ដោយ លោក ហ៊ុន សិរីវឌ្ឍន៍ | ថ្ងៃពុធ ទី១៤ ខែមីនា ឆ្នាំ២០១៨ | ម៉ោង 5:59 PM
http://vodhotnews.com
អ្នករាយការណ៍ពិសេសអង្គការសហប្រជាជាតិ លោកស្រី រ៉ូណា ស្មីត ថ្លែងនៅក្នុងសន្និសិទកាសែតនៅថ្ងៃទី១៤មីនាឆ្នាំ២០១៨ នៅភ្នំពេញ (រូបថត៖ ហេង វិចិត្រ)
អ្នករាយការណ៍ពិសេសអង្គការសហប្រជាជាតិ លោកស្រី រ៉ូណា ស្មីត បានវាយតម្លៃស្ថានភាពសិទ្ធិមនុស្ស និងស្ថេរភាពនៅកម្ពុជាថា បានឈានដល់ផ្លូវបំបែកហើយ ដោយបន្ទោសទៅលើសកម្មភាពរបស់រដ្ឋាភិបាលកម្ពុជា ខណៈដែលលោកស្រីបំពេញដំណើរទស្សនកិច្ចលើកទី៥របស់លោកស្រីនៅកម្ពុជា។
លោកស្រី បានលើកឡើងក្នុងសេចក្តីប្រកាសព័ត៌មាននៅថ្ងៃនេះថា ដំណើរវិវត្តន៍ចុងក្រោយនៃស្ថានភាពសិទ្ធិមនុស្សនៅកម្ពុជាបានឈានដល់ការរឹតត្បិតបំផុត ខណៈរដ្ឋាភិបាលនៅតែលើកពីស្ថេរភាព និងការអភិវឌ្ឍ ដើម្បីរាំងខ្ទប់នូវសិទ្ធិទាំងនេះ។ លោកស្រីជំរុញទៅរដ្ឋាភិបាលឲ្យងាកមកចាប់យកសិទ្ធិមនុស្សឡើងវិញ ដើម្បីទ្រទ្រង់ដល់ការអភិវឌ្ឍ និងសន្តិភាពពិតប្រាកដ។
លោកស្រីថ្លែងថា៖ «ការរឹតត្បិតសំឡេងប្រជាជនកម្ពុជា នៅទីបំផុតអាចគំរាមកំហែងដល់ស្ថេរភាពពិតប្រាកដដែលរដ្ឋាភិបាល និងប្រជាជនបានខិតខំកសាងឡើងដោយលំបាក។ សេរីភាពក្នុងការបង្កើតសមាគម ការបញ្ចេញមតិ និងការជួបប្រជុំដោយសន្តិវិធី គួរតែត្រូវបានការពារ និងបង្កើតឡើង មិនត្រូវធ្វើការរិតត្បិតឡើយនៅក្នុងលទ្ធិប្រជាធិបតេយ្យសេរីពហុបក្ស ដែលត្រូវបានធានាដោយរដ្ឋធម្មនុញ្ញកម្ពុជា»។
ក្នុងដំណើរទស្សនៈកិច្ចរបស់លោកស្រីនៅកម្ពុជា ប្រេសិតពិសេសអង្គការសហប្រជាជាតិរូបនេះ ក៏បានកត់សម្ពាល់ពីការរំលាយគណបក្សសង្គ្រោះជាតិ និងការបែងចែកអាសនៈរបស់បក្សនេះទៅឲ្យគណបក្សដទៃ និងការហាមប្រាមអ្នកនយោបាយទាំង១១៨រូបនៃបក្សនេះ ជាការគំរាមកំហែងយ៉ាងខ្លាំងដល់ សិទ្ធិសេរីភាពនយោបាយនៅកម្ពុជា។
វីអូឌីមិនអាចទាក់ទងប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បាននៅឡើយទេ តែលោកបានថ្លែងប្រាប់ក្រុមអ្នកសារព័ត៌មានកាលពីថ្ងៃទី៧ ខែមីនាថា មូលដ្ឋានសិទ្ធិមនុស្សមិនអាចមាននោះទេ បើកម្ពុជាគ្មានសន្តិភាព ស្ថេរភាព និងការអភិវឌ្ឍ។ លោកចាត់ទុកថា ការប៉ះពាល់សិទ្ធិមនុស្សមួយក្រុមតូច ដើម្បីការពារមនុស្សចំនួនធំ វាជាការចាំបាច់បំផុតសម្រាប់រដ្ឋាភិបាលក្នុងការដឹកនាំប្រទេស។
លោកថា៖ «តួនាទីរដ្ឋាភិបាលខុសពីតួនាទីក្នុងការពារសិទ្ធិមនុស្សរបស់គាត់ រដ្ឋាភិបាលដើម្បីគ្រប់គ្រងប្រទេសមួយ ប្រសិនជាយើងចង់ការពារមនុស្សចំនួនធំណាមួយរាប់លាននាក់ យើងត្រូវមានអារកាត់ ប៉ះពាល់មិនខានទេ នូវជ្រុងណាមួយ ហើយជាពិសេសគឺយើងជំរុញឲ្យមានការអនុវត្តន៍ច្បាប់។ …ពេលនេះ គាត់យល់ខុសមកលើរដ្ឋាភិបាល ក៏ប៉ុន្តែថ្ងៃណាមួយគាត់នឹងយល់ត្រូវ គាត់នឹងយល់ឃើញថារដ្ឋាភិបាលធ្វើត្រូវ សំខាន់បំផុតខ្ញុំថា សំខាន់នៅពេលដែលអ្នកឯងយល់ថាកម្ពុជាកំពុងធ្វើត្រូវ ប្រហែលជាអ្នកឯងប្តូរតួនាទីលែងធ្វើផ្នែកសិទ្ធិមនុស្សហើយ»។
មន្ត្រីជាន់ខ្ពស់នៃសមាគមអាដហុកលោក សឹង សែនករុណា មានប្រសាសន៍ថា ការវាយតម្លៃរបស់អ្នកស្រី ស្មីត នេះ ជាការវាយតម្លៃដែលអាចទទួលយកបាន ដែលរដ្ឋាភិបាលកម្ពុជាគួរទទួលយកមកពិចារណា មិនគួរច្រានចោលនូវដែលអ្វីដែលធ្លាប់ធ្វើពីមុនមកនោះទេ។
លោកថា៖ «ការដែលចេញសេចក្តីថ្លែងម្តងៗនេះ យើងដឹងហើយថា តំណាងពិសេសនេះ គឺជាតំណាងរបស់អង្គការសហប្រជាជាតិ ដែលត្រួតពិនិត្យពីការអនុវត្តន៍កាតាព្វកិច្ចទាំងអស់ហ្នឹងនៅក្នុងប្រទេសកម្ពុជា។ អញ្ចឹង បើសិនជាមានការអនុវត្តផ្ទុយពីហ្នឹង យើងដឹងហើយប្រទេសជាសមាជិកទាំងអស់ដែលជាសមាជិកនឹងសំឡឹងមកកម្ពុជា។ តើអ្វីដែលកម្ពុជាមិនបានបំពេញកាតព្វកិច្ចបស់ខ្លួនឲ្យស្របតាមកតិការសញ្ញា ឬក៏អនុសញ្ញា ឬក៏ច្បាប់សិទ្ធិមនុស្សទាំងឡាយហ្នឹង រួមទាំងបទដ្ឋានច្បាប់នៅក្នុងប្រទេសផងដែរពិសេសរដ្ឋធម្មនុញ្ញដែលជាច្បាប់កំពូលរបស់ជាតិ»។
អ្នករាយការណ៍ពិសេសអង្គការសហប្រជាជាតិ លោកស្រី រ៉ូណា ស្មីត បានចាប់ផ្ដើមទស្សនកិច្ចនៅកម្ពុជា ចាប់ពីថ្ងៃទី៥ រហូតដល់ថ្ងៃទី១៤ខែមីនា ក្នុងគោលបំណងធ្វើរបាយការណ៍សិទ្ធិមនុស្សប្រចាំឆ្នាំ ដាក់ជូនទៅក្រុមប្រឹក្សាសិទ្ធិមនុស្សអង្គការសហប្រជាជាតិ នាខែកញ្ញាឆ្នាំ២០១៨៕
I would like Mrs RONA SMITH consider and review what HUN SEN leadership have don to international community. as we Cambodian knew HUN SEN is very low educated person but he acting he knew every thing. the person like him is so easy to folding in to communist regime and become a great dictator. in another hand we Cambodian knew if UNITED NATION rep said to them many time like the word we are concerning I knew they do not understand what it mean . we have to say a simple word some time whit angers that will make this person know . as we are Cambodian we felling bad by having this kind of animal leader that made our nation felling sham full to every citizen around the world. please help our people out of this animal hand so that they can see some kind of freedom. GOD bless Cambodia and it’s people
We are cambodian people appeal to U N to help to rescue cambodian people from this beast regime that leaded by veitcong mafia dictator ‘and tell all the world must isolate this beast regime because this beast regime used cambodia and her people as their hostage ‘ . Please ‘we ask you Ms smith ‘the solution is don’t except any vote because everything in this country are fake’ to cheat U N and cheat international and the world ‘ this beast regime need to be sanction .GOD bless all good people’