សាក្សី​ ២ ​នាក់​ទៀត​ចូល​បំភ្លឺ​តុលាការ​ពី​រឿង លោក​ កឹម សុខា

លោក កឹម សុខា ពេល​នាំ​ខ្លួន​មក​តុលាការ​កាលពី​ពេល​ថ្មីៗ​នេះ​។ រូបថត FN




ភ្នំពេញប៉ុស្តិ៍

ភ្នំពេញៈ មនុស្ស​ ២ ​រូប​បាន​ចូល​បំភ្លឺ​នៅ​សាលាដំបូង​រាជធានី​ភ្នំពេញ​កាលពី​ម្សិលមិញ​ក្នុង​នាម​សាក្សី​ពាក់ព័ន្ធ​នឹង​សំណុំ​រឿង​លោក កឹម សុខា ប៉ុន្តែ​ពួកគេ​បដិសេធ​លម្អិត​ការសាកសួរ​របស់​ចៅក្រម​ស៊ើប​ដោយសារ​ស្ថិត​នៅ​ក្នុង​នីតិវិធី​របស់​តុលាការ​។

សាក្សី​ទាំង​ ២ ​នាក់​រួមមាន​លោក ខឿន វីរ៉ាត់ អតីត​ចៅសង្កាត់រង​ទី​ ១ ​នៃ​សង្កាត់​បឹងទំពុន​ ២ ពី​កូតា​នៃ​អតីត​គណបក្ស​សង្គ្រោះ​ជាតិ​ដែល​បាន​ជាប់​ឆ្នោត​កាលពី​បោះឆ្នោត​ឃុំ​សង្កាត់​ឆ្នាំ​មុន​។ លោក​បាន​ចូល​បំភ្លឺ​នៅ​ពេល​ព្រឹក រយៈពេល​ប្រហែល​ជាង​ ១ ​ម៉ោង​ជាមួយ​ចៅក្រម​ស៊ើបសួរ​លោក គី ឫទ្ធី​។ ចំណែក​សាក្សី​ម្នាក់​ទៀត​គឺ​លោក ហេង ពិសិដ្ឋ ដែល​ជា​អ្នក​គាំទ្រ​អតីត​គណបក្ស​សង្គ្រោះ​ជាតិ​បាន​ចូល​បំភ្លឺ​ពេល​រសៀល​។

ពេល​ចេញ​ពី​បំភ្លឺ​វិញ​លោក ខឿន វីរ៉ាត់ ដែល​ពេល​នេះ​មាន​មុខរបរ​ជា​អ្នក​រត់​រ៉ឺម៉កកង់​៣ បាន​និយាយ​ថា​លោក​បាន​បំពេញ​កាតព្វកិច្ច​ហើយ​។ លោក​និយាយ​ថា​៖ «​ដោយសារ​នីតិវិធី​កំពុង​ដំណើរការ បើ​យើង​និយាយ​វា​ប៉ះពាល់​។ តែ​ខ្ញុំ​បាន​ចូល​បំពេញ​កាតព្វកិច្ច​ក្នុង​នាម​សាក្សី​ដែល​គេ​កោះ​ហៅ​ពាក់ព័ន្ធ​សំណុំ​រឿង​លោក កឹម សុខា​»​។

លោក​បន្ថែម​ថា​៖ «​គេ​ឃើញ​យើង​ជា​សមាជិក​ក្រុមប្រឹក្សា​របស់​គណបក្ស គេ​កោះហៅ​សួរ​ទៅ​»​។ នៅពេល​សួរថា​តើ​លោក​មាន​ទំនាក់ទំនង​ជិតស្និទ្ធ​ជាមួយ​លោក កឹម សុខា​ឬ​យ៉ាង​ណា​បាន​ជា​តុលាការ​កោះ​ហៅ​នោះ​លោក​ថា «​មិន​ដឹង​ឡាន​ឯកឧត្តម កឹម សុខា ជិះ​ម៉ាក​អី​ផង ទៅ​ស្និទ្ធ​មកពី​ណា​? ខ្ញុំ​ដឹង​តែ​កង់​ ៣ ​ខ្ញុំ​ពណ៌​លឿង​»​។

ចំណែក​លោក ហេង ពិសិដ្ឋ បាន​បដិសេធ​ធ្វើ​អត្ថាធិប្បាយ​អំពី​ការសាកសួរ​។

សូម​បញ្ជាក់​ថា​លោក គី ឫទ្ធី កាលពី​ខែ​មុន​បាន​កោះ​ហៅ​មនុស្ស​ ៨ ​នាក់​រួមមាន​អ្នក​គាំទ្រ និង​សមាជិក​គណបក្ស​សង្គ្រោះ​ជាតិ​រួម​ទាំង​មន្ត្រី​អង្គការ​សង្គម​ស៊ីវិល​ឲ្យ​ចូល​បំភ្លឺ​ក្នុង​នាម​សាកស្សី​។ គិត​ត្រឹម​ថ្ងៃ​ម្សិលមិញ សាក្សី​ ៥ ​នាក់​បាន​ចូល​បំភ្លឺ ២ ​នាក់​បាន​​ខកខាន ហើយ​សាក្សី​ចុង​ក្រោយ​ត្រូវ​កំណត់​ឲ្យ​ចូល​បំភ្លឺ​នៅ​ថ្ងៃ​ស្អែក​នេះ​៕


Contact author: នៀម ឆេង

What Next?

Recent Articles

4 Responses to "សាក្សី​ ២ ​នាក់​ទៀត​ចូល​បំភ្លឺ​តុលាការ​ពី​រឿង លោក​ កឹម សុខា"

  1. Free Cambodia says:

    We always told our people about stranger like US. US needs you when you are useful to them. Now look at Sokha, we feel sad because his master has abandoned him. Where is the US when time needed? We always teach our children to learn from someone else mistake because it’s costly when it comes to your own mistake. Wake up and God speed.

  2. Anonymous says:

    Still innocent until proven guilty and not afraid to sacrifice life for freedom and justice just like Mr Free Cambodian said.

  3. James says:

    When you have food and drinks, you have many friends. But when you are in trouble, you find no one to even say hello. Sokha has been accused of crime. But he is innocent until proven guilty in the court of law. We judge a person because of his action not because of his name. US has made many promises to Sokha but at the end US turns its back on him. So sad, I hope people can learn from his mistake.

  4. Anonymous says:

    Sadam Husain said the same way, and was captured alone in a small hole. The people court punished to the end. The Story of strong dictator leader who had 110,000 guards.
    What goes around, will come around!!!!

Leave a Reply

Submit Comment