ឯក​អគ្គរដ្ឋ​ទូត៖ កម្ពុជាគ្មាន​បំណង​ជម្រុញ​​ទំនាក់​ទំនងល្អ​ប្រសើរ​ជា​មួយ​អាមេរិក

ដោយ លោក ហ៊ុន សិរីវឌ្ឍន៍​​ | ថ្ងៃពុធ ទី២៩ ខែវិច្ឆិកា ឆ្នាំ២០១៧​ | ម៉ោង 5:10 PM
http://vodhotnews.com

នយោបាយ

ឯកអគ្គរដ្ឋទូតអាមេរិកប្រចាំនៅកម្ពុជា លោក William Heidt


មន្ត្រីជាន់ខ្ពស់នៃស្ថានទូត​សហរដ្ឋ​អាមេរិក​ប្រចាំ​កម្ពុជាថ្លែង​ថា ​​​កម្ពុជា​គ្មាន​ចេតនា​ស្មោះ​ត្រង់​​ណា​មួយ​ ដើម្បី​ជម្រុញ​ទំនាក់​ទំនង​ឲ្យ​បាន​ល្អ ​ជា​មួយ​សហរដ្ឋ​អាមេរិក​នោះ​ទេ ខណៈទំនាក់​ទំនង​មួយ​ចំនួន ​កំពុងឋិតនៅក្នុងភាពមិនច្បាស់លាស់ ជា​ពិសេស ​ការ​វាយ​ប្រហារ និងចោទសហរដ្ឋអាមេរិក ជា​បន្ត​បន្ទាប់​ពី​សំណាក់​កម្ពុជា ថានៅពីក្រោយការប៉ុនប៉ងផ្ដួលរំលំរដ្ឋាភិបាល។

ថ្លែងក្នុង​កិច្ច​សម្ភាសន៍​ជា​មួយ​វិទ្យុ​សំឡេង​សហ​រដ្ឋ​អាមេរិក VOA នៅ​ព្រឹក​ថ្ងៃ​ទី​២៩​វិច្ឆិកា​ ឯក​អគ្គ​រដ្ឋ​ទូត​អាមេរិក​ លោក លោក វីល្លៀម ហៃដ្ត មានប្រសាសន៍​ថា​ ទំនាក់​ទំនង​រវាង​រដ្ឋាភិបាល​អាមេរិក​ និង​កម្ពុជា​បច្ចុប្បន្ន ​គឺ​កាន់​តែ​ល្អ​ក់​កករ​ ខណៈលោក ​មើល​មិន​ឃើញ​ចេតនា​ស្មោះ​ត្រង់​ណាមួយ ចេញពី​រដ្ឋាភិបាល​កម្ពុជា ​ក្នុង​ការ​ស្តារ​ស្ថានការណ៍​ទាំង​នេះ ​ជា​មួយ​សហ​រដ្ឋ​អាមេរិក​នោះ​ទេ។

លោក​មានប្រសាសន៍តាមរយៈអ្នកបកប្រែថា៖ «តាំងពីខ្ញុំមកធ្វើឯកអគ្គរដ្ឋទូតរដ្ឋាភិបាល កម្ពុជាបានបោះជំហានជាច្រើនប្រឆាំងរដ្ឋាភិបាលពួកយើង [អាមេរិក]។ កម្ពុជា បានបញ្ឈប់ការធ្វើសមយុទ្ធយោធាជាមួយពួកយើង។ ពួកគេ ឈប់ទទួលកម្មវិធីផ្តល់ជំនួយមនុស្សធម៌កងទ័ពជើងទឹកអាមេរិក Seabee របស់ពួកយើង ពួកគេបានចោទពួកយើង ពាក់ព័ន្ធនឹងរឿងនយោបាយ។ ខ្ញុំមើលឃើញថា មិនមានចេតនាស្មោះត្រង់ណាមួយក្នុងការឲ្យមានទំនាក់ទំនងល្អជាមួយសហរដ្ឋអាមេរិនោះទេ» ។

ប៉ុន្តែលោក​បន្ថែមថា ​សហ​រដ្ឋ​អាមរិក ​តែងតែ​ស្វាគមន៍ ​ឲ្យ​មាន​ការជជែកគ្នារវាងប្រទេស​ទាំង​ពីរ ​ដើម្បី​ជា​ប្រយោជន៍ ​ដល់​គ្នា​ទៅ​វិញ​ទៅ​មក​ផង​ដែរ។

លោក វីល្លៀម ហៃដ្ត មានប្រសាសន៍បន្ថែមថា សហរដ្ឋអាមេរិក កំពុងពិនិត្យមើលគោលនយោបាយការបរទេសជាមួយកម្ពុជាឡើងវិញ បន្ទាប់ពីគណបក្សសង្រ្គោះជាតិ ដែលគេរំពឹងថា អាចយកឈ្នះការបោះឆ្នោតនៅឆ្នាំក្រោយ បែរជាត្រូវគេរំលាយចោល។

​វីអូ​ឌី ​មិន​អាច​ទាក់​ទង​អ្នក​នាំពាក្យ​ក្រសួងការ​បរទេស​កម្ពុជា និងអ្នកនាំពាក្យគណបក្សប្រជាជនបាននៅឡើយទេ រហូតមកដល់ម៉ោងចេញផ្សាយនេះ។

តែប៉ុន្មានថ្ងៃក្រោយគណបក្សប្រឆាំងត្រូវបានរំលាយ សហរដ្ឋអាមរិក បានព្រមានពីការដើរថយក្រោយនៃដំណើរការលទ្ធិប្រជាធិបតេយ្យនៅកម្ពុជា និងបានប្រកាសថានឹងផ្តាច់ជំនួយដល់ គ.ជ.ប។

ទោះជាយ៉ាងណា លោក ហ៊ុន សែន ធ្លាប់បានប្រកាសកាលពីថ្ងៃទី១៩ វិច្ឆិកាថា លោកមិនឱនក្បាលចំពោះប្រទេសណានោះទេ និងបានជម្រុញឲ្យសហរដ្ឋអាមេរិកផ្តាច់ជំនួយមកកាន់កម្ពុជាទាំងអស់។

អ្នក​វិភាគ​ឯក​រាជ្យ ​លោក​បណ្ឌិត​ ឡៅ ម៉ុងហៃ​ មាន​ប្រសាសន៍​ថា លោកក៏​យល់​ឃើញ​មិន​ខុស ពី​ការ​​ថ្លែង​របស់​ឯក​អគ្គរដ្ឋ​ទូតអាមេរិក​ដែរ​។ លោក​បន្ថែម​ថា កម្ពុជាគួរ​​បន្ទន់​ជំហរ​របស់​ខ្លួន ចំពោះ​ទំនាក់​ទំនង​នេះ​ព្រោះ​ កម្ពុជា ជា​អ្នក​ទទួល ​បាន​ផល​ប្រយោជន៍​ច្រើន​ ប្រសិន​ជា​មាន​ទំនាក់​ទំនង​ល្អ​ជា​មួយ​អាមេរិក។

លោក​ថា៖ «ចាប់ពីប្រទេសកម្ពុជាជំពាក់លុអាមេរិក ដល់ទៅអាមេរិបញ្ជូនទណ្ឌិតសញ្ជាតិខ្មែរមកកាន់ប្រទេសដើមរបស់គេវិញនៅប្រទេសកម្ពុជាយើងរហូតទៅដល់កិច្ចសហប្រតិបត្តិការអីផ្សេងៗទៀតបន្តបន្ទាប់ រួមទាំងការដោះមីនដែលបន្សល់ទុក ពីសង្គ្រាមវៀតណាមមក»

ទំនាក់​ទំនង​កម្ពុជា អាមេរិក ហាក់​បាន​ឈាន​ដល់​ចំនុច​ក្តៅ​គគុក​មួយ​ បន្ទាប់ពី​រដ្ឋាភិបាល​កម្ពុជា បាន​ចាប់​ខ្លួន​មេដឹក​នាំ​អតី​ត​បក្សប្រឆាំង​ លោក​ កឹម សុខា និង​រំលាយ​បក្សនេះ កាលពី​ពាក់​កណ្តាល​ខែ​វិច្ឆិកា​​​នេះ​ រួម​ទាំង​ចោទ​អាមេរិក​ផងដែរ​។​ ទាំង​សេតវិមាន និង​ព្រឹទ្ធ​សភា​អាមេរិក បាន​ថ្កោល​ទោស​រដ្ឋាភិបាល​កម្ពុជា​ ជា​បន្តបន្ទាប់ ខណៈ​កម្ពុជា ​បាន​ចោទ​សហ​រដ្ឋ​អាមេរិក​វិញ​ថា ​បាន​ជ្រៀត​ចូល​កិច្ច​ការ​ផ្ទៃ​ក្នុង​របស់​ប្រទេស និង​កំពុង​ធ្វើ​ឲ្យ​ប្រជា​ធិបតេយ្យ​កម្ពុជា​ ដើរ​ថយ​ក្រោយ៕ ​

សរសេរមកកាន់ លោក ហ៊ុន សិរីវឌ្ឍន៍ តាមរយៈ sirivadh@vodhotnews.com

What Next?

Recent Articles

2 Responses to "ឯក​អគ្គរដ្ឋ​ទូត៖ កម្ពុជាគ្មាន​បំណង​ជម្រុញ​​ទំនាក់​ទំនងល្អ​ប្រសើរ​ជា​មួយ​អាមេរិក"

  1. Neak says:

    It is truth Hun Sen government ignore relationship with US. Hun Sen is worry about his regime collapse instead build economy by side line with western world. Truth me! Hun Sen will not give up his power as long he alive!
    This dump leader is chosen to stay in power and lets all ordinary Khmer people suffer many years to came to fix this issue.

  2. Anonymous says:

    even those UNITED STATE is having their honest policy toward Cambodia and it’s people HUN SEN the dictator of the world in this century will not take it. the reason is HUN SEN can not let this country become a true democracy . HUN SEN rather die if he lost powers ,in order to stay in powers HUN SEN have to go to CHINA the communist nation. even those this poor nation have meed a disaster in the past from this communist nation. whit HUN SEN the leader that have not enough education will never listening to the request from his own people. HUN SEN will dragging this poor nation to block communist to save his intention to be GOD the only GOD in Cambodia. for Cambodian they are seeing this jungle uneducated leader was an evil bleed their own people blood and willing to destroy his nation in trade of his powers. to all Cambodian time will tell the history will rewrite who has and will be the evil of this nation when dark cloud go away. GOD bless Cambodia and it’s people

Leave a Reply

Submit Comment