អាមេរិកដាក់មេកងអង្គរក្សលោក ហ៊ុន សែន ក្នុងបញ្ជីខ្មៅ ដែល​ត្រូវ​បង្កក​ទ្រព្យ​សម្បត្តិ​មុន​គេ

ដោយ មួង ណារ៉េត
2018-06-12
RFA

លោក ហ៊ីង ប៊ុនហៀង មេបញ្ជាការ​នៃ​បញ្ជា​ការដ្ឋាន​អង្គរក្ស នាយ​ឧត្ដមសេនីយ៍ ចូលរួម​សិក្ខាសាលា​ស្ដីពី​សម្ព័ន្ធ​មេត្រីភាព​រវាង​អង្គភាព​កងទ័ព-​ នគរបាល​ជាតិ ជាមួយ​អង្គភាព​សង្គម​ស៊ីវិល​នា​វិមាន​សន្តិភាព កាល​ពី​ថ្ងៃ​ទី​២៩ ខែ​កក្កដា ឆ្នាំ​២០១៥។ RFA
លោក ហ៊ីង ប៊ុនហៀង មេបញ្ជាការ​នៃ​បញ្ជា​ការដ្ឋាន​អង្គរក្ស នាយ​ឧត្ដមសេនីយ៍ ចូលរួម​សិក្ខាសាលា​ស្ដីពី​សម្ព័ន្ធ​មេត្រីភាព​រវាង​អង្គភាព​កងទ័ព-​ នគរបាល​ជាតិ ជាមួយ​អង្គភាព​សង្គម​ស៊ីវិល​នា​វិមាន​សន្តិភាព កាល​ពី​ថ្ងៃ​ទី​២៩ ខែ​កក្កដា ឆ្នាំ​២០១៥។ RFA


សហរដ្ឋ​អាមេរិក ដាក់​មេកងអង្គរក្ស​លោក ហ៊ុន សែន ក្នុង​បញ្ជីខ្មៅ ដែល​ត្រូវ​បង្កក​ទ្រព្យ​សម្បត្តិ​មុន​​គេ​។ លោក ហ៊ីង ប៊ុនហៀង ដែល​ជា​មេបញ្ជាការ​នៃកងអង្គរក្ស​របស់​លោក​នាយករដ្ឋ​មន្រ្តី ហ៊ុន សែន ត្រូវ​បានការិយាល័យ​កិច្ចការ​សាធារណៈ នៃ​​នាយកដ្ឋាន​​រតនាគារ​អាមេរិក ប្រកាស​នៅថ្ងៃទី១២ ខែមិថុនា ដោយ​​បញ្ចូល​ទៅ​ក្នុង​​បញ្ជី​ខ្មៅ នៃ​បុគ្គលដែល​ត្រូវ​រង​ទណ្ឌកម្ម ក្រោម​ច្បាប់ ហ្គ្លោប៊ល ម៉ែកនីតស្គី​ (GLOBAL MAGNITSKY) ដោយសារ​​តែ​​ការ​​ចូល​ដៃ​ក្នុង​ការ​​រំលោភ​​សិទ្ធិមនុស្ស និង​ប្រជាធិបតេយ្យ​នៅកម្ពុជា។ សហរដ្ឋអាមេរិក រកឃើញថា លោក ហ៊ីង ប៊ុន​ហៀង រំលោភ​សិទ្ធិមនុស្ស​​ធ្ងន់ធ្ងរ ក្នុង​​រយៈ​ពេល​ជា​ច្រើន​​ឆ្នាំ​​ចុង​ក្រោយ​នេះ រួមទាំង​អំពើ​ហិង្សា​នៅ​ឆ្នាំ​២០១៣ នៅ​ក្បែរ​វត្ត​ភ្នំ និង​អំពើ​ហិង្សា​វាយដំ​តំណាង​រាស្ត្រ​បក្ស​ប្រឆាំង​ពីរ​រូប នៅ​​មុខ​​រដ្ឋសភា​ នៅ​ឆ្នាំ២០១៥។ លោក ហ៊ីង ប៊ុនហៀង ក៏ជាប់​ពាក់ព័ន្ធនឹងអំពើ​ហិង្សាក្នុងការ​បង្រ្កាប​លើ​​ក្រុម​​អ្នក​តវ៉ា និង​សកម្មជន​​បក្ស​ប្រឆាំង ដូចជា​ការ​​បោក​គ្រាប់​​បែក​​លើ​អ្នក​តវ៉ា​អហិង្សា កាល​ពី​ឆ្នាំ​១៩៩៧ ដែល​​ធ្វើ​​ឲ្យ​​ស្លាប់​ និង​របួស​​មនុស្ស​ជា​ច្រើន​នាក់ រួមទាំង​​របួស​​ជនជាតិ​​អាមេរិក​​មួយ​រូប​​ផង។

ជាលទ្ធផល​នៃ​អំពើ​រំលោភសិទ្ធិមនុស្ស​ទាំងនេះ ខាង​រតនាគារ​អាមេរិក នឹង​ចាត់​​វិធានការ​ទាំង​ឡាយ ដើម្បី​​បង្កក​ទ្រព្យ​សម្បត្តិ ឬ​ផល​ប្រយោជន៍​​ផ្សេង​ទៀត​ ដែល​ពាក់ព័ន្ធ​នឹង​​លោក ហ៊ីង ប៊ុន​ហៀង។ មិន​ត្រឹម​តែ​​បង្កក​ទ្រព​សម្បត្តិ​​លោក ហ៊ីង ប៊ុនហៀង ប៉ុណ្ណោះ​ទេ សហរដ្ឋ​អាមេរិក ក៏​នឹង​​ហាម​ឃាត់​​ជនជាតិ​​អាមេរិក​​ឯ​ទៀត មិន​​ឲ្យ​​រកស៊ី ឬ​ទាក់ទង​​ជាមួយ​លោក ហ៊ីង​ ប៊ុនហៀង ​នោះ​ឡើយ។

នេះជាករណីទីមួយហើយ ដែល​សហរដ្ឋ​អាមេរិក អនុវត្ត​​វិធានការ​​ក្តៅ ក្នុង​ការ​​ដាក់​ទណ្ឌកម្ម​​លើ​​មន្រ្តី​​នៃ​​របប​លោក ហ៊ុន សែន ដែល​​កំពុង​​រង​ការ​​ថ្កោលទោស​យ៉ាង​​ចាស់​​ដៃ ពី​​សំណាក់​​សហគមន៍​​អន្តរជាតិ ក្នុង​​រឿង​​រំលោភ​សិទ្ធិមនុស្ស និង​បំផ្លាញ​ប្រជាធិបតេយ្យ ក្រោយ​​ពេល​រម្លាយ​​​គណបក្ស​​សង្គ្រោះ​ជាតិ។ ស្រប​ពេល​ជាមួយ​គ្នា​នេះ​ដែរ តំណាង​រាស្រ្ត​សហរដ្ឋអា​មេរិក កំពុង​​តែ​​ពន្លឿន​​ច្បាប់​ស្តីពី​ប្រជាធិបតេយ្យ​​នៅ​កម្ពុជា​ឆ្នាំ​២០១៨ ដើម្បី​​ដាក់​ទណ្ឌកម្ម​បន្ថែម​ ទៅ​លើ​លោក ហ៊ុន សែន និង​ក្រុម​គ្រួសារ ព្រមទាំង​មន្រ្តី​​ជាន់​ខ្ពស់​​ក្នុង​​របប​ភ្នំពេញ​​ដទៃ​ទៀត នា​ពេល​ឆាប់​ៗ ​ខាង​​មុខ​​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

3 Responses to "អាមេរិកដាក់មេកងអង្គរក្សលោក ហ៊ុន សែន ក្នុងបញ្ជីខ្មៅ ដែល​ត្រូវ​បង្កក​ទ្រព្យ​សម្បត្តិ​មុន​គេ"

  1. HIỂU HIỂU says:

    the shit flies in squadron Note as the LACOSTE one-eyed CPP says that he does not have assets in the USA .Ailleurs certainly but these bands of horse dealer knows everywhere the negotiations are done in $$$$$$
    we know that their kids are studying in Western countries and not in China in Russia and especially not in Vietnam.
    So ZORRO IS ARRIVED

  2. roumrith says:

    how do you proclaim the result
    we proclaim by the lowest and we go back
    example n-1 ?, n ect if n = 10 ON VA AVOIR
    10 9 8 7 6 5 4 3 2 1
    Anyway we do not worry about intellectuals and fan of HUN SEN
    in the specific case of លោក ហ៊ុន សែន declares admissible and following it will be ICC

  3. Anonymous says:

    Happy hour has just ended.
    Dictator’s allies start tasting sour cream made from the USA.

Leave a Reply

Submit Comment