លោក សម រង្ស៊ី​៖ ជប៉ុន​​អាច​​បញ្ចុះ​បញ្ចូល​​លោក ហ៊ុន សែន ឲ្យ​​រៀបចំ​​ការ​បោះឆ្នោត​​តាម​បែប​​ប្រជាធិបតេយ្យ

ដោយ វណ្ណ សុគន្ធា
14/04/2018
RFI

media
លោក សម រង្ស៊ី
REUTERS


ក្រោយពី​បាន​ជួបពិភាក្សា​គ្នា​ជាមួយ​ក្រុម​សមាជិកសភា​ជប៉ុន​កាលពី​ថ្ងៃទី១២ មេសា នៅ​ថ្ងៃ​សុក្រ​ម្សិលមិញ​នេះ លោក សម រង្ស៊ី បានធ្វើ​សន្និសីទកាសែត​មួយ ជាមួយ​ក្លឹប​អ្នកកាសែត​បរទេស​នៅក្នុង​ប្រទេស​ជប៉ុន។ នៅក្នុង​សន្និសីទកាសែត​នោះ លោក សម រង្ស៊ី បានលើកឡើង​ពី​សារៈសំខាន់​នៃ​តួនាទី​របស់​ប្រទេស​ជប៉ុន​ក្នុង​ស្តារ​លទ្ធិប្រជាធិបតេយ្យនៅ​ក្នុងប្រទេស​កម្ពុជា។ អតីត​មេបក្ស​ប្រឆាំង​រូបនេះ​បាន​អះអាងថា មានតែ​ជប៉ុន​ទេ​ដែល​អាច​បញ្ចុះបញ្ចូល​លោក ហ៊ុន សែន ឲ្យ​រៀបចំ​ការបោះឆ្នោត​នា​ខាងមុខ តាម​លទ្ធិប្រជាធិបតេយ្យ។

ឆ្លើយ​បត​នឹង​សំណួរ​អ្នកកាសែត​ជុំវិញ​តួនាទី​របស់​ប្រទេស​ជប៉ុន​នៅក្នុង​ស្ថានភាព​នយោបាយ​កម្ពុជា​បច្ចុប្បន្ន ជាពិសេស​ទាក់ទង​ទៅ​ការបោះឆ្នោត លោក សម រង្ស៊ី​ បាន​អះអាងថា ជប៉ុន​មាន​តួនាទី​សំខាន់។ សំខាន់ បើតាម​លោក សម រង្ស៊ី គឺ​ជប៉ុន​កំពុងកាន់​ក្នុង​ដៃ​នូវ​កូនសោរ​ដែល​ផ្តល់​ភាពស្របច្បាប់​ចំពោះ​ការបោះឆ្នោត​នៅ​កម្ពុជា ហើយ​បើសិនជា​ជប៉ុន​និយាយថា បោះឆ្នោត​នាពេលខាងមុខ​មិន​ស្របច្បាប់ នោះ​រដ្ឋាភិបាល​ដែល​កើតចេញ​ការបោះឆ្នោត​នេះ​ក៏​មិន​ស្របច្បាប់​ដែរ។ លោក​បន្ថែមថា ប្រសិនបើ​នៅពេលនេះ ជប៉ុន​ចូលរួម​ជាមួយ​ប្រទេស​ប្រជាធិបតេយ្យ​ដទៃទៀត តួយ៉ាង​សហរដ្ឋអាមេរិក​ក៏​ដូច​សហភាព​អឺរ៉ុប ហើយ​ប្រកាសថា ការបោះឆ្នោត​ដែល​គ្មាន​បក្សប្រឆាំង គឺ​មិន​មានន័យ​ហើយ​មិនអាច​ទ​ទូល​ស្គាល់ នោះ​វា​នឹងធ្វើ​ឲ្យ​មាន​បញ្ហា​កាន់តែខ្លាំង​ដល់​លោកនាយក​រដ្ឋមន្ត្រី ហ៊ុន សែន។

ដូច្នេះហើយ សម្រាប់​លោក សម រង្ស៊ី ប្រទេស​ជប៉ុន គឺអាច​បញ្ចុះបញ្ចូល​លោកនាយក​រដ្ឋមន្ត្រី ហ៊ុន សែន ឲ្យ​រៀបចំ​ការបោះឆ្នោត​នាពេល​ខាងមុខនេះ ឲ្យ​មាន​ភាពសេរី​តាមបែប​ផែន​លទ្ធិប្រជាធិបតេយ្យ។ បើតាម​លោក សម រង្ស៊ី ដដែល លោកនាយក​រដ្ឋមន្ត្រី ហ៊ុន សែន ក៏បាន​ដឹង​ពី​ភាព​សំខាន់​នៃ​ប្រទេស​ជប៉ុន​នេះ​ផងដែរ ហើយ​លោក​គិតថា លោកនាយក​រដ្ឋមន្ត្រី​អាច​នឹង​ស្ដាប់​តាម​ជប៉ុន។

សូមបញ្ជាក់ថា លោក សម រង្ស៊ី បាន​ទៅដល់​ប្រទេស​ជប៉ុន​កាល​ដើម​សប្តាហ៍​នេះ ហើយ​លោក​ក៏បាន​ជួប​ជាមួយ​សន្ទនា​ជាមួយ​សមាជិកសភា​ជប៉ុន​មួយចំនួន​ផងដែរ​កាលពី​ថ្ងៃទី១២ មេសា។ គោលបំណង​នៃ​ដំណើរ​របស់លោក​សម រង្ស៊ី​នៅក្នុង​ប្រទេស​ជប៉ុន​នេះ គឺ​ដើម្បី​ស្នើសុំ​ឲ្យ​រដ្ឋាភិបាល​ជប៉ុន​ជំរុញ​ឲ្យ​ការបោះឆ្នោត​នៅ​កម្ពុ​ជានា​ចុងខែ​កក្កដា ធ្វើឡើង​ដោយ​សេរី និង​យុត្តិធម៌។ នៅមុន​វត្តមាន​របស់​លោក សម រង្ស៊ី​ នៅ​ជប៉ុន​នោះ រដ្ឋាភិបាល​ជប៉ុន​ក៏បាន​ជំរុញ​ឲ្យ​លោក ហ៊ុន សែន រៀបចំ​ការបោះឆ្នោត​នាពេលខាងមុខ​ប្រកបដោយ​សេរី និង​យុត្តិធម៌​ផងដែរ។

យ៉ាងណាក៏ដោយ ប្រសិនបើ​ការបោះឆ្នោតជាតិ​នៅ​ចុងខែ​កក្កដា​ខាងមុខនេះ មិនមាន​វត្តមាន​គណ​បក្ស​សង្គ្រោះ​ជាតិ​ចូលរួម​ទេនោះ លោក​សម រង្ស៊ី ក៏បាន​អំពាវនាវ​ឲ្យ​ប្រជាពលរដ្ឋ​ខ្មែរ​ធ្វើពហិការ​ការបោះឆ្នោត។ បន្ថែម​ពីលើ​នេះ លោក​អតីត​ប្រមុខ​បក្សប្រឆាំង​ក៏បាន​អំពាវនាវ​កុំ​ឲ្យ​អ្នកសង្កេតការណ៍​ជាតិ និង​អន្តរជាតិ​ចូលរួម​ឃ្លាំមើល​ការបោះឆ្នោត​នេះដែរ ពីព្រោះ​លោក​ចាត់ទុកថា ជាការ​បោះឆ្នោត​ក្លែងក្លាយ​ដែល​រៀបចំឡើង​គ្រាន់តែ​ដើម្បី​ឲ្យ​គណបក្សកាន់អំណាច​សព្វ​ថ្ងៃ​ឈ្នះ​យ៉ាង​ងាយ​ប៉ុណ្ណោះ៕

What Next?

Recent Articles

2 Responses to "លោក សម រង្ស៊ី​៖ ជប៉ុន​​អាច​​បញ្ចុះ​បញ្ចូល​​លោក ហ៊ុន សែន ឲ្យ​​រៀបចំ​​ការ​បោះឆ្នោត​​តាម​បែប​​ប្រជាធិបតេយ្យ"

  1. akvac says:

    In order for Cambodia to regain full democracy powerful foreigners must press the question of money
    For a very long time we know that this greement is corrupt the aid received is landed in the pockets of the clans of HUN SEN
    HUN SEN clans plunder wealth Khmer deforestation riches underground soil ect ect
    Effective way freeze all the assets of these clans and accomplices all these OCKGNA deposit either in the United States or in Europe, Hun Sen and these clans will never dare to deposit his assets in China vietnam finally all these former communist countries
    Lists as unwanted personage in Europe United States austalia japan
    Denounce the preferential tax of expote products from Cambodia
    To bet if all these actions will be put in place vigorously the regime of HUN SEN will implode in 6 months short term 1 year medium term 2 years long term
    We must remember that money is the sinews of war and bend the thugs and dictators
    this is what all Khmer people want to see in the Rule and the Right and Duty of Democracy.

  2. so socheath says:

    មើលអាពូជឆ្កែនេះ( akvac April 14, 2018 at 3:59 p ) វានិយាយ ?
    អានេះល្ងង់ចុយម៉្រាយ អាល្ងង់ !
    ច្រាសច្រំបាយក្រៅស្ពកសោះ តែដឹងគ្រប់រឿង អាពូជឆ្កែ !

Leave a Reply

Submit Comment