លោក ហ៊ុន សែន ឲ្យ​អាមេរិក​ផ្តាច់​ជំនួយ​ទាំង​អស់​មក​កម្ពុជា

19/11/2017
RFI

media
រូបថតៈលោក ហ៊ុន សែន និងប្រធានាធិបតីអាមេរិក (@google)


ប្រមុខ​រដ្ឋាភិបាល​កម្ពុជា នៅថ្ងៃ​អាទិត្យនេះ បាន​ប្រកាស​ស្វាគមន៍​ឲ្យ​អាមេរិក​កាត់​ផ្តាច់​ជំនួយ​ទាំងអស់​មក​កម្ពុជា ដោយ​អះអាងថា​ពេលនោះ គឺ​ជា​ការ​សម្លាប់​ក្រុម​មនុស្ស​ដែល​បម្រើ​នយោបាយ​របស់​អាមេរិក។ការ​ថ្លែង​បែប​ចំ​អក​របស់​លោក ហ៊ុន សែន នៅពេលនេះ គឺជា​ការ​ឆ្លើយតប​នឹងការ​ដាក់​ទណ្ឌកម្ម​ជំហានទី១ របស់​សហរដ្ឋ​អាមេរិក ដែលបាន​ប្រកាស​ផ្តាច់​ជំនួយ​មក​កាន់​គជប កម្ពុជា ក្រោយពី​មានការ​រំលាយ​គណបក្ស​សង្រ្គោះជាតិ។

(អត្ថបទដោយ អ៊ឹង ប៊ុនថន)

នៅចំពោះ​មុខ​កម្មករ​រាប់​ពាន់​នាក់ ដែល​ជួប​ជុំ​គ្នា​នៅ​កោះពេជ្រ នៅថ្ងៃទី១៩ ខែវិច្ឆិកានេះ លោក​នាយក​រដ្ឋមន្រ្តី ហ៊ុន សែន បានថ្លែងថា ប្រសិន​បើ​អាមេរិក​កាត់ជំនួយ សម្រាប់​គណៈកម្មាធិការ​ជាតិ​រៀប​ចំការ​បោះ​ឆ្នោត មាន​ន័យ​ថា អាមេរិក​មិន​ត្រឹម​តែ​ផ្តួល​លោក​មិន​បាន​នោះ​ទេ ប៉ុន្តែ​ជា​សម្លាប់​ប្រជា​ធិបតេយ្យ​ថែម​ទៀត​ផង។

លោក ហ៊ុន សែន បាន​អះអាងថា ការ​កាត់​ជំនួយ​របស់​អាមេរិក​មិន​បាន​សម្លាប់​រដ្ឋាភិ​បាល​របស់​លោក​នោះទេ តែ​គឺ​ជា​ការ​សម្លាប់​ក្រុម​មនុស្ស​ដែល​បម្រើ​នយោបាយ​របស់​អាមេរិក​តែប៉ុណ្ណោះ។

ការ​ថ្លែង​របស់​លោក ហ៊ុន សែន នៅពេលនេះ គឺជា​ការ​ឆ្លើយ​តប​នឹង​ការ​ដាក់​ទណ្ឌកម្ម​ជំហាន​ទី១ របស់​សហរដ្ឋ​អាមេរិក ដែលបាន​ប្រកាស​ផ្តាច់​ជំនួយ​មកកាន់ ​គជប កម្ពុជា ក្រោយពី​មាន​ការ​រំលាយ​គណបក្ស​សង្រ្គោះជាតិ។

សម្រាប់​អ្នក​វិភាគ​នៅ​ក្រៅ​រដ្ឋាភិបាល​យល់ថា ការ​​ឆ្លើយតប​បែបនេះ​របស់​ប្រមុខ​រដ្ឋាភិ​បាល​​ខ្មែរ​គឺជា​ការ​ខាត​បង់​​ផល​ប្រយោជន៍​កាន់​ច្រើន​ដល់​ប្រជាជន​កម្ពុជា។

លោក​បណ្ឌិត ឡៅ ម៉ុងហៃ អ្នក​វិភាគ​នយោបាយ ថ្លែង​ថា ការ​ថ្លែង​របស់​លោក ហ៊ុន សែន គឺជាការ​ប្រាស​ចាក​ពីកិច្ច​ព្រម​ព្រៀង​ទីក្រុង​ប៉ារីស។លោកថា បើសិន​ជាជំរុញ​ឲ្យមាន​ការ​ផ្តាច់​ជំនួយទាំង​អស់មែន​គឺ​ប៉ះពាល់​ធ្ងន់​ធ្ងរ​ដល់​ជីវភាព​កម្មកររាប់​សែននាក់​ដែល​កំពុង​ធ្វើ​ការងារ​តាម​​រោង​ចក្រ ខណៈដែល​​ផលិត​ផល​របស់ពួកគេ​ត្រូវបាន​នាំចេញ​ទៅ​លក់​នៅទីផ្សារ​អាមេរិក និង​អ៊ឺរ៉ុប​ដោយ​រួចពន្ធ។

តាំងពីឆ្នាំ​១៩៩៧​មក​កម្ពុជា​បាន​ទទួល​​បានការ​អនុគ្រោះ​ពន្ធ​នាំ​ទំនិញ​គ្រប់​ប្រភេទ​លើក​លែង​​តែអាវុធ​ទៅ​កាន់​ទីផ្សារ​អាមេរិក​និង​អ៊ឺរ៉ុប។ ក្នុង​ឆ្នាំ​២០១៦​កម្ពុជា​បាន​នាំ​ទំនិញ​ដោយ​រួចពន្ធក្នុង​ទឹកប្រាក់​ទំហំ​១៧៩​លានដុល្លារ។ បើ​និយាយ​ជារួម ការ​នាំចេញ​របស់​កម្ពុជា​ជិត​៧០ភាគរយ​ឆ្ពោះទៅទីផ្សារ​របស់​សហភាព​អឺរ៉ុប​និង​សហរដ្ឋ​អាមេរិក​​​លើ​ទំហំ​ទឹក​ប្រាក់​ជាង​៧ពាន់​លាន​ដុល្លារ​អាមេរិក​ក្នុងនោះ​ទំហំ​នៃ​ការ​​នាំ​ចេញ​ទៅ​សហភាព​អឺរ៉ុប​មាន​ចំនួន​ជាង​៤.៥៥៥​លាន​ដុល្លារ​នៅ​ឆ្នាំ​២០១៦។ ភាគ​ច្រើន​នៃ​ការ​នាំ​ចេញ​គឺ​ផលិតផល​សម្លៀកបំពាក់​ដែល​បាន​ផ្តល់​ការងារ​ដល់​កម្មករ-កម្មការិនី​រោងចក្រ​ជាង​៧០០.០០០នាក់៕

What Next?

Recent Articles

3 Responses to "លោក ហ៊ុន សែន ឲ្យ​អាមេរិក​ផ្តាច់​ជំនួយ​ទាំង​អស់​មក​កម្ពុជា"

  1. Anonymous says:

    OH my GOD this evil is so stubborn I do not understand what this evil think . one thing I have known was this evil think Cambodia is belonging to him after Vietcong can not take over because of international community. but please remember even those Vietcong Can not take over this thief nation was change their policy to give their puppet the powers under their comment. after that the world politic have been change again . this time HUN SEN’s master having problem whit their neighboring 2nd supper powers country CHINA. from those political changed HUN SEN have to changing side he took CHINA to be his supporter because CHINA can landing him a lot of money without any condition like >> true democracy, human right, freedom of speak . but HUN SEN can not take a free supported from the UNITED STATE whit some condition. so sad whit this jungle educated person he took the wrong side that not the willing of his people and his nation. even those the political in this region have been change Vietcong still have their influence on HUN SEN they took a lot of advantage by took Cambodian island , moved border post into Cambodia land. sending their people to live in Cambodia territory , and more. that what I think our nation will soon be destroy by either from CHINA or Vietnam . PARIS peace agreement gave our nation a great change of getting out from all our nation’s enemy but so sad even the king father can not prevent it from what have happen every day . it is time for Cambodian to make their move on disagreement about this dictator leadership to save their nation . GOD bless Cambodia and it’s people

  2. Phan Phan says:

    អ្នកអានអនាមិកៈ នេះជារដ្ឋាភិបាលដែលមិនចេះទទួលខុសត្រូវវាសនាប្រទេសជាតិ។ ការផ្តាច់ជំនួយបរទេសមានផលប៉ះពាល់អវិជ្ជាមានធំៗចំនួន៤យ៉ាង
    1. អ្នកប៉ះពាល់ដោយផ្ទាល់ គឺបុគ្គលិកអង្គការតាមរយៈប្រាក់ខែ
    2. អ្នកប៉ះពាល់បន្ត គឺបុគ្គលិកមន្ត្រីរាជការ ដែលមានការជាក់ពាក់ព័ន្ធជាមួយគំរោង អភិវឌ្ឍន៍ទាំងនោះ ដូចជា ការចូលរួមកម្មវិធីបណ្តុះបណ្តាល ការធ្វើសិក្ខាសាលា ហើយអ្នកចូលរួមបានទទួលបានប្រាក់ឧប្ថម្ភហូបចុក (per diem) ប្រាក់ធ្វើដំណើរ (travel) និងប្រាក់ស្នាក់នៅ (accommodation) ដែលទាំងអស់នេះ មន្ត្រីរាជការមានជីវភាពធូរធាមួយកំរិតដែរ។ ជាធម្មតា មន្ត្រីរាជការដែលបានចូលរួមក្នុងគំរោងអភិវឌ្ឍន៍ណាមួយដូចជាសិក្ខាសាលា ការប្រជុំ ឬ ការបណ្តុះបណ្តាល គឺទទួលបានការឧប្ថម្ភ ពី $25 ទៅ $35 ក្នុងមួយថ្ងៃ។ បើពួកគេបានចូលរួមតែមួយសប្តាហ៍ គឺស្មើប្រាក់ខែរដ្ឋ ១ខែ។ មានបុគ្គលិកមន្រ្តីរាជការ រាប់ម៉ឺននាក់ ក្នុងមួយឆ្នាំៗ ទទួលបាន ផលប្រយោជន៍ទាំងនេះ។
    3. គំរោងអភិវឌ្ឍន៍ដែលបានពីម្ចាស់ជំនួយនោះ មានដូចជា ការទិញសម្ភារៈសំរាប់ដំណើរការសិក្ខាសាលា ប្រជុំ ការបណ្តុះបណ្តាល ការទិញរបស់របរហូបចុក ការជួលកន្លែងប្រជុំ ការជួលសណ្ឋាគារ ការចាក់សាំង ការជួលអាគារការរិយាល័យ ការទិញកុំព្យូទ័រ និង គ្រឿងអេឡិកត្រូនិកផ្សេងៗ ការជួសជុលសម្ភារៈបរិក្ខារ ការសាងសង់ និងការជួសជុលអាគារ
    4. ការផ្តល់ដោយផ្ទាល់ដល់គំរោងសំរាប់អភិវឌ្ឍន៍តែម្តង។

    អ្នកដែលបានទទួលសាច់ប្រាក់ទាំងអស់នេះហើយ បានយកទៅចំណាយក្នុងសង្គម ដែលបានចូលរួមក្នុងការអភិវឌ្ឍន៍សេដ្ឋកិច្ចប្រទេសយ៉ាងច្រើន។ ដូច្នេះ ការជំរុញរបស់លោកហ៊ុនសែនឲ្យប្រទេសអ្នកផ្តល់ជំនួយផ្តាច់ជំនួយ បង្ហាញថា ហ៊ុនសែន មិនខ្វល់ពីការប៉ះពាល់ ផលប្រយោជន៍ប្រទេស និង ផលប្រយោជន៍ពលរដ្ឋខ្លួនឯងផ្ទាល់តែម្តង ដោយគិតតែពីនយោបាយរក្សាអំណាចតែប៉ុណ្ណោះ។ ហ៊ុនសែន លើកយកចំណុចតែមួយមកនិយាយ គឺប៉ះពាល់ដល់បុគ្គលិកអង្គការតាមរយៈការបាត់បង់ប្រាក់ខែពួកគេ។ នេះជាគំនិតឆ្កួតៗ។

  3. Reall says:

    នេះជាកាគំរាមរបស់ហ៊ុនសែនពីព្រោះគាត់គិតថាអាមេរិកគ្រាន់តែប្រមានមិនហ៊ានធ្វើទេ

Leave a Reply

Submit Comment