លោក​ ប៉ុល សារឿន ប្រាប់​ឲ្យ​កងទ័ព​ប្រុងប្រយ័ត្ន​ការ​ប៉ុនប៉ង​បង្កើត​តំបន់​ទ័ព​ពី​សំណាក់​អតីត CNRP

លោក ប៉ុល សារឿន អគ្គមេបញ្ជាការ​នៃ​កងយោធពល​ខេមរភូមិន្ទ​។ រូបថត សហការី


and
ភ្នំពេញប៉ុស្តិ៍

ភ្នំពេញៈ លោក​នាយ​ឧត្តមសេនីយ៍​ផ្កាយ​មាស ៤ ប៉ុល សារឿន អគ្គមេបញ្ជាការ​នៃ​កងយោធពល​ខេមរភូមិន្ទ​បាន​អះអាង​នៅ​ចំពោះ​មុខ​មន្ត្រី​ជាន់​ខ្ពស់​យោធា​ជាច្រើន​នាក់​ចូលរួម​នៅ​ក្នុង​កិច្ចប្រជុំ​ប្រចាំ​ឆ្នាំ​នៅ​អគ្គបញ្ជាការដ្ឋាន​នៃ​ក្រសួង​ការពារ​ជាតិ​កាលពី​ម្សិលមិញ​ថា​អ្នក​នយោបាយ​មួយ​ចំនួន​ក្នុង​ចំណោម ១១៨ នាក់​នៃ​អតីត​គណបក្ស​សង្គ្រោះ​ជាតិ​ដែល​ត្រូវ​បាន​តុលាការ​កំពូល​ហាមឃាត់​សិទ្ធិ​ធ្វើ​នយោបាយ​នោះ​កំពុង​ចិញ្ចឹម​ចិត្ត​រៀបចំ​តំបន់​កម្លាំង​ប្រដាប់​អាវុធ​តាម​ព្រំដែន​កម្ពុជា-ថៃ ដូច​ក្នុង​សម័យ​សង្គ្រាម​ស៊ីវិល​ដើម្បី​ប្រឆាំង​នឹង​រាជរដ្ឋាភិបាល​។

នៅ​ក្នុង​កិច្ចប្រជុំ​បូក​សរុប​លទ្ធផល​ការងារ​ហ្វឹកហ្វឺន​របស់​កងយោធពល​ខេមរភូមិន្ទ និង​ប្រជុំ​ផ្សព្វផ្សាយ​ផែនការ​ការងារ​ហ្វឹកហ្វឺន​ឆ្នាំ ២០១៨ នៅ​អគ្គបញ្ជាការដ្ឋាន​នៃ​កងយោធពល​ខេមរភូមិន្ទ​នៃ​ក្រសួង​ការពារ​ជាតិ​នៅ​ព្រឹក​ថ្ងៃ​ទី​ ២ ខែ​មករា ឆ្នាំ​ ២០១៨ អគ្គមេបញ្ជាការ លោក ប៉ុល សារឿន បាន​ថ្លែង​ថា​៖ «​អ្នក​ដែល​នៅ​ពី​ក្រោយ​នៅ​បន្ត​ព្យាយាម​ធ្វើ​បដិវត្តន៍​ពណ៌​ និង​វា​អាច​មាន​គ្រោះថ្នាក់​ហើយ​សុំ​ជំរុញ​ឲ្យ​កងកម្លាំង​ទាំងអស់​យក​ចិត្ត​ទុក​ដាក់​ក្នុង​ការ​ជួយ​ទប់ស្កាត់​បដិវត្តន៍​ពណ៌​ដើម្បី​ថែរក្សា​សន្តិភាព និង​ការ​អវិឌ្ឍ​ដែល​ដឹកនាំ​ដោយ​លោក​នាយក​រដ្ឋមន្ត្រី​។ យើង​ទាំងអស់​គ្នា​ត្រូវ​តែ​ការពារ​សន្តិភាព​ក្នុង​នាម​ជា​កងយុទ្ធពល​ខេមរភូមិន្ទ​ក្រោម​ការ​ដឹកនាំ​របស់​សម្តេចតេជោ​យើង​ឲ្យ​បាន​»​។

លោក​ថ្លែង​បន្ត​ថា​៖ «​នៅ​ក្នុង​ ១១៨ ​នាក់​ហ្នឹង​នៅ​មាន​គំនិត​ថា​នឹង​រៀបចំ​តំបន់​យោធា​នៅ​​តាម​ព្រំដែន​ដូច​សម័យ​សង្គ្រាម​ស៊ីវិល​នៅ​តាម​ព្រំដែន​កម្ពុជា-ថៃ​គណបក្ស​ប្រឆាំង​នឹង​មិន​អាច​រស់​ឡើង​វិញ​ទេ​។ នេះ​គឺជា​ជោគជ័យ​នៃ​ការ​ទប់ស្កាត់​បដិវត្តន៍​ពណ៌ និង​មិន​អាច​​ប្រកែក​បាន​ហើយ​វា​ជា​ការ​ពិត​ និង​សូម​ចងចាំ​ឲ្យ​បាន​ច្បាស់​​ថា​បដិវត្តន៍​ពណ៌​នេះ​ទៅ​ទី​ណា​បំផ្លាញ​ទី​នោះ សូម​ជម្រាប​ជាពិសេស​ថា​នាយទាហាន​របស់​យើង​ដែល​ក្មេងៗ​ធ្វើ​យ៉ាង​ណា​កុំ​ឲ្យ​បាត់​សន្តិភាព ហើយ​ប្រសិន​បើ​បាត់​សន្តិភាព​គឺ​បាត់​អ្វីៗ​ទាំងអស់​»​។

លោក​អគ្គមេបញ្ជាការ​ថ្លែង​ថា​៖ «​អ្វី​ដែល​ជោគជ័យ​ក្នុង​ប្រវត្តិសាស្ត្រ​សម្រាប់​ប្រទេស​យើង​នៅ​ក្នុង​ឆ្នាំ​ ២០១៧ គឺ​ការងារ​ពាក់ព័ន្ធ​ការ​បំផ្លិច​បំផ្លាញ​ផែនការ​បដិវត្តន៍​ពណ៌​នៅ​កម្ពុជា​។ ​ហើយ​ប្រសិន​ណា​មិន​បំផ្លាញ​ផែនការ​បដិវត្តន៍​ពណ៌​នេះ​បាន​ទេ​នោះ​បញ្ហា​ការពារ​សន្តិភាព​ដែល​ជា​តម្លៃ​ខ្ពស់​បំផុត​នោះ​មិន​អាច​ធ្វើ​ទៅ​បាន​ទេ​»​។

លោកស្រី មូរ សុខហួរ អតីត​អនុប្រធាន​គណបក្ស​សង្គ្រោះ​ជាតិ​ដែល​ជា​អ្នក​នយោបាយ​ម្នាក់​ក្នុង​ចំណោម​អ្នក​ដែល​ត្រូវ​បាន​តុលាការ​កំពូល​ហាមឃាត់​សិទ្ធិ​នយោបាយ​នោះ​ដែរ​បាន​ថ្លែង​ថា​វា​ជា​ការ​ឃោសនា​របស់​គណបក្ស​ប្រជាជន​កម្ពុជា​ហើយ​កំពុង​ប្រើប្រាស់​កងកម្លាំង​ប្រដាប់​អាវុធ​ដើម្បី​ផ្ញើសារ​បំភិត​បំភ័យ​ដល់​សាធារណជន​ដើម្បី​ប្រឆាំង​នឹង​ការ​តវ៉ា​គ្រប់​ទម្រង់​។

លោកស្រី សុខហួរ ថ្លែង​​ថា​៖ «​ពួកគេ​ប្រើប្រាស់​វា​ដើម្បី​គ្រប​បាំង​ការ​កាប់​សម្លាប់​របស់​រដ្ឋ​ទៅ​លើ​កម្មករ ការ​ចាប់​សកម្មជន និង​គូប្រឆាំង​នយោបាយ​ដាក់​ពន្ធនាគារ​។ វា​ជា​ភួយ​របស់​ពួកគេ​ដើម្បី​គ្រប​បាំង​ការ​គាប​សង្កត់​សេរីភាព​ទាំង​ស្រុង​។ នោះ​គឺជា​អ្វី​ដែល​ប្រទេស​កម្ពុជា​កំពុង​ធ្វើ​ដោយ​គ្មាន​សកម្មភាព​ណា​មួយ​ពី​អន្តរជាតិ​រួម​ទាំង​ទណ្ឌកម្ម​ផង​ដែរ​»​។

លោកស្រី​ថ្លែង​បន្ត​ថា​៖ «​ការ​ឃោសនា​របស់​គណបក្ស​ប្រជាជន​ដែល​ប្រើប្រាស់​កម្លាំង​យោធា និង​នគរបាល​ដែល​ពួកគេ​គួរ​តែ​មាន​លក្ខណៈ​អព្យាក្រឹត​នោះ​គឺ​វា​ជា​សារ​ភ័យខ្លាច​មួយ​ទៅ​ដល់​សាធារណជន​ទូទៅ​ដើម្បី​ប្រឆាំង​ទៅ​នឹង​ទម្រង់​នៃ​ការ​ប្រឆាំង​តវ៉ា​ណា​មួយ​»​។

លោក សុខ ឥសាន អ្នក​នាំពាក្យ​គណបក្ស​ប្រជាជន​កម្ពុជា​ថ្លែង​ថា​ដើម្បី​ការពារ និង​ពង្រឹង​អំណាច​របស់​ខ្លួន​រាជរដ្ឋាភិបាល​ចាំបាច់​ត្រូវ​អនុវត្ត​កម្មវិធី​នយោបាយ​របស់​គណបក្ស​ប្រជាជន​កម្ពុជា​ដែល​ជា​គណបក្ស​ឈ្នះឆ្នោត​ប្រែ​ក្លាយ​ឲ្យ​ទៅ​ជា​កម្មវិធី​នយោបាយ​របស់​រាជរដ្ឋាភិបាល​ក្នុង​ការ​កសាង និង​អភិវឌ្ឈ​ប្រទេស​ឲ្យ​បាន​រីកចម្រើន​ស្រប​តាម​បំណង​ប្រាថ្នា​របស់​ប្រជាជន​ជា​ម្ចាស់​ឆ្នោត​ដើម្បី​ម្ចាស់ឆ្នោត​ជឿ​ទុក​ចិត្ត និង​បោះឆ្នោត​គាំទ្រ​ត​ទៅ​ទៀត​»​។

លោក ឥសាន ថ្លែង​ថា​៖ «​រាជរដ្ឋាភិបាល​កម្ពុជា​ចាំបាច់​ត្រូវ​ចាត់​វិធានការ​គ្រប់​បែប​យ៉ាង​ដើម្បី​ទប់ស្កាត់​រាល់​អំពើ​អនាធិបតេយ្យ​អំពើ​ល្មើស​ច្បាប់​អំពើ​វិទ្ធង្សនា​នយោបាយ សេដ្ឋកិច្ច និង​រារាំង​ការ​រីក​ចម្រើន​របស់​ប្រទេស​ជាតិ​បង្កើត​ជា​ឧបសគ្គ​ដល់​ការ​អនុវត្ត​កម្មវិធី​នយោបាយ​របស់​រាជរដ្ឋាភិបាល​»​។

លោក​បន្ត​ថា​៖ «​បញ្ហា​សំខាន់​ពាក់ព័ន្ធ​នឹង​បក្ស​ប្រឆាំង​ដែល​បាន​ឃុបឃិត​ជាមួយ​បរទេស​ប៉ុនប៉ង​ផ្តួលរំលំ​រាជរដ្ឋាភិបាល​កម្ពុជា​ស្រប​ច្បាប់​តាម​វិធី​ប្រើ​ផ្លូវ​កាត់ រំលោភ​លើ​គោលការណ៍​លទ្ធិប្រជាធិបតេយ្យ​ដែល​ហៅថា​ជា​បដិវត្តន៍​ពណ៌​នោះ​។ ដូច្នេះ​រាជរដ្ឋាភិបាល​ចាំបាច់​ត្រូវ​តែ​ចាត់​វិធានការ​បង្ក្រាប​ឲ្យ​បាន​ទាន់​ពេលវេលា​មិន​អាច​បណ្តែតបណ្តោយ​ឲ្យ​មាន​ឧបាយកល​ផ្តួល​រំលំ​បាន​ជា​ដាច់​ខាត​»​។

អ្នក​វិភាគ​នយោបាយលោក មាស នី ​បាន​យល់​ស្រប​ថា​សារ​របស់​លោក​​ ប៉ុល សារឿន គឺជា​ «​ឧបាយកល​នយោបាយ​»​។

បើ​ទោះបី​ជា​ធម្មតា​កងទ័ព​ត្រូវ​ឈរ​លើ​អព្យាក្រឹតភាព​ក្តីក៏​លោក​​ នី ​បាន​ថ្លែង​ថា​៖ «​វា​មិនមែន​ជា​រឿង​ភ្ញាក់ផ្អើល​» ​នោះ​ទេ​នៅ​ពេល​ដែល​មេបញ្ជាការ​របស់​ខ្លួន បាន​គាំទ្រ​ជា​សាធារណៈ​ចំពោះ​គណបក្ស​កាន់​អំណាច​នោះ​។

លោក​ នី ក៏​បាន​ចោទសួរ​អំពី​ជោគជ័យ​របស់​រដ្ឋាភិបាល​ក្នុង​ការ​រារាំង​បដិវត្តន៍​ពណ៌​ផង​ដែរ​ដែល​វា​មិន​ដែល​បាន​បង្ហាញ​សញ្ញា​ណា​មួយ​ដែល​អាច​ធ្វើ​ឱ្យ​លេច​ចេញ​ជា​រូបរាង​នោះ​ទេ​។

លោក​ នី ​ថ្លែង​ថា​៖ «​បដិវត្តន៍​ពណ៌​គឺ​គ្រាន់តែ​ជា​ការ​សង្ស័យ​របស់​រដ្ឋាភិបាល​ដែល​បាន​លើក​ឡើង​តែ​ខ្លួនឯង​ប៉ុណ្ណោះ​»​។

លោក​បាន​បន្ត​ទៀត​ថា​ការ​ចោទប្រកាន់​អំពី​សង្គ្រាម​ស៊ីវិល​ទំនង​ជា​កើត​ចេញ​ពី​ការ​អត្ថាធិប្បាយ​របស់​លោក​ សម រង្ស៊ី ​ដែល​ជា​អតីត​មេដឹកនាំ​គណបក្ស​ប្រឆាំង​ដែល​បាន​ជំរុញ​ឱ្យ​កងទ័ព​កុំ​ស្តាប់​តាម​បញ្ជា​របស់​មេបញ្ជាការ​របស់​ពួកគេ​ប្រសិន​បើ​មាន​បញ្ជា​ឱ្យ​បាញ់​ក្រុម​អ្នក​ប្រមូលផ្ដុំ​តវ៉ា​។

លោក​ថ្លែង​ថា​៖ «​ខ្ញុំ​មិន​គិត​ថា​អាច​នឹង​មាន​លទ្ធភាព​រៀបចំ​ទ័ពព្រៃ​នោះ​ទេ​»៕ NS


Contact authors: ម៉ិច ដារ៉ា and Andrew Nachemson

What Next?

Recent Articles

4 Responses to "លោក​ ប៉ុល សារឿន ប្រាប់​ឲ្យ​កងទ័ព​ប្រុងប្រយ័ត្ន​ការ​ប៉ុនប៉ង​បង្កើត​តំបន់​ទ័ព​ពី​សំណាក់​អតីត CNRP"

  1. miloss says:

    đó là một cretin hoàn hảo
    Ông đã được sinh ra sớm não của ông đã bị ảnh hưởng nghiêm trọng

  2. ?? says:

    my massage to POL SAROUEN you are not POL POT are you???? if not you should think about peaceful way . I think you are too old to fight and you should not start the fire . one more stop saying the word( color revolution) there is none this word is just make this nation broken apart. please stop from now on and turn yourself 90%to Democracy free and fair for all Cambodian alongside whit international community. I knew if Cambodia having a true Democracy this nation will safe from any predator around us. Democracy is only the best solution for our poor nation. Democracy will transform our poor nation as stability nation among world community. please do some thing good for your young generation time is just about running out you and me seem to be old enough that not going to be in this art for that long let make our young happy be for we left them. GOD bless Cambodia and it’s people

  3. Rayuth says:

    កាកសំណល់របស់ប៉ុល ពត។ ភ័យខ្លាចចាញ់ ចោទ និងចាប់គូប្រកួតដាក់គុក ដុតផ្ទះ ប្លន់ទ្រព្យ និងបំបរបង់កូនៗចេញពីផ្ទះ។ នេះគឺពិតជាឃោរឃៅព្រៃផ្សៃមែនទែន។

  4. Anonymous says:

    an idiot guy likes Pol Saroeun probably had brainwashed as the same as Pol Pot. Are you Pol Pot
    Family or relative?????????? Your mind are so dirty and hunger for Killing the innocent people.

Leave a Reply

Submit Comment