លោក​ ហ៊ុន សែន​ មិន​បារម្ភ​នឹង​ការ​កាត់​ជំនួយ​របស់​អាមេរិក និង​ស្វាគមន៍​ការ​កាត់​ជំនួយ​ទាំង​អស់

នយោបាយ

រូបឯកសារ៖ លោកនាយករដ្ឋមន្ត្រី ហ៊ុន សែន ដែលជាប្រធានគណបក្សប្រជាជនកម្ពុជា ចូលរួមក្នុងការប្រារព្ធខួបអនុស្សាវរីយ៍ លើកទី៦៦ ថ្ងៃបង្កើតគណបក្សប្រជាជនកម្ពុជា ក្នុងរាជធានីភ្នំពេញ នៅថ្ងៃទី២៨ ខែមិថុនា ឆ្នាំ២០១៧។ (ហ៊ាន សុជាតា/VOA)


19 វិច្ឆិកា 2017
ស៊ុន ណារិន
វីអូអេខ្មែរ

ក្រោយពីតុលាការ​កំពូល​រំលាយ​គណបក្ស​សង្រ្គោះ​ជាតិ ​តាម​បណ្តឹង​របស់​ក្រសួង​មហា​ផ្ទៃ​ ប្រទេស​មួយ​ចំនួន​បាន​ផ្ញើ​សារ​ដែល​ជា​ប្រតិកម្មខ្លាំងៗ​មក​រដ្ឋាភិបាល​កម្ពុជា ​ដោយ​ពួកគេ​បាន​សម្តែង​ការ​ព្រួយ​បារម្ភ​យ៉ាង​ខ្លាំង​ចំពោះ​ភាព​ស្រប​ច្បាប់​នៃ​ការ​បោះឆ្នោត​នៅ​ឆ្នាំ​២០១៨​ ខាង​មុខ​នេះ។ ​ក្នុង​នោះ​សហរ​ដ្ឋ​អាមេរិក​ក៏​បាន​ព្រមាន​ពី​ចំណាត់​ការ​ជាបន្ត​បន្ទាប់​ផង​ដែរ​ ក្រោយ​ពី​បាន​ប្រកាស​ផ្តាច់​ជំនួយ​ដល់​គណៈ​កម្មាធិការ​ជាតិ​រៀប​ចំ​ការ​បោះឆ្នោត​ (គ.ជ.ប.)។​ នៅ​ថ្ងៃ​នេះ ​លោក​នាយក​រដ្ឋមន្រ្តី ​ហ៊ុន សែន​បាន​អះអាង​ថា​ លោក​ស្វាគមន៍ការ​កាត់​ជំនួយ​នេះ ​ហើយ​ថាគួរតែកាត់​ជំនួយ​ទាំង​អស់​តែ​ម្តង។​

លោក​នាយក​រដ្ឋមន្រ្តី ​ហ៊ុន សែន​ នៅ​ថ្ងៃ​អាទិត្យ​នេះ​ បាន​ប្រកាស​ថា ​លោក​ស្វាគមន៍​ការ​កាត់​ជំនួយ​ទាំង​អស់​របស់​សហ​រដ្ឋ​អាមេរិក​ ដោយ​លោក​ថា ​អាមេរិក​កំពុង​តែ​សម្លាប់​លទ្ធិ​ប្រជា​ធិបតេយ្យ​នៅ​កម្ពុជា ​បន្ទាប់ពីផ្តួល​រូប​លោក​មិន​ដួល។​

ក្រោយ​ពី​តុលាការ​កំពូល​រំលាយ​គណបក្ស​សង្រ្គោះ​ជាតិ​កាល​ពី​ថ្ងៃ​ទី​១៦ ​ខែ​វិច្ឆិកា​ សហ​រដ្ឋ​អាមេរិក​បាន​ចេញ​សេចក្តីថ្លែង​ការណ៍​មួយ​ដោយ​បញ្ជាក់​ថា ​ខ្លួន​នឹង​មាន​វិធានការ​ជា​បន្តបន្ទាប់​មក​លើ​កម្ពុជា។ ​បើ​តាម​សេចក្តី​ថ្លែង​ការណ៍​នោះ​ ជំហាន​ដំបូង​ដែលអាមេរិក​នឹងធ្វើ​គឺ​បញ្ឈប់​ជំនួយ​ដល់​គណៈកម្មាធិការ​ជាតិ​រៀបចំ​ការ​បោះឆ្នោត​(គ.ជ.ប.)​ និង​ការ​រៀបចំ​ការ​បោះ​ឆ្នោត​ជាតិ​នៅ​ឆ្នាំ​២០១៨ ​ខាង​មុខ​នេះ។

អាមេរិក​បាន​បញ្ជាក់​ថា៖​

«នៅ​ក្នុង​សភាព​បែប​នេះ ​ការ​បោះឆ្នោត​នៅ​ឆ្នាំក្រោយនឹង​គ្មាន​ភាព​ស្របច្បាប់​ ត្រឹម​ត្រូវ ​គ្មាន​ភាព​សេរី ​ឬយុត្តិធម៌ឡើយ»។​

នៅ​ក្នុង​ពិធី​ជួប​សំណេះ​សំណាល​ជាមួយ​កម្មករ​នៅ​រាជធានី​ភ្នំពេញ ​នាព្រឹក​ថ្ងៃ​អាទិត្យ ​លោក ហ៊ុន សែន​បាន​ថ្លែង​ថា ​លោក​មិន​ខ្វល់​នឹង​ការ​ព្រមាន​កាត់​ជំនួយ​របស់​អាមេរិក​នោះ​ទេ។​ លោក​ក៏​បាន​ប្រកាស​ស្វាគមន៍​អាមេរិក​ឲ្យ​កាត់​ជំនួយ​ទាំង​អស់​មក​កម្ពុជា​ និង​ថា ​ការ​គំរាម​បិទ​ទីផ្សារ​កម្ពុជា​ក៏​មិន​អាច​ទៅ​រួច​នោះ​ដែរ។​

លោក​ហ៊ុន សែន​បាន​ថ្លែង​ថា៖​

«ឥឡូវ​មាន​អ្នក​ខ្លះ​គំរាម។​ គេ​ថា​ បិទ​ផ្សារ​អី​ចេះអីចុះ។​ អ្នក​ឯង​បិទ​លមើល​ អ្នក​ឯង​បិទ​ក៏​អ្នក​ឯង​ត្រូវ​ទទួល​ខុសត្រូវ​ចំពោះ​មុខ​វិស័យ​ឯកជន​របស់​អ្នក​ឯង​ដែល​បាន​ចុះ​កុងត្រា​ទិញ​រួច​ហើយ។​ ​ អ្នក​ឯង​បិទ​ បិទ​ជា​នយោបាយ។​ ក៏​ប៉ុន្តែ​អនុវត្ត ​អនុវត្ត​មិន​បាន​ទេ។ ​ហើយ​ខ្ញុំ​ស្វាគមន៍​ណាស់​ ស្វាគមន៍​អាមេរិក​កាត់​ជំនួយ ​ទៅ​ដល់​គណៈ​កម្មាធិការ​ជាតិ​រៀបចំ​ការ​បោះឆ្នោត។​ ខ្ញុំ​ស្វាគមន៍​តែ​ម្តង»។

លោក​ហ៊ុន សែន​បាន​បញ្ជាក់​បន្ថែម​ថា៖​

«បាន​សេចក្តី​ថា ​អ្នក​ឯង​និយាយ​ពី​លទ្ធិ​ប្រជា​ធិបតេយ្យ​ ហើយ​អ្នក​ឯង​កាត់​ជំនួយ​ពី​គណៈ​កម្មាធិការ​បោះ​ឆ្នោត។ ​ទន្ទឹម​នឹង​ផ្តួ​លខ្ញុំ​មិន​ដួល​ហើយ ​អ្នក​ឯង​បាន​រួម​ចំណែក​សម្លាប់​លទ្ធិ​ប្រជា​ធិបតេយ្យ​នៅ​កម្ពុជា ​ហើយ​យក​ល្អ​អំពាវនាវ​ឲ្យ​អាមេរិក​កាត់​ជំនួយ​ទាំង​អស់​តែ​ម្តង ​ព្រោះ​កាត់​ទៅ ​វា​ងាប់​អា​ NGOs ​នៅ​ក្នុង​ស្រុក​ទាំង​អស់!​ ទៅ​សម្លាប់​កូន​របស់​ឯង​តែ​ម្តង​ទៅ! ស្អី​ឡើង​កាត់! ស្អី​ឡើងកាត់! កាត់! កាត់​ទៅ!»​

VOA ​មិន​អាច​សុំ​ការ​ឆ្លើយ​តប​ពី​ស្ថានទូត​អាមេរិក​ប្រចាំ​នៅ​កម្ពុជា​បាន​នៅ​ឡើយ​ទេ។​

កាល​ពី​ខែ​មេសា​ឆ្នាំ​២០១៧ ​ទីភ្នាក់ងារ​សហ​រដ្ឋ​អាមេរិក​សម្រាប់​អភិវឌ្ឍ​អន្តរជាតិ​ (USAID)​ បានប្រកាស​ផ្ដល់​ថវិកា​១,៨​លាន​ដុល្លារ​អាមេរិក​ ដើម្បី​គាំទ្រ​ដល់គ.ជ.ប.​សម្រាប់រៀបចំ​ការ​បោះឆ្នោត​ក្រុម​ប្រឹក្សា​ឃុំ​សង្កាត់ ក្នុង​ឆ្នាំ​២០១៧ និង​ការ​បោះឆ្នោត​ថ្នាក់​ជាតិ​ឆ្នាំ​២០១៨។

ចាប់​តាំង​ពី​បង្កើត​ស្ថានទូត​អាមេរិក​នៅ​កម្ពុជា​ឡើង​វិញ​ក្នុង​ឆ្នាំ១៩៩៤ រដ្ឋាភិបាល​អាមេរិក​មាន​គោលដៅ​សំខាន់​គឺ​ដើម្បី​ស្ដារ​ទំនាក់ទំនង​ការទូត​ប្រទេស​ទាំងពីរ​ឡើងវិញ​ តាម​រយៈ​ការជួយ​អភិវឌ្ឍ​សេដ្ឋកិច្ច​ វិស័យ​អប់រំ ​សុខភាព​សាធារណៈ ​និង​ជំរុញ​ប្រព័ន្ធ​យុត្តិធម៌ ​និង​លទ្ធិ​ប្រជា​ធិបតេយ្យ​ជាដើម។ ​បើ​តាម​វេបសាយ​របស់​ក្រសួង​ការ​បរទេស​អាមេរិក ​ក្នុង​ឆ្នាំ​២០១៤​ រដ្ឋាភិបាល​អាមេរិក​បាន​ផ្តល់​ជំនួយ​មក​កម្ពុជា​ជាង​៧៧​លាន​ដុល្លារ​អាមេរិក​សម្រាប់​កម្មវិធី​មួយ​ចំនួន​ទាក់ទង​នឹង​សុខភាព​ ការ​អប់រំ ​អភិបាល​កិច្ច ​កំណើន​សេដ្ឋកិច្ច ​និង​ការ​បោស​សម្អាត​យុទ្ធភ័ណ្ឌ​មិន​ទាន់​ផ្ទុះ​នៅ​កម្ពុជា។​

លោក​នាយក​រដ្ឋមន្រ្តី ​ហ៊ុន សែន​បាន​លើក​ឡើង​ថា ​កម្ពុជា​មិនមាន​វិបត្តិ​នយោបាយ​នោះ​ទេ​ ហើយ​ក៏​គ្មាន​អ្នក​ទោស​នយោបាយដែរ​ គឺ​មាន​តែ​អ្នក​នយោបាយ​ដែល​មាន​ទោស។ ​លោក​បាន​បដិសេធ​ការ​ចោទ​ប្រកាន់​ដែល​ថា ​ការ​រំលាយ​គណបក្ស​សង្រ្គោះ​ជាតិ​គឺជា​រឿង​នយោបាយ។​

លោក​មាន​ប្រសាសន៍​ថា៖​

«សូម​ផ្តាំ​ទៅ​អ្នក​ការ​ទូត​មួយ​ចំនួន ​ឲ្យ​មើល​អង្គហេតុ​ និង​អង្គ​ច្បាប់​ពិត​ប្រាកដ។ ​រឿង​នេះ​មិន​មែន​រឿង​នយោបាយ​ទេ ​រឿងច្បាប់​សុទ្ធសាធ»។​

តាម​រយៈ​សេចក្តី​ថ្លែង​ការណ៍​កាល​ពី​ថ្ងៃ​ទី​១៦ ​ខែវិច្ឆិកា ​អាមេរិក​បាន​បញ្ជាក់​ថា ​រដ្ឋាភិបាល​កម្ពុជា​នៅ​មាន​ពេល​នៅ​ឡើយ​ក្នុង​ការ​បង្វែ​សកម្មភាព​របស់​ខ្លួន​មក​វិញ ​ក្នុង​នោះ​មាន​ការ​ដោះលែងប្រធាន​គណបក្ស​ប្រឆាំង​គឺ​លោក​កឹម សុខា ​ហើយ​អនុញ្ញាតឲ្យគណបក្ស​ប្រឆាំង​នានា ​សង្គមស៊ីវិល ​និងប្រព័ន្ធ​ផ្សព្វផ្សាយ​បន្ត​ធ្វើ​សកម្មភាព​ស្រប​ច្បាប់​របស់​ពួក​គេ​ត​ទៅ​ទៀត។​

រូបឯកសារ៖ លោកស្រី មូរ សុខហួរ អនុ​ប្រធាន​គណបក្ស​សង្គ្រោះ​ជាតិ​ ក្នុង​ពិធី​ជួបជុំ​បេក្ខនារី​សម្រាប់​ការបោះឆ្នោត​ឃុំ​សង្កាត់ នៅ​ទីស្នាក់ការ​គណបក្ស​ ក្នុង​រាជធានី​ភ្នំពេញ នៅ​ថ្ងៃទី​១៧​ ខែ​ឧសភា​ ឆ្នាំ​២០១៧។ (ហ៊ាន សុជាតា/VOA)

រូបឯកសារ៖ លោកស្រី មូរ សុខហួរ អនុ​ប្រធាន​គណបក្ស​សង្គ្រោះ​ជាតិ​ ក្នុង​ពិធី​ជួបជុំ​បេក្ខនារី​សម្រាប់​ការបោះឆ្នោត​ឃុំ​សង្កាត់ នៅ​ទីស្នាក់ការ​គណបក្ស​ ក្នុង​រាជធានី​ភ្នំពេញ នៅ​ថ្ងៃទី​១៧​ ខែ​ឧសភា​ ឆ្នាំ​២០១៧។ (ហ៊ាន សុជាតា/VOA)


អ្នកស្រី ​មូរ សុខហួរ ​អនុប្រធាន​គណបក្ស​សង្រ្គោះ​ជាតិ​ ដែល​ជាគណបក្សទើប​ត្រូវ​បាន​រំលាយ​ចោល​ មាន​ប្រសាសន៍​ថា ​អ្នកស្រី​មាន​ការ​ព្រួយ​បារម្ភ​ជា​ខ្លាំង​ទៅ​លើ​ទីផ្សារ​ទំនិញ​របស់​កម្ពុជា​នៅ​អឺរ៉ុប ​និង​ប្រទេស​ផ្សេងៗ​ នា​ពេល​ខាង​មុខ ​ដោយ​សារ​តែ​វិបត្តិ​នយោបាយ​ធ្ងន់ធ្ងរ​នៅ​កម្ពុជា។ ​អ្នកស្រី​បន្ត​ថា​ កម្ពុជា​នឹង​មាន​វិបត្តិ​សេដ្ឋកិច្ច​ ដោយ​សារ​ប្រទេស​ផ្សេងៗ​បាន​ផ្ញើ​សារ​ខ្លាំងៗ​រួច​ទៅ​ហើយ​ ក្រោយ​ការ​រំលាយ​គណបក្ស​សង្រ្គោះ​ជាតិ។​

អ្នកស្រី​មាន​ប្រសាសន៍​ថា៖​

«សេចក្តី​ថ្លែង​ការណ៍​គេ​ថ្មីៗ​នេះ ​ទុកពេល​វេលា​ជូន​ទៅដល់​សម្តេច​នាយក​រដ្ឋមន្រ្តី​ដើម្បី​ឲ្យ​លោក​គិត​ពិចារណា​ ឲ្យ​ដោះស្រាយ​បញ្ហា​វិបត្តិ​នយោបាយ​នេះ ​ដែល​បង្ក​ឡើង​ដោយ​សារ​អំណាច​របស់​សម្តេច​នាយក​រដ្ឋមន្រ្តី។​ អាហ្នឹង​ច្បាស់​ណាស់។​ អីចឹង​លោក​ហ៊ុន​ សែន ​គាត់​ត្រូវ​ពិចារណា​ទៅ​មុខ​ទៀត​ថា​ តើ​ភាពស្របច្បាប់​នេះ​ ប្រទេស​ចិន​អាច​ផ្តល់​ជូន​គាត់​បាន​ទេ?​ ប្រទេស​រុស្ស៊ី​ជូន​គាត់​បានទេ?​ ប្រទេស​វៀតណាម​ជូនគាត់​បាន​ទេ​ ភាពស្រប​ច្បាប់​ហ្នឹង!»

ទំនាក់ទំនង​កម្ពុជា​អាមេរិក​មាន​ភាព​មិន​ល្អ​នឹង​គ្នា ​ខណៈ​លោក​ហ៊ុន សែន​បាន​ប្រតិកម្ម​នឹង​អាមេរិក​ពី​រឿង​ទម្លាក់​គ្រាប់​បែក​លើ​កម្ពុជា​កាល​ពី​អតីតកាល ​និង​ការ​ចោទ​ថា​ អាមេរិក​លូកដៃ​ចូល​ក្នុង​កិច្ចការ​ផ្ទៃ​ក្នុង​របស់​កម្ពុជា។ ​ចុងក្រោយ​នេះ ​អាមេរិក​ត្រូវ​បាន​ចោទ​ប្រកាន់​ថា ​នៅ​ក្រោយ​គណបក្ស​សង្រ្គោះ​ជាតិ​ក្នុង​គម្រោង​ផ្តួល​រំលំ​រដ្ឋាភិបាល​របស់​លោក​ហ៊ុន សែន​តាម​ទម្រង់​បដិវត្តន៍​ពណ៌។​

លោក​ហ៊ុន សែន​ក៏​បាន​ប្រកាសនៅ​ថ្ងៃ​អាទិត្យ​ដែរថា​ ក្រោយ​រដ្ឋាភិបាល​អាមេរិក​បាន​លើក​ឡើង​ពី​ការផ្តាច់​ជំនួយ​លើការ​ដោះ​មីន​នៅ​កម្ពុជា​ ប្រទេស​ចិន​ក៏​បាន​ប្រកាស​ថា ​នឹង​ជួយ​លើ​បញ្ហា​នេះ ​តាម​សំណើ​របស់​រដ្ឋាភិបាល​កម្ពុជា។​

ក្រោយ​ការ​រំលាយ​គណបក្ស​សង្គ្រោះ​ជាតិ​ ប្រទេស​មហា​អំ​ណាច​មួយ​ចំនួន​ក៏​បាន​ចាប់​ផ្តើម​ព្រមាន​កម្ពុជា ​ក្នុង​នោះរួម​ទាំង​ការ​ដក​ចេញ​នូវ​ការ​អនុ​គ្រោះ​ពន្ធ​ដល់​ទីផ្សារ​នាំ​ចេញ​ធំ​បំផុត​របស់​កម្ពុជា​ ហើយ​មន្រ្តី​ជាន់ខ្ពស់​រដ្ឋាភិបាល​កម្ពុជា​ទាំង​អស់​អាច​នឹង​ត្រូវ​បាន​ហាម​ប្រាមការ​ធ្វើ​ពាណិជ្ជ​កម្ម​ជាមួយ​ក្រុម​ហ៊ុន​នានា​របស់​អាមេរិក។​

រូបឯកសារ៖ លោក​ Phil Robertson​ អនុប្រធាន​ទទួល​បន្ទុក​តំបន់​អាស៊ី​របស់​អង្គការ​សិទ្ធិ​មនុស្ស​ Human Rights Watch។

រូបឯកសារ៖ លោក​ Phil Robertson​ អនុប្រធាន​ទទួល​បន្ទុក​តំបន់​អាស៊ី​របស់​អង្គការ​សិទ្ធិ​មនុស្ស​ Human Rights Watch។


នៅ​ក្នុ​ង​សេចក្តី​ថ្លែង​ការណ៍​មួយ​ចេញ​ផ្សាយ​ក្រោយ​គណបក្ស​សង្រ្គោះជាតិ​ត្រូវ​បាន​រំលាយ​ លោក​ Phil Robertson​ អនុប្រធាន​ទទួល​បន្ទុក​តំបន់​អាស៊ី​របស់​អង្គការ​សិទ្ធិ​មនុស្ស​ Human Rights Watch ​មាន​ប្រសាសន៍​ថា ការ​រំលាយ​បក្ស​ប្រឆាំង​គឺ​ជា​គម្រោង​សម្ងាត់​របស់​លោក​ ​ហ៊ុន សែន ​ដើម្បី​ធានា​ជោគជ័យ​របស់​លោក​សម្រាប់​ការ​បោះឆ្នោត​នៅ​ឆ្នាំ​ក្រោយ។ លោក​បញ្ជាក់​ថា ​ការ​លើក​ឡើង​អំពី​បដិវត្តន៍​ពណ៌គឺ​ជា​រឿង​និទាន ​ដែល​សរសេរ​ដោយ​គណបក្ស​ប្រជាជន​កម្ពុជា ​ហើយ​មាន​លក្ខណៈ​នយោបាយ។​

លោក​មាន​ប្រសាសន៍​ថា៖​

«នេះ​ជា​ការ​ស្លាប់​នៃ​លទ្ធិ​ប្រជាធិបតេយ្យ​នៅ​កម្ពុជា ​ហើយ​វា​ជា​នយោបាយ​សម្លាប់​គោល​ការណ៍​កិច្ច​ព្រមព្រៀង​ទីក្រុង​ប៉ារីស​ដែល​ថា​ កម្ពុជា​គួរ​តែ​មាន​ការ​គោរព​សិទ្ធិ​មនុស្ស​ ​និង​មាន​ប្រជា​ធិបតេយ្យ​ពហុបក្ស»៕

What Next?

Recent Articles

3 Responses to "លោក​ ហ៊ុន សែន​ មិន​បារម្ភ​នឹង​ការ​កាត់​ជំនួយ​របស់​អាមេរិក និង​ស្វាគមន៍​ការ​កាត់​ជំនួយ​ទាំង​អស់"

  1. Rayuthlee says:

    សម្តីភ្លីភ្លើ និងចោលម្ដៀត. His spoken words are silly and rubbish.

  2. people says:

    The world and cambodian people must study about fake democracy in cambodia’.After Youn-hanoi invade cambodia 1979 and rob everything from cambodia then they controlled cambodia and make puppet government and promoted former khmer rough killer on top position and who ever not followed youn-hanoi they would be killed ‘. After khmer people fighting Youn for many years cambodia had a good hope by having Parish Accord and expected to have a real democracy and build the country again but only for a while Parish accord been bury and killed by Veitcong mafia dictator who been promoted by Youn-hanoi ‘ did the coup (1997) killing a lot of khmer then he grape power and did everything fake followed international way.U N and 19 countries been cheated by Veitcong king si hak nouk who kick U N out then make way for veitcong mafia dictator to do the coup’and control cambodia and suck the blood from poor cambodian people and all cambodian resource been taken out by two communist country(china&veitname) ‘Cambodia is leaded by veitcong mafia dictator’ and his groups with most of them are the robbers and buffalo so they never feel a shame to dissolve big opposition party because they are scaring of democracy’ scaring of people power scaring of justice ,scaring of equality now they do anything they wanted even against the constitution ‘.This poor nation will be hurt in the future slowly bleed like decease of HIV ‘ look at zambawee ‘after U S and Allies bane and freeze the corrupted officials the money 1 billion zambawee equal 50 cent u s dollars and wenanzeala(south america) after U S sanction become dive ‘ 10 thousand equal $2.50 u s ‘so cambodia will go the same way and people will hurt in the future .Don’t underestimate supper power (U S A ) .GOD bless all cambodian people’

  3. Anonymous says:

    the uneducated word from this evil guy should not be our country leader. please help me to kick his ass out. GOD bless Cambodia

Leave a Reply

Submit Comment