ភរិយា​របស់​អតីត​បុគ្គលិក​អាស៊ីសេរី​២​នាក់​ទាមទារ​ឲ្យ​ដោះលែង​ស្វាមី​ខ្លួន​ដោយ​គ្មាន​លក្ខខណ្ឌ

ដោយ សេក បណ្ឌិត
2018-05-14
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

អតីត​បុគ្គលិក​វិទ្យុ​អាស៊ីសេរី​លោក យាង សុជាមេត្តា (ឆ្វេង) និង​លោក អ៊ួន ឈិន (ស្ដាំ)។ Photo: RFA
អតីត​បុគ្គលិក​វិទ្យុ​អាស៊ីសេរី​លោក យាង សុជាមេត្តា (ឆ្វេង) និង​លោក អ៊ួន ឈិន (ស្ដាំ)។ Photo: RFA


នៅ​ក្នុង​ខួប​៦​ខែ នៃ​ការ​ឃុំខ្លួន យ៉ាង​អយុត្តិធម៌ លើ​លោក អ៊ួន ឈិន និង​លោក យាង សុធារិន្ទ អតីត​អ្នក​​យក​ព័ត៌មាន​អាស៊ីសេរី ដោយ​រក​មិន​ឃើញ​បទល្មើស​ដូច​ការចោទប្រកាន់​នោះ ក្រុម​គ្រួសារ​អ្នក​ទាំងពីរ ទាមទារ​ឲ្យ​របប​លោក​ហ៊ុន សែន និង​តុលា​ការដែល​គ្រប់គ្រង​ដោយ​របប​នេះ ដោះលែង​ពួកគេ​ជាបន្ទាន់ ដោយ​ឥត​លក្ខខណ្ឌ។

ចំណែក​អង្គការ​សង្គម​ស៊ីវិលជាតិ និង​អន្តរជាតិ ដែល​ធ្វើ​ការ​ផ្នែក​លើក​ស្ទួយ​សិទ្ធិមនុស្ស និង​ផ្នែក​វិស័យ​សារព័ត៌មាន គាំទ្រ​ចំពោះ​ការ​អំពាវនាវ​នេះ ដោយ​ផ្អែកលើ​ទិដ្ឋភាព​ជាក់ស្ដែង និង​ទិដ្ឋភាព​ច្បាប់។

ភរិយា​របស់ លោក អ៊ួន ឈិន អតីត​អ្នកគ្រប់គ្រង​ផ្នែក​វីដេអូ និង​លោក យាង សុធារិន្ទ ហៅ យាង សុជាមេត្តា អតីត​និពន្ធ​នាយក​អាស៊ីសេរី បាន​រៀប​រាប់ទាំង​អួល​ដើមករ ប្រឹង​ទប់ទឹក​ភ្នែក​កុំ​ឲ្យ​ស្រក់​ចុះ ប៉ុន្តែ​កម្សួល​នៃ​ភាព​ខ្លោចផ្សា ដែល​ទំ​ជាប់​ក្នុង​ទ្រូង​អស់​រយៈពេល​៦​ខែ​មក​ហើយ ដោយ​ប្ដី​ជាប់ឃុំ ព្រាត់ប្រាស​ក្រុម​គ្រួសារ​នោះ ធ្វើ​ឲ្យ​ពួកគាត់​មិន​អាច​ទប់ទឹក​ភ្នែក​បាន​ឡើយ។

ទោះ​យ៉ាងណា​ក៏ដោយ ពួកគាត់​ខំប្រឹង​សម្រួល​អារម្មណ៍ ដើម្បី​រៀបរាប់​ប្រាប់​អ្នកសារព័ត៌មាន​ថា​ក្នុង​អំឡុង​ពេលនេះ​ស្ថានភាព​ជីវិត​គ្រួសារ​គាត់ រស់នៅ​ក្នុង​ភាព​ខ្មៅ​ងងឹត ឈឺចាប់ វេទនា គ្រប់​បែបយ៉ាង​ទាំង​ផ្លូវ​អារម្មណ៍ បញ្ហា​ជីវភាព​គ្រួសារ ព្រមទាំង​ដំណើរ​ជីវិត​ទៅ​មុខ​ទៀត។ គ្រួសារ​អ្នក​ទាំងពីរ​ថា ពួកគាត់​មិនដែល​បាន​ជួប​នូវ​ស្ថានភាព​ប្រថុចញ៉ុច​បែបនេះ​ម្តង​ណា​ឡើយ ក្នុង​ដំណើរ​ជីវិត​កន្លងមក។

ភរិយា​លោក អ៊ួន ឈិន គឺ​អ្នកស្រី ហេង ស៊ីណា មាន​ប្រសាសន៍​ថា ការ​ចាប់​ឃុំខ្លួន ស្វាមី​របស់​គាត់​នោះ គឺជា​រឿង​អយុត្តិធម៌​បំផុត៖ «ដល់​ពេល​គាត់​អ៊ីចឹង​អស់​ភាព​កក់ក្ដៅ ព្រាត់ប្រាស​ប្រពន្ធ​កូន សូម្បីតែ​បងប្រុស​គាត់ ពេល​ឃើញ​ប្អូន​អ៊ីចឹង គាត់​ស្រក់​ទឹកភ្នែក អាណិត​ប្អូន​ពេក​…​ខ្ញុំ​គ្រាន់តែ​ចង់​រស់នៅ​ជុំ​គ្រួសារ ផ្ដល់​ភាព​កក់ក្ដៅ​ដល់​កូនចៅ មាន​ជីវភាព​សមរម្យ​ដូច​ប្រជាជន​ទូទៅ​ដែរ សូម​ឲ្យ​តុលាការ អង្គការ​ជាតិ និង​អន្តរជាតិ​ជួយ​ដល់​គ្រួសារ​ខ្ញុំ​ផង ព្រោះ​គាត់​អត់​ការងារ​ធ្វើ​គាត់​ទៅ​បើកមុខ​របរ​រកស៊ី​ចិញ្ចឹម​គ្រួសារ គាត់​មាន​ទៅ​ជាប់​ពាក់ព័ន្ធ​រឿង​នយោបាយ​អី​ណា ហើយ​មក​ចាប់​គាត់​អ៊ីចឹង វា​អយុត្តិធម៌​សម្រាប់​គ្រួសារ​ខ្ញុំ​ណាស់»

ក្រោយពី​អាស៊ីសេរី​បិទ​ការិយាល័យ​នៅ​ភ្នំពេញ​កាលពី​អំឡុង​ខែកញ្ញា ឆ្នាំ​២០១៧ លោក អ៊ួន ឈិន និង​លោក យាង សុធារិន្ទ បាន​ផ្ដាច់​កុងត្រា ឬ​កិច្ច​ព្រមព្រៀង​ការងារ​ជាមួយ​អាស៊ីសេរី ដូច​មិត្ត​រួមការ​ងារ​ក្នុងស្រុក​ដទៃ​ទៀត​ដែរ។ អស់​ការងារ​ជា​អ្នកកាសែត​ទៀត​ហើយ​នោះ លោក អ៊ួន ឈិន ក៏​បាន​រៀបចំ​បង្កើត​ស្ទូឌីយោ (Studio) តូច​មួយ ជា​អាជីវកម្ម​ខ្នាត​តូច នៅ​ផ្ទះ​សំណាក់ ម៉ារាឌី ក្នុង​ខណ្ឌ​មានជ័យ ក្រុងភ្នំពេញ ដែល​ស្ថិតនៅ​មិន​ឆ្ងាយ​ប៉ុន្មាន​ពី​ទីតាំង​អតីត​ការិយាល័យ​អាស៊ីសេរី​នោះ​ឡើយ សម្រាប់​ប្រើប្រាស់​ស៊ីឈ្នួល​ថត​ចម្រៀង​ខារ៉ាអូខេ មង្គលការ និង​ពិធី​ផ្សេងៗ។

នៅ​ព្រលប់​ថ្ងៃ​ទី​១៤ ខែវិច្ឆិកា ឆ្នាំ​២០១៧ សមត្ថកិច្ច​រដ្ឋបាល​ខណ្ឌ​មានជ័យ បាន​ចុះទៅ​ឆែកឆេរ​ស្ទូឌីយោ​របស់​លោក អ៊ួន ឈិន។ ពេល​ឃើញ​ក្រុម​សមត្ថកិច្ច​ច្រើន​នាក់​សម្រុកចូល​ឆែកឆេរ​ក្នុង​បន្ទប់​ខ្លួន លោក អ៊ួន ឈិន ដែល​ពេលនោះ​នៅតែ​ម្នាក់ឯង ក៏បាន​ទូរស័ព្ទ​ហៅ​លោក យាង សុធារិន្ទ ដែល​រស់នៅ​មិន​ឆ្ងាយ​ពី​គ្នា​ប៉ុន្មាន​ឲ្យ​មក​បានជា​គ្នា និង​ជួយ​បកស្រាយ​ប្រាប់​សមត្ថកិច្ច​អំពី​ការងារ និង​មុខរបរ​រកស៊ី​ថ្មី​របស់​គាត់។ ប៉ុន្តែ​ពេល​លោក យាង សុធារិន្ទ ទៅ​ដល់ សមត្ថកិច្ច​បាន​ចាប់​ទាំង​លោក យាង សុធារិន្ទ ទៀត។

នៅ​ក្នុង​កំណត់ហេតុ​ឆែកឆេរ​របស់​សមត្ថកិច្ច​រដ្ឋបាល​ខណ្ឌ​មានជ័យ ដឹកនាំ​ដោយ​លោក ឌី រ័ត្នខេមរុណ អភិបាល​រង​ខណ្ឌ ចុះ​កាលបរិច្ឆេទ ថ្ងៃ​ទី​១៤ ខែ​វិច្ឆិកា ឆ្នាំ​២០១៧ ដំបូង​ឡើយ គ្រាន់តែ​ព្រមាន​លោក អ៊ួន ឈិន និង​លោក យាង សុធារិន្ទ ថា ត្រូវ​សុំ​ច្បាប់​អនុញ្ញាត​ពី​ក្រសួង​ព័ត៌មាន ក្រសួង​វប្បធម៌ និង​ក្រសួងពាណិជ្ជកម្ម ឲ្យ​បាន​រួចរាល់​សិន​ទើប​អនុញ្ញាត​ដំណើរការ​ស្ទូឌីយោ​របស់​ខ្លួន​បាន។

ប៉ុន្តែ​ស្ថានភាព​ត្រឹម​ព្រមាន​អោយ​សុំ​លិខិតអនុញ្ញាត បាន​ប្រែប្រួល​នៅ​ពេល​ព្រះរាជអាជ្ញា​រង អ៊ុំ សុភ័ក្ត បង្ហាញ​មុខ ហើយ​អ្នក​ទាំងពីរ​ត្រូវ​បាន​នាំ​ខ្លួន​ទៅ​ឃុំ​នៅ​ស្នងការ​នគរបាល​ក្រុងភ្នំពេញ។ ពីរ​ថ្ងៃ​បន្ទាប់​មក​គឺ​នៅ​ថ្ងៃ​ទី​១៦ ខែ​វិច្ឆិកា ព្រះរាជអាជ្ញា​លោក សេង ហៀង បាន​ចោទ​លោក អ៊ួន ឈិន និង​លោក យាង សុធារិន្ទ ពី​បទ​ប្រគល់​អោយ​រដ្ឋ​បរទេស​នូវ​ព័ត៌មាន ជាអាទិ៍​ដែល​អាច​ធ្វើ​អោយ​អន្តរាយ​ការ​ការពារ​ជាតិ ដែល​ជា​បទល្មើស​ឧក្រិដ្ឋ។

គិត​ចាប់ពី​ថ្ងៃ​ទី​១៤ ខែ​វិច្ឆិកា ឆ្នាំ​២០១៧ មក​ដល់​ត្រឹម ថ្ងៃទី១៤ ខែ​ឧសភា ឆ្នាំ​២០១៨ មាន​រយៈពេល​៦​ខែ​ហើយ ដែល​តុលាការ​ចាប់​ឃុំ​ខ្លួន លោក អ៊ួន ឈិន និង​លោក យាង សុធារិន្ទ ដោយ​មិន​មាន​ការ​ជំនុំជម្រះ​នៅឡើយ។

ប៉ុន្តែ​កន្លះ​ឆ្នាំ​កន្លង​មក​នេះ ទាំង​ព្រះរាជអាជ្ញា និង​ចៅក្រម​ស៊ើបសួរ​មិនទាន់​អាច​បង្ហាញ​ភស្តុតាង​ណាមួយ ដែល​បញ្ជាក់​ថា អ្នក​ទាំងពីរ​បាន​ប្រព្រឹត្ត​កំហុស​ដូច​ការចោទប្រកាន់​នោះ​នៅឡើយ។ រដ្ឋធម្មនុញ្ញ​កម្ពុជា តម្រូវ​អោយ​មាន​ការ​ជំនុំជម្រះ​ជនជាប់ចោទ​អោយ​បាន​ឆាប់រហ័ស​បំផុត ដើម្បី​ការពារ​ជន​ស្លូតត្រង់ និង​ជៀសវាង​ការ​ឃុំខ្លួន​មនុស្ស​តាម​អំពើ​ចិត្ត​ដោយ​អ្នក​កាន់​អំណាច។ ដោយ​មូលហេតុ​ទាំងនេះ​ហើយ​ទើប​ភរិយា លោក យាង សុធារិន្ទ គឺ អ្នកស្រី ឡាំ ចន្ថា អំពាវ​ឲ្យ​របប​លោក​ហ៊ុន សែន និង​តុលា​ការដែល​ស្ថិត​នៅ​ក្រោម​របប​នេះ ដោះលែង​ស្វាមី​របស់​គាត់ ឲ្យ​មាន​សេរីភាព​វិញ ព្រោះ​ក្នុង​រយៈពេល​កន្លងមក​នេះ គ្រួសារ​គាត់​បាត់បង់​អស់ហើយ នូវ​សេរីភាព សុភមង្គល រស់​បែក​កូន​តូចៗ គ្មាន​ផ្ទះសម្បែង​ជ្រកកោន​ឡើយ ព្រោះ​កាលពី​ប្ដី​នៅ​មាន​ការងារ​ធ្វើ មាន​លុយកាក់​ខ្លះ​សម្រាប់​ជួល​ផ្ទះ​គេ​ស្នាក់នៅ​ជុំ​គ្នា ប៉ុន្តែ​ក្រោយពី​ប្ដី​ជាប់ឃុំ ពួកគាត់​គ្មាន​ចំណូល​អ្វី​ទាល់តែសោះ មានតែ​ចំណាយ​ថែម​ទ្វេដង ដោយ​ត្រូវ​ចំណាយ​លើ​ការ​ផ្គត់ផ្គង់​ផ្សេងៗ​សម្រាប់​ប្ដី​នៅ​ក្នុង​ពន្ធនាគារ​ថែម​ទៀត ដូចជា​ការ​ហូបចុក ថ្នាំ​សង្កូវ មធ្យោបាយ​ធ្វើដំណើរ​ចុះឡើង និង​ការ​ចំណាយ​លើ​ការ​បំពេញ​បែបបទ ក្រដាស​ស្នាម ពេល​ទៅ​សួរសុខទុក្ខ​ម្ដងៗ​ជាដើម។

អ្នកស្រី ឡាំ ចន្ថា បន្ត​ថា ក្រោយពី​អត់​បង្គោល​គ្រួសារ គាត់​និង​កូន​តូច​ពីរ​នាក់ ត្រូវ​ចាកចោល​ផ្ទះ​ជួល​ដែល​ធ្លាប់​រស់នៅ​ជុំ​គ្នា​ប្តី​ប្រពន្ធ​កូន​ដោយ​សុខសាន្ត​កន្លងមក​នោះ ក៏​នាំគ្នា រត់​ទៅ​ផ្ញើ​ខ្លួន​នឹង​ផ្ទះ​បងប្អូន​បណ្ដោះអាសន្ន​ទាំង​លំបាក​វេទនា៖ «ពិបាក​ខ្លាំង​ណាស់ រក​អី​និយាយ​មិនបាន ម្យ៉ាង​ខ្ញុំ​អត់​ទាន់​មាន​ផ្ទះ​មាន​សម្បែង​អ្វី​ទាំងអស់ ពេល​គាត់​មានរឿង​ខ្ញុំ​រត់​ទៅផ្ទះ​បងថ្លៃ​បន្តិច ទៅ​នៅ​ជាមួយ​បងស្រី​បន្តិច​ទៅ វា​មិនដែល​ស្រួល​ដូច​នៅ​ជុំ​គ្នា​ប្តី​ប្រពន្ធ​ទេ ណាមួយ​ខ្ញុំ​អាណិត​កូន​ខ្ញុំ​វា​នៅ​តូច​…​សំណូមពរ​ឲ្យ​គាត់​គិត​ពិចារណា​អំពី​ការ​ព្រាត់​ប្តី​ប្រពន្ធ និង​កូន​នោះ​គាត់​គួរតែ​យល់​ហើយ គាត់​ល្មម​ដោះលែង​គ្រួសារ​ខ្ញុំ​ឲ្យ​មាន​សេរីភាព​វិញ​ហើយ»

ទាក់ទង ការ​ស្នើសុំ​របស់​ក្រុម​គ្រួសារ លោក អួន ឈិន និង​លោក យាង សុធារិន្ទ អ្នកនាំពាក្យ គណបក្ស​ប្រជាជន​កម្ពុជា ដែល​ជា​បក្ស​កាន់អំណាច​ជាង ៣០​ឆ្នាំ​មក​ហើយ លោក សុខ ឥសាន មាន​ប្រសាសន៍​កាលពី​ថ្ងៃ​ទី​១០ ឧសភា​ថា ការ​សម្រេច​បែប​ណា​លើ​សុំ​រឿង​នេះ គឺ​អាស្រ័យ​លើ​ការស៊ើបអង្កេត​របស់​សមត្ថកិច្ច​តុលាការ៖ «ខ្ញុំ​យល់ថា​មិនមែន​អត់​ហេតុផល​ទេ ចំពោះ​ការ​ឃុំខ្លួន​អ្នក​ទាំងពីរ​នាក់​ហ្នឹង​សុំ​ឲ្យ​លោកស្រី​ជា​ភរិយា គ្រួសារ​យល់​អំពី​បញ្ហា​ហ្នឹង បញ្ហា​នេះ​ជា​ការ​ប្រឈម​នឹង​ច្បាប់ ហើយ​រឿង​នៅ​តុលាការ​វា​ច្រើន ដូច្នេះ​វា​អាច​អូស​បន្លាយពេល»

ប៉ុន្តែ​មន្ត្រី​ជាន់ខ្ពស់​គណបក្ស​ប្រជាជន​កម្ពុជា​មួយ​រូប​ផ្សេងទៀត​ដែល​សុំ​មិន​បញ្ចេញ​ឈ្មោះ​ធ្លាប់​បាន​បង្ហើប​អោយ​ដឹង​ថា ការ​ចាប់​លោក យាង សុធារិន្ទ គឺ​ដោយសារ​គាត់​បាន​បង្ហាញ​ខ្លួន​ខុស​កន្លែង និង​ខុស​ពេល ហើយ​ដោយសារតែ​អាជ្ញាធរ​ជ្រុល​បាន​ចាប់ខ្លួន​ហើយ​ត្រូវ​អោយ​ជាប់ឃុំ​សិន​ចុះ។ នេះ​ជា​ការ​បញ្ជាក់​អំពី​ការ​ចាប់ខ្លួន​មនុស្ស​តាម​អំពើ​ចិត្ត​ដោយ​មិន​ផ្អែកលើ​គតិយុត្តិ​សោះឡើយ។

ទាក់ទង​បញ្ហា​នេះ​ដែរ លោក ប៉ា ងួន ទៀង នាយក​មជ្ឈមណ្ឌល កម្ពុជា ដើម្បី​ប្រព័ន្ធ​ផ្សព្វផ្សាយ​ឯករាជ​(CCIM) មានប្រសាសន៍​កាលពី​ថ្ងៃ​ទី​១០ ឧសភា​ថា ការ​ចាប់ខ្លួន អតីត​អ្នក​យកព័ត៌មាន​អាស៊ីសេរី​ពីរ​រូប​នោះ គឺ​អាច​មាន​ចេតនាពីរ ទី​មួយ​គឺជា​ការ​បន្លាច ចង់​បំបិទ​សំឡេង​អ្នកសារព័ត៌មាន​ឯករាជ​មិន​ត្រឹមតែ​ពីរ​នាក់​នេះ​ទេ គឺជា​ករ​បំភិតបំភ័យ​ដល់​អ្នកសារព័ត៌មាន​ឯករាជ​ជាច្រើន​ផ្សេងទៀត ដូច​គេ​តែង​និយាយ​ថា អារក​មាន់ បន្លាច​ស្វា។ ចេតនា​ទី​ពីរ គឺជា​ការ​ធ្វើ​ទារុណកម្ម ដោយ​ប្រយោល ដោយ​យក​លេស ឬ​ហេតុផល​ផ្សេងៗ​ដើម្បី​បិត​បាំង​នូវ​អំពើ​ទារុណកម្ម​នេះ៖ «ទី​មួយ​គួរតែ​ដោះលែង​ពួកគាត់​ហើយ បើ​មិន​ដោះលែង​ទេ គឺ​បង្ហាញ​ពី​ភាព​អសីលធម៌ និង​អំពើ​ឃោរឃៅ របស់​រដ្ឋាភិបាល​ដែល​បន្ត​ឃុំខ្លួន​មនុស្ស​ដោយ​អត់​មានទោស»

ក្រោយ​ការ​ឃុំខ្លួន អតីត​បុគ្គលិក​អាស៊ីសេរី​ទាំងពីរ​រូប​នោះ អង្គការ​ជាតិ និង​អន្តរជាតិ ជាច្រើន​បាន​ចេញ​សេចក្ដីថ្លែងការណ៍​ប្រឆាំង​នឹង​ករណី​នេះ​ជា​បន្តបន្ទាប់ ដោយ​ចាត់ទុកថា ជា​ការ​គាប់​សង្កត់​លើ​សេរីភាព​បញ្ចេញមតិ​ដែល​ធានា​ដោយ​ច្បាប់​កម្ពុជា។

សហគមន៍​ក្នុង​ស្រុក អង្គការ​សិទ្ធិមនុស្ស​ជាតិ និង​អង្គការ​អន្តរជាតិ ដូច​អង្គការ​អ្នក​សារព័ត៌មាន​គ្មាន​ព្រំដែន (Reporter Without Border) អង្គការ​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) អង្គការAmnesty International ជាដើម បាន​ហៅ​លោក អ៊ួន ឈិន និង​លោក យាង សុធារិន្ទ ថា ជា​អ្នកទោស​មនសិការ។

អង្គការ​លើកលែងទោស​អន្តរជាតិ (Amnesty International) បាន​ធ្វើ​យុទ្ធនាការ​កាលពី​ថ្ងៃ​ទី​៧ ខែ​ធ្នូ រហូតដល់​ថ្ងៃ​ទី​១៨ ខែ​មករា ឆ្នាំ​២០១៨ ដើម្បី​ទាមទារ​ឲ្យ​ដោះលែង​អតីត​បុគ្គលិក​អាស៊ីសេរី ទាំងពីរ​នាក់​ដែល​កំពុង​ជាប់ឃុំ​នៅ​ពន្ធនាគារ​ព្រៃស។

ក្នុង​យុទ្ធនាការ​នេះ អង្គការ​លើកលែងទោស​អន្តរជាតិ អំពាវនាវ​ឲ្យ​ពលរដ្ឋ​ទាំងអស់​រួមគ្នា​សរសេរ​លិខិត​អំពាវនាវ​ជា​ភាសា​ខ្មែរ ឬ​ភាសា​អង់គ្លេស​ក៏បាន ដោយ​ទី​មួយ​ទាមទារ ឲ្យ​អាជ្ញាធរ​កម្ពុជា ដោះលែង​លោក អ៊ួន ឈិន និង​លោក​យាង សុធារិន្ទ ដែល​ជា​អ្នកទោស​មនសិការ​ជា​បន្ទាន់ និង​ដោយ​ឥត​លក្ខខណ្ឌ និង​ត្រូវ​ទម្លាក់​ចោល​រាល់​បទចោទប្រកាន់​មក​លើ​ពួកគាត់​ទាំងអស់។ ចំណែក​ក្រុម​អ្នកសារព័ត៌មាន​ក្នុងស្រុក​មួយ​ចំនួន​ដែល​ស្រលាញ់​សេរីភាព​សារព័ត៌មាន និង​មាន​សមានចិត្ត​ចំពោះ​អ្នកកាសែត​គ្នាឯង​នោះ បាន​បង្ហាញ​ពី​សាមគ្គីភាព និង​ជម្នះ​ការ​បន្ទច់បង្អាក់​ទាំងឡាយ ព្រមទាំង​ការ​គំរាមកំហែង​ពី​អាជ្ញាធរ​ផង​នោះ ចេញ​លិខិត​ចំហ​រួមគ្នា​ជា​បន្តបន្ទាប់ ស្នើ​ឱ្យ​តុលាការ​គ្រប់​លំដាប់​ថ្នាក់​ពិចារណា​លើកលែង​បទចោទប្រកាន់​លើ​អតីត​អ្នករាយការណ៍​ព័ត៌មាន​អាស៊ីសេរី​ទាំង​ពីរ​រូប​នោះ​ដែរ។

ទាក់ទង​ស្ថានភាព​នៅ​ក្នុង​ពន្ធនាគារ​វិញ អ្នកស្រី ហេង ស៊ីណា ភរិយា​លោក អួន ឈិន ប្រាប់​ថា ស្វាមី​គាត់ និង​លោក យាង សុធារិន្ទ ត្រូវ​គេ​ឃុំ​ដាច់​ដោយ​ឡែក​ពី​គ្នា ប៉ុន្តែ​បន្ទប់​ជិត​គ្នា។

អ្នកស្រី​ថា អ្នក​ទាំងពីរ​បាន​ស្រក់​ចុះ​ទម្ងន់​ស្គម​ស្លេកស្លាំង​ជា​បន្តបន្ទាប់ ពិបាក​ទាំង​ផ្លូវកាយ និង​ផ្លូវចិត្ត​ខណៈ​ស្ថិត​ក្នុង​បន្ទប់​ណែន​ចង្អៀត ដេក​គ​លើ​គ្នា ថែមទាំង​មាន​ជំងឺ​ដូចជា​រមាស់ និង​រាករូស​ទៀត​ផង៖ «ស្គម​ណាស់ ធារិន្ទ ក៏​ស្គម គាត់ (អ៊ួន ឈិន) ក៏​ស្គម មិន​ស្រួល​ឯណា​នៅ​ក្នុង​ហ្នឹង ដេក​គរ​លើ​គ្នា​ដូច​កន្លែង​នរក​អ៊ីចឹង យ៉ាប់ៗ​មែនទែន»

ចំណែក​គ្រួសារ លោក យាង សុធារិន្ទ វិញ ពួកគាត់​ទាំងពីរ​នាក់​ប្តី​-​ប្រពន្ធ បាន​ព្យាយាម​មិន​ប្រាប់​ឲ្យ​កូន​ដឹង​ថា ឪពុក​របស់​គេ​កំពុងតែ​ជាប់ពន្ធនាគារ​នោះ​ទេ ដូច្នេះ​ហើយ​ពេល​យក​កូន​ទៅ​ជួប​ឪពុក​នៅ​ពន្ធនាគារ​ម្តងៗ​កូន​ចេះតែ​ឆ្ងល់ ថា​ហេតុអ្វី​បាន​ប៉ា​ជា​នៅ​ក្នុង​បន្ទប់​កញ្ចក់ ពេលខ្លះ​ឃើញ​ស្ថិត​នៅ​ក្នុង​បន្ទប់​ហ៊ុមព័ទ្ធ​ដោយ​ចម្រឹង​ដែក​យ៉ាង​ដូច្នេះ…? ហេតុអ្វី​បានជា​ប៉ា​មិន​ចេញ​មក​ថើប បី​ត្រកង ប្រលែង​លេង​ជាមួយ​ពួកគេ​ដូច​កាលពីមុន​អ៊ីចឹង…»

អ្នកស្រី ឡាំ ចន្ថា ភរិយា​លោក យាង ធារិន្ទ បាន​ឲ្យ​ដឹង​ថា កូនស្រី​ពៅ​គាត់​អាយុ​៨​ឆ្នាំ តែងតែ​ខឹង​សម្បា និង​ចង់​រកមុខ​អ្នកណា​ដែល​រារាំង​ឪពុក និង​កូន មិន​ឲ្យ​ស្និត​ស្នាល​យ៉ាងណា​ដូច្នេះ៖ «កូនស្រី​ខ្ញុំ​ហ្នឹង​គេ​ដេក​យំ ខ្ញុំ​សួរ​ថា​ហេតុ​អី​បាន​យំ…? គេ​ថា​កូន​នឹក​ប៉ា​ណាស់…! ខ្ញុំ​ថា បើ​នឹក​ប៉ា​កូន​ខំ​រៀន​ទៅ គេ (កូនស្រី) ថា កូន​ខំ​រៀន​…​ហើយ​គេ​ថា កូន​រាល់ថ្ងៃ​ខំ​បន់​ណាស់ កូន​អុជ​ធូប​បន់​ថា បើ​អ្នកណា​បំផ្លាញ​គ្រួសារ​កូន សុំ​ឲ្យ​វារ​លាយ…»

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

7 Responses to "ភរិយា​របស់​អតីត​បុគ្គលិក​អាស៊ីសេរី​២​នាក់​ទាមទារ​ឲ្យ​ដោះលែង​ស្វាមី​ខ្លួន​ដោយ​គ្មាន​លក្ខខណ្ឌ"

  1. so socheath says:

    ហាស!ហាស ពួកអាថោកទាប ចេះសម្តែងតួកំសត់មែន
    ស្អីចាប់ក្រោយអាសីសេរីបីទទ្វារ ?
    ស្អីក៏ថោកទាបចេះដោះសារបោកប្រាសម្លេះ ម្ចាស់ថ្លើមថ្លៃ !

  2. Anonymous says:

    So Sochet,
    You only know how to bullshit. Your mind is so dirty as an asshole.
    You must be born at eastern part of BAVET, near Ho Chi Minh city??????????
    You know too much Bullshits👉😜👈

  3. canard laqué says:

    đó là một sự xấu hổ mà hai tù nhân này không phải là người Việt Nam như chúng tôi nhưng vẫn chưa quá sớm Chúng tôi là bậc thầy của bạn, chúng tôi sẽ đá nô lệ của chúng tôi, người cai trị bạn

  4. so socheath says:

    អាឆ្កួតAnonymous ចេះតែស្រម័យហ្មង !

  5. Anonymous says:

    So Sochet carried mad cow disease, stay away from him⚡️⚡️💥⚡️⚡️

  6. so socheath says:

    សន្លឹកឆ្នោតយើងក្នុងម្នាក់តែ១សន្លឹក ប៉ុន្តែមានតម្លៃជាងសេណារីយោ នយោបាយភូតភរ រាប់លានដង
    (តាកែវ)៖ កម្ពុជា បានកំណត់យកថ្ងៃទី២៩ ខែកក្កដា ឆ្នាំ២០១៨ គឺជាថ្ងៃបោះឆ្នោតជ្រើសរើសតំណាងរាស្ត្រនីតិកាលទី៦ និងក៏ជាការបន្តជ្រើសរើស នាយករដ្ឋមន្ត្រី និងគណៈរដ្ឋមន្ត្រីសម្រាប់រាជរដ្ឋាភិបាលកម្ពុជាអាណត្តិទី៦ផងដែរ។ ឥឡូវនេះ ប្រជាជនកម្ពុជា ដែលជាម្ចាស់ប្រទេស បង្ហាញឆន្ទៈនិងការតាំងចិត្តទៅបោះឆ្នោតក៏កាន់តែច្រើនឡើង។
    ចាប់តាំងពីឆ្នាំ១៩៩៣មក កម្ពុជាគ្មានប្រវត្តិសាស្ត្រលើកពេលបោះឆ្នោតនោះទេ។ កម្ពុជា បានរៀបចំការបោះឆ្នោតជាទៀងទាត់ ដើម្បីផ្តល់ឱកាសឲ្យប្រជាជនកម្ពុជាគ្រប់ៗរូបដែលមានសិទ្ធិបោះឆ្នោត មានឱកាសប្រើសិទ្ធិតាមរយៈសន្លឹកឆ្នោត ជ្រើសរើសមេដឹកនាំរបស់ខ្លួន។
    ជាបន្តបន្ទាប់មកនេះ ប្រជាជនកម្ពុជា ភាគច្រើន បានសម្រេចបោះឆ្នោតជូន គណបក្សប្រជាជនកម្ពុជា ឲ្យដឹកនាំប្រទេស ដែលមាន សម្តេចតេជោ ហ៊ុន សែន ធ្វើជានាយករដ្ឋមន្ត្រី។ ក្រោមការដឹកនាំរបស់ សម្តេចតេជោ ហ៊ុន សែន និងគណបក្សប្រជាជនកម្ពុជា គឺកម្ពុជា បន្តដំណើរអភិវឌ្ឍន៍ទៅមុខឥតឈប់ឈរដោយស្វាហាប់និងដោយកិត្តិយស ទាំងនៅឆាកជាតិនិងអន្តរជាតិ។ ក្រោមការដឹកនាំរបស់ សម្តេចតេជោ ហ៊ុន សែន កម្ពុជាធានាបានសុខសន្តិភាព ស្ថេរភាព និងការអភិវឌ្ឍ។ ក្រោមការដឹកនាំរបស់ សម្តេចតេជោ ហ៊ុន សែន ប្រជាជនគ្រប់និន្នការនយោបាយនិងគ្រប់ៗរូប អាចរួមរស់នៅជាមួយគ្នា អនុវត្តសិទ្ធិសេរីភាពបានគ្រប់យ៉ាង អាចប្រកបរបរចិញ្ចឹមជីវភាព និងអាចធ្វើពាណិជ្ជកម្មទាំងក្នុងស្រុកនិងក្រៅស្រុកដោយសេរី។ ជាមួយគ្នានេះ មោទនភាពជាតិនៃកម្ពុជាតាមរយៈវិស័យ វប្បធម៌ សិល្បៈ អប់រំ កីឡា បានលេចឡើងជាបន្តបន្ទាប់គួរជាទីមោទនបំផុត។ ពេលនេះ យើងមិនត្រូវមើលរំលងទេថា ក្រោមកិច្ចប្រឹងប្រែងដោយមិនខ្លាចការនឿយហត់របស់ សម្តេចតេជោ ហ៊ុន សែន គឺកម្ពុជា កសាងបាននូវគ្រឹះយ៉ាងរឹងមាំ សម្រាប់ការធ្វើដំណើរលើផ្លូវវែងឆ្ងាយយូរអង្វែងឆ្ពោះទៅកាន់អនាគតដ៏ល្អប្រសើរទាំងបច្ចុប្បន្ននិងតទៅកូនចៅជំនាន់ក្រោយនៃកម្ពុជា។
    ពិតណាស់ ស្របគ្នានឹងការដើរទៅមុខ ជ្រុងម្ខាងទៀតនៃកម្ពុជា ក៏ត្រូវបានព្យាយាមទាញបង្អាប់បង្អោនដោយ «ក្រុមប្រឆាំង» ទាំងស្របច្បាប់ និងមិនស្របច្បាប់នោះផងដែរ។ បក្សប្រឆាំងនៅកម្ពុជា មានវត្តមាននៅក្នុងការបោះឆ្នោតចាប់ពីឆ្នាំ១៩៩៨មក ក៏ប៉ុន្តែ បក្សប្រឆាំងចាញ់ឆ្នោតទាំង៤លើកជាប់ៗគ្នារហូតមកដល់សព្វថ្ងៃ។ បញ្ហារបស់ពួកប្រឆាំងនិងបក្សប្រឆាំងគឺនៅត្រង់៖
    ទី១៖ មាត់ពួកគេទាមទារឲ្យមានការបោះឆ្នោត ក៏ប៉ុន្តែ សកម្មភាពពួកគេមិនដែលទទួលយកលទ្ធផលការបោះឆ្នោតនោះទេ។
    ទី២៖ មាត់ពួកគេចង់បានដំណោះស្រាយ ក៏ប៉ុន្តែ ទង្វើពួកគេមិនដែលគោរពអង្គព្រះមហាក្សត្រនោះទេ និងមិនដែលទទួលយកដំណោះស្រាយខ្មែរនិងខ្មែរនោះទេ ពីព្រោះបក្សប្រឆាំងក៏ជាឧបករណ៍មនោគមន៍វិជ្ជាត្រជាក់របស់បរទេស។
    ទី៣៖ មាត់ពួកគេនិយាយអំពីអធិបតេយ្យជាតិ ក៏ប៉ុន្តែ សម្មភាពពួកគេត្រុកៗ ថ្វាយបង្គំ យកបរទេសធ្វើជាគ្រូ ពីព្រោះចៅហ្វាយគេ គឺបរទេស។
    ទី៤៖ មាត់ពួកគេនិយាយពីចង់បាននីតិរដ្ឋ ក៏ប៉ុន្តែ សកម្មភាពពួកគេ គឺបែបឧទ្ទាម មិនគោរពច្បាប់ និងប្រមាថបំពានតួនាទីអាជ្ញាធរ។
    ទី៥៖ មាត់ពួកគេប្រកូកប្រកាសអាណិតប្រជាកសិករ ក៏ប៉ុន្តែ សកម្មភាពគេគឺបោកកសិករប្រមូលលុយ និងបោកកសិករឲ្យឡើងមកធ្វើបាតុកម្មតថ្លៃអំណាច ខាតពេល កសិករធ្វើស្រែចម្ការ។
    ទី៦៖ ពួកគេនិយាយអំពីរកការងារឲ្យយុវជន ប៉ុន្តែសកម្មភាពគេបង្រៀនយុវជនឲ្យប្រើហិង្សា ជេរប្រមាថ ធ្វើឲ្យខូចសីលធម៌សង្គម។
    ទី៧៖ ពួកគេមានអំនួនជាអ្នកទ្រឹស្តីសេដ្ឋកិច្ច តែចរិតរាក់កំផែល ដើរវាយឆ្នាំងបាយកម្មករគ្រប់ទីកន្លែង និងស្រែកអំពាវនាវកុំឲ្យគេទិញផលិតផលខ្មែរ និងផ្តាច់ទីផ្សារខ្មែរ។
    ទី៨៖ ពួកគេមានអំនួតលើទ្រឹស្តីអភិវឌ្ឍន៍ ក៏ប៉ុន្តែ ពួកគេរស់នឹងមុខរបរនយោបាយ ហើយសូម្បីសង់សំយាបផ្ទះឲ្យប្រជាជនម្នាក់ ក៏គេនឹកមិនដល់ផង។
    ទី៩៖ ពួកគេនិយាយពីសិទ្ធិនិងប្រជាធិបតេយ្យ ប៉ុន្តែ សកម្មភាពពួកគេរារាំងសិទ្ធិប្រជាជនមិនឲ្យទៅបោះឆ្នោត។
    បញ្ហារបស់ពួកប្រឆាំងនៅមានច្រើនជាងនេះ ហើយនេះជាមូលហេតុដែល កម្ពុជា មិនអាចផ្ញើវាសនាលើបក្សប្រឆាំងបានទេ។ គេគ្មានភាពទទួលខុសត្រូវ។ គេគ្មានស្មារតីបង្រួបបង្រួមជាតិទេ។ ភាសារបស់គេគឺគំនុំ គុំគួន និងការសងសឹក។ លើសពីនេះ ពួកគេគ្មានសមត្ថភាពទ្រទ្រង់សភាពការណ៍សន្តិសុខប្រទេសជាតិបាននោះទេ។ បើសភាពការណ៍វឹកវរក្នុងប្រទេសជាតិកើតឡើង នោះពួកគេនឹងរត់ចោប្រទេសជាតិនិងប្រជាជនដូចដែល លន់ នល់ ធ្លាប់រត់ចោលអញ្ចឹង។ ហើយបើគេមានអំណាចក្នុងដៃ បើប្រជាជនមិនធ្វើតាមបង្គាប់គេ នោះច្បាស់ណាស់ពួកប្រឆាំងដែលពោរពេញដោយគំនុំ និងកំហឹង នឹងហ៊ានសម្លាប់ប្រជាជនឯងដូច ប៉ុល ពត។
    ឥឡូវនេះ ដោយសារកំហឹងនិងគំនុំផ្ទាល់ខ្លួន គេ ទណ្ឌិត សម រង្ស៊ី បានប្រកាសរារាំងសិទ្ធិប្រជាជនមិនឲ្យទៅបោះឆ្នោត។ គេមិនខ្វល់ពីប្រជាជនទេ ប៉ុន្តែ គេគ្មានភាពអៀនខ្មាសើនឹងធ្វើអំពើបំពានបែបនេះ។ ប៉ុន្តែ នេះក៏មិនចម្លែកទេ ហើយសេណារីយោបោកប្រាស់បែបនេះ ក៏នឹងបរាជ័យ ដូចដែលគេបានបរាជ័យយ៉ាងអាម៉ាស់គ្រប់យ៉ាងជាបន្តបន្ទាប់មកហើយ។
    ប្រជាជនកម្ពុជាសុំផ្ញើសារខ្លីទៅកាន់អ្នកនយោបាយទាំងអស់៖ ទាំងអ្នកនយោបាយវ័យឆ្លាត, អ្នកនយោបាយចាញ់ឆ្នោតចាស់វស្សា, អ្នកនយោបាយរត់ចោលស្រុក, អ្នកនយោបាយត្រូវច្បាប់ដកសិទ្ធិនយោបាយ, អ្នកនយោបាយខ្ចីបទពិសោធន៍ ទាំងឡាយសូមមេត្តាជ្រាបថា គ្មាននយោបាយ ឬសេនារីយោទុច្ចរិតណាអាចបំភ័ន្តឆន្ទៈប្រជាជនកម្ពុជាបានទេ។
    «យើងខ្ញុំគ្មាន ទ្រឹស្តី សេណារីយោ នយោបាយ ១-២-៣- អីទេ ប៉ុន្តែយើងខ្ញុំមានឆ្នោតម្នាក់១សន្លឹក។ សន្លឹកឆ្នោត១សន្លឹកនេះ ខ្លាំងជាងសេណារីយោនយោបាយ ភូតភររាប់លានក្បាច់ទៅទៀត។ ដល់ថ្ងៃទី២៩ ខែកក្កដា ឆ្នាំ២០១៨ គឺយើងខ្ញុំនឹងទៅបោះឆ្នោត ហើយបោះឲ្យអ្នកណា គឺអ្នកហ្នឹងដឹងតែជាប់ហើយ។ យើងរួមគ្នាបោះឆ្នោតឲ្យ គណបក្សដែលធ្វើជីវភាពយើងកាន់តែប្រសើរឡើង។ យើងរួមគ្នាបោះឆ្នោតឲ្យគណបក្សដែលមានសមត្ថភាព លទ្ធភាពរក្សាការពារសុខសន្តិភាពនៅកម្ពុជា។ យើងរួមគ្នាបោះឆ្នោតឲ្យគណបក្សដើម្បីកម្ពុជា នោះគឺបោះឆ្នោតឲ្យ គណបក្សប្រជាជនកម្ពុជា»៕

    ហាស! ហាស
    យល់ឬនៅអាល្ងង់ !

  7. so socheath says:

    SoCheath, [15.05.18 14:51]
    ទីបំផុតប្រវត្តិសាស្ត្រជាតិ បានកប់ឈ្មោះគណបក្សតិរច្ឆាន
    ក្បត់ជាតិឈ្មោះបក្សសង្គ្រោះជាតិចោល ដោយកប់ទាំងឈ្មោះ
    អ្នកនយោបាយតិរច្ឆានដែលចូលរួមប្រព្រឹត្តអំពើក្បត់ជាតិក្នុង
    បក្សនោះចោល ដោយគ្មានអ្នកណានឹងនឹកនាដល់

    ទីបំផុតទៅ នៅពេលដែលឃើញ គណបក្សនយោបាយចំនួនដល់ទៅ២០ បានចុះបញ្ជីរួចរាល់ជា
    មួយ គ.ជ.ប ដើម្បីត្រៀមប្រកួតប្រជែងការបោះឆ្នោតថ្ងៃទី ២៩ ខែកក្កដាខាងមុខ។ សម្រាប់ខ្មោចបក្សសង្គ្រោះជាតិ ដែលត្រូវបានដុតរលាយក្លាយទៅជាផេះទៅហើយនោះ បានប្រើវាចារពីឋាននរក ស្រែកសុំចូលរួមប្រកួតប្រជែងជាមួយគេដែរ ។ តែដោយ ការងាប់តៃហោងនេះវាបណ្តាលមកពីកំហុសធ្ងន់ធ្ងរពេកនោះ គឺមិនអាចយកឥសីឯណាមកស្តោះផ្លុំប្រោសបក្សនេះ ដែលរលាយសាបសូន្យពីឆាកនយោបាយហើយនោះ ឲ្យរស់ឡើងវិញបានឡើយ ។
    សេចក្តីថ្លែងការណ៍ដែលទំនងចេញពីឋាននរករបស់ ខ្មោចបក្សសង្គ្រោះជាតិ បានថ្កោលទោសគេ
    ឯងរាប់ទាំង គ.ជ.ប ផង ថាម៉េចមិនបានអនុញ្ញាតឲ្យបក្សរបស់ខ្លួន ដែលងាប់តៃហោង ទៅជាខ្មោចទៅហើយនោះ ចូលរួមប្រកួតប្រជែងជាមួយគេផង។
    អ្វីដែលគួរឲ្យអស់សំណើចនៅត្រង់ថា សេចក្តីថ្លែងការណ៍ខ្មោចមួយនេះ ហាក់ដូចជាមមីងមមាំង មិនដឹងច្បាប់ទម្លាប់អ្វីទាំងអស់។ ជាធម្មតា នរណាក៏ដឹងដែរថា គ.ជ.ប គឺជាស្ថាប័នអនុវត្តច្បាប់។ ស្ថាប័នមួយនេះគ្មានសិទ្ធិអំណាចអ្វីទៅសម្រេចឲ្យបក្សនេះ ឬ មិនឲ្យគណបក្សនោះចូលរួមបោះឆ្នោត តាមតែចិត្តនឹកឃើញបាននោះទេ តែ គ.ជ.ប គ្រាន់តែជាអ្នកអនុវត្តតាមច្បាប់ និងនីតិវិធីដែលបានចែងតែប៉ុណ្ណោះ។
    រាល់គណបក្សនយោបាយទាំងឡាយណា ដែលបានចុះបញ្ជីត្រឹមត្រូវនៅក្រសួងមហាផ្ទៃហើយ ដែលក្រសួងមួយនេះទទួលស្គាល់ជាផ្លូវការ គឺមានសិទ្ធិចុះបញ្ជីគណបក្ស និងបញ្ជីបេក្ខជនឈរឈ្មោះរបស់ខ្លួនជាមួយ គ.ជ.ប បាន។
    បន្ទាប់ពីបានបំពេញបែបបទត្រឹមត្រូវ តាមនីតិវិធីច្បាប់គ្រប់គ្រាន់ហើយនោះ គ.ជ.ប នឹងប្រកាសទទួលស្គាល់គណបក្សនោះថា បានចុះបញ្ជីគណបក្ស និងបេក្ខជនឈរឈ្មោះប្រកួតប្រជែងរបស់ខ្លួន តាមនីតិវិធីច្បាប់ហើយ។ នេះជាតួនាទីរបស់ គ.ជ.ប ស្របតាមរដ្ឋធម្មនុញ្ញ និងច្បាប់ ដែលបានកំណត់ ហើយដែលសូម្បីពលរដ្ឋសាមញ្ញ ក៏បានដឹងអំពីនីតិវិធីបែបនេះដែរ លើកលែងតែគណបក្សខ្មោចតៃហោងសង្គ្រោះជាតិមួយ
    ប៉ុណ្ណោះដែលមិនដឹង។
    គណបក្សនយោបាយទាំង២០ ដែលបានចុះបញ្ជី និងចុះឈ្មោះបេក្ខជនរបស់ខ្លួនរួចរាល់នៅ គ.ជ.ប ទាន់ពេលវេលាតាមប្រតិទិន ដែលបានកំណត់សុទ្ធតែបានដឹងច្បាស់ អំពីនីតិវិធីច្បាប់ ហើយបានខិតខំបំពេញគ្រប់លក្ខខណ្ឌ តម្រូវដោយគ្មានខ្វះចន្លោះឡើយ ទើប គ.ជ.ប ប្រកាសទទួលស្គាល់ជាផ្លូវការ ហើយដែលមានតែគណបក្សខ្មោចតៃហោងសង្គ្រោះជាតិមួយនេះទេ បែរជាចេញសេចក្តីថ្លែងការណ៍ ដ៏គួរឲ្យអស់សំណើចបែបនេះទៅវិញ។ សេចក្តីថ្លែងការណ៍នេះ គឺពិតជាមានន័យយ៉ាងច្បាស់ថាបក្សខ្មោចតៃហោង CNRP មានការវង្វេងវង្វាន់ ថាបាយបិណ្ឌ គឺជាបាយបាតតែម្តង។
    តាំងពីដើមរៀងមក គណបក្សដែលដឹកនាំដោយអាក្បត់ជាតិសម រង្ស៊ី និងអាក្បត់ជាតិ កឹម សុខា គិតតែពីរឿងកេងចំណេញនយោបាយ ដោយមើលរំលងទាំងស្រុងនីតិវិធីច្បាប់។ និយាយរួមពួកវា
    ចង់ដេកលើច្បាប់ នឹងអង្គុយលើច្បាប់ ទុកច្បាប់ជាតិជាសម្រាមនៅក្រោមបាតជើងពួកវា ។
    ហេតុដូច្នេះហើយបានជាទីបំផុតគណបក្សតិរច្ឆានក្បត់ជាតិមួយនេះ ត្រូវបានតុលាការកំពូលសម្រេចរំលាយចោល ដោយសារតែកំហុសធំធេងរបស់មេដឹកនាំ គណបក្សនេះដែលហ៊ានរហូតដល់ទៅធ្វើនយោបាយ តាមខ្សែញាក់របស់បរទេស ដោយមិនគិតអំពីច្បាប់របស់ប្រទេស បានប្រព្រឹត្តនូវអំពើក្បត់ជាតិ ។
    អាសម រង្ស៊ី ទាំងអា កឹម សុខា សុទ្ធតែមានទោសជាច្រើនករណីជាប់នឹងខ្លួន។ ប៉ុណ្ណឹងហើយពួកអាតិរច្ឆាននេះ នៅតែមិនភ្ញាក់រលឹកហើយ នៅតែបន្តប្រព្រឹត្តអំពើខុសច្បាប់ ត្រដរចេញសេចក្តីថ្លែងការណ៍ពីឋាននរកទាំងងងឹតងងុល។
    អ្វីដែលគួរឲ្យកត់សម្គាល់គឺ តាំងពីមុនពេល គ.ជ.ប ចាប់ផ្តើមដំណើរការនីតិវិធីរបស់ខ្លួនម៉្លេះ អាក្បត់
    ជាតិ សម រង្ស៊ី បានឃោសនាបោកប្រាស់អ្នកគាំទ្ររបស់ខ្លួនថា គណបក្សសង្គ្រោះជាតិ នឹងមានវត្តមាននៅក្នុងការបោះឆ្នោតខែកក្កដា ខាងមុខនេះ។ អាក្បត់ជាតិនេះថា សហគមន៍អន្តរជាតិ នឹងដាក់សម្ពាធមកលើរាជរដ្ឋាភិបាលក្រុងភ្នំពេញ ឲ្យទទួលយកខ្មោចតៃហោងគណបក្សសង្គ្រោះជាតិមកវិញ។ ក្រោយមកនៅពេល ដែលការធ្វើសកម្មភាពទាំងឡាយរបស់អាក្បត់ជាតិសម រង្ស៊ី និងបក្សពួកវា គឺមិនទទួលបានលទ្ធផលអ្វី ទាំងអស់ដោយសារតែសហគមន៍អន្តរជាតិ មិនស្តាប់តាម ។ ក្នុងភាពទ័លច្រក
    អាក្បត់ជាតិ សម រង្ស៊ី បែរមករិះរកវិធីគ្រប់យ៉ាង ធ្វើយ៉ាងណាដើម្បីរារាំងកុំឲ្យបក្សនយោបាយផ្សេងៗ ទៅចូលរួមបោះឆ្នោតដោយលើកហេតុផលថា គ្មានវត្តមានបក្សសង្គ្រោះជាតិ គ្មានប្រជាធិបតេយ្យ។
    ប៉ុន្តែ ការឃោសនាបោកប្រាសនេះ ក៏ទទួលបរាជ័យទាំងស្រុងទៀត ដោយសារតែគណបក្សនយោបាយផ្សេងៗ មិនស្តាប់តាមការឃោសនារបស់អាក្បត់ជាតិសម រង្ស៊ី ។

    SoCheath, [15.05.18 14:51]
    ផ្ទុយទៅវិញ ពួកគេគិតថា ការចូលរួមប្រកួតប្រជែងក្នុងការបោះឆ្នោតខែកក្កដាខាងមុខ នឹងផ្តល់ជាជម្រើសយ៉ាងសម្បូរបែបដល់ប្រជាពលរដ្ឋ ហើយពួកគេក៏យល់ទៀតថា ដំណើរការប្រជាធិបតេយ្យនៅកម្ពុជា មិនអាស្រ័យលើគណបក្សមួយ ដែលបំពានច្បាប់ និងដែលបានស្លាប់បាត់ទៅហើយនោះឡើយ។ ទីបំផុត គណបក្សចំនួនដល់ទៅ២០ បានចូលរួមប្រកួត។ ចំនួនគណបក្សដ៏ច្រើនហួស ពីការរំពឹងទុកបែបនេះ រឹតតែធ្វើឲ្យអាក្បត់ជាតិ សម រង្ស៊ី និងមន្ត្រីគណបក្សខ្មោចតៃហោង សង្គ្រោះជាតិ ក្រពុលមុខកាន់តែខ្លាំងរហូតដល់ចេញសេចក្តីថ្លែងការណ៍ វង្វេងស៊ុងមិនដឹងខុសត្រូវបែបនេះ។
    ចំណែកឯសហគមន៍អន្តរជាតិវិញ ពួកគេកំពុងសាទរ និងស្ងប់ស្ងែងដំណើរការលទ្ធិប្រជាធិបតេយ្យ នៅកម្ពុជាដែលបាត់បក្សមួយនៅមានបក្ស២០ចូលរួមប្រកួតប្រជែង ។ ដូច្នេះ ទាំងប្រជាពលរដ្ឋខ្មែរ ទាំងសហគមន៍អន្តរជាតិសុទ្ធតែបានយល់ច្បាស់ហើយថា ប្រជាធិបតេយ្យនៅកម្ពុជាកំពុងរីកលូតលាស់យ៉ាងខ្លាំងមិនដូចការឃោសនាអកុសលរបស់អាក្បត់ជាតិ
    សម រង្ស៊ី នោះឡើយ។
    សរុបទៅ សំឡេងរបស់អាក្បត់ជាតិសម រង្ស៊ី សំឡេងរបស់មន្ត្រីគណបក្សខ្មោចតៃហោងសង្គ្រោះជាតិក្តី លែងមានន័យសម្រាប់ពលរដ្ឋខ្មែរ និងសហគមន៍អន្តរជាតិទៀតហើយ។ វាគ្រាន់តែជាសំឡេងខ្មោចទារពែ និងជាសម្លេងឆ្កែព្រុសយន្តហោះតែប៉ុណ្ណោះ ។
    វាជាទីបំផុតនៃប្រវត្តិសាស្ត្រជាតិហើយដែលបានកប់ឈ្មោះគណបក្សតិរច្ឆានក្បត់ជាតិឈ្មោះ
    បក្សសង្គ្រោះជាតិនេះចោល ដោយកប់ទាំងឈ្មោះអ្នកនយោបាយតិរច្ឆានដែលចូលរួមប្រព្រឹត្ត
    អំពើក្បត់ជាតិទាំងនោះចោល ដោយគ្មានអ្នកណានឹងនឹកនាដល់ ៕

Leave a Reply

Submit Comment