរសើរ​លោក ត្រាំ ផង​ដែរ​ថា​៖ «​ខ្ញុំ​គិត​ថា​ឯកឧត្តម​ជា​មនុស្ស​ដ៏អស្ចារ្យ​ដែល​ខ្ញុំ​គោរព​បំផុត​ឯកឧត្តម​បាន​និយាយ​នៅឯ​អង្គការ​សហប្រជាជាតិ​នៅ​អេប៉ិច និង​និយាយ​នៅ​ថ្ងៃ​នេះ​នៅ​ត្រង់​ថា ឯកឧត្តម​បាន​និយាយ យើង​គោរព​ឯករាជ្យ​ និង​អធិបតេយ្យភាព​នៃ​ប្រទេស​របស់​អ្នក យើង​ចង់​ឲ្យ​អ្នក​ខ្លាំង រីកចម្រើន​ និង​មាន​ឯករាជ្យ​ដោយ​ខ្លួនឯង​​ចាក់ឫស​ជ្រៅ​នៅ​ក្នុង​តម្លៃ​ប្រវត្តិសាស្ត្រ​របស់​អ្នក និង​ប្រឹងប្រែង​ដើម្បី​អនាគត​ល្អ​ប្រសើរ​នៃ​ប្រជាជន​អ្នក​»​។

លោក​ ហ៊ុយ វណ្ណៈ អនុរដ្ឋលេខាធិការ​ក្រសួង​មហាផ្ទៃ​ និង​​ប្រធាន​សហភាព​សហព័ន្ធ​អ្នក​សារព័ត៌មាន​កម្ពុជា​ដែល​មាន​ទំនាក់ទំនង​ជិតស្និទ្ធ​ទៅ​នឹង​លោក ហ៊ុន សែន បាន​ថ្លែង​កាលពី​ម្សិលមិញ​ថា​រូប​លោក​នាយក​រដ្ឋមន្ត្រី​ជាមួយ​នឹង​លោក ដូណាល់ ត្រាំ និង​ថ្នាក់ដឹកនាំ​បណ្ដា​ប្រទេស​ផ្សេង​ទៀត​នៅ​ក្នុង​កិច្ចប្រជុំ​នោះ​គឺជា​សារ​មួយ​បង្ហាញ​ជ័យជម្នះ​ធំ​ណាស់ ហើយ​ក្រោយ​ថ្ងៃ​ទី​ ១៦ ​ខែ​វិច្ឆិកា​នេះ​ច្បាស់​ហើយ​គណបក្ស​ប្រឆាំង​ត្រូវ​រំលាយ​។

លោក វណ្ណៈ ថ្លែង​ថា​៖ «​នាយក​រដ្ឋមន្ត្រី ហ៊ុន សែន របស់​យើង​គឺជា​មេដឹកនាំ​ម្នាក់​ក្នុង​ចំណោម​មេដឹកនាំ​ពិភពលោក​ដែល​បាន​គាំទ្រ​លោក ត្រាំ ក្នុង​អំឡុង​ការ​បោះឆ្នោត​នៅ​សហរដ្ឋ​អាមេរិក​។ ការ​ជួប​នេះ​គឺជា​លើក​ទី​មួយ​រវាង​មេដឹកនាំ​ទាំង​ពីរ ហើយ​វា​ជា​និមិត្តរូប​សម្រាប់​ទាំង​មិត្តភាព​លក្ខណៈ​បុគ្គល​ និង​ការទូត​រវាង​នាយករដ្ឋមន្ត្រី ហ៊ុន សែន និង​ប្រធានាធិបតី ដូណាល់ ត្រាំ និង​រវាង​កម្ពុជា​និង​សហរដ្ឋអាមេរិក​។ ប្រជាពលរដ្ឋ​កម្ពុជា​មាន​មោទនភាព​ដែល​ឃើញ​មេដឹកនាំ​របស់​យើង​ឈរ​ស្មើភាព​គ្នា​ជាមួយ​​មេដឹកនាំ​ពិភពលោក​ដទៃៗ​នៅ​គ្រប់​វេទិកា​សកល​ដែល​នេះ​ជា​មោទនភាព​នៃ​រដ្ឋ​ឯករាជ្យ និង​មាន​អធិបតេយ្យភាព​»​។

ស្ថានទូត​អាមេរិក​បាន​បដិសេធ​មិន​ធ្វើ​អត្ថាធិប្បាយ​។

លោក អូ វីរៈ អ្នកវិភាគ​នយោបាយ​បាន​លើក​ឡើង​ថា​លោក ត្រាំ មិន​មាន​គំនិត​អ្វី​អំពី​អ្វី​ដែល​លោក ហ៊ុន សែន កំពុង​និយាយ​ទេ​។

លោក Carl Thayer សាស្ត្រាចារ្យ​នៅ​សាកលវិទ្យាល័យ New South Wales បាន​ថ្លែង​តាម​អ៊ីមែល​ថា​នាយក​រដ្ឋមន្ត្រី ហ៊ុន សែន មិន​ត្រូវ​បាន​គេ​ចាប់​អារម្មណ៍​ខ្លាំង​នៅ​កិច្ចប្រជុំ​អាស៊ាន​ទេ​។ «​និយាយ​ត្រង់ៗ​ទៅ​កម្ពុជា​មាន​ឋានៈ​ទាប​នៅ​ក្នុង​បញ្ជី​នៃ​ប្រទេស​សំខាន់ៗ​ដែល​ចូលរួម​កិច្ចប្រជុំ​ពាក់ព័ន្ធ​នឹង​អាស៊ាន និង​ APEC»​។

លោក​ថ្លែង​ថា​៖ «​នេះ​គឺ​ពាក់ព័ន្ធ​បន្ថែម​ទៀត​ទៅ​នឹង​កម្រិត​ការ​អភិវឌ្ឍ​សេដ្ឋកិច្ច​របស់​កម្ពុជា​ និង​គំនិត​ផ្តួចផ្តើម​របស់​លោក​នាយក​រដ្ឋមន្ត្រី ហ៊ុន សែន ក្នុង​ការ​ពង្រឹង​សន្តិភាព​ និង​សន្តិសុខ​តំបន់​»​។

នៅក្នុង​សេចក្ដី​ថ្លែងការណ៍​នេះ​ដែរ​លោក ហ៊ុន សែន ក៏​បាន​ស្នើសុំ​ដល់ ដូណាល់ត្រាំ ឲ្យ​បង្វែរ​បំណុល​ដែល​រាជរដ្ឋាភិបាល​ជំពាក់​មក​ជួយ​កម្ពុជា​វិញ ព្រោះ​បំណុល​នេះ​ត្រូវ​បាន​ជំពាក់​ដោយសារ​តែ​កម្ពុជា​ត្រូវ​បាន​ទម្លាក់​ដោយ​រដ្ឋប្រហារ​គាំទ្រ​ដោយ​សហរដ្ឋអាមេរិក​។

លោក ហ៊ុន សែន បាន​ថ្លែង​ថា​៖ «​យើង​ខ្ញុំ​ជា​អ្នក​ទទួល​មរតក ដូច្នេះ​យើង​ខ្ញុំ​ត្រូវ​មាន​ភារកិច្ច​សង​។ ខ្ញុំ​បាន​ស្នើសុំ​ថា​យើង​ខ្ញុំ​សង ប៉ុន្តែ​សុំ​ឲ្យ​អាមេរិក​បង្វែរ​​បំណុល​នោះ​មក​ជួយ​ដល់​​កម្ពុជា​វិញ​។ ចំណុច​នេះ​ដែល​យើង​ខ្ញុំ​ស្នើសុំ​ឲ្យ​ឯកឧត្តម​ធ្វើការ​ពិចារណា​ព្រោះ​ថា​វា​ដូចជា​ការ​យក​ញញួរ​មក​វ៉ៃ​យើង​ខ្ញុំ​ហើយ​ឲ្យ​យើង​ខ្ញុំ​សង​ថ្លៃ​ញញួរ​នោះ​ទៅ​ទៀត​»៕ PS


Contact authors: វង្ស សុខេង and Leonie Kijewski

What Next?

Recent Articles

3 Responses to "លោក​ ហ៊ុន សែន រិះគន់​ទូត​អាមេរិក​នៅ​ភ្នំពេញ​ មិន​គោរព​នយោបាយ​ ដូណាល់ ត្រាំ"

  1. Anonymous says:

    ហ៊ាន ប្រដៅអាមេរិចផង ប្រទេសអ្នកសំុទានសោះ

  2. ?? says:

    UNITED STATE must wonder how this dictator trying to do to his former enemy AMERICKANG. not so long this guy kick his enemy ass so bad now he want to be friend by blaming to US ambassador in Cambodia. I do not understand what this guy think about his enemy policy or world organization. every country they are contact with each other through embassy and the government of every country they work together whit their ambassador but in this case I do not know if HUN SEN understood all about it. how do we think about president TRUM will fight his ambassador from KAMPOUCHEA. I’m sick and tied about HUN SEN childish politician of KAMPOUCHEA the country of wonder. HUN SEN is under estimated his former enemy AMERICKANG. HUN SEN can do his evil politic act whit his own nation but not whit his enemy because they are too smart. DONAL TRUM will not care too much about HUN SEN reported he have more important thing to do the seeing HUN SEN . right now TRUM is seeing KAMPOUCHEA dictator in person I knew he does not want to see HUN SEN but now he can see how ugly this dictator look like. I think the president TRUM will show HUN SEN what he is going to do next. peace for Cambodia and GOD bless them all

  3. Anonymous says:

    មេចោរម៉ាហ្វីយ៉ាកំពុងប្រដៅប្រធានាធិបតីអាមេរិច ឲ្យអាមេរិចទទួលស្គាល់ថាវាជាបងធំ បុរសខ្លាំងនៅកម្ពុជា។ ឲ្យអាមេរិចទទួលស្គាល់ការដឹកនាំបែបផ្តាច់ការ សែនពុករលួយរបស់ខ្លួនវា។ វាមានកំហុសពេញទី សែនស្អុួយគគ្រុកពេញផ្ទៃប្រទេសនិងពិភពលោកហើយនៅហ៊ានទាមទារលក្ខខណ្ឌពីអាមេរិចទៀត។ យឺអាក្បាលខូចរកលេខដាក់គ្មាននេះ។

Leave a Reply

Submit Comment