មន្ត្រី​ថា​លោក​ សម រង្ស៊ី ​កាន់តែ​ផុង​ជ្រៅ​នៅ​ក្នុង​សំណាញ់​ច្បាប់

លោក សម រង្ស៊ី អតីត​ប្រធាន​អតីត​បក្ស​សង្គ្រោះ​ជាតិ​។ ហេង ជីវ័ន



and
ភ្នំពេញប៉ុស្តិ៍

ភ្នំពេញៈ មន្ត្រី​ជាន់ខ្ពស់​រដ្ឋាភិបាល​បាន​ព្រមាន​ថា អតីត​ប្រធាន​គណបក្ស​សង្គ្រោះ​ជាតិ​លោក​ សម រង្ស៊ី កាន់តែ​ផុងជ្រៅ​ទៅៗ​នៅក្នុង​អំពើ​ដែល​ខ្លួន​បាន​និង​កំពុង​ប្រព្រឹត្ត​ហើយ​ត្រូវ​តែ​ប្រឈម​នឹង​ច្បាប់​មិន​អាច​ដោះ​រួច ដែល​នេះ​ជា​ប្រតិកម្មតប​នឹង​ការអំពាវនាវ​របស់​លោក​ រង្ស៊ី ឲ្យ​ប្រជាពលរដ្ឋ និង​កងកម្លាំង​ប្រដាប់អាវុធ​ងើប​ឈរ​ប្រឆាំង​នឹង​រដ្ឋាភិបាល​ក្រោយ​ការបោះឆ្នោត​។

លោក​ ខៀវ សុភ័គ អ្នក​នាំពាក្យ​ក្រសួង​មហាផ្ទៃ​ក៏​បាន​ថ្លែង​ចំអក​ទៅ​លោក​ សម រង្ស៊ី វិញ​ថា​កងកម្លាំង​ប្រដាប់អាវុធ​ទាំង​មូល​កំពុង​ចង់​បាន​ខ្លួន​ សម រង្សី មក​ក្បែរ​ហើយ​ថា​លោក​ រង្ស៊ី កុំ​រត់ចោល​កងកម្លាំង​អ៊ីចឹង​ទៀត​។ លោក​ថា លោក​ សម រង្ស៊ី និយាយ​នៅ​ក្រៅ​ប្រទេស​ដើម្បី​ធ្វើឲ្យ​តែ​ឮ​ហើយ​គ្មាន​នរណា​គាំទ្រ​គាត់​ទេ​។

លោក​ សុភ័គ បញ្ជាក់​ថា​៖ «​ទណ្ឌិត​ សម រង្ស៊ី បាន​និង​កំពុង​ផុង​ខ្លួន​កាន់តែ​ជ្រៅ​ទៅក្នុង​សំណាញ់​ច្បាប់​កម្ពុជា ហើយ​ខ្ញុំ​គិត​ថា​ទោស​គាត់​កាន់​តែ​ធ្ងន់​ទៅៗ​បន្ថែម​ទាំង​ការប្រមាថ​ព្រះមហាក្សត្រ​មួយ​ករណី​ទៅ​ទៀត​កាន់តែ​ធ្ងន់ធ្ងរ​ ៤-៥ ​ឆ្នាំ​ទៀត​។ វា​កាន់​តែ​ច្រើន​ឡើង​ហើយ ដោះ​មិន​រួច​ទេ​»​។

បន្ថែម​ពី​នេះ​មន្ត្រី​នាំពាក្យ​គណបក្ស​ប្រជាជន​កម្ពុជា​ដែល​ជា​បក្ស​កាន់​អំណាច​របស់​លោក​នាយករដ្ឋមន្ត្រី​ ហ៊ុន សែន នោះ​គឺ​លោក​ សុខ ឥសាន ក៏​បាន​ឆ្លើយតប​ថា​ការអំពាវនាវ​របស់​លោក​ សម រង្ស៊ី មិន​មាន​ឥទ្ធិពល​អ្វី​ទៅ​លើ​ប្រជារាស្ត្រ និង​កងកម្លាំង​ប្រដាប់​អាវុធ​ទេ​។ លោក​ថា​នេះ​គ្រាន់​តែ​ជា​ការ​ធ្វើការ​វិនិច្ឆ័យ​មុន​របស់​លោក​ រង្ស៊ី មុន​ការបោះឆ្នោត​មក​ដល់​។

លោក​ ឥសាន ថ្លែង​ថា​៖ «​មិន​ទាន់​បោះឆ្នោត​ផង​ហេតុអ្វី​បានជា​អន្តរជាតិ​មិន​ទទួល​ស្គាល់​។ ប្រជាជន​មិន​ទាន់​សម្តែង​ឆន្ទៈ​ផង​មក​និយាយ​មុន​ទៅ​ហើយ ដូច្នេះ​នេះ​វា​ជា​បុរេវិនិច្ឆ័យ​របស់​ទណ្ឌិត​ សម រង្ស៊ី​។ វា​មិន​ពិត​ទេ​ការនិយាយ​នេះ​គ្មាន​ប្រជាជន​ ឬ​កងទ័ព​ណា​ទៅ​ឈឺ​ក្បាល​វិលមុខ​នឹង​ជន​រត់ចោល​ស្រុក និង​គ្មាន​ប្រជាជន​ណា​មួយ​ទៅ​យក​ទុក្ខទោស​ដាក់​ខ្លួន​ប្រឆាំង​ជាមួយ​នឹង​រាជរដ្ឋាភិបាល​របស់​ខ្លួនឯង​នោះ​ទេ​»​។

ថ្លែង​ក្នុង​កិច្ចសម្ភាសន៍​ជាមួយ​វិទ្យុ​អាស៊ីសេរី​កាលពី​សប្តាហ៍​មុន​លោក​ សម រង្ស៊ី អតីត​ប្រធាន​អតីត​គណបក្ស​សង្គ្រោះ​ជាតិ​ និង​បច្ចុប្បន្ន​ជា​ប្រធាន​ចលនា​សង្គ្រោះ​ជាតិ​ដែល​កំពុង​និរទេស​ខ្លួន​នៅ​ក្រៅ​ប្រទេស​បាន​អំពាវនាវ​ប្រជាពលរដ្ឋ​គ្រប់​មជ្ឈដ្ឋាន​ព្រម​ទាំង​កងកម្លាំង​ប្រដាប់អាវុធ​ត្រូវ​តែ​ក្រោក​ឈរ​ក្រោយ​ការបោះឆ្នោត​ថ្ងៃទី​ ២៩ ខែ​កក្កដា​ឆ្នាំ​ ២០១៨ ប្រឆាំង​នឹង​ការដឹកនាំ​របស់​លោក​នាយករដ្ឋមន្ត្រី​ ហ៊ុន សែន ដែល​មិន​ស្របច្បាប់​ដោយសារ​បន្ទាប់ពី​ការបោះឆ្នោត​ខាង​មុខ​នេះ​ទៅ​រដ្ឋាភិបាល​លោក​ ហ៊ុន សែន នឹង​មិន​មាន​ការទទួលស្គាល់​ និង​គាំទ្រ​ពី​អន្តរជាតិ​ដែល​ជា​រដ្ឋាភិបាល​ស្រប​ច្បាប់​នោះ​ទេ ព្រោះ​ជា​រដ្ឋាភិបាល​ដែល​កើតឡើង​ពី​ការបោះឆ្នោត​ក្លែងក្លាយ និង​លេងសើច​។

លោក​ រង្ស៊ី ថ្លែង​ថា​៖ «​ពេល​នោះ​អន្តរជាតិ​គេ​អត់​ទំនាក់ទំនង​ជាមួយ​រដ្ឋាភិបាល​លោក​ ហ៊ុន សែន ដូច​សព្វ​ថ្ងៃ​ទេ​។ ក្រោយ​ពី​ថ្ងៃ ២៩ កក្កដា​នេះ​គឺ​សភាពការណ៍​ថ្មី​ហើយ​ពេល​នោះ​ខ្ញុំ​សូម​អំពាវនាវ​ក្នុង​ឋានៈ​ខ្ញុំ​ជា​ប្រធាន​ចលនា​សង្គ្រោះ​ជាតិ ឲ្យ​ប្រជារាស្ត្រ​ខ្មែរ​ងើបឡើង​ត្រូវ​តែ​ងើប​ឡើង​ទាំងអស់​គ្នា​បងប្អូន​។ ឃើញ​ទេ​អ្វីៗ​ជុំវិញ​យើង​គេ​លក់​ខ្ទេច លក់​ខ្ទី​គ្មាន​សល់​អី្វ​ទេ​»​។

លោក​បន្ត​ថា​៖ «​ខ្មែរ​វេទនា​ពេក​ចំណាកស្រុក​ទៅ​ប្រទេស​ជិត​ខាង​ពេល​ទន្ទឹម​គ្នា​នេះ​បរទេស​ទាំង​យួន​ទាំង​ចិន​ចូល​មក​កាន់តែ​ច្រើន​នៅ​ស្រុក​យើង​។ នេះ​ជា​ដំណាក់កាល​ចុងក្រោយ​យើង​ត្រូវ​តែ​ងើបឈរ​ទាំងអស់​គ្នា​»​។

ការអំពាវនាវ​ឲ្យ​ប្រជាពលរដ្ឋ​ងើប​ឈរ​ប្រឆាំង​នឹង​របប​លោក​ ហ៊ុន សែន នេះ​គឺ​លោក​ សម រង្ស៊ី បញ្ជាក់​ថា​ជា​ការ​ប្រឆាំង​តវ៉ា​ដោយ​នៅ​ស្ងៀម​មិន​ទៅ​បោះឆ្នោត ហើយ​មិន​ធ្វើ​អ្វីៗ​ដែល​រដ្ឋាភិបាល​លោក​ ហ៊ុន សែន ចង់​ឲ្យ​ធ្វើ​។ ជាមួយ​គ្នា​នេះ​លោក​អំពាវនាវ មន្ត្រីរាជការ គ្រូបង្រៀន និស្សិត សិស្ស អាជីវករ កម្មករ ត្រូវ​ធ្វើ​បាតុកម្ម កូដកម្ម ប្រឆាំង​នឹង​រដ្ឋាភិបាល​ដើម្បី​បង្ហាញ​ថា​ពួកគេ​ចង់​ឲ្យ​មាន​ការ​ផ្លាស់ប្តូរ​។

លោក​ថ្លែង​ថា​៖ «​ហើយ​ក្នុង​ឱកាស​នោះ​ក៏​ខ្ញុំ​សូម​អំពាវនាវ​ទៅ​កងកម្លាំង​ប្រដាប់​អាវុធ ជាពិសេស​កូនទាហាន ពលទាហាន ថា​បងប្អូន​ក្មួយៗ​នៅ​បម្រើ​ពួក​ជន​ផ្តាច់ការ​ដល់​ណា​ទៀត​។ ឧត្តមសេនីយ៍​មួយ​ក្តាប់​តូច​គេ​មាន​កប់​ក្តោង គេ​យក​ដី​ប្រជារាស្ត្រ កាប់​ព្រៃឈើ​យក​ទៅ​លក់​ហើយ​គេ​ប្រើ​ពលទាហាន​កូនទាហាន​គ្រាន់​តែ​យាម​ដី​ឲ្យ​គេ កាប់​ឈើ​ឲ្យ​គេ ដឹកឈើ​ឲ្យ​គេ ការពារ​ការជួញដូរ​របស់​គេ​។ គេ​ក្លាយ​ជា​មហាសេដ្ឋី ហើយ​ពលទាហាន​តូចតាច​នៅ​តែ​ក្រ​មួយ​ជីវិត គ្រួសារ​យើង​ក្រ​រហេមរហាម​។ កុំ​ស្តាប់​បញ្ជា​ពួក​ជនផ្តាច់ការ​ទៀត ពលទាហាន​ទាំងអស់​ដែល​មាន​អាវុធ​ត្រូវ​តែ​ការពារ​ប្រជារាស្ត្រ​។ កុំ​ប្រើ​អាវុធ​មក​បាញ់​ប្រហារ​លើ​ប្រជារាស្ត្រ​តាម​បញ្ជា​ពួក​ជន​ផ្តាច់ការ​»​។

ដោយឡែក​លោក​ យ៉ែម បុញ្ញឫទិ្ធ អតីត​តំណាងរាស្ត្រ​នៃ​គណបក្ស​សង្គ្រោះ​ជាតិ​ដែល​ត្រូវ​បាន​រំលាយ ថ្លែង​នៅ​ក្នុង​ពិធីបុណ្យ​ផ្កា​កាលពី​ថ្ងៃទី​ ៩ មិថុនា​នៅ​សហរដ្ឋអាមេរិក​ថា​នៅ​ពេល​ដែល​បេះដូង​ស្មោះ​ពិត​ជាមួយ​នឹង​ជាតិ​ខ្មែរ​មែន ពេល​នោះ​ប្រាកដ​ជា​អាច​ជួយ​ជាតិ​បាន​។

លោក​​ បុញ្ញឫទ្ធិ ថ្លែង​ថា​៖ «​សូម​គិត​ឲ្យ​ច្បាស់​ និង​ប្រាកដ​ដោយសារ​ជាតិ​យើង​ជួប​បញ្ហា​ដ៏ធ្ងន់ធ្ងរ និង​បញ្ហា​ច្របូកច្របល់ និង​ប្រព័ន្ធ​ព័ត៌មាន​ផ្សព្វផ្សាយ​ញុះញង់ លាបពណ៌ បំបែកបំបាក់​ដើម្បី​ឲ្យ​ខ្មែរ និង​សង្គម​ជាតិខ្មែរ​បែកបាក់​»​។

លោក​អះអាង​ថា​ការបោះឆ្នោត​ដែល​គ្មាន​គូប្រកួត​ពិតប្រាកដ​មិនមែន​ជា​ការ​បោះឆ្នោត​ឆ្លុះ​បញ្ចាំង​ពី​ឆន្ទៈ​របស់​ពលរដ្ឋ​ទេ​គឺជា​ការបោះឆ្នោត​ក្លែងក្លាយ ដូច្នេះ​ពលរដ្ឋ​មាន​សិទ្ធិ​សម្រេច​ថា​ទៅ​ឬ​មិន​ទៅ​បោះឆ្នោត​។

លោក​ថា​៖ «​ការបោះឆ្នោត​នេះ​អាច​ទទួល​យក​បាន​ដែរ​ឬ​ទេ​នៅពេល​ដែល​គេ​ចាប់​លោក​ប្រធាន​បក្ស​ប្រឆាំង​ដាក់គុក គេ​រំលាយ​បក្ស​ប្រឆាំង​គេ​បិទ​ប្រព័ន្ធ​ផ្សព្វផ្សាយ​ឯករាជ្យ ហើយ​គេ​បិទ​អង្គការ​នានា​ដែល​ធ្វើការ​ដើម្បី​សង្គម​ និង​ជាតិ​»​។

ប៉ុន្តែ​លោក​ សុខ ឥសាន បាន​លើក​ឡើង​ថា​មិន​មាន​ការ​ច្របូក​ច្របល់​អ្វី​នោះ​ទេ ហើយ​ប្រសិន​បើ​វា​ច្របូកច្របល់ ឬ​ហុយផ្សែង​មាន​ទម្លាក់​គ្រាប់បែក​ផ្លោង​ចុះ​ឡើង គឺ​អ្នកកាសែត មិន​អាច​ទៅ​យក​ព័ត៌មាន​ចុះ​ផ្សាយ​បាន​ដែរ​។

លោក​ថា​៖ «​ដូច្នេះ​ការនិយាយ​របស់​គាត់​គឺ​វា​គ្មាន​តម្លៃ​អី​ទេ​ ពីព្រោះ​វា​មិន​បាន​ផ្សារភ្ជាប់​ទៅ​នឹង​សភាពការណ៍​ពិត​ជាក់ស្តែង​ដែល​កំពុង​កើត​មាន​ឡើង​នៅ​កម្ពុជា​»​។

លោក​ព្រមាន​ថា​៖ «​អ្នក​ញុះញង់ អ្នក​កៀរគរ​ប្រជាពលរដ្ឋ​ក៏​ដូចជា​អ្នក​ដែល​អំពាវនាវ​មិន​ឲ្យ​ប្រជាពលរដ្ឋ​ទៅ​បោះឆ្នោត​អាហ្នឹង​ហើយ​គឺជា​ការរំលោភ​សិទ្ធិ​ប្រជាពលរដ្ឋ​ដូច្នេះ​ត្រូវ​មាន​ទោស​»៕


Contact authors: ម៉ិច ដារ៉ា and មាស សុខជា

What Next?

Recent Articles

4 Responses to "មន្ត្រី​ថា​លោក​ សម រង្ស៊ី ​កាន់តែ​ផុង​ជ្រៅ​នៅ​ក្នុង​សំណាញ់​ច្បាប់"

  1. Free Cambodia says:

    If you live in the US you should know about Rep. Maxine Waters (D-Calif.) who has held an event on Sunday to get millennials energized about her re-election campaign, but it was only 11 people attended. I hope you know why. Rainsy is no different from Maxine. Rainsy has completedly lost his credibility and trust because of his self serving interest. Thanks to our majority who is standing up against Rainsy.

  2. Anonymous says:

    Politic in cambodia is the fake and cheat international ‘ mr sy having more crimes then mr hun sen and mr ranaroth who both fighting in the capital city(coup1997) Then they coming to work together no criminal all and the lost one suffer ‘ now the Show coming again and all senators and the law makers are the pigs waiting to suck all money from state ‘ and people struggle to survive themself ‘ if they know how to licking dictator’s ass they become rich ‘ this is the state of mafia king dom’

  3. Anonymous says:

    Sam Rainsy our Cambodian great leader in people’s heart and mind all generation forever. Sincerely, Sam Rainsy first Khmer great leader changes unfair judgement, injustice, fraudulent democracy to become fair, democracy, justice, national economy prosperity for our country. Cambodian people all wish Our great leader Sam Rainsy good health, good happiness.

  4. so socheath says:

    អាក្បត់ជាតិសមរង្សី វានៅក្នុងតែបេះដូងសម្អុយរស់អាល្ងង់អ្ហែងហ្នឹងទេអាមូស ! (Anonymous)
    សម្រាប់ប្រជាជនកម្ពុជា អាសមរង្សី អាកឹមសុខា គឺចាជនក្បត់ជាតិ ដែលមិនអាចអត់អោនឲ្យបាន ។
    បើមានច្បាប់ប្រហារជិវិត អាពីរក្បាលនេះ ដាច់ខាតត្រូវតែកំបុតក្បាល !
    យល់ទេអាល្ងង់ មូស !