Thu, 18 January 2018
ម៉ិច ដារ៉ា
ភ្នំពេញប៉ុស្តិ៍
ភ្នំពេញៈ អ្នកនាំពាក្យគណបក្សប្រជាជនកម្ពុជាលោក ឈឹម ផលវរុណ ត្រូវបានតុលាការកោះហៅក្នុងនាមជាសាក្សីក្នុងសំណុំរឿងក្តី «ក្បត់ជាតិ» ដ៏ចម្រូងចម្រាសប្រឆាំងលោក កឹម សុខា ដែលកំពុងជាប់ឃុំ។
លោក កឹម សុខា មេដឹកនាំគណបក្សសង្គ្រោះជាតិដែលត្រូវបានរំលាយ ត្រូវបានចាប់បញ្ជូនទៅឃុំខ្លួននៅពន្ធនាគារត្រពាំងផ្លុងកាលពីខែកញ្ញា។ ការចាប់ខ្លួនលោក សុខា ភាគច្រើនគឺត្រូវបានភ្ជាប់ទៅនឹងវីដេអូមួយកាលពីឆ្នាំ ២០១៣ ដែលលោកបានថ្លែងទៅកាន់អ្នកគាំទ្រអំពីការទទួលដំបូន្មានពីរដ្ឋអាមេរិក ក្នុងអំឡុងប្រកបអាជីពនយោបាយរបស់លោក។
លោក ផល វរុណ គឺជាអនុប្រធានរបស់លោក កឹម សុខា កាលនៅឯមជ្ឈមណ្ឌលសិទ្ធិមនុស្សកម្ពុជា ប៉ុន្តែលោកបានចាកចេញពីអង្គការនោះក្នុងឆ្នាំ ២០០៦ បន្ទាប់ពីមានជម្លោះផ្ទៃក្នុងហើយកាលពីពេលថ្មីៗនេះអង្គការនេះ ត្រូវបានលោកនាយករដ្ឋមន្ត្រី ហ៊ុន សែន គំរាមបិទដោយចោទប្រកាន់ពីបទធ្វើតាមបង្គាប់បរទេស។
កាលពីម្សិលមិញលោក ផល វរុណ បានថ្លែងថា៖ «ខ្ញុំនឹងចូលខ្លួនទៅតុលាការ ដើម្បីបំពេញតាមច្បាប់នៅក្រោមកាតព្វកិច្ចរបស់ខ្ញុំក្នុងនាមជាពលរដ្ឋកម្ពុជា ដែលគោរពច្បាប់»។
យោងតាមដីកាបានកោះហៅលោក ផល វរុណ ឲ្យចូលទៅសាលាដំបូងរាជធានីនៅថ្ងៃទី ៦ ខែកុម្ភៈដើម្បីបំភ្លឺពីដំណើររឿងព្រហ្មទណ្ឌពាក់ព័ន្ធលោក កឹម សុខា ជាប់ចោទពីបទ «សន្និដ្ឋិភាពជាមួយបរទេស»។
មេធាវីរបស់លោក សុខា លោក ហែម សុជាតិ បានថ្លែងថាចៅក្រមស៊ើបសួរ កាលពីថ្ងៃទី ១៤ ខែវិច្ឆិកាបានប្រាប់ក្រុមរបស់លោកថាការស៊ើបអង្កេតអាចនឹងបញ្ចប់នៅចុងខែធ្នូ ប៉ុន្តែមានការធ្វើពហិការរបស់មេធាវីលើករណីសាកសួរលោក សុខា ដោយទទូចថាគាត់គួរតែត្រូវសាកសួរនៅតុលាការភ្នំពេញជាជាងនៅគុកត្រពាំងផ្លុង ដូច្នេះដំណើរការនីតិវិធីត្រូវបានពន្យារ៕ NS
Contact author: ម៉ិច ដារ៉ា
អាមួយហ្នឹងប្រហែលជាចូលទ្រុងដូចញឹកប៊ុនឆៃហើយ
ព្រោះអស់ផលប្រយោជន៍សម្រាប់គេប្រើហើយដូច្នេះពេលដឹងរឿងច្រើនពេកត្រូវតែយកវាចូលទ្រុង ព្រោះខ្លាចបែកការផ្ទៃក្នុងបក្សកាន់អំណាច
A chhim has no choice, A Chhim needs wine to warm up. A Chhim sells mind.
A Chhim needs?????? to trade his broken idea. Good luck a Chhim!!!!!!!