រដ្ឋសភា​កម្ពុជា​​កំពុង​​រៀបចំ​​បង្កើត​​ក្រមសីលធម៌​​សម្រាប់​​អ្នក​តំណាងរាស្ត្រ​

ដោយ វណ្ណ សុគន្ធា
25/04/2018
RFI

media
គណៈកម្មការ​នីតិកម្ម​របស់​រដ្ឋសភា​ប្រជុំ​ពិគ្រោះ​យោបល់​លើ​សេចក្តី​ព្រាង​ក្រមសីលធម៌​អ្នក​តំណាងរាស្រ្ត​
@RFI


នៅ​ព្រឹក​នេះ គណៈកម្មការ​នីតិកម្ម​និង​យុត្តិធម៌​នៃ​រដ្ឋសភា និង​សមាគម​សមាជិកសភា​កម្ពុជា ដើម្បី​ប្រជារាស្ត្រ​និង​ការអភិវឌ្ឍ​និង​មជ្ឈមណ្ឌល​សម្រាប់​ការសន្ទនា​មនុស្សធម៌​បានរៀបចំ​កិច្ចប្រជុំ​ពិគ្រោះ​យោបល់​លើ​សេចក្តីព្រាង​ក្រមសីលធម៌​សម្រាប់​អ្នកតំណាងរាស្ត្រ។ រដ្ឋសភា​កម្ពុជា​អះអាងថា ក្រមសីលធម៌​តំណាងរាស្ត្រ​នេះ មាន​សារៈសំខាន់​ណាស់​សម្រាប់​ការប្រព្រឹត្ត​ខ្លួន​របស់​សមាជិកសភានីមួយ។

ក្រមសីលធម៌​សម្រាប់​អ្នកតំណាងរាស្ត្រ ត្រូវបាន​ព្រាង​រៀបចំឡើង​ក្នុង​គោលបំណង​បង្ហាញ​ឲ្យ​សាធារណជន​ឃើញថា សមាជិកសភា​បាន​ប្រកាន់ខ្ជាប់​នូវ​បទដ្ឋាន​មួយ​ដែល​ទុក​ផលប្រយោជន៍​សាធារណៈ​ធំ​ជាង​ផលប្រយោជន៍​ផ្ទាល់ខ្លួន និង​បង្កើត​នូវ​ប្រព័ន្ធ​មួយ​ដែលមាន​តម្លាភាព​ហើយ​អាច​ឲ្យ​សាធារណជន​មើលឃើញ​និង​វាយតម្លៃ​បាន​ថា​សមាជិកសភា​បាន​អនុវត្ត​បែប​នោះ​មែន។នេះ​បើតាម​ការ​ឲ្យ​ដឹង​របស់​រដ្ឋសភា។

រដ្ឋសភា​កម្ពុជា តាមរយៈ​អត្ថបទ​ស្រាវជ្រាវ​ស្តីពី​ក្រមសីលធម៌​សភា ក៏បាន​អះអាង​ទៀតថា ការបង្កើត​ក្រមសីលធម៌​នេះ ក៏​ដើម្បី​ថែរក្សា និង​ពង្រឹង​នូវ​ទំនុកចិត្ត​និង​ការជឿជាក់​របស់​ពលរ​ដ្ឋ​ទៅលើ​ភាពស្មោះត្រង់ សុចរិត និង​សីលធម៌​របស់​សមាជិក​សភា​ព្រមទាំង​ធ្វើ​ឲ្យ​ស្ថាប័ន​សភា​ទទួលបាន​នូវ​ការគោរព និង​ទំនុកចិត្ត​ខ្ពស់​ពី​សង្គម។ បន្ថែម​លើ​នេះ វា​ក៏មាន​គោលដៅ​ផ្តល់​គោលការណ៍​ណែនាំ​ដែល​ជាក់លាក់​ដល់​សមាជិក​សភា​អំពី​ការប្រកាន់យក​ឲ្យ​បាន​ត្រឹមត្រូវ​នូវ​ផលប្រយោជន៍​រួម​ក្នុងការ​បំពេញ​មុខងារ​និង​តួនាទី​របស់ខ្លួន​ផងដែរ។

ក្រមសីលធម៌​អ្នកតំណាងរាស្ត្រ​នេះ មាន២ប្រការ និង​ចែកចេញជា៩ចំណុច។ អ្នកនាំពាក្យ​រដ្ឋ​សភាក​ម្ពុ​ជា លោក​ឡេង ប៉េងឡុង បានបញ្ជាក់​ឲ្យ​ដឹង​បន្ថែមថា ក្រមសីលធម៌​នេះ នឹង​កំណត់​ពី​សកម្មភាព​របស់​អ្នកតំណាងរាស្ត្រ​កម្ពុជា​ថា​អ្វី​គួរ​ធ្វើ និង​អ្វី​មិនគួរ​ធ្វើ។ ម្យ៉ាងវិញទៀត វា​ក៏​កំណត់​ពី​សីលធម៌​ក្នុងនាម​ជា​អ្នកតំណាងរាស្ត្រ​ថា គួរប្រើ​ប្រាស់​សម្តីសំដៅ និង​រៀបចំ​ឥរិយាបថ​បែបណា​ផងដែរ។

សូមបញ្ជាក់ថា នេះ​គឺជា​លើកទីមួយ​ហើយ​ដែល​រដ្ឋសភា​ខ្មែរ​ផ្តើម​រៀបចំ​ឲ្យ​មាន​ក្រមសីលធម៌​សម្រាប់​អ្នកតំណាងរាស្ត្រ​នេះ។ ប្រទេស​ជាច្រើន​នៅក្នុង​ពិភពលោក ជាពិសេស​ប្រទេស​នៅក្នុង​តំបន់​អាស៊ាន​ជាមួយ​កម្ពុជា​តែម្តង​ដូច​យ៉ាង​ប្រទេស​ថៃ និង​ហ្វីលីពីន​ជាដើម បាន​តាក់តែង​ក្រមសីលធម៌​សម្រាប់​អ្នកតំណាងរាស្ត្រ​នេះ​យូរ​មកហើយ។ សម្រាប់​អ្នកនាំពាក្យ​រដ្ឋសភា​កម្ពុ​ជា មូល​ហេតុដែល​រដ្ឋសភា​យឺតយ៉ាវ​ក្នុងការ​រៀបចំ​បង្កើត​ក្រមសីលធម៌​អ្នកតំណាងរាស្ត្រ គឺ​ដោយសារ​កន្លងមក​អ្នកតំណាងរាស្ត្រ​ខ្មែរ​មិន​ចុះសម្រុង​គ្នា ចេះតែមាន​ទំនាស់​នឹង​គ្នា​ទើប​មិនអាច​ធ្វើបាន។ ប៉ុន្តែ​ពេលនេះ គឺ​ខុសគ្នា ដូច្នេះហើយ​ទើប​រដ្ឋសភា​ចាប់ផ្តើម​រៀបចំ​បង្កើត​ក្រមសីលធម៌​សម្រាប់​អ្នកតំណាងរាស្ត្រ​នេះ​ឡើង៕

What Next?

Recent Articles

One Response to "រដ្ឋសភា​កម្ពុជា​​កំពុង​​រៀបចំ​​បង្កើត​​ក្រមសីលធម៌​​សម្រាប់​​អ្នក​តំណាងរាស្ត្រ​"

  1. ?? says:

    no they do not have to change it is good to have prime minister that speaking like HUN SEN . ANG, RENG , AH CHKOUT, AH LNGONG , AH LNGOUNGTU , it will be good to have this kind of guy leading the world. just one year the whole world will become open sea of blood there will be no one alive . too bad so sad Cambodian 2018 is your time see if you still not learning your lesson. this time is more then ever the whole world are watching you if you all too dump they will never help you again. GOD bless Cambodia and good Cambodian