អតីតមន្ដ្រីបក្សប្រឆាំងសុំជួបអ្នកជាប់ឃុំ​នៅពន្ធនាគារព្រៃស

ដោយ លោក ពេជ្រ ចំរុង​​ | ថ្ងៃព្រហស្បតិ៍ ទី២២ ខែមីនា ឆ្នាំ២០១៨​
http://vodhotnews.com

នយោបាយ

តំណាងរាស្រ្តគណបក្សសង្រ្គោះជាតិ លោក អ៊ុំ សំអាន (រូបថតពីហ្វេសប៊ុក)


អតីតក្រុមមន្ដ្រីបក្សប្រឆាំង បានផ្ញើលិខិតមួយទៅអគ្គនាយកដ្ឋានពន្ធនាគារនៃក្រសួងមហាផ្ទៃ ដោយស្នើសុំជួបសួរសុខទុក្ខអតីតមន្ដ្រីបក្សប្រឆាំង១២នាក់ ដែលកំពុងជាប់ឃុំក្នុងពន្ធនាគារព្រៃសនាចុងខែមីនាខាងមុខនេះ។

យោងតាមលិខិតចុះថ្ងៃទី១៩មីនា អតីតមន្ដ្រីគណបក្សសង្គ្រោះជាតិ៥រូប បានស្នើសុំទៅអគ្គនាយកដ្ឋានពន្ធនាគារ នៃក្រសួងមហាផ្ទៃ ​ដើម្បីជួបសួរសុខទុក្ខអតីតតំណាងរាស្ដ្របក្សប្រឆាំង លោក អ៊ុំ សំអាន លោក មាស សុវណ្ណារ៉ា និងអ្នកជាប់ឃុំ១០នាក់ផ្សេងទៀត នាថ្ងៃទី៣១មីនាឆ្នាំ២០១៨។

អតីតតំណាងរាស្ដ្រគណបក្សសង្គ្រោះជាតិ លោក អ៊ូ ច័ន្ទរ័ត្ន និយាយថា លោក និងមិត្តភក្ដិ គ្រាន់ចង់ទៅសួរសុខទុក្ខអតីតមន្ដ្រី និងសកម្មជនបក្សប្រឆាំងកំពុងជាប់ឃុំ និងថា​ ពុំមានចេតនាអាក្រក់នោះឡើយ។

លោកថា៖ «បាទ ខ្ញុំគ្រាន់តែចូលទៅសួរសុខទុក្ខធម្មតា ដោយសារយើងខានចូលទៅជួបគាត់ឡើងប៉ុន្មានខែហើយ។ ខ្ញុំថា ដូចជា មិនគួរបដិសេធនឹងសំណើរបស់ខ្ញុំ គ្រាន់តែចូលទៅជួបសួរសុខទុក្ខអីប៉ុណ្ណឹង ដូចមិនគួរ ប៉ុន្ដែ បើក្រសួងបដិសេធទៀត អាហ្នឹង វាហួសហេតុពេកហើយ ដូចជា បំបាំងបំបិទសិទ្ធិសេរីភាពដូចជាធ្ងន់ធ្ងរហើយ»

អគ្គនាយកនៃអគ្គនាយកដ្ឋានពន្ធនាគារ ក្រសួងមហាផ្ទៃ ​លោក នុត សាវនា ប្រាប់ VOD ថា លោកមិនទាន់ទទួលបានលិខិតនេះនៅឡើយទេ។ ប៉ុន្ដែ លោកថា សំណើនេះ ទំនងជាត្រូវបានអនុញ្ញាត ដោយសារអ្នកទាំងនោះ ត្រូវបានតុលាការកាត់ទោសរួចហើយ។

លោកថា៖ «ខ្ញុំអត់បានទទួលបានដែរ ខ្ញុំគិតថា បើតាមក្រសួង ខ្ញុំគិតថា ប្រហែលថ្ងៃនេះ ឬស្អែក បានរដ្ឋបាល គេបានទទួល ហើយថ្ងៃនេះ រវល់រឿងការងារសន្និបាត ក្រសួងផង។ ចំពោះអ្នកដែលកាត់ទោសហើយដូចជា អត់អីទេ លើកលែងតែមានបំរាមពីតុលាការ»

បើតាមលោក អ៊ូ ច័ន្ទរ័ត្ន ក្នុងចំណោមអ្នកទោសទាំង១២នាក់នៅពន្ធនាគារព្រៃស ដែលស្នើសុំសួរសុខទុក្ខនោះ រួមមាន អតីតតំណាងរាស្ដ្របក្សប្រឆាំង លោក អ៊ុំ សំអាន និងអ្នកផ្សេងទៀត ដែលសុទ្ធជាអតីតមន្ដ្រី និងសកម្មជនគណបក្សប្រឆាំង។ លោកថា ពួកគេទាំងនោះ អ្នកខ្លះជាប់ទោស៧ឆ្នាំ និងខ្លះទៀតមានទោសដល់ទៅ២១ឆ្នាំ ក្រោមការចោទពីបទ «ញុះញង់» និង «បង្កអំពើហិង្សានាំឲ្យមានអស្ថិរភាពសង្គម»

សរសេរមកកាន់ លោក ពេជ្រ ចំរុង តាមរយៈ chamrong@vodhotnews.com

What Next?

Recent Articles

2 Responses to "អតីតមន្ដ្រីបក្សប្រឆាំងសុំជួបអ្នកជាប់ឃុំ​នៅពន្ធនាគារព្រៃស"

  1. people says:

    Beast regime and been order from Angka lour ‘ so who ever talking about border it really hurt Angka lour that why this puppet regime jail khmer nationalists for long time and have no intention to release or followed the constitution ‘ .Khmer nationalists must wake up and must fight to rescue our country from veitcong mafia dictator’.GOD bless good people’

  2. Anonymous says:

    A KVAK fucking one strong bad eye man 😜 is in charge, but he also needs to obey his boss.
    When his boss says OK, then a Kvak will say OK.
    This is a dumb traitor leader mind, nothing to be surprised!!!!!!!!!!!!
    Hun Sen must go!!!!!!!!!!!!!!!!!!!!!!
    No more Hun Sen !!!!!!!!!!!!!!!!!!!!
    Get up Kon Khmers!!!!!!!!!!!!!!!!!!!
    Cambodia belongs to cambodians, not for Hun’s families or their boss ( neighboring countries).