គ្រួសារលោក កែម ឡី ស្នើតុលាការវែកមុខឃាតកពិត ជាជាងចាត់ការអ្នករៀបចំបុណ្យ

ដោយ លោក ពេជ្រ ចំរុង​​ | ថ្ងៃសុក្រ ទី១៩ ខែមករា ឆ្នាំ២០១៨​ | ម៉ោង 4:14 PM
http://vodhotnews.com

កែម ទ្បី | នយោបាយ

ក្រុមគ្រួសារលោក កែម ឡី



ក្រុមគ្រួសារលោក កែម ឡី ស្នើឲ្យតុលាការបន្ដវែកមុខរកឃាតកពិតប្រាកដ និងអ្នកពាក់ព័ន្ធក្នុងរឿងឃាតកម្ម ជាជាងចាត់ការលើគណៈកម្មាការរៀបចំបុណ្យសព ដែលត្រូវបានតុលាការចេញដីកាឃុំខ្លួន។

ក្នុងដីកាចុះថ្ងៃទី៤ខែមករាឆ្នាំ២០១៨ សាលាដំបូងរាជធានីភ្នំពេញ បានចេញដីកាឲ្យឃុំខ្លួនអតីតគណៈកម្មាការបុណ្យសពលោក កែម ឡី ដោយចោទថា បានរំលោភទំនុកចិត្ត ពាក់ព័ន្ធលុយបុណ្យប្រមាណ៣០ម៉ឺនដុល្លារអាមេរិក។ គណៈកម្មការបុណ្យសពលោក កែម ឡី ដែលរងការចោទប្រកាន់នោះ រួមមាន នាយកប្រតិបត្តិមជ្ឈមណ្ឌលកម្ពុជាដើម្បីប្រព័ន្ធផ្សាព្វផ្សាយឯករាជ្យ (CCIM) លោក ប៉ា ងួនទៀង នាយកប្រតិបត្តិអង្គការសង់ត្រាល់ លោក មឿន តុលា និងព្រះតេជគុណ ប៊ុត ប៊ុនតិញ។​

ប្អូនប្រុសបង្កើតលោក កែម ឡី គឺលោក កែម រិទ្ធិសិទ្ធិ ប្រាប់វីអូឌីថា គណៈកម្មាការរៀបចំបុណ្យសព មិនបានកិបកេងលុយបុណ្យនោះទេ ហើយថា ក្រុមគ្រួសារ ក៏មិនបានពឹងពាក់តុលាការ ឲ្យជួយរកការពិតក្នុងរឿងបច្ឆ័យបុណ្យនេះដែរ។ លោកយល់ថា ចំណាត់ការរបស់តុលាការនេះ គឺជារឿងខុសឆ្គង និងប្រាស់ចាកពីសីលធម៌​ ក្នុងព្រះពុទ្ធសាសនា។

លោក កែម រិទ្ធិសិទ្ធិ ជំរុញឲ្យស្ថាប័នតុលាការ និងអាជ្ញាធរ ជួយវែកមុខរកឃាតកពិតប្រាកដ និងអ្នកនៅក្រោយ ជាជាងគិតពីបច្ឆ័យបុណ្យ ដែលថា ក្រុមគ្រួសារលែងចង់ដឹងឮទៀតហើយ។

លោកថា៖ «គណៈកម្មាការទាំងអស់ មិនបានពាក់ព័ន្ធលុយកាក់ទេ ព្រោះពេលលោកបណ្ឌិតស្លាប់ ខ្ញុំជាអ្នកកាន់សពផ្ទាល់ ហើយការគ្រប់គ្រងលុយកាក់គឺក្រុមគ្រួសារខាងខ្ញុំ មានខ្ញុំ មានបងស្រីខ្ញុំ។ រឿងបច្ឆ័យបុណ្យក្នុងគំនិតខ្ញុំ និងអ្នកកាន់ព្រះពុទ្ធសាសនា​ វាអត់មានត្រូវដេញដោលរឿងលុយកាក់អីទេ ប៉ុន្ដែ បើយើងនិយាយថា យកមកប្ដឹងផ្ដល់អីនេះ វាអត់មាន។ ករណីបុណ្យ​ ខ្ញុំមិនបានសុំឲ្យតុលាការគាត់ធ្វើទេ ជាពិសេសយើងខ្ញុំសុំឲ្យគាត់ផ្ដោតទៅលើការវែកមុខឃាតក និងអ្នកនៅពីក្រោយខ្នង តាមលទ្ធភាពរបស់តុលាការ»។

បងស្រីបង្កើតរបស់លោក កែម ឡី គឺអ្នកស្រី កែម ថាវី បានសំដែងការខកចិត្តចំពោះចំណាត់ការនេះ ដោយថា រឿងបច្ឆ័យបុណ្យសព គឺបានកន្លងហួសទៅយូរហើយ ហើយក្រុមគ្រួសារ ក៏មិនចង់រំឭកទៀតដែរ។

អ្នកស្រីថា៖ «ក្នុងនាមខ្ញុំ ជាក្រុមគ្រួសារ ខ្ញុំគិតថា រកអាអ្នកឃាតក ហើយនិងអ្នកពាក់ព័ន្ធនឹងសិន ពីព្រោះរឿងបច្ច័យបុណ្យហ្នឹង គឺវាកន្លងហួសទៅយូរហើយ ហើយថវិកាដែលប្រជាពលរដ្ឋចូលមកហ្នឹង គឺជាថវិកា ដែលគាត់ចូលបុណ្យ។ អញ្ចឹងរឿងថវិកាចូលបុណ្យហ្នឹង វាហួសអស់ហើយ យើងមិនរំលឹកយកមកទៀតទេ អ្នកណាយកបាន ក៏គេយកទៅ»។

ប៉ុន្ដែ ក្នុងដីកាសន្និដ្ឋានបញ្ជូនរឿងទៅស៊ើបសួរ ព្រះរាជអាជ្ញារងអមសាលាដំបូងរាជធានីភ្នំពេញ​ លោក គុជ គីមឡុង បានយោងតាមបណ្ដឹងរបស់ប្រធានគណបក្សយុវជនកម្ពុជា លោក ពេជ្រ ស្រស់ ដោយថា ក្រុមគ្រួសារលោក កែម ឡី នៅមិនទាន់ទទួលបានប្រាក់បច្ឆ័យ ដែលគណកម្មការបុណ្យសព ប្រមូលបានពីសប្បុរសជនទាំងក្នុង និងក្រៅប្រទេស។

អ្នកវិភាគបញ្ហានយោបាយ លោកបណ្ឌិត មាស នី យល់ថា ចំណាត់ការបស់តុលាការនេះ កាន់តែធ្វើឲ្យពលរដ្ឋខកចិត្ត ដោយថា ឃាតកពិតប្រាកដ និងអ្នកពាក់ព័ន្ធក្នុងរឿងឃាតកម្មលោក កែម ឡី នៅមិនទាន់ត្រូវបានវែកមុខយកមកផ្ដន្ទាទោស ហើយតុលាការបែរជាចាត់ការលើអ្នកធ្វើបុណ្យសពទៅវិញ។

លោកថា៖ «ព្រោះអីតុលាការមួយធំទាំងមូល ហើយយើងមិនអាចទាំងរកឃើញ ថាតើអ្នកណាជាឃាតកនៅខាងក្នុងផង ប៉ុន្ដែវាទៅរករឿងអ្នកធ្វើបុណ្យ ហើយខ្ញុំសង្កេតឃើញ អ្នកទាំងបីនាក់ហ្នឹង មិនបានពាក់ព័ន្ធរឿងកាន់កាប់លុយហ្នឹងទេ វាអាចមានចរិកនយោបាយផងដែរ ក្នុងរឿងហ្នឹង»។

អស់រយៈពេលជាង១ឆ្នាំមកហើយ ដែលអ្នកវិភាគដ៏ល្បីឈ្មោះ លោកបណ្ឌិត កែម ឡី ត្រូវបានខ្មាន់កាំភ្លើងលបបាញ់សម្លាប់ទាំងកណ្ដាលថ្ងៃត្រង់នៅស្ដារម៉ាតមួយកន្លែង ក្បែរស្ដុបបូកគោ រាជធានីភ្នំពេញ កាលពីថ្ងៃខែកក្កដាឆ្នាំ២០១៦។​ អាជ្ញាធរកម្ពុជា បានចាប់ខ្លួនបុរសម្នាក់ឈ្មោះ «អឿត អាង» ហៅក្រៅ «ជួប សម្លាប់» ដោយថា ជា ឃាតកនៅក្នុងសំណុំរឿងនេះ ហើយតុលាការបានកាត់ទោសបុរសរូបនេះ ឲ្យជាប់គុកអស់មួយជីវិត៕

សរសេរមកកាន់ លោក ពេជ្រ ចំរុង តាមរយៈ chamrong@vodhotnews.com

What Next?

Related Articles

8 Responses to "គ្រួសារលោក កែម ឡី ស្នើតុលាការវែកមុខឃាតកពិត ជាជាងចាត់ការអ្នករៀបចំបុណ្យ"

  1. Anonymous says:

    justice will never find in this murder of Dr KIM LAY case the reason why I said that ??? this dictator regime HUN SEN was a former KHMER RUE used to murder so many human being which was his own blood nation. HUN SEN acting he was the only good GOD saving this poor people by offering his million years friend cam to invaded his own country. for many decade all Cambodian shout looking back and try to fine out who was the murder of more the two million Cambodian life . for my understanding Cambodian killing each other was not from the reason they hate each other it was the politic of elimination from another nation toward our poor nation. there was the case that Cambodian should understood why the Vietnamese government form this HUN SEN’s secret communist party since 1951. the question was the Vietnamese government really wanted Cambodia an independent state. another question is do we Cambodian really trust HUN SEN’s word that said he love his nation so much ??? I understood Cambodia never having peace the war was happen and it is happening every day. although Cambodia have no war fighting each other whit weapon but the war of politic and the war of word is gradually come to threatening the life of this poor nation. at this moment HUN SEN take full control of this poor nation under his dictatorship this country become a subject belonging to HUN families . my last question is what will the future of this poor nation??? what all Cambodian are going to do to make their nation alive in the world community. GOD bless Cambodia and it’s people

  2. xxx says:

    ប្រជារាស្ត្រខ្មែរនាសម័យនេះមិនល្ងង់ទៀតទេកុំចេះតែធ្វើតាមអំពើចិត្តរបស់ខ្លួនដែលមានមុខនាទី និងមានអំណាចនោះអី
    សូមរក្សានូវតម្លៃជាអ្នកចេះដឹងផងទាន។

  3. Pito says:

    បុណ្យ ធ្វើតិចក៏បានបុណ្យដែរ សូមធ្វើអំពើល្អ ដើម្បីអោយវិពា្ញណក៏ន្ត អ្នកស្លាប់គាត់បានស្ងប់ផង

  4. people says:

    Oh’ my GOD’ don’t ever think about justice in this king dom of veitcong slave’ people of cambodia should know that ‘ the killer is order from the top so all system of court under veitcong mafia dictator ‘. Look at malaysia’ kim jon name been killed by his brother but can’t get away because they are independent i mean all camera been shown to public and international but in cambodia they keep hiding ‘ specially the polices’ why don’t they show to public in the first place?? so all they work together ‘they are mafia groups and don’t expected to have justice’ unless this beast regime gone ‘. GOD bless all cambodian people’

  5. Anonymous says:

    Laws and Order by one man rule. Eye is blind, Brain is block. Dirty trick has been used to abuse the Cambodians people. We need to change ” Hun Sen must go down”.

  6. Anonymous says:

    Where is the real killer? Who is behind this killing sceen. Not the fake killing, people now want to search themselves, HUN’ s family is not easy to get away, can run, no hide.

  7. អ្នកប្រុសថាង says:

    ហាហាហាហាហាហា ស្រុកខ្ញុំបង្រ្កាប់ល្បែងជល់មាន់ មិនចាំបាច់ចាប់មនុស្សផ្តន្ទាទោសទេ គឺគ្រានតែសម្លាប់មាន់ទៅគឺចប់ហើយ។ព្រឹកព្រៀមសម្លាប់មនុស្សកណ្ទាលទីក្រុងបែរជារកឃាត់ករសាក់សមមិនបានបែរជាមករកឃើញអ្នកលួចលុយបច្ច័យទៅវិញ!ហាហាហាហាហាហាហា

  8. Anonymous says:

    ព្រោះឃាតករធំពេក ម្តេចនឹងប៉ូលីសហ៊ានស្រាវជ្រាវរកមុខ។