កម្ពុជា​នឹង​ស្នើ​ទៅ​ប្រទេស​ថៃ ធ្វើ​បត្យាប័ន លោក សម សេរី មក​អនុវត្ត​ទោស​នៅ​ស្រុក​ខ្មែរ

ដោយ អេង គីមហុង
26/04/2018
RFI

media
រូបភាព​៖លោក សម សេរី ដែលកម្ពុជានឹងស្នើទៅប្រទេសថៃ ធ្វើបត្យាប័ន លោក សម សេរី មកអនុវត្តទោសនៅស្រុកខ្មែរ
@RFI


អ្នកនាំ​ពាក្យ​ក្រសួង​មហាផ្ទៃ​បាន​អះអាង​ប្រាប់​វិទ្យុ​បារាំង​អន្តរជាតិ​នៅ​ថ្ងៃ​ព្រហស្បតិ៍​នេះ​​ថា កម្ពុជា​នឹង​ស្នើ​សុំ​ធ្វើ​បត្យាប័ន​នាំ​ខ្លួន​លោក សម សេរី ប្រធាន​ចលនារណសិរ្សរំ​ដោះ​ជាតិ​​ខ្មែរ មក​អនុវត្ត​ទោ​សបន្ត​នៅ​កម្ពុជា ពី​បទ​រួម​គំនិត​ក្បត់។ គម្រោង​នៃ​ការ​នាំ​ខ្លួនលោក សម សេរី មក​កម្ពុជា​វិញនេះ ធ្វើ​ឡើង​ក្រោយ​ពេល​ដែល​អាជ្ញាធរ​ថៃ​ឃាត់​ខ្លួនលោក សម សេរី បាន​កាល​ពី​ថ្ងៃ​ទី​២៥​មេសា​ម្សិលមិញ​។

«កម្ពុជា​សង្ឃឹម​ថា ថៃ​នឹង​យោគយល់​ប្រគល់​លោក សម សេរី ឲ្យ​មក​ទទួល​ទោស​បន្តនៅ​កម្ពុជា»។ នេះ​គឺ​ជា​ការ​លើក​ឡើង​របស់​ខៀវ សុភ័គ អ្នក​នាំ​ពាក្យ​ក្រសួង​មហាផ្ទៃ។

បើ​តាម​មន្ត្រី​ដដែល លោក សម សេរី នឹង​ត្រូវ​នាំ​ខ្លួន​ទាក់ទង​នឹង​បទ​រួម​គំនិត​ក្បត់។ ជា​បទ​​ល្មើស​ដែល​ត្រូវ​បាន​តុលាការ​ផ្ដន្ទាទោស​ដោយ​កំបាំង​មុខ ដាក់​ពន្ធនាគារ​៩​ឆ្នាំ កាល​ពី​ឆ្នាំ​២០១៤ ទាក់​ទង​នឹង​គម្រោង​ផ្ដួល​រលំ​រដ្ឋាភិបាល​កម្ពុជា។

គួរ​កត់​សម្គាល់​ថា រហូត​មក​ទល់​ពេល​នេះ អាជ្ញាធរ​ថៃ​នៅមិនទាន់​បញ្ជាក់​អំពី​ហេតុផល​នៃ​ការ​ឃាត់​ខ្លួន​លោក សម សេរី នៅឡើយទេ។ តែសមាជិកនៃចលនារណសិរ្យ​រំដោះ​ជាតិ​ខ្មែរ បានអះអាងតាមបណ្ដា​ញសង្គមហ្វេសបុកថា ការចាប់ខ្លួនលោក សម សេរី ធ្វើ​ឡើងខណៈដែលលោក​ទៅ​សុំបន្តទិដ្ឋាការរស់នៅប្រទេសថៃ ហើយភ្លាមនោះ​អាជ្ញាធរ​ក៏​សម្រចបញ្ជូនលោក សម សេរី ទៅឃុំខ្លួនតែម្ដង។

កាល​ពី​ដើម​ខែ​មេសា​ លោក​នាយករដ្ឋ​មន្ដ្រី ហ៊ុន សែន បាន​បង្ហើប​ឲ្យ​ដឹង​ថា លោក សម សេរី មាន​គម្រោង​បង្ក​ហេតុ​ចលាចល​ឲ្យ​មាន​សំឡេង​ផ្ទុះ នៅ​វត្ត​ភ្នំ និង​ក្នុង​ខេត្ត​សៀមរាប នា​ឱកាស​បុណ្យ​ចូល​ឆ្នាំ​ខ្មែរ​។ ប៉ុន្តែ​លោក សម សេរី បាន​បដិសេធ​ការ​ចោទ​ប្រកាន់​នោះ ដោយ​គូស​បញ្ជាក់​ថា លោក​មិន​បាន​ជាប់​ពាក់​ព័ន្ធ​នឹង​គម្រោង​ការ​បំផ្ទុះ​គ្រាប់​បែក ដូច​ការ​ចោទ​ប្រកាន់​ពី​លោក​នាយករដ្ឋមន្រ្តី ហ៊ុន សែន ឡើយ​។

គួររម្លឹកឡើង​វិញថា លោក សម សេរី គឺជា​ប្រធាន​ចលនារណសិរ្ស​រំដោះជាតិ​ខ្មែរ ដែល​ចលនា​នេះ​មាន​មូលដ្ឋាន​នៅ​ប្រទេស​ដាណឺម៉ាក។ ចលនា​រណសិរ្យ​រំដោះជាតិខ្មែរ​របស់​លោក សម សេរី ធ្វើ​សកម្មភាព​នៅ​តាម​ព្រំដែន​កម្ពុជា-ថៃ ដោយ​អះអាង​ថា រាល់​សក​ម្ម​ភាព​របស់​ខ្លួន ធ្វើ​ឡើង​ដើម្បី​តស៊ូ “រំដោះ​ប្រជាពលរដ្ឋ​ខ្មែរ​ពី​អាណា​និគម​បែប​ថ្មីរបស់​វៀត​ណាម និង​របប​ដឹក​នាំ​របស់​លោក​នាយករដ្ឋមន្រ្តី ហ៊ុន សែន”៕

What Next?

Recent Articles

4 Responses to "កម្ពុជា​នឹង​ស្នើ​ទៅ​ប្រទេស​ថៃ ធ្វើ​បត្យាប័ន លោក សម សេរី មក​អនុវត្ត​ទោស​នៅ​ស្រុក​ខ្មែរ"

  1. so socheath says:

    នៅមានអាក្បត់ជាតិ មីក្បត់ជាតិ បក្សសាងគ្រោះជាតិច្រើនក្បាលទៀត ដែលនឹងផុតវីសារ ​ហើយដែលត្រូវមកដេកសីបាយគុកព្រៃ ស ពី ១៥ ទៅ ៣០ ឆ្នាំ ។

  2. ?? says:

    it is so sad to see some Cambodian fighting each other like animal . every one pointing fingers to each other saying this person was a nation’s traitor but the true is who was a real nation traitor. I quest you can blame it to my five years old half white grand son is a nation traitor . you can lei to Cambodian but I do not think you can lei to the world because they had the evident to showing you who was the real nation’s traitor. some one is under estimate that global witness was a private organization sorry you are wrong it is world organization that the whole world trusted . whatever the truth is still be true no matter what if you are not guilty you do not have to burking like poor dog no one will believing in you. as we knew for many decade this group of jungle fighter will never admit what they have done any thing wrong . every thing they have done is always right until the coffin co0me they will crying like a baby . I can not wait to see those day after every thing clear. by having been born as a fighter’s dog they just burking to scar every one . GOD bless Cambodia and innocent Cambodian

  3. Anonymous says:

    អ្នកដែលចោទគេថាក្បត់ជាតិ គឺអ្នកនោះឯងដែលប្រជាជនចាត់ទុកថាជាក្រុមចោរក្បត់ជាតិពិតប្រាកដ។

  4. Anonymous says:

    So Socheath or So Sochet ( # # death) is a meatball sucker. His analysis is from dirty street talker near Bo Ding markets next to Ha Long Bay.