UN បង្ហាញការខកចិត្ត បន្ទាប់ពីស្ត្រីរិះគន់លោក ហ៊ុន សែន ត្រូវបានបញ្ជូនមកកម្ពុជាវិញ

ដោយ លោក លី វេហា​​ | ថ្ងៃអាទិត្យ ទី១១ ខែកុម្ភៈ ឆ្នាំ២០១៨​
http://vodhotnews.com

សិទ្ធិមនុស្ស

អ្នករាយការណ៍ពិសេសផ្នែកសិទ្ធិមនុស្សនៃអង្គការសហប្រជាជាតិ លោកស្រី រ៉ូណា ស្មីត


ក្រុម​សិទ្ធិ​មនុស្ស​អង្គការសហប្រជាជាតិ បាន​បង្ហាញ​ការ​ខក​ចិត្ត​របស់​ខ្លួន ចំពោះ​ការ​ចាប់​បញ្ជូន​ត្រឡប់​មក​កម្ពុជា​វិញ នូវ​ស្ត្រី​ម្នាក់​ដែល​ត្រូវ​បាន​ចាត់​ទុក​ជា​ជន​ភៀស​ខ្លួន​ទទួល​ស្គាល់​ដោយ​អង្គការ​មួយ​នេះ។

បើ​ទោះបី​ជាត្រូវ​បាន​ទទួល​ស្គាល់​ថា ជា​ជន​ភៀស​ខ្លួន​របស់​អង្គការ​សហ​ប្រជាជាតិ​ក្ដី ប៉ុន្តែ ស្ត្រី​កម្ពុជា​ឈ្មោះ សំ សុខា ត្រូវ​បាន​ចាប់​បញ្ជូន​ត្រឡប់​ពី​ប្រទេស​ថៃ មក​ឲ្យ​កម្ពុជា​វិញ​កាល​ពី​ថ្ងៃ​ព្រហស្បតិ៍​កន្លង​មក​នេះ ទៅ​តាម​ការ​ស្នើ​សុំ​ពី​អាជ្ញាធរ​កម្ពុជា។

ស្ត្រី​រូប​នេះ ត្រូវ​បាន​តុលាការ​កម្ពុជា​កាត់​ទោស​ក្រោម​ការ​ចោទ​ប្រកាន់​ថា «ជេរ​ប្រមាថ» និង «ញុះ​ញង់​ឲ្យ​មាន​ការ​រើស​អើង» បន្ទាប់​ពី​វីដេអូ​មួយ​នៅ​លើ​បណ្ដាញ​សង្គម​ហ្វេសប៊ុក បង្ហាញ​ស្ត្រី​រូប​នេះ គប់​ស្បែក​ជើង​ទៅ​លើ​ផ្ទាំង​រូបថត​លោក​នាយករដ្ឋ​មន្ត្រី ហ៊ុន សែន។

ការិយាល័យ​ឧត្ដម​ស្នងការ​អង្គការ​សហ​ប្រជាជាតិ​ទទួល​បន្ទុក​សិទ្ធិ​មនុស្ស​កម្ពុជា បាន​និយាយ​នៅ​ក្នុង​សេចក្ដី​ថ្លែងការណ៍​របស់​ខ្លួន​​កាល​ពី​ថ្ងៃ​សុក្រ​​ថា ខ្លួន​សោក​ស្ដាយ​យ៉ាង​ខ្លាំង​ចំពោះ​ការ​ចាប់​បញ្ជូន​ស្ត្រី​រូប​នេះ​ត្រឡប់​មក​កម្ពុជា​វិញ។ ក្រៅ​ពី​សោក​ស្ដាយ ស្ថាប័ន​សិទ្ធិ​មនុស្ស​មួយ​នេះ បាន​ចាត់​ទុក​វិធានការ​បែប​នេះ​ថា ធ្វើ​ឲ្យ​ប៉ះ​ពាល់​ដល់​សិទ្ធិ​សម្ដែង​មតិ​របស់​អ្នកស្រី សំ សុខា។

មិន​មែន​តែ​ការិយាល័យ​ឧត្ដម​ស្នងការ​អង្គការ​សហ​ប្រជាជាតិ​ទទួល​បន្ទុក​សិទ្ធិ​មនុស្ស​តែ​មួយ​ទេ​ដែល​រិះគន់​លើ​ការ​ចាប់​ខ្លួន​ស្ត្រី​រូប​នេះ អង្គការ​ឃ្លាំ​មើល​សិទ្ធិ​មនុស្ស Human Rights Watch ក៏​បាន​ថ្កោល​ទោស​អាជ្ញាធរ​ថៃ និង​កម្ពុជា​ថា បាន​រំលោភ​សិទ្ធិ​មនុស្ស​ផង​ដែរ ជុំ​វិញ​ការ​ចាប់​បញ្ជូន​ស្ត្រី​រូប​នេះ៕

សរសេរមកកាន់ លោក លី វេហា តាមរយៈ veha@vodhotnews.com

What Next?

Recent Articles

2 Responses to "UN បង្ហាញការខកចិត្ត បន្ទាប់ពីស្ត្រីរិះគន់លោក ហ៊ុន សែន ត្រូវបានបញ្ជូនមកកម្ពុជាវិញ"

  1. Anonymous says:

    United Nation know that HUN SEN does not care about Human Rights, he only care about his life in power. Because He think Cambodia belong to Hun’s families.

  2. people says:

    Dear’ms smith’ we are cambodian people appeal to you and U-N and the world to help cambodian people again ‘and must terminate NEC of present because it bias to veitcong mafia dictator ‘that lead the country of communist way and wearing democracy shirt. Cambodia now is in the iron fist and committed a lot of crimes against people’s will for his own benefit . Please don’t accept this government as legal . GOD bless all cambodian people’