សមាជិក​ព្រឹទ្ធសភា​អាមេរិក​ស្វែង​រក​ការ​ដាក់​ទណ្ឌកម្ម​បន្ថែម​ចំពោះ​លោក ហ៊ុន សែន

ដោយ យន់ សាមៀន
2018-02-10
RFA

បទសម្ភាសន៍​របស់​លោក ទីន ហ្សាការីយ៉ា និង​បណ្ឌិត ឡៅ ម៉ុងហៃ
ស្តាប់សំឡេងថតសំឡេង

សមាជិក​ព្រឹទ្ធសភា​អាមេរិក​ មកពី​គណបក្ស​សាធារណរដ្ឋ ​លោក ថិត គ្រូស (Ted Cruz) ប្រចាំរដ្ឋ​តិចសាស់ (Texas)។ Photo courtesy of cruz.senate.gov
សមាជិក​ព្រឹទ្ធសភា​អាមេរិក​ មកពី​គណបក្ស​សាធារណរដ្ឋ ​លោក ថិត គ្រូស (Ted Cruz) ប្រចាំរដ្ឋ​តិចសាស់ (Texas)។ Photo courtesy of cruz.senate.gov


សេចក្ដី​ព្រាង​ច្បាប់​ថ្មី​ស្នើ​ដោយ​សមាជិក​ព្រឹទ្ធសភា សហរដ្ឋអាមេរិក​មក​ពី​គណបក្ស​ទាំងពីរ ចេញ​កាលពី​ថ្ងៃ​ទី​៩ ខែ​កុម្ភៈ បាន​ស្វែងរក​ការ​ដាក់​ទណ្ឌកម្ម​បន្ថែម​ជាច្រើន​ចំណុច​ទៀត ប្រឆាំង​នឹង​រដ្ឋាភិបាល​លោកនាយក​រដ្ឋមន្ត្រី ហ៊ុន សែន និង​ពន្យារ​ពេល​ការ​ពិភាក្សា​ដើម្បី​លុប​បំណុល​អាមេរិក ដែល​កម្ពុជា​ជំពាក់​ប្រមាណ​ជាង ៥​រយ​លាន​ដុល្លារ ក្នុង​សម័យ​សង្គ្រាម។

សេចក្តី​ព្រាង​ច្បាប់​នេះ បាន​ព្រាង​ដោយ​សមាជិក​ព្រឹទ្ធសភា និង​ជា​អតីត​បេក្ខជន​ប្រធានាធិបតី​អាមេរិក លោក លីន ស៊ីគ្រែម (Lindsey Graham) ដោយ​មាន ការ​សហការ​ពី​សមាជិក​ព្រឹទ្ធសភា លោក ឌិច ឌើប៊ីន (Dick Durbin) លោក ថេត គ្រួស (Ted Cruz) លោក ប៊ិន ខាឌីន (Ben Cardin) និង លោក ផេកឌ្រីក លាហី (Patrick Leahy) គឺ​មាន​បំណង​ដើម្បី​អនុវត្ត​កិច្ច​ព្រមព្រៀង​សន្តិភាព​ទីក្រុង​ប៉ារីស ឆ្នាំ​១៩៩១ ឲ្យ​បាន​ជោគជ័យ។

សេចក្ដី​ព្រាងច្បាប់​ថ្មី​នេះ មាន​ឈ្មោះ​ថា ការ​ទទួលខុសត្រូវ​របស់​កម្ពុជា និង​ការ​វិល​មក​វិញ​នៃ​ពាណិជ្ជកម្ម​ឆ្នាំ​២០១៨ នឹង​បន្ត​មាន​សុពលភាព​រហូត​ដល់​រដ្ឋាភិបាល​កម្ពុជា​អនុញ្ញាត​ឲ្យ​គណបក្ស​សង្គ្រោះ​ជាតិ​អាច​ដំណើរការ​ឡើងវិញ និង​ដោះលែង​រាល់​អ្នក​ទោស​នយោបាយ​នៅ​កម្ពុជា។

សេចក្ដី​ព្រាង​ច្បាប់​នេះ ក៏​នឹង​ហាមឃាត់​ការ​ផ្ដល់​ជំនួយ​អាមេរិក​ទៅដល់​រដ្ឋាភិបាល​កម្ពុជា និង​គាំទ្រ​សេចក្ដី​សម្រេច​របស់​រដ្ឋាភិបាល​អាមេរិក ដែល​បាន​បិទ​ទិដ្ឋាការ​មន្ត្រី​រដ្ឋាភិបាល​កម្ពុជា​ណា ដែល​ធ្វើ​ឲ្យ​ខូចខាត​ដល់​ដំណើរការ​នៃ​លទ្ធិប្រជាធិបតេយ្យ​នៅ​កម្ពុជា។ សេចក្ដី​ព្រាងច្បាប់​នេះ ក៏​អនុញ្ញាត​ឲ្យ​អាមេរិក​បង្កក​ទ្រព្យសម្បត្តិ​មន្ត្រី​រដ្ឋាភិបាល​កម្ពុជា​ណា ដែល​ត្រូវ​បាន​បិទ​ទិដ្ឋាការ និង​តម្រូវ​ឲ្យ​ស្ថាប័ន​ហិរញ្ញវត្ថុ​អាមេរិក​ទាំងអស់ ប្រកាស​ពី​ទ្រព្យសម្បត្តិ​របស់​មន្ត្រី​ទាំងនោះ ព្រមទាំង​ហាមឃាត់​មិន​ឲ្យ​កម្ពុជា​ខ្ចី​បំណុល​អាមេរិក លើកលែងតែ​ករណី​មនុស្សធម៌​តែប៉ុណ្ណោះ។

លោក លីន ស៊ីគ្រែម (Lindsey Graham) មាន​ប្រសាសន៍ នៅ​ក្នុង​សេចក្ដីថ្លែងការណ៍​ផ្សាយ​កាលពី​ថ្ងៃ​ទី​៩​កុម្ភៈ ថា លទ្ធិប្រជាធិបតេយ្យ​នៅ​កម្ពុជា បាន​ស្លាប់​ហើយ ដោយសារតែ​រដ្ឋាភិបាល​ឋិត​នៅ​ក្រោម​ឥទ្ធិពល​របស់​ចិន​កុម្មុយនិស្ត។ លោក​បន្ត​ថា សេចក្ដី​ស្នើ​ច្បាប់​នេះ ជា​ការ​ឆ្លើយតប​ទៅដល់​ប្រទេស​ចិន ដែល​ចង់​ដាក់​អាណានិគម​លើ​កម្ពុជា និង​ដើម្បី​ឲ្យ​ពលរដ្ឋ​កម្ពុជា​ដឹង​ថា សហរដ្ឋអាមេរិក​នឹង​បន្ត​នៅ​ជាមួយ​ពួកគេ និង​គាំទ្រ​ការ​ចង់​បាន​របស់​ប្រទេស​មួយ​ដែល​មាន​មូលដ្ឋានគ្រឹះ​នៃ​លទ្ធិប្រជាធិបតេយ្យ និង​នីតិរដ្ឋ​ដ៏​រឹងមាំ។ ពាក់ព័ន្ធ​នឹង​សេចក្ដី​ស្នើ​ច្បាប់​ថ្មី​នេះ រដ្ឋាភិបាល​របស់​លោក​នាយករដ្ឋមន្ត្រី ហ៊ុន សែន នៅ​មិន​ទាន់​បាន​ឆ្លើយតប​នៅឡើយ​នៅ​ថ្ងៃ​ទី​១០ ខែ​កុម្ភៈ​នេះ។

ដោយឡែក សមាជិក​រដ្ឋសភា​អូស្ត្រាលី​ប្រចាំ​រដ្ឋ Victoria ដែល​មាន​ដើមកំណើត​ជា​ខ្មែរ លោក ហុង លីម ក៏បាន​សរសេរ​លិខិត​ទៅ​រដ្ឋាភិបាល​អូស្ត្រាលី​នៅ​សប្ដាហ៍​នេះ ស្នើ​ឲ្យ​អូស្ត្រាលី ដាក់ទណ្ឌកម្ម​រដ្ឋាភិបាល​កម្ពុជា ដូចដែល​សហរដ្ឋអាមេរិក និង​សហគមន៍​អឺរ៉ុប​បាន​ធ្វើ​ដែរ។ កន្លងមក​អាមេរិក​បាន​បិទ​ទិដ្ឋាការ​មន្ត្រី​រដ្ឋាភិបាល​កម្ពុជា មិន​ឲ្យ​ធ្វើដំណើរ​មក​កាន់​អាមេរិក និង​ផ្អាក​ជំនួយ​បោះឆ្នោត ចំណែក​ឯ អឺរ៉ុប​ក៏បាន​ផ្អាក​ជំនួយ​បោះឆ្នោត​ទាំងស្រុង​ផង​ដែរ៕

សូម​ស្ដាប់​បទសម្ភាសន៍​របស់​លោក ទីន ហ្សាការីយ៉ា និង​បណ្ឌិត ឡៅ ម៉ុងហៃ ពី​បញ្ហា​នេះ​ដូច​តទៅ៖

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

6 Responses to "សមាជិក​ព្រឹទ្ធសភា​អាមេរិក​ស្វែង​រក​ការ​ដាក់​ទណ្ឌកម្ម​បន្ថែម​ចំពោះ​លោក ហ៊ុន សែន"

  1. thean says:

    Why USA can do every thing?
    Deportation khmer american
    Would like to destroy Nord Corea.
    Bombing Syria. Vietnam, Cambodia.
    Enough and enough!

  2. Sam says:

    The same question to think. To name a few. Why Hun Sen was able to threat to separation Eastern part of cambodia after he had lost 1993 election. Why he committed coup in 1997, why he decided to give away koh Tral to VN, and the last but not least he dissolved CNRP. Enough is enough! right.

  3. Anonymous says:

    Hun Sen had violated 1991 Paris Peace Treaty. United Nation tried to restore stability for Cambodians. Hun Sen and families enjoy dominating Cambodia. They put Cambodia on sale.
    Too bad now, international nations called back to verify all agreements and found HUN SEN to end his power causes by his violation. It is so simple.

  4. Anonymous says:

    Ha… Ha… Ha… I love Cambodia.
    Hun Sen must go.!!!!!!!!!!!!!!!!!!!
    Hun’s families must go on trial.!!

  5. ភក្ភី says:

    បើយើងសស្គាល់ពីតម្លៃរបស់ខ្លួននឹងជាតិ ប្រាកដជាខ្មែរទាំងអស់ក្នុងនឹងក្រៅគ្រប់គណៈបក្ស
    ចេះស្រឡាញ់ហើយចាប់កាន់ដៃគ្នាកសាងជាតិខ្មែរអោយបានថ្កុំថ្កើងមិនខានឡើយ។
    សូមបោះចោលទៅគំនឹតអាត្មានិយម មានតែ”អញ” បើយើងខ្លាំង ក៏មិននៅជាអមតះដែរ…!!!

    អនិច្ចំ = សេចក្តីមិនទៀង
    ទុក្ខំ = សេចក្ដីទុក្ខ
    អនត្តា = មិនមែនជារបស់ខ្លួន

  6. ភក្ភី says:

    អនិច្ចំ = សេចក្តីមិនទៀង
    ទុក្ខំ = សេចក្ដីទុក្ខ
    អនត្តា = មិនមែនជារបស់ខ្លួន