កូនស្រី​លោក​​ កឹម សុខា ជំរុញ​អាមេរិក​ឲ្យ​ចាត់​វិធានការ​ជំហាន​ទី​៣​មក​លើ​រដ្ឋាភិបាល​កម្ពុជា

ដោយ លោក ញឹម សុខន​​ | ថ្ងៃព្រហស្បតិ៍ ទី១១ ខែមករា ឆ្នាំ២០១៨​ | ម៉ោង 5:15 PM
http://vodhotnews.com

នយោបាយ

អតីតមន្ត្រីជាន់ខ្ពស់បក្សប្រឆាំង កញ្ញា កឹម​ មនោវិទ្យា និងឧបការី​​​​​ក្រសួងកា​រពា​រជា​​តិ លោក រ៉េន ឌល ស្ត្រាយវើ (FB: កញ្ញា កឹម មនោវិទ្យា)


កូនស្រីមេដឹកនាំ​អតីត​បក្ស​ប្រឆាំង​ដែល​កំពុង​ជាប់​ឃុំ បាន​ជំរុញ​ទៅ​សហរដ្ឋ​អាមេរិក ឲ្យចាត់វិធានការបន្ថែម​ទៀត​ប្រឆាំង​នឹង​រដ្ឋាភិបាល​កម្ពុជា ដោយ​ថា​ ដើម្បី​ស្តា​​រ​ស្ថានភាព​ប្រ​​ជា​ធិបតេ​យ្យនៅ​កម្ពុ​ជា​ឡើង​វិញ។​

ក្រោ​​យពីរដ្ឋាភិបាលកម្ពុជា​ចាប់ឃុំខ្លួនលោក កឹម សុខា រំលាយគណបក្សសង្គ្រោះជាតិ និងហាម​ឃាត់​ថ្នាក់​ដឹកនាំ ១១៨​រូប​របស់​បក្ស​នេះ​មិន​ឲ្យ​ធ្វើ​នយោបាយ​រយៈ​ពេល ៥​ឆ្នាំ​មក​នោះ សហរដ្ឋអាមេរិក និង​​​​សហភាពអឺរ៉ុប បា​ននាំ​មុខ​គេ​ក្នុង​ការ​​គំរាមដាក់​ទណ្ឌកម្ម​សេដ្ឋ​កិច្ចលើ​​ប្រទេស​កម្ពុជា បើមិន​ធ្វើឲ្យ​ស្ថា​នកា​រណ៍​ន​យោបា​យវិលទៅ​រក​​ស្ថា​​​នភា​ពដើ​មវិញ។

អតីតមន្ត្រីជាន់ខ្ពស់បក្សប្រឆាំង កញ្ញា កឹម​ មនោវិទ្យា បាន​ឲ្យ VOD​ ដឹងថា កញ្ញាបានជួប​ពិ​ភា​ក្សាជាមួយ ឧបការីរង​នៃ​ក្រសួងការ​បរទេ​ស​​​​​​​​​​​អា​​​​​​មេ​រិក លោក ផាទ្រីក​ ម័រហ្វី (Patrick Murphy) និងឧបការី​​​​​ក្រសួងកា​រពា​រជា​​តិ លោក រ៉េន ឌល ស្ត្រាយវើ (Ran dall Sch​ri​v​er)​ កាលពីម្សិលមិញ។

កញ្ញា​បាន​បន្ថែម​ថា ក្នុងជំនួបនោះ កញ្ញាស្នើទៅ​អាមេរិក ឲ្យ​​កំណត់​ឈ្មោះ​ជាក់​លាក់​របស់​មន្ត្រី​ជាន់​ខ្ពស់​កម្ពុជា ដាក់​ចូល​ទៅ​ក្នុង​បញ្ជី​ខ្មៅ ដែលឈានទៅដល់កា​រដា​ក់​​ទណ្ឌ​កម្ម​ជា​​បុគ្គល​ផ្នែកហិរញ្ញវត្ថុ និង​ស្នើ​​ទៅ​អាមេរិក ឲ្យ​​ជំរុញ​ទៅ​ប្រទេស​​​ជប៉ុន ដែលជា​សម្ព័ន្ធ​មិត្តរបស់​ខ្លួន ឲ្យ​ដាក់​សម្ពាធ​លើ​រដ្ឋាភិបាលកម្ពុជា។

កញ្ញា កឹម មនោវិទ្យា អះអាងថា ជុំ​វិញស្ថានភាព​​ប្រជាធិបតេយ្យនៅកម្ពុជានេះ អាមេរិកបានចាត់វិធានការ​ជាបន្តបន្ទាប់ ដោយថា វិធានការទី១ គឺដាក់ទណ្ឌកម្មទិដ្ឋាការប្រឆាំង​នឹង​មន្ត្រីជាន់ខ្ពស់ វិធានការទី២ ​អាមេរិកបា​នកាត់ជំ​​នួយ​ពី គ.ជ.ប. និងថា អាមេរិក នឹងមានវិធានការបន្ទាប់ទៀត​ បើ​រដ្ឋាភិបាល​​កម្ពុជា​មិន​ផ្លាស់​ប្ដូរ​ជំហរ ងាក​ទៅ​ស្ដារ​ស្ថា​នភា​ព​​ប្រ​​ជា​ធិប​​តេយ្យ​​នៅកម្ពុជាឡើង​វិញនោះ។

កញ្ញាថា៖ «ខ្ញុំមានជំនឿថា ជំហានទី៣នោះ អាមេរិកនឹងធ្វើ គ្រាន់តែឥឡូវនេះ​ គឺគេកំពុងតែដំណើ​រការរឿងទាំអអស់​នោះ ហើយខ្ញុំជឿថា បើគ្មានការប្រែប្រួលជាវិជ្ជមាន​ទាន់ពេលនៅ​កម្ពុ​ជា​ទេ ការដាក់​ទ​ណ្ឌកម្ម​ផ្នែកហិ​រញ្ញវត្ថុ​ទៅ​លើបុ​គ្គ​ល នឹងកើតមាន»។

ប៉ុន្តែ អ្នកនាំពាក្យគណបក្សប្រជាជនកម្ពុជា លោក សុខ ឥសាន បាន​ចាត់ទុកកិច្ចខំប្រឹងប្រែង​បែបនេះ​​ថា ជា​រឿ​ងអត់​ប្រ​យោ​ជន៍ ដោយលោកអះអាងថា វិធានការកន្លងទៅគ្មានឥទ្ធិពលអ្វីដល់រដ្ឋាភិបាល​កម្ពុជា​ដឹកនាំ​ដោយ​គណបក្ស​ប្រជាជន​កម្ពុជា​នោះ​ទេ។

លោកថា៖ «កឹម មនោវិទ្យា គាត់មិនមែនជាប្រធានាធិបតី​អាមេរិក ឬជានាយករដ្ឋមន្ត្រីរបស់ជប៉ុនដែរ។ ​អញ្ចឹង គាត់មិ​នអាច​​ធ្វើអ្វី​បានតាមចិត្តគាត់បានទេ?។ នេះវាគ្រាន់តែឆ្លុះបញ្ចាំងថា ជាការរើបម្រះប្រកប​ដោយ​សញ្ញា​​អវិជ្ជមានក្នុ​ង​កា​រដោះ​ស្រាយពិរុទ្ធភាព​របស់ឱពុកគាត់ទេ»។

លោក សេក សុផល អ្នក​ស្រាវ​ជ្រាវ​អំពី​ការ​ជំរុញ​លទ្ធិ​ប្រជាធិបតេយ្យ​នៅ​មជ្ឈ​មណ្ឌល​សិក្សា​អាស៊ី​ប៉ាស៊ីហ្វិក​នៃ​សាកល​វិទ្យាល័យ​រីតស៊ូមិអ៊ិកេន ក្នុង​ប្រទេសជប៉ុន បាន​លើកថា ការ​ប្រកាន់​យក​ឥរិយាបថ​ស្ងៀម​ស្ងាត់​ អាច​ជា​ចេតនា​ខាង​យុទ្ធសាស្ត្រ​របស់​ជប៉ុន ក្នុង​ការ​រក្សា​ចំណង​ការទូត​បើក​ចំហរ នៅ​ពី​ក្រោយ​នៃ​ទ្វារ​បិទ​ជិត។

នៅ​ក្នុង​អត្ថបទ​វិភាគ​របស់​លោក​ចុះ​ផ្សាយ​លើ​កាសែត​បាងកក ប៉ុស្តិ៍ ក្រោម​ចំណង​ជើង​ថា «ការទូត​ជប៉ុន​ត្រូវ​បាន​យល់​ខុស» អ្នកស្រាវ​ជ្រាវ​រូប​នេះ បាន​លើក​បន្ត​ថា ដូច​អាមេរិក​ផង​ដែរ ជប៉ុន​តែង​តែ​គាំ​ទ្រ​ការ​ជំរុញ​សិទ្ធិ​មនុស្ស និង​លទ្ធិ​ប្រជាធិបតេយ្យ​នៅ​ក្នុង​ប្រទេស​កម្ពុជា។ លោក​ថា ប៉ុន្តែ​ ខុស​ពី​អាមេរិក​ដែល​តែង​ប្រកាន់​យក​ជំហរ​តឹង​តែង​ដោយ​ផ្ទាល់​ជុំ​វិញ​បញ្ហា​លទ្ធិ​ប្រជាធិបតេយ្យ និង​សិទ្ធិ​មនុស្ស​នោះ ជប៉ុន​យល់​ថា ការ​រិះគន់​ដោយ​ពាក្យ​សម្ដី គឺ​ជា​អ្វី​ដែល​មិន​សូវ​សំខាន់​ជាង​ការ​ធ្វើការងារ​ដោយ​ផ្ទាល់​នោះ​ទេ។

ចំណែក​សាស្ត្រាចារ្យវិទ្យាសាស្ត្រនយោបាយ លោក សូ ចន្ថា ប្រាប់VOD​កាល​ពី​ខែ​ធ្នូ​ឆ្នាំ​មុន​ថា សម្ពាធពីអន្តរជាតិ​នៅតែ​មា​​​​ន​ឥទ្ធិពលលើរដ្ឋាភិបាល ដោយថា ដង្ហើមសេដ្ឋកិច្ច​របស់កម្ពុជាពេលនេះ នៅពឹងប្រទេសលោកសេរីនៅឡើយ ហើ​​យ​ថា ស្ថានការណ៍​នយោ​បាយ នឹង​វិលទៅរកស្ថានភាពដើ​មវិញ​ បើអ្ន​ក​​ន​​​យោ​​​បា​យខ្មែរ គិតប្រយោជន៍ជាតិជា​ធំ៕

សរសេរមកកាន់ លោក ញឹម សុខន តាមរយៈ sokhorn@vodhotnews.com

What Next?

Recent Articles

One Response to "កូនស្រី​លោក​​ កឹម សុខា ជំរុញ​អាមេរិក​ឲ្យ​ចាត់​វិធានការ​ជំហាន​ទី​៣​មក​លើ​រដ្ឋាភិបាល​កម្ពុជា"

  1. Chipmonk says:

    Japan needs Cambodia more than Cambodia needs Japan for an important reason: China and Korea factor. Cambodia happens to be good friend of these two countries, which Japan has always trouble to sleep at night time. Japan needs Cambodia remedy to keep the door open for future talk when the conflict arises with China and N. Korea. Cambodia does not have an ounce of influence on these two countries but what Cambodia has is good trustful friendship with China and N. korea, which make a trick of future diplomacy take place when Japan needs it.

    Another less important but still dramatic venue, Nippon Shinbe Ekomistu has put a lot of efforts to build Cambodia from the ground up to this stage so far, China just comes in within 10 years to pick up the slack, Japan does not want to give up easily what they have been doing. Mount Fuji still believes that you can still make a good friend with a friend who wants to get rid of you.

Leave a Reply

Submit Comment