គ្រួសារលោក កែម ឡី បារម្ភពីសុវត្ថិភាពប្អូនដែលបង្កើតគណបក្សទាំងអាថ៌កំបាំង

ដោយ លោក លី វេហា​​ | ថ្ងៃសៅរ៍ ទី២៤ ខែកុម្ភៈ ឆ្នាំ២០១៨​ | ម៉ោង 4:17 PM
http://vodhotnews.com

នយោបាយ

រូបភាពពីអាសីុសេរី


ម្តាយនិង បងស្រីលោក កែម​ ឡី ថ្លែងថា ពួកគាត់កំពុងព្រួយបារម្ភពីសុវត្ថិភាពលោក កែម រិទ្ធិសិត ​ខណៈដែលលោក​ប្រកាសថា​នឹងបង្កើតបក្សនយោបាយថ្មីមួយទាំងអាថ៌កំបាំង ដោយដាក់ឈ្មោះ«គណបក្ស​​កែម ឡី»

ក្នុងសេចក្ដីថ្លែងការណ៍មួយចុះថ្ងៃទី២៤ ខែកុម្ភៈ ឆ្នាំ២០១៨នេះ លោក កែម រិទិ្ធសិត ប្អូនប្រុសបង្កើត​សពលោក​បណ្ឌិត កែម ឡី បានប្រកាសបង្កើតគណបក្សនយោបាយថ្មីមួយដែលមានឈ្មោះថា គណបក្ស កែម ឡី ដើម្បី​ចូលរួមការបោះឆ្នោតខាងមុខនេះ។

វីអូឌីមិនទាន់អាចសុំការបញ្ជាក់ពីលោក កែម រិទ្ធិសិត បាននោះទេ ដោយទូរសព្ទមិនអាចទាក់ទងបាន។

ទាក់ទងនិងការគ្រោងបង្កើតបក្សនេះ បងស្រីលោកបណ្ឌិត កែម ឡី អ្នកស្រីកែម ថាវី លើកឡើងទាំងអួលដើមកនៅថ្ងៃនេះ ថាអ្នកស្រី​និង​ម្ដាយរបស់​អ្នកស្រី មិនបានដឹង ថាប្អូនចង់បង្កើតបក្សនោះទេ ហើយអ្នកស្រីមិនចង់ឲ្យប្អូនប្រុសចូលរួមក្នុង​សកម្មភាព​នយោបាយ​ទេ ដោយថា​ព្រួយ​បារម្ភពីសុវត្ថិភាព។

អ្នកស្រី កែម ថាវី លើកឡើងបន្តថា អ្នកស្រីបានបាត់បង់ប្អូនប្រុសម្នាក់គឺលោក បណ្ឌិតកែម ឡី ហើយ ដោយរកឃាតក មិនទាន់ឃើញផង ដូច្នេះអ្នកស្រីមិនចង់ឲ្យប្អូនប្រុសពៅធ្វើសកម្មភាពនយោបាយនោះទេ។

អ្នកស្រីបន្តថាលោក កែម រិទ្ធិសិតបានចេញពីផ្ទះតាំងពីយប់ម្សិលមិញដោយមិនបាននិយាយអ្វីទាំងអស់ ហើយមកទល់​នឹង​ម៉ោងជិត ៣ រសៀលនេះ អ្នកស្រី មិនទាន់អាចទាក់ទងប្អូនប្រុសដើម្បីសួរនាំពីបញ្ហានេះនៅ​ឡើយទេ ដោយ​ទូរស័ព្ទ​មិនអាចទាក់ទងបាន។

ទោះបីជាយ៉ាងណាក្នុងសេចក្តីប្រកាសព័ត៌មានដែលមានឈ្មោះ និង​ហត្ថលេខា លោក កែម រិទ្ធិសិតនោះ បាន​លើកឡើង​ថាការបង្កើតគណបក្ស កែម ឡី គឺមានគោលបំណង​យក​ទស្សន​ទានល្អៗ របស់លោកបណ្ឌិត​ទៅ​បន្តចូលរួមចំណែកអភិវឌ្ឍប្រទេសជាតិ។

ក្នុងសេចក្ដីថ្លែងការណ៍នោះក៏លើកឡើងដែរថា ការបង្កើតគណបក្សនេះ ស្របតាមច្បាប់គឺ​ដើម្បីទប់ស្កាត់​ដល់ ក្រុមជ្រុលនិយមមួយចំនួនតែងតែយកឈ្មោះលោកបណ្ឌិត កែម ឡី ទៅធ្វើជាឧបករណ៍កេង​ចំណេញ​នយោបាយ​ដើម្បីបម្រើមហិច្ឆតារបស់ពួកគេជារៀងរាល់ថ្ងៃ៕

 

សរសេរមកកាន់ លោក លី វេហា តាមរយៈ veha@vodhotnews.com

What Next?

Recent Articles

One Response to "គ្រួសារលោក កែម ឡី បារម្ភពីសុវត្ថិភាពប្អូនដែលបង្កើតគណបក្សទាំងអាថ៌កំបាំង"

  1. ?? says:

    it just another political interest from HUN SEN I have no though about it. the evil have done so many dirty trick and he is continuous to make more just to destroy this nation. I want to tell all Cambodian the world have known every thing about HUN SEN . the major problem is HUN SEN rather die if he lost his powers. this evil will not care even if he murder more Cambodian to gain his powers. the good thing is world community they will not give up for HUN SEN to do whatever he always wanted. too bad this uneducated gangster was under estimated the world community they can not doing any thing to him. HUN SEN is completely wrong at this moment world community is more then ever come together to top down this evil of the century. please believing me HUN SEN soon will be receiving his price of being a murder of many human kind in this sad nation. I swear to GOD that this evil guy should not been alive among human being. he is an animal by his look his word also his action. this guy will also die merciless no one Cambodian will drop their tear to respect his animal life. I knew all about Cambodian mind set when they love they seem to like him but remembers when they hate it will be the most hatful that you can not imagination . of cause it will be a very hatful when every thing have open and they know how bad this evil is. MY warning to HUN SEN supporter PLEASE do not be the most hatful when you see every thing from your lover . GOD bless Cambodia and it’s people