លោក ហ៊ុន សែន អំពាវនាវ​ឲ្យ​សមាជិក​បង្កើន​ប្រសិទ្ធភាព​ការងារ​ទ្វេ​ដង ក្រោយ​សង្រ្គោះ​ជាតិ​ត្រូវ​បាន​រំលាយ

ដោយ វ៉ា សំណព្វ
23/11/2017
RFI

media
លោក ហ៊ុន សែន នាយករដ្ឋ​មន្ដ្រី​នៃ​ព្រះ​រាជាណាចក្រ​កម្ពុជា (REUTERS)


លោក​នាយក​រដ្ឋមន្រ្តី ហ៊ុន សែន បាន​ផ្ញើ​សារ​ទៅ​កាន់​សមាជិក-សមាជិការ​គណបក្ស​ប្រជាជន​កម្ពុជា​នៅ​ទូទាំង​ប្រទេស ឲ្យ​បង្កើន​សកម្មភាព​ចុះ​ទៅ​កាន់​មូលដ្ឋាន​ទ្វេ​ដង ដើម្បី​ទាក់​ទាញ​ការ​គាំទ្រ​ពី​ប្រជាពលរដ្ឋ ខណៈ​ដែល​អវត្តមាន​គណបក្ស​ប្រឆាំង​ពី​ប្រទេស​កម្ពុជា។ តាម​រយៈ​ប្រសាសន៍​របស់​ប្រមុខ​បក្ស​កាន់​អំណាច ដែល​គេ​អះអាង​ថា ជា​ការ​បែក​ធ្លាយ​ស្តី​ពី “យុទ្ធសាស្រ្ត​របស់​គណបក្ស​កាន់​អំណាច​ក្រោយ​ពី​រំលាយ​គណបក្ស​សង្រ្គោះ​ជាតិ” នោះ លោក​នាយក​រដ្ឋមន្រ្តី​បាន​ចាត់​ទុក​ថា បញ្ហា​របស់​កម្ពុជា​ពេល​នេះ មិន​មែន​បញ្ចប់​ត្រឹម​ការ​រំលាយ​គណបក្ស​សង្រ្គោះ​ជាតិ​នោះ​ទេ។

សារ​បែក​ធ្លាយ​របស់​លោក​នាយក​រដ្ឋមន្រ្តី ហ៊ុន សែន បាន​អំពាវនាវ​ឲ្យ​សមាជិក​-​សមាជិការ​​គណបក្ស​ប្រជាជន​កម្ពុជា​របស់​លោក បង្កើន​សកម្មភាព​ចុះ​ទៅ​កាន់​មូលដ្ឋាន​មួយ​ទ្វេ​ជា​ពីរ ដោយ​មិន​ត្រូវ​មាន​ការ​ធ្វេស​ប្រហែស​នោះ​ឡើយ។ អ្វី​ដែល​សំខាន់​ទៅ​ទៀត​នោះ សារ​ជា​សំឡេង​របស់​លោក​នាយក​រដ្ឋមន្រ្តី ហ៊ុន សែន ដែល​គេ​អះអាង​ថា បាន​បែក​ធ្លាយ​នេះ ក៏​បាន​អំពាវនាវ​ឲ្យ​មាន​ការ​បង្កា​រទប់​ស្កាត់ ការ​ប្រមូល​កម្លាំង​ឡើង​វិញ នៃ​អ្នក​គាំទ្រ​គណបក្ស​សង្រ្គោះ​ជាតិ ដែល​ជា​គ្រោះ​ថ្នាក់​របស់​គណបក្ស​កាន់​អំណាច​នា​ពេល​អនាគត។

គួរ​ជំរាប​ជូន​ថា នេះ​គឺ​ជា​សារ​បែក​ធ្លាយ​ជា​លើក​ដំបូង​របស់​លោក​នាយក​រដ្ឋមន្រ្តី ហ៊ុន សែន ស្តី​ពី​យុទ្ធសាស្រ្ត​របស់​គណបក្ស​កាន់​អំណាច ក្រោយ​ពី​ការ​រំលាយ​គណបក្ស​សង្រ្គោះ​ជាតិ តាម​រយៈ​សេចក្តី​សម្រេច​របស់​តុលាការ​កំពូល កាល​ពី​ថ្ងៃ​ទី ១៦ វិច្ឆិកា។ សារ​នេះ​ ត្រូវ​បាន​គេ​ចែក​រំលែក​ត​គ្នា​នៅ​បណ្តាញ​ទំនាក់​ទំនង​សង្គម​ហ្វេសបុក ហើយ​ត្រូវ​បាន​កាសែត​ក្នុង​ស្រុក​មួយ បាន​ចុះ​ផ្សាយ​កាល​ពី​ថ្ងៃ​ទី ២២ វិច្ឆិកា។

បើ​តាម​សារ​អំពាវនាវ ប្រមាណ​ជា​១៥​នាទី​នេះ ប្រមុខ​បក្ស​កាន់​អំណាច បាន​លើក​ឡើង​ថា បញ្ហា​សំខាន់​របស់​កម្ពុជា​នៅ​ពេល​នេះ មិន​មែន​កត្តា​កំណត់​ពី​ខាង​ក្រៅ (ប្រទេស) នោះ​ទេ តែ​ជា​កត្តា​កំណត់​នៅ​ក្នុង​ប្រទេស​ឯណេះ​ទៅ​វិញ​ទេ។ មាន​ន័យ​ថា សមាជិក-សមាជិការ​គណបក្ស​ប្រជាជន​កម្ពុជា​ទាំង​អស់ ត្រូវ​បង្កើន​សកម្មភាព​ចុះ​មូលដ្ឋាន​ទ្វេ​ដង ដើម្បី​យក​ចិត្ត​ប្រជាពលរដ្ឋ ដោយ​មិន​ត្រូវ​ធ្វើ​ឲ្យ​ប្រជាពលរដ្ឋ​មិន​សប្បាយ​ចិត្ត​នោះ​ទេ។ ក្នុង​នោះ អាជ្ញាធរ​គ្រប់​ជាន់​ថ្នាក់ ត្រូវ​បំបាត់​ចោល​នូវ​ចរិក​នាម្មឺន​និយម បក្ខ​ពួក​និយម បំបាត់​អំពើ​ពុក​រលួយ កុង​ត្រូល​ជជុះ ឬ​បាតុភាព​ផ្សេងៗ ដែល​នាំ​ឲ្យ​ប្រជាពលរដ្ឋ​មិន​សប្បាយ​ចិត្ត។ ​ជា​ពិសេស គឺ​ការ​អន្ទង​ចិត្ត​ឲ្យ​អតីត​សកម្មជន​គណបក្ស​ប្រឆាំង​ឲ្យ​ចុះ​ចូល​ជាមួយ​គណបក្ស​ប្រជាជន​កម្ពុជា និង​ងាក​មក​បម្រើ​ផល​ប្រយោជន៍​របស់​គណបក្ស​កាន់​អំណាច​វិញ។ បើ​ផ្អែក​តាម​សារ​ដែល​បែក​ធ្លាយ​នេះ លោក​នាយក​រដ្ឋមន្រ្តី ហ៊ុន សែន បាន​លើក​ឡើង​ថា បញ្ហា​ប្រឈម​របស់​គណបក្ស​កាន់​អំណាច​នៅ​ពេល​នេះ គឺ​ត្រូវ​កសាង​ទំនុក​ចិត្ត​ពី​ប្រជាពលរដ្ឋ​ឡើង​វិញ។ ហើយ​ថា​សកម្មភាព​នៃ​ការ​ចុះ​ជួប​កម្មករ​នៅ​តាម​បណ្តា​រោងចក្រ​នា​រយៈ​ពេល​ចុង​ក្រោយ​នេះ គឺ​ជា​យុទ្ធសាស្រ្ត​មួយ​របស់​លោក ដើម្បី​ច្បាម​យក​ការ​គាំទ្រ​ពី​កម្មករ​នៅ​កម្ពុជា ដែល​ពី​មុន​ត្រូវ​បាន​គេ​ចាត់​ទុក​ថា ជា​កម្លាំង​គាំទ្រ​ដ៏​សំខាន់​របស់​គណបក្ស​ប្រឆាំង ឲ្យ​មាន​ការ​ប្រែ​ពណ៌​ឡើង​វិញ។

សូម​បញ្ជាក់​ថា បើ​គ្មាន​ការ​ប្រែ​ប្រួល​ទេ គណបក្ស​ប្រជាជន​កម្ពុជា នឹង​បើក​សន្និបាត​គណៈកម្មាធិការ​កណ្តាល​បើក​ទូលាយ​មួយ នៅ​ពាក់​កណ្តាល​ខែ​មករា​ឆ្នាំ​២០១៨​ខាង​មុខ ដើម្បី​វាយ​តម្លៃ​ទៅ​លើ​សកម្មភាព​ការងារ​របស់​គណបក្ស​ប្រជាជន​កម្ពុជា មុន​ពេល​បោះ​ឆ្នោត​ជាតិ​នៅ​ខែ​កក្កដា ឆ្នាំ ២០១៨។ នេះ​បើ​តាម​លោក​នាយក​រដ្ឋមន្រ្តី ហ៊ុន សែន៕

What Next?

Recent Articles

One Response to "លោក ហ៊ុន សែន អំពាវនាវ​ឲ្យ​សមាជិក​បង្កើន​ប្រសិទ្ធភាព​ការងារ​ទ្វេ​ដង ក្រោយ​សង្រ្គោះ​ជាតិ​ត្រូវ​បាន​រំលាយ"

  1. Anonymous says:

    please be very careful his massages to his followers to watching any one that rising up again him after he did the cue again this country constitution. who can believe this evil he was the worse evil in human history. I thought HUN SEN is already dead because the forest in Cambodia is gone . remember HUN SEN said if he can not protecting forest in Cambodia he will cut his KHDOR off. I’m really regret to this poor nation by having such a best leader in the whole world. my massage to HUN SEN please get out be for Cambodian hang you up in front of public . I knew you will never getting support from Cambodian or international community. because you knowledge and your education is limited . in some time I herd your speak just like some one take the wrong pail or metal person. do not be so proud of yourself MR you are a dump Cambodian that I ever see in my life. your time is over the only choice is to suicide yourself to pay back on what you have done to your own nation. GOD bless Cambodia

Leave a Reply

Submit Comment