លោក ហ៊ុន សែន៖ នាំគ្នាឈប់ទិញបន្ថែគីមីទៅវាចប់រឿងហើយ ចាំបាច់មកបន្ទោសរដ្ឋាភិបាលធ្វើស្អី

ដោយ លោក ញឹម សុខន​​ | ថ្ងៃព្រហស្បតិ៍ ទី៤ ខែមករា ឆ្នាំ២០១៨​ | ម៉ោង 4:21 PM
http://vodhotnews.com

សុខភាព

អ្នកលក់បន្លែនៅផ្សារដើមគ កាលពីពេលកន្លងទៅ (រូបភាព៖ សហការី)


ប្រមុខរដ្ឋាភិបាល បានរំឭកជាថ្មីទៀតថា ដើម្បីលុ​បបំ​បាត់ចំណីអាហារមានសារធាតុគីមីនៅលើទីផ្សារ លោ​ក​ថា ​អ្ន​ក​ប្រើ​ប្រាស់គួ​រ​ស្វែង​យល់ដោយ​ខ្លួនឯង ជាជាងជេររដ្ឋាភិបាលថា ជាអ្នកបណ្តែ​តបណ្តោ​យឲ្យនាំចូ​ល​បន្លែ​គីមី​ទាំង​នោះ។

អំឡុងខែតុលាឆ្នាំមុន លោកនាយករដ្ឋមន្ត្រីបានប្រតិកម្មម្តងហើយ តបទៅនឹងអ្នករិះគន់ ដោយថា ដើ​ម្បី​​ថែ​​ទាំសុខភាព លោកថា ពួក​គេ​​ត្រូវ​ចេះពិនិត្យដោយខ្លួនឯង​ កុំប​ន្ទោ​ស​រដ្ឋាភិបាល។

លោក ហ៊ុន សែន ក្នុងពិធីសម្ពោធដាក់ឲ្យប្រើប្រាស់អគារព្យាបាលថ្មីនៅមន្ទីរពេទ្យមិត្តភាពខ្មែរ-សូវៀត នៅថ្ងៃនេះ បានថ្លែង​ថា ដើម្បី​លុបបំបាត់អាហា​រដែលមាន​ជាតិគីមី លោកថា អ្នកប្រើប្រាស់ត្រូវធ្វើពហិកា ឈប់ទិញ​អាហារទាំងនោះ ហើ់យ​កុំ​ស្តីប​ន្ទោ​សរ​ដ្ឋា​ភិបាល។

លោកថា៖ «នាំគ្នាធ្វើពហិការ កុំទិញបន្ថែល សាច់ដែលមានសារជាតិគីមីទៅវាចប់រឿងហើយ ចាំបាច់មកជេរ រដ្ឋាភិបាលធ្វើស្អី? តែខ្លួនឯងទៅទិញអាហ្នឹងយកមកស៊ី។ ស៊ីហើ​យមានជម្ងឺជេរ​រដ្ឋាភិបាល។ស៊ីខ្លួនេងសោះ មកជេរគ្នាដែរ ។ជេរ ហ៊ុន សែន ម៉ង តែឆ្នាំ​ង​លោកខ្លួនឯង ស៊ីខ្លួនឯង ទៅទិ​ញខ្លួនឯង ម៉េចមិនរើស?»។

លោកបន្ថែមទៀតថា៖ «អញ្ចឹងកុំស្អឺឡើងឈឺវ៉ាប់ ជេរពេទ្យ ឈឺវ៉ាប់បណ្តាលមកពីរដ្ឋាភិបាលអនុញ្ញាតិឲ្យគេប្រើគីមី អនុញ្ញា​​តិឲ្យគេ​​​នាំមក​លក់នៅលើទីផ្សារ នូវសាត់នូវបន្លែ ឬផ្លែឈើដែលមានសារធាតុគីមី។ ឥឡូវកុំស៊ីវាទៅ ដល់កុំស៊ីលក់អត់ដាច់ លក់អាត់ដាច់គាត់ងា​កទៅរកការប្រមូលទិញ បន្លែស្អីៗដែលមិនប្រើ​ជាតិគីមី។ ខ្វះ​អីត្រ​ស​ក់ខែនេះ សំ​បូរសឹងអីនឹង ចាំបាច់ទៅទិញអាត្រសក់មានជាតិគីមីយកមកធ្វើអី?។ ខ្លួនឯងប្រព្រឹត្តិខ្លួនឯងមកបន្ទោសដាក់គេ!។ ​បន្តិ​ចទៀ​​តប្រ​ពន្ធមានសហាយមកបន្ទោសនាយករដ្ឋមន្ត្រីទៀត?»។

នាយកប្រតិបត្តិអង្គការសេដាក់ដែលធ្វើការផ្តោតលើកសិកម្ម លោក​ សម វិទូ និយាយថា មានតែមន្ត្រីជំនាញទេ​ អាចដឹ​ង​ពី​ចំណី​អាហារមានសារធា​តុគីមី តាមរយៈឧបករណ៍វាស់ស្ទង់នានា។ លោកថាចំណែក ពលរដ្ឋសាមញ្ញ ពិបា​កក្នុងការ​សម្គា​ល់​ដោយថា សា​​ធាតុគីមីខ្លះ ដែលគេយកទៅប្រើ គ្មានក្លិន គ្មានពណ៌។

លោកថា៖ «ជាទូទៅនៅក្នុងលក្ខណៈបច្ចេកទេសយើងមើលនឹងភ្នែកធម្មតាពិបាកក្នុងការកំណត់ចំណាំណស់ថាបន្លែ ឬត្រីសាច់ណា មានជាតិគីមី និងគ្មានជាតិគីមី។ ព្រោះ​​សាធាតុគីមីខ្លះយើងមើលអត់ឃើញទេ មានន័យថា វាអត់មានក្លិន វាអត់មានពណ៌ វាអត់មានអ្វីដែ​លអា​ចឲ្យយើងស​ម្គាល់បា​នទេ។​ ព្រោះឧទារណ៍ថា ដូចថ្នាំដែលគេប្រើដើម្បីសម្លាប់សត្វល្អិតខ្លះ ទៅលើបន្ថែទៅអីហ្នឹង ពេលដែល​បាញ់ទៅ​លើប​ន្ថែ​ទៅជា​ជ្រាបចូលទៅក្នុងសេរីរាង្គរបស់បន្ថែ ឬក៏ផ្លែឈើហ្នឹង ពេលនឹងវាមើ​លអត់ឃើញថាមានជាតិអីទេ ប៉ុន្តែ​នៅពេ​លដែល​សត្វល្អិ​តវា​ស៊ីទៅទើបវាងាប់»។

បើតាមលោក សម វិទូ ដើម្បីការពារសុខភាព គេចពីសារធាតុគីមី លោកថា រដ្ឋាភិបា​ល​ត្រូវជំ​រុញឲ្យ​មន្ត្រី​ជំ​នាញ កាំកុងត្រូ​​ល​ចុះ​ពិ​និ​ត្យអាហារទាំងនោះនៅលើទីផ្សារ តាមច្រកនាំចូល និងបង្ហា​ត់​បង្រៀ​​ន​ក​សិករ ឲ្យចេះប្រើសារធាតុគីមី តាមបច្ចេ​ក​ទេស និងមា​នក្រមសីលធម៌។

អំឡុងខែកញ្ញាឆ្នាំ២០១៧ អង្គការ USAID របស់អាមេរិក បានបង្ហាញរបាយការណ៍ថា ពលរដ្ឋកម្ពុជាជាង ៧០ភាគរយកំពុង​ប្រ​ក​បរបរ​ក​សិក​ម្ម ប៉ុន្តែកសិករអាចដាំបន្លែបានតែ១ភាគ៣ នៃតម្រូវការទីផ្សារ ដោយសារបញ្ហាផ្សេងៗ។

ចំណែកក្រសួងកសិកម្ម រុក្ខាប្រមាញ់ និងនេសាទ វិញបានបង្ហាញរបាយការណ៍ដែរថា កម្ពុជាបានចំណាយថ​វិកា២០០​លានដុ​ល្លា​រ​អាមេរិក​ក្នុង១ឆ្នាំៗ សម្រាប់នាំចូលបន្លែពីបរទេស ដើម្បីផ្គត់ផ្គង់តម្រូវការក្នុងស្រុក។ ក្រសួងថាបន្លែនាំចូលទាំងនោះ ភាគ​ច្រើ​​ននាំចូលពីប្រទេសវៀតណាម និងប្រទេសចិន​។​

​​សូមរំឭកថា កាលពីឆ្នាំមុន សិស្ស៣០០នាក់ នៅសាលាបឋមសិក្សាបត់រំដួល ឃុំផ្ទះរុង ស្រុកភ្នំក្រវ៉ាញ ខេត្តពោធិ៍សាត់ ត្រូវ​បញ្ជូ​នទៅសង្គ្រោះនៅមន្ទីរពេទ្យបង្អែក ក្រោយពួកគេ មានអាការ ក្អួតចង្អោ ពេលបរិភោគបាយ ដែ​លក្រុមការងារ សន្និបាទ​របស់​ឃុំសំ​រោង យកទៅចែកជូន។

មនុ​ស្សចំនួន​៣៤នាក់ ត្រូវបញ្ជូនទៅសង្គ្រោះបន្ទាប់នៅមន្ទីរពេទ្យ ដោយសារតែពុលចំណីអាហារ ក្នុងពិធីបុណ្យប​ច្ច័យបួនមួ​យ​​ក​ន្លែង ​នៅសង្កា​ត់​អូ​រចា​ ក្រុងបាត់ដំបង។

​ដូច​​គ្នា​នេះដែរព្រះសង្ឃ និងដូនជីចំនួន២៥អង្គ នាក់ នៅវត្តបវេល ស្រុកបវេល ខេត្ត​បាត់ដំបង ពុលចំណីអាហារ។ កុមារ​ចំនួន​៣០​នាក់ នៅ​ស្រុក​សៀម​ប៉ាង ខេត្តស្ទឹងត្រែង ត្រូវសមត្ថកិច្ចអះអាងថា បាន​ពុល​អាហារ​ នឹងត្រូវបញ្ជូនទៅសង្គ្រោះនៅមន្ទីរពេទ្យ នៅ​ថ្ងៃ​​​ទី​​៣១ខែមិនា រួមទាំងខេត្តមួយចំនួនទៀត៕

សរសេរមកកាន់ លោក ញឹម សុខន តាមរយៈ sokhorn@vodhotnews.com

What Next?

Recent Articles

5 Responses to "លោក ហ៊ុន សែន៖ នាំគ្នាឈប់ទិញបន្ថែគីមីទៅវាចប់រឿងហើយ ចាំបាច់មកបន្ទោសរដ្ឋាភិបាលធ្វើស្អី"

  1. ko says:

    អាខ្វាក់

  2. ko says:

    អានាយករដ្ឋមន្រ្តីនរក

  3. Mitra says:

    ពុទ្ធោ ជួយស្តាប់មើលធ្វើជាម៉ែ ជាឪគេនិយាយភាសារចឹងរឺ?លោកនាយករដ្ឋមន្រ្តី

  4. people says:

    Ah veitcong mafia dictator never know his fault or know how to talk because he don’t understand anything ‘he only know how to kill’ how to corrupted ‘how to cheat how to accuse ‘how to jail ordinary people because he have a power and his veit-master are the animal so he is the animal too .Remember’ this veitcong mafia dictator never knw his fault till go to hell like gadaffe or sadamm ‘. Kon khmer must wake up and remember Youn-ha noi is the robber and killer ‘ . GOD bless all cambodian people’

  5. តេជះ says:

    នេះជាសតិរបស់អ្នកដឹកនាំប្រកបដោយភាពល្ងង់ខ្លៅ គិតតែប្រយោជន៍ខ្លួន
    អ្នកដែលដឹកនាំឆ្លាតគេត្រូវចេះរកដំណោះស្រាយ
    1- បង្កើនដីកសិកម្មសំរាប់រាស្ត្រ មិនមែនដកដីទៅអោយឧកញ្ញា និងឯកជនទេ
    2- នាំចូល5-10% របស់បន្លែក្រៅប្រទេស ដោយធានាថាគ្មានជាតិគីមី
    3- ហាមឃាត់ការនាំចូលជីគីមីសំរាប់កសិកម្ម មកនៅក្នុងរង្វង់ 0,01%
    4- កំណត់តំលៃទីផ្សារសំរាប់ដំណាំកសិកម្មអោយសមរម្យ